Kundalikni ochdim. Shundan qatorlar:

Sen meni tushungandek bo‘lganding.
Men esa o‘sha “dek”ni payqamagandim.

Men seni kutmadim. Sen ham kelmading. Hammasi reja bo‘yicha.

Sen yaxshi odamsan.
Men ham.
Lekin bu yetarli bo‘lmadi.

Ba’zan seni
yomon ko‘rib eslayman.
Ba’zan yaxshi ko‘rib unutaman.

Aytmoqchi edim…
keyin tushundim:
sen eshitishni xohlamaysan,
men esa tushuntirishni.

Kecha kimdir menga jilmaydi.
Balki u buni unutar,
lekin men eslab yuraman.

Bir paytlar yozganlarimni o‘qib ko‘rdim.
Ularni yozgan odam hali ham men ekanimga shubham bor.

@vasilbro

Kelasi hafta shanba kuni. Soat 20:00

Unutilgan filmlar mavzusida

Reglament bilan qayta tanishib chiqing

@vasilbro

Spoyler

GOTni ohirigacha ko’rmagan bo’lsangiz: o’qimang va videoni ko’rmang.

Bu teoriya mantiqli bo’lib tuyulaveradi. Ayniqsa Branning insoniylikdan holi ongga ega bo’lgan holida aytgan so’zlari:

Tirion: Yetti qirollikni boshqarishga rozilik bildirasizmi ?

Bran: Shuncha yo‘lni nega bosib keldim, deb o‘ylaysan ?

Bu haqida yozarman balki )

@vasilbro

Har quizda Karllar )

Instagramda so’nggi ikki kun ichida olti marta qarshimdan chiqdi. Ko’rvora qoldim.

Film sayoz, o’ylangan g’oyaga nisbatan realizatsiya abgor holatda. Katta yoshdagilar uchun deb bo’lmaydi, bolalar uchun ham. O’rtada - arosatda qolgan. Ssenaristlar juda erinchoqlik qilgandek tuyuldi, zotan o’tish sahnalari, bog’lamlar beo’xshov chiqqan. Qisqa taassurotim shul erur.

@vasilbro

Yolg’izlik tushunchasining o’zgarib borishi

Bugungi kunda odamlar ijtimoiy tarmoqlar orqali bir-biri bilan doimiy aloqadalar. Har qanday vaqtda kim bilandir yozishish, videoqo‘ng‘iroq qilish yoki fikr almashish mumkin. Ammo, shu bilan birga, hech qachon bunchalik ko‘p odam o‘zini yolg‘iz his qilmagan.

Bundan 100 yil oldin odam yolg‘izlikni his qilsa, bu tabiiy holatligi uchungina edi: atrofida hech kim yo’q, shu vajdan yolg‘iz bo’lish tushunarli. Hozir esa ekranda yuzlab odamlarning hayoti aks etib turgan bo‘lsa ham, ko‘pchilik o‘zini esdan chiqarilgan yoki begona his qiladi. Dunyo bizning ko‘z oldimizda aylanaveradi, lekin biz unda ishtirok etmaymiz.

Paradoks shuki: biz yolg‘izlikni yo‘q qilish uchun texnologiyalarni yaratdik, lekin aynan shu texnologiya bizni yanada yolg‘izlantirdi.

Xw’vwj xwnydwoe kzzeu agwj zax k‘uhwuiwj… gauej Se-Be k‘ydex mkhwze rw dwiiwoe iqnwggwxhwodwze

Yakshanba oqshomini yana bir bor Zakovatli Uill Hanting bilan o’tkazasan. Yana bir bor qarorini olqishlaysan, qoyil qolasan va dushanba 8 bo’lmay ishga jo’naysan…

Nima uchun boychechakni tutdilar, sim yog‘ochga osdilar? Nima uchun uni qilich bilan chopdilar, baxmal bilan yopdilar?

Javobni quyidagi video orqali topasiz🌱

@insusambil

So’nggi vaqtlarda ko’rgan filmlarim orasida saspens ustiga qurilgan eng yaxshi mistika. Sharq mifologiyasi va rituallariga qiziqqan kimsalar uchun tavsiya qilaman.

@vasilbro

Tanishuv

Yoshi ulug’lardan so’rayman: qanday tanishgansizlar ?

Ko’pchilikning hikoyasi o’xshash. Bari tabiiy yuz bergan: kimdir kutubxonada yonma-yon kitob titkilagan yoki qandaydir navbatda birga turib qolishgan, biror tadbirda yuzlashishgan. Hech kim bu jarayonni maxsus rejalashtirmagan. Suhbat boshlash ham shu zayilda: bir qarash, nim tabassum kifoya bo’lgan.

Bugun esa tanishuvlar ham algoritmlarga bog‘liq. Profil yaratamiz, ehtiyotkorlik bilan surat tanlaymiz, o‘zimizni qanday ko‘rsatish kerakligi haqida o‘ylaymiz. Kimnidir yoqtiramiz, yozamiz, javob kutamiz. Ehtimol suhbat davom etadi, yoki hech qachon boshlanmaydi, onasini emsin.

O’ylab qarasam hayotimda faqat birgina inson bilan hech qanday ijtimoiy tarmoqlarsiz, biror sababsiz, tasodifan tanishgan ekanman. Munosabatlarimiz hali ham iliq.

#useful

Buyuk Britaniyaning mashhur gazetalari haqida qisqacha ma’lumot.

@bagajsiz

O’lim va qizaloq. Frans Van Kuik ijodi

Qizaloq yaylov bo‘ylab yurib borardi. Qo‘lida sariq gullar va momiq. Xayolidan nimalarnidir o’tkizyapti. Ehtimol bemor onasini gullar bilan xursand qilishni o’ylayotgandir yoki singlisi uchun terganmikan, kim bilsin.

O’lim esa qizning sassiz hamrohi.

Manzara go’zal, o‘tloq yashnab turibdi, osmon tiniq. Qizgina hech narsadan shubhalanmayapti - xuddi sen kabi. To’g’rida: yashaysan, kulasan, orzu qilasan, qo‘lingdagi gullarga mahliyo bo‘lasan. Ortingdan o‘lim jim kuzatib boradi, shoshmaydi, chaqirmaydi, qo‘l ham cho‘zmaydi.

Van Kuik buni ortiqcha dramasiz, g‘amgin sokinlik bilan tasvirlagan. Rasmda hech qanday kurash yo’q. Shunchaki hayot va o‘lim yonma-yon borayapti. Na bir-biridan uzoqlashadi, na yaqinlashadi. Doim shunday bo‘lgan, doim shunday bo‘ladi.

Yaxshi kartina. Xonamga osib qo’ygan bo’lardim.

@vasilbro

LOTR

Agar o’qishga imkon bo’lmasa, qayta ko’rish joiz.

@vasilbro

Aktivni qanday ko’tarish mumkin ?

Zahira reja