Men yana bir bor o'qishni xohlaydigan, lekin hech qachon bunday qilmaydigan kitobim bor - Javdarzordagi Xaloskor

Men yana bir bor ko’rishni xohlaydigan, lekin hech qachon bunday qilmaydigan filmim bor - Manchester by the sea

Asiyani bir qo'shig'ida shunday so'zlar keladi:

Млечный путь разделяет нас...
И я пролечу тысячи световых лет
Чтобы сказать привет, просто сказать привет...

Somon yoʻli bizni ajratib turibdi...
Minglab yorugʻlik yilini uchib oʻtaman
Shunchaki "salom" deyish uchun, faqatgina "salom" deyish uchun...

Bu shunchaki PR. E’tiborni yanada loyihaga tortish uchun qilingan ish. Yakunda biror munosib nomzodni qo’yishadi va hamma HBOni olqishlaydi. Nuqta.

Shu video ostida minglab izohlar yozilgan. Aksari: yoshlikdan miyamizni zaharlashgan, bizni bovomizni tahqirlashgan qabilidagi gaplar. Holatni soddaroq ifodalayman:

Uyingizda choy ichib o'tiribsiz, qo'shningiz keldida:

- uyni bo'shat xorami, bugundan men shu yerda yashayman - dedi

Siz, ho'p bo'ladi deb uyingizni bo'shatasizmi ?

Qarshilik bo'ladi, milisa chaqirasiz, boring ana tegishli joyga arz qilasiz, xullas jim turmaysiz. Misol Temurni olaylik, yurishlarida, bosib olgan yerlaridagi xalqlar uchun u - jallod, kalla kesar. Hikoyalarida uni qancha vahshiy deb atashsa ham haqlari bor. Multfilimda ham Mulan afsonasi yoritilgan xolos. Animatsion filmni esa disney ishlagan, rivoyatni buzgan. Asliyatda Mulan Hunlar bilan jang qilmagan, shunchaki disney Hunlarning nomi barchaga tanishligidan foydalangan va ko'proq shovqin ko'tarish maqsadida o'z versiyasini yaratadi. Juda bir katta kashfiyot qilgandek, propaganda qilishga yaraydigan mavzu emas.

Umuman olganda multfilimda vatanga sadoqat yaxshi ochib berilgan. Onasini emsin farzanding shu multni ko'rib, Mete bratni turkiylarga oz-moz aloqadorligini anglaguncha - sochi oqarib, beliga og'riq kirgan bo'ladi. Ehtimol shuni bilmay ham o'tib ketar, vallahi.

Netflix Warner Brosni sotib olyapti. Mahallamizdagi xolalarning gapiga qaraganda shartnoma narhi qariyb 82 milliard aqchani tashkil qilarkan.

Shunday bo’lgan taqdirda qora Ivan Grozniyni ko’rsak ham ajablanmayman.

RASMAN: Netflix Warner Brosni 82,7 milliard dollarga sotib oldi. Bitimga kinostudiya, HBO tarmog‘i va HBO Max kiradi. Muzokaralar boshlanganidan 24 soat o‘tmay kelishuvga erishildi. Bitim Warner Bros kompaniyasi Discovery’dan ajratib olinishi yakunlangach, 2026 yilda yakuniy ko‘rinishga ega bo‘ladi.

Integratsiyadan so‘ng Netflix tarkibiga «Garri Potter», «Taxtlar o‘yini», DC, «Sopranolar oilasi» va «Katta portlash nazariyasi» kabi franshizalar o‘tadi. Shuningdek, bitimga o‘yinlar bo‘limi ham kiradi - Hogwarts Legacy, Mortal Kombat, Batman: Arkham va LEGO-o‘yinlari uchun mas’ul studiyalar.

Netflix Warner Brosning hozirgi faoliyatini, jumladan kino prokatini saqlab qolishini ma’lum qildi, biroq HBO/HBO Max’ning kelajakdagi ishlash tartibi hali aniq emas. Sanoatning o‘zida bosim kuchaymoqda: rejissyorlar va prodyuserlar AQSh kino prokatining kelajagidan xavotirda.

Breaking Badni 2 mavsum 8 qismidaman. Butun hurmat ila aytamanki hozircha serial dues ex machinaga to’lib yotibdi - lazy writing.

Kechirasizlar, kecha sal oshirib yuboribman. Serialning 2010 yil avvalida chiqganligi omadi, agarda 2015 yildan keyin xuddi shu ssenariy bilan ko’rinish berganida 5 mavsumga cho’zilmasdi. Muvaffaqiyat zamonga bog’liq. Keyingi 20 yil ichida serial o’z qiymatini yo’qotadi - mark my words.

GOT ham qiymatini yo’qotishi mumkinmi, degan savol bo’lishi tabiiy. Ehtimoli juda kam. Chunki bolaligingda turli fentezi filmlar, multlar, ertaklar eshtib katta bo’lasan. Bu qon, qonginga singib ketadi. Vaholanki katta bo’lganingda ham senga ertak juda zarur. GOT shu nuqtada hech qachon o’z qiymatini yo’qotmaydi, u kattalar uchun mo’ljallangan ertak.

Shu ikki serial solishtirilganda doim GOT ning ohirgi mavsumi eslanadi. Breaking Badning dastlabki 2 mavsumi qanaqasiga bunchalik yuqori ball olganligini esa emotsiyaga berilmay, xolis tushuntirib berolmaysan.

Ya’ni:

Dunyo yuzini ko‘rgan paytingdayoq sen uchun ism, davlat, din va mansublikni belgilab qo‘yishadi va sen butun umr davomida hech qachon o‘zing tanlamagan narsalar uchun kurashasan.

Ijtimoiy tarmoqlarda yuqoridagi gapni Shopengauer bovom aytgan, deb tarqatishyapti. Aslida bovom shunga yaqin palsapani ilgari surgan. Qiziqib, o’qib ko’ringlar qarashlarini.

Butun dunyo bo’lmasada, shu uch ming odam bilib qo’ygani yaxshi.

31 dekabr yaqinlashavergani sari oq soqolli, mayda-chuyda sovg'alar berib yuradigan amakining mavzusi yana ko’tarilishni boshlaydi. Mavsumiy “g’alayonchalar”. Shu xususida ozroq qoralama qilib ketmoqchiman.

Santa Klaus

Tarixan Santani Avliyo Nikolay bilan bog’lashsada, bolalikdan film-u, multfilmlarda ko’rib katta bo’lgan Santamiz XX asrning o’ttizinchi yillarida Coca-Cola tomonidan yaratilgan obraz xolos. Ilgarilari Santaning hamma tomonidan qabul qilingan umumbashariy ko’rinishi mavjud bo’lmagan. Ya’ni qizil yorqin libos, oq soqol va katta qorinli amakining tarixi 100 yildan oshmaydi. Santani to’g’ridan-to’g’ri din bilan bog’lash ham noto’g’ri, u yuzlab yillar davomida falklorlar va turli madaniyatlarning rivoyatlari natijasida shakllangan qahramon xolos. Masalan bizda ham din bilan bog'lanmagan, biroq ko'p tilga olinadigan bittasi bor - Alpomish. Hatto, aslida mavjud bo'lmagan kimsa sharafiga Alpomish nishoni ta'sis etilgan.

Qor bobo

Qor bobo va Santa Klaus ikki xil odam. Ha, Karl sen ko’rgan, bug’ular ulangan chanani boshqarib ketayotgan qariya Qor bobo emas. Sovetlar diniy va turli kapitalistik g’oyalardan xoli bayram yaratishadi - bu Yangi yil kuni edi. Katoliklar 25 dekabr Iso (a.s)ning tug’ulgan kuni (рождество) nishonlashsa, Sovetlar o’zlari uchun alohida bayram joriy qilishadi. Bayramga esa yangi qahramon kerak, vualya – Qor bobo. Bu ham XX asrning o’ttizinchi yillariga to’g’ri keladi. Ha, yana bir narsa Santaning kiyimi qizil bo’lsa, Qor boboniki ko’k rangda.

Shuni aytmoqchimanki, Qor bobo va Santani din bilan bog’lamang. 31-dekabr esa diniy bayram emas, bundan ming yil avval ham bo’lmagan. O’zbekiston ham islomiy davlat emas, aksincha asosiy qismini musulmonlar tashkil etuvchi sekulyar davlat. Bu degani davlat boshqaruv markazida din emas, qonun turadi.

Bitta hint berib ketaman. Turli videolar chiqishni boshlaydiku, Santa aslida yovuz ruh, iblis bo’lgan qabilidagi – Krampus haqida o’zingiz izlanib, o’qib ko’ring.

P.s: Qayta joylandi, aktual mavzu.

@vasilbro

Anchadan beri yaqinlikni simulyatsiya qilaman, buni yashirib ham o’tirmayman: kimgadir layk bosaman, emoji yuboraman, “qandaysan” deb so‘rayman. Bu savol etika uchun beriladi, javob uchun emas. Chunki haqiqiy javob kelib qolsa, nima qilishni bilmayman. Kimdir “yaxshi emasman” desa, suhbatni davom ettirish, tinglash, yonida turish kerak bo‘ladi. Bu esa vaqt, kuch talab qiladi. Eng asosiysi bu meni bezovta qiladi. Shu bois ekran ortida qolish afzalroq. Telefon masofani saqlab beradi. Unda sukunat xavfli emas, javob bermaslik uyat hisoblanmaydi, suhbatni esa xohlagan payt yopish mumkin.

15 dekabr

Oila qurganimga 4 oy bo’ldi.

Onamning tug’ulgan kuni.

Ayni soatlarda ikkinchi bor tog’a bo’ldim.

va 15-dekabr butun jahon choy kuni. Bir paytlar aytganimdek choyni yolg’iz ichib bo’lmaydi. Bugun 3 karra sabab bor )

Ammo, men vino ichaman.