Pivo fest

Iyundagi festival juda osoyishta o‘tgandi. O’sha oqimdagi, muhitni tushunadigan odamlar. Avgustdagisida esa anshlag kuzatildi - iyundagi festivaldan keyingi piyar ishladi va bu safar “hamma” keldi. Natija: urush-janjal, keraksiz shovqin.

Bu yerda pivo aybdor emas. Ichimlik odamni qo‘pol qilmaydi, aksincha odam o‘zi kim bo‘lsa, shuni ochib beradi. Iyunda muhitni qadrlaydiganlar ko‘p edi, avgustda esa faqat ko‘r-ko‘rona “trendga ergashish” uchun kelganlar ko’p. Ular festivalga kelishmagan, shunchaki bo’kib ichish uchun yig’ilishgan xolos.

Bir narsani tan olish kerak: muhitni hamisha odamlar yaratadi. Gavjumlik bilan madaniyat bir xil emas. Pivo festivalidagi janjal ham shundan: odamlar hurmatni unutgan joyda eng zo‘r format ham xarob bo‘ladi.

Ikki festivalga ham borolmagan omadsiz sifatida yozyapman )

@vasilbro

Aytyapmanku, avgust bo’lmag’ur oy )

Bukovski to’g’ri aytgan, borgan sari o’zim nafratlangan hilqatga aylanib borayapman.

Youtube reelslarida juda ko’p oldimdan chiqadigan bittasi bor: MC ning Zevsi bilan qolgan Zevslarni solishtirish.

Olimplikning asliyati biz bugungacha ko’rgan: donishmand, axloqiy yetuk, mehribon shaxsiyatdan tamomila yiroq. Umuman olganda yunon panteonidagi xudolar orasida eng “horamisi” shu bo’lgan. Oliy Xudo bo’lsada, yunonlarning o’zi uni maishatparast, makkor, shahvatini qondirish yo’lida hech nimadan chekinmaydigan kimsa sifatida e’tirof etib kelishgan.

Aytmoqchimanki, Rassel Krou gavdalantirgan obraz, Zevs asliyatiga eng yaqin kelgani.

Bugun qadrli doʻstim Vasilning @vasilbro nikoh toʻyi, yoshlar baxtli boʻlsin!

Uning uyida mehmon biz - Nurali @santuagaraoflibrary , Lestat @a_pathia va Sadriddin @psixobloguz bahonada Vasilning kutubxonasini “taftish” qilayapmiz:)

@panda_books

Malla sochli Uizlilar oilasi HBO’ning “Garri Potter” seriali uchun jam bo‘lishdi. 🧑‍🦰👨‍🦰

#HarryPotterMax #HBO

@insusambil

Kelib qolgan fikrlar

Villeneuve Dyunasining ikki qismi ham Oskarni ololmadi. Bu haqida yozgandim. Negadir, kecha shu postimni yana o’qidim va xato xulosa qilganimni tushundim. Ehtimol jin urgur hay’atning ham miyasidan shu fikrlar o’tgandir.

Aytmoqchimanki, Villeneuve Dyunasi remeyk emas. Chunki 1984 yil ekranlarga chiqqan film orginallikka da’vo qilmaydi, yo’qdan bor bo’lmagan, balki Frenk Gerbertning asari asosidagi ishlangan ilk kino adaptatsiya xolos. Villeneuve esa o’z yo‘lida 1984-yilgi filmdan andoza olmagan, aksincha, to‘g‘ridan-to‘g‘ri kitobga yuzlanib, o‘z badiiy olamini yaratgan – mutlaq mustaqil yondashuv.

Shunday ekan Dyunaga bo’lgan ehtiromni yanada kuchaytiringlar.

Odamzod eng qimmat vaqtini – tirik ekanini his qiladigan onlarni asosan navbatlarda o‘tkazadi: bankda, do'xtirni kutayotganda, metroda, dorixonada...

Ohirgi ko'rgan filmim Liam Nison va Pamella Andreson ishtirokidagi The Naked Gun bo'ldi. Reytinglari yaxshi bo'lsada, birgina fikrim bor: absurd komediya bugungi kun tomoshabini uchun o'z dolzarbligini yo'qotgan.

Ohirgi o’qigan (o’qiyotgan) kitobim Remarkning Zafar darvozasi - yomon emas.

Chala tashlab ketgan kitobim - Mening otim qirmizi.

Boshlab qo’ygan serialim - Qum odam. Kayf

Yana ikki misra she’r )

©️Ravshan Haqmurod