Yangi qonun (muhokamada)

O’zbekistonda qarindoshlar o’rtasidagi nikohlar taqiqlanishi mumkin. Amaldagi qonun bo‘yicha faqat "to‘g‘ri shajara" ota-ona va bolalar, bobo-buva va nabiralar hamda tug‘ishgan aka-ukalar/opa-singillar o‘rtasida nikoh taqiqlangan edi.

Yangi loyihaga ko‘ra, bu ro‘yxat kengaytirilmoqda. Yon shajara bo‘yicha qarindoshlar: amakivachchalar, xolavachchalar, tog‘avachchalar va ammavachchalar o‘rtasidagi nikoh ham taqiq ostiga olinishi kutilmoqda.

Uyqu kelmagandan shu filmni ko’rib chiqdim. Yoqqan tomoni klassik horror ramkasidan chiqishga harakat qilishganida bo’ldi. Qisman bunga erishilgan ham. Dastlabki bir soat zo’r. Taranglik bor, noaniqlik bor, shunchaki jamp skeyrlar bilan emas, psixologik noqulaylik bilan qo’rqitishga harakat bor. Umidli edim, lekin juda kuchli boshlanish, o’ta sentimental finalga evrilib ketdi. O’zmizni tilda aytadigan bo’lsam, Dostoyevskiydek boshlab, Elchin Safarlidek tugatishdi. Afsus, potensial bor edi.

Adolescence - o’smirlik davri

Ishtaham ochilib ketdi, yo’limdan chiqqanini tuz-puziga qaramay yutvoryapman.

Tak serial olib chiqqan muammo dolzarb, ijro kosmik darajada, jarayon esa zerikarli. Ijtimoiy tarmoqlarning salbiy tarafi, ruhiy yetimlik, tabqalanish va kamsitilish - ochig’i bu yangi narsa emas. Buni kuzatish esa bir vaqting o’zida odamni ezadi va xafsalasini pir qiladi.

Ijtimoiy tarmoqlar bo’lmagan kezlarda, o’spirinlar ongidagi bo’shliqni boshqa narsalar to’ldirgan. Misol uchun Gyotening “Yosh Verterning iztiroblari” asari 18 asr yoshlariga shundayin ta’sir qilganki, yevropada “Verter effekti” paydo bo’ladi. Yoshlar asar qahramoni kabi kiyinishga o’tishadi va xuddi u kabi o’z joniga qasd qilish to’lqini boshlanadi. Kitobni yoshlar ongini buzuvchi vosita deb e’lon qilishadi. 19 asr o’smirlari orasida esa Bayronizm va nigilizm avjiga chiqadi. Oqibatda esa davr yoshlari duelga chiqishni, jamiyatga qarshi borishni va o’lim bilan o’ynashishni modaga aylantirishadi.

O‘smirlik shaxsning "men"ini izlash, jamiyat qoliplariga isyon qilish va ekzistensial yolg‘izlikni his qilish davri ekanligini tushunish kerak. Bu biologik va psixologik jarayon, u texnologiyaga bog‘liq emas. O‘smir qaysi asrda yashamasin, u doim tushunmovchilik, sevgi iztirobi va kattalar dunyosining adolatsizligidan azob chekkan. Yana qaytaraman, mavzu doim dolzarb, lekin jarayonni kuzatish juda zerikarli.

Shunchaki yoqmadi deb yozgim kelmadi.

Kecha muqaddas kun bo’lganligini hisobga olib, Tolkin olami ekranizatsiyasining eng universal hamda ilg’ash qiyin bo’lgan aktyori Jed Brofining rollari haqida qisqacha so’z yuritgaymiz.

Uzuklar hukmdori trilogiyasi

Brofi trilogiyada asosan grim ostida va kaskadyor sifatida ko'rinish bergan.

Nazgul: Uzuk birodarligi filmida Frodo va uning hamrohlarini ta'qib qilgan to'qqiz chavandozdan biri.

Elf: Uzuk birodarligi muqaddimasida Dagorlad tekisligidagi So'nggi Ittifoq jangida qatnashgan. Shuningdek, Qirolning qaytishi qismida Arven bilan birga Kulrang bandargohga ketayotgan elflardan biri bo'lgan.

Xobbit: Bilboning 111 yoshli tug'ilgan kunida ishtirok etgan xobbitlardan biri sifatida ham ko’rinish bergan.

Snaga (Ork): Ikki qal'a filmida Merry va Pippinni asirga olgan orklardan biri sifatida paydo bo’ladi. Eslasangiz, och qolib, xobbitlarni yeyishni xohlagan, ammo Uruk-xay tomonidan o'ldirilgan ork bor edi - shu bratda.

Sharku (Ork): Ikki qal'a filmida Varg chavandozlarining boshlig'i sifatida Rohan xalqiga qarshi hujumda qatnashgan.

Rohan askari: Paradoksni qarangki aynan Ikki qal'a filmida Rohirrim askarlaridan birini ham o’ynagan.

Xobbit trilogiyasi

Navbatdagi trilogiyada esa asosiy qahramonlardan biri Nori qiyofasida namoyon bo'ladi.

Qudrat uzuklari seriali

Aktyorni serialga ham taklif etishadi. An'anaviy ork roliga albatta.

Vrath: Adar boshchiligidagi orklar guruhining a'zosi.

Boshqa orklar: Serialning turli epizodlarida ovchi orklar qiyofasida ham ko'rinish bergan.

Jed Brofi nafaqat yaxshi aktyor, balki juda mahoratli chavandoz hisoblanadi. Piter Jekson uni murakkab sahnalarni ishonchli ijro etishi va grimda ishlashga chidamliligi uchun juda qadrlagan. Xulosa qilib aytganda:

One ring to rule them all emas One actor to play them all.

Nikoh ittifoqi

Ilgari nikoh kattalar hayotiga kirish nuqtasi, uning ilk qadamlaridan biri edi. Bugun esa uzoq davom etgan shaxsiy kechinmalardan keyingi so‘nggi bosqich, ya’ni katta hayotning kulminatsiyasiga aylandi. Endilikda odamlar avval karyera qurishi, yolg‘iz yashab ko‘rishi, sayohat qilishi, yillar davomida munosabatlar ichida sarson bo‘lishi va shundan keyingina nikohdan o‘tishi kerak deb hisoblanadi.

To‘y poydevordan sovringa aylandi. Oila yoshlarga o‘ziga nisbatan ishonch beradigan barqaror tayanch emas, balki hayot allaqachon izga tushgach erishiladigan yakuniy yutuq bo‘lib qoldi.

Aynan shu sababli ham hozirda odamlar kamroq turmush qurmoqdalar.

©️Rashev

Bratim bu bilan ijtimoiy modelning o'zgarganligini, ilgari oila birgalikda oyoqqa turish uchun qurilardi, hozir esa hamma narsaga erishib bo'lingach, muvaffaqiyatli hayotning tasdig'i sifatida qurilmoqda demoqchi vallahi.

Bolalik travmangizga sabab bo‘lgan film qaysi ?

Menda: Silent Hill

Oshga piyozni tashladim, yana Hobbitni boshladim )

Qiziq. Drako Malfoyning Garri Potter filmlaridagi ekran vaqtlari:

Garri Potter va Falsafa toshi - 4 daqiqa 15 soniya

Garri Potter va Maxfiy hujra - 7 daqiqa

Garri Potter va Azkaban mahbusi - 4 daqiqa

Garri Potter Olov kubogi - 2 daqiqa 15 soniya

Garri Potter va Feniks jamiyati - 1 daqiqa 15 soniya

Garri Potter va Chalazod shahzoda - 8 daqiqa 15 soniya

Garri Potter va Ajal tuhfalari - 4 daqiqa 45 soniya

Umumiy 31 daqiqa 45 soniya.

Hobbit trilogiyasi tugab, navbat Uzuklar hukmdoriga yetganda sizlarga aytar so’zim bor.

Ko’pchilikning e’tiborini tortgan bo’lsa kerak, Hobbitda Birlik uzukining aqldan ozdiruvchi, buzuvchi kuchi deyarli sezilmaydi. Xususan Gendalf ham uzukni ko’rsada, hech shubhaga bormaydi, oddiy sehrli uzuk, deb o’ylaydi xolos. Aslida ham shunday bo’lgan.

Tolkin Hobbitni yoza boshlagan kezlarida uzukni shunchaki ko’rinmaslik qobilyatini beruvchi sehrli matah sifatida e’tirof etgan. Sauron bilan bog’liqlik joyi ham bo’lmagan. Gollum ham topishmoq o’yinida yutqazgandan so’ng, adolatli tarzda va’dasini bajarib, Bilboni g‘ordan chiqish yo‘liga olib borgan. Uzuk yo’qolganini payqaganda esa afsuslanib qo’ygan xolos. Keyinchalik professor Uzuklar hukmdorida Bilbodagi uzukni Birlik uzukiga aylantirgach, yuqoridagi sahnani yetarlicha qorong’u deb hisoblamay, g’or qismini qayta yozib chiqadi. Bu gal uzukni yo’qotgan Gollum g’azablanib, Bilboni o’g’rilikda ayblab, uni yemoqchi bo’ladi. Shunqa gaplar.

Yana bir narsa

Uzuklar hukmdori trilogiyasini dastlab Kventin Tarantino suratga olish ehtimoli ham bo'lgan. Tasavvur qilyapsanmi, Karl - Tarantino. Shunday bo'lgan taqdirda, o'ta qonli sahnalar va uzundan-uzun dialoglar guvohi bo'lardik )

Agarda Tolkin haqida biografik film olinsa, qarilik davrini Jonatan Prays o'ynashi kerak. Sal semirsa bo'lgani )

Bu haqida oldin ham yozganman. Ko'rishingiz uchun matvassa:

Uzuklar hukmdori: Uzuk birodarligining ekran vaqti - 2 soat 58 daqiqa 24 soniya.

Rejissyorlik versiyasining ekran vaqti - 3 soat 48 daqiqa 10 soniya

Yana bir qiziq ma'lumot: Frodo Mordor tomon yo'l olayotganda 50 yoshda bo'lgan )

Frodo uzukni olgan vaqtda 33 yoshda edi. Gendalf esa uzukning mohiyatini aniqlash uchun Minas Tirit kutubxonasiga ketadi. Filmda bu ko'z yumib ochguncha o'tib ketadigan sahna, aslida 17 yil vaqtni oladi. Gendalf uzuk Sauronga tegishli ekanligni anqilab Shirga qaytib kelganda Frodo 50 yoshda edi.

Rutubeda kino ko’rishma.

Rus zabon ijtimoiy tarmoq foydalanuvchilari orasida ommaviy norozilik. Rutube Garri Potterning ruscha dublyajiga reklamalar joylashtirmoqda (har bir qismiga).

Garri: mani aqcham yo’q.

Hagrid: monov sehrli bankda aqchang bor. Bu yerdanda xavfsiz joyni topolmaysan, bola. Lekin, manga ko'roq Alfa bank yoqadi. Ayniqsa legendarniy kredit kartalari mo’jizaning o’zi. 60 kungacha foizsiz va keshbeklari bor, onasini emsin.

Garri: bu yerdan chiqib, Alfa bankga o’tamizami ?

Hagrid: Albatta, yopta.

Orginal, shu bilan birga hurmatsizlik.

Kuzatuvim bo’yicha kanalda Tarantino ijodi bilan endi tanishayotganlar bor. Pulp-mulp demasdan, maslahatimga amal qilsangiz, kam bo’lmaysiz:

Rejissyor ijodidan dastlabki ko’rishingiz kerak bo’lgan film: The Hateful Eight. Tarantinoning dramaturgiya jihatidan eng yaxshi ishi.

Keyingi film: Inglourious Basterds. Tarantinoning eng mukammal ishi.

Shu ikki filmdan keyin qolganlarini ko’rsangiz bo’ladi.