Tom Kruz ijrosidagi “So’nggi Samuray” filmidan so’ng Kun chiqar yurt madaniyati, hayot tarziga qiziqishim paydo bo’lgan. Biroq, bu gulxancha lip etib yonib, puf etib o’chgan - bola edimda. Shundan so’ng ko’plab suvlar oqib ketdi. 2010 yillar boshida Kianu Rivz bosh rolda bo’lgan “47 Ronin” chiqdi. Film juda maqtashlik bo’lmasada, bu ko’hna madaniyat haqida yana o’ylab ko’rishga undadi, ayniqsa mifalogiyasiga qiziqishimni orttirdi. Shu tariqa o’tmishda unitilgan olam, shuurimda qayta jonlandi.

Bu yil menda yaponcha vayb desam ham bo’ladi. Syogunning yangi va eski talqindagi serialini ko’rib chiqdim, Moviy ko’zli samuray animesini tugatdim, Evangilionni dam olish kunlarida sekin-sekin maydalayapman. Hozir qo’limda Yapon zobiti kitobi.

@vasilbro

Oktyabr borgan sari Brittelning musiqasiga o’xshab bormoqda. Keskin, jiddiy, ammo yoqimli. M-muvozanat. Tinglang, his eting.

Shanba oqshomi

Oyoqni cho’zib film ko’rmaganimga ham ancha bo’lgandi, kecha xumorimdan chiqdim. Quyida filmlar ro’yhati va shaxsiy reytingim.

Begona: Romul (6.5/10)
Yovvoyi Robot (7/10)
Platforma 2 qism (5/10)
Anora (7/10)
Modda (7.5/10)

Kechga borib har biri uchun taqrizlarni joylagum.

To’dalashib kelish.

Real voqea

Onam: qanaqa qiz kerak-a o’zi sanga ? Umrimni yedingku.

Men: GOT bilan Dyunani ko’rmagan bo’lsin.

P.s: Onamni qarashani ifodalab beradigan stiker yo’q ekan.

Qisqa revyular

Platforma II

Ba’zi filmlarning ikkinchi qismini ishlash shunchaki kerak emas, Karl. Masalan Jim Kerry ijrosidagi Niqob filmi barchamizga tanish, ushbu filmning davomi bo’lgan Niqobning o’g’li komediyasi – tarixdagi eng rasvo sikvellardan biri hisoblanadi. Unchalik uzoqqa bormasak ham bo’ladi - Joker va Joker: Ikki kishilik telbalik ham bunga misol. Platformaning ikkinchi qismini ham shular qatoriga qo’rqmay qo’shavering.

Birinchi qism umum qilib aytganda inson egoizmi va uning ortidan kelib chiqadigan muammolarni yaxshi ochib berolgan. O’zgacha surrealistik olam. Ikkinchi qism esa buni takrorladi xolos. Yangilik yo’q. Ayniqsa, ikkala qismning ham bir xil yakunga ega ekanligi bu – eng katta mantiqsizlik. Barcha jin urgur Galderdan dastlabki qismning yakunidagi “Bola” epizodi nimani anglatishi yuzasidan javob kutgandi. Umidlar esa oqlanmadi. Shundoq ham chigal yakun, to’laligicha boshi berk ko’chaga kirib qoldi. Xullas, ko’rgandan ma’no yo’q, tavsiya qilmayman.

Yovvoyi Robot (andak spoiler bor)

Syujet jo’n, ammo bolalar uchun ham iste’mol demografiyasining o’zgarganligini o’zida aks ettirgan. O’lim odatiy va tabiiy holat sifatida olib chiqilgan. Tahsinga loyiq. Biroq, yakunga borib juda ertaknamo ko’rinish olishi umidlarimni biroz oqlamadi. Eng e’tiborimni tortgan jihat, voqealar markazidagi Roz va g’oz o’rtasidagi munosabatlar.

Roz sun’iy intellektga ega robot, u odamlarning vazifalarni bajarish va yumushlarini yengillashtirish uchun yaratilgan. U va g’oz o’rtasidagi munosabatlar bir qarashda yoqimli bo’lsada, o’ylantirib qo’yadi. Robot g’ozni kuzgacha gala bilan uchib ketishini ta’minlash vazifasini oladi va aniq reja tuzib chiqadi:

G’ozni ovqatlantirish
G’ozni suzishga o’rgatish
G’ozni uchishga o’rgatish

Vazifasini a’lo darajada uddalaydi, hamma xursand. Buni A nuqtadan B nuqtaga borish deb xisoblaylik. Ammo, Roz A nuqtadan B nuqtaga qanday qilib bordi ? Burilish nuqtasi shu yerda - u o’z dasturiy ta’minotidan chiqib ketdi, uni qayta yozdi, erkin irodaga ega bo’ldi, ammo vazifani yakunladi. Bu qo’rqinchli, bu xayratlanarli, bu kelajakda yuz berishi mumkin bo’lgan potensial holat. Tavsiya qilaman.

Begona: Romul

Lavkraft bratimning “kosmik dahshat” kontseptsiyasi bor. Oddiy tilda tushuntiradigan bo’lsam: Insoniyat koinotning sirli va tushunib bo’lmaydigan kuchlari qarshisida ojiz – hech narsa emas. Uning asarlari o’zbekchada chop etilsa, zab ish bo’lardi-da (Zabarjad uchun hint). Begona (Alien) franshizasi ham to’laligicha shu kontsepsiya ustiga qurilgan. Buni franshizaning Promitey qismida yanada yaxshiroq his qilish mumkin. Romulda saspens maromida, shonli davrlardagi nostalgik elementlar ham bor, biroq syujet u qadar manzur bo’lmadi. Bir marta ko’rish uchun yaraydi. Ortiqcha gapga hojat yo’q, chunki film to’laligicha syujetdan tashkil topgan.

P.s: Anora va Modda haqida alohida yozgum.

@vasilbro

Dushanbani Grinko bilan yanada g'amginroq o'tkazing.

Erta kelmagan, kecha esa ketmagan.

Musiqa bu...

Kino bu...

San'at bu...

Bokiralik bu…

Aksar odamlar yomg’irni suyadi, ammo ular orasidan sanoqlilarigina yomg’ir ostida bo’lishgan.

Inson tajribadan o’tkazishdan ko’ra, his qilaman, tushunamanga ko’proq moyil.