Kitob o'qiyotganda musiqa tinglamoqchi bo'lsangiz, Erik Satiening Gnossiennes turkumini tanlang.

Yakunlanganidan so'ng, ketidan Shopenning Nocturne in C Sharp Minorini ulab keting.

Syujet o‘ta sodda. Noziktabiat boyvachchaning suvga tushib ketishi, uni yomon amaki qutqarishi va qahramonning azoblar ichida haqiqiy erkakka aylanishi. Muallif bu yerda yangilik yaratmagan, shunchaki tayyor sxemadan foydalangan.

Asarning eng zaif nuqtasi ayol obrazining paydo bo’lishida, ungacha ikki erkakning jiddiy, shafqatsiz va haqiqiy intellektual to‘qnashuvini kuzatayotgan edim. Ayol kelishi bilan asar mantiqan yakson bo‘ldi. Shafqatsiz dengiz dramasi o’rnini o‘rtamiyona va biroz erish sentimental roman egalladi. London go’yoki bozor talabi uchun asarga romantikani majburan tiqishtirgan, huddi Golivudda keraksiz joyga seks tiqishtirishgani kabi. Bu esa hikoyaning shiddatini o‘ldirdi.

London realizm ustasi hisoblansa-da, asar yakuni mantiqan juda arzon. Butun boshli okeanda adashib yurib, aynan kapitan bilan qayta to’qnash kelish va birdaniga qutqarilish muallifning chorasizligidan boshqa narsa emas. Muallif o‘zi boshlagan falsafiy bahsni qanday yakunlashni bilmagach, mo’jiza orqali nuqta qo‘yishga urungan va shunday ham qilgan. Bu esa asarning falsafiy yukini pasaytirib, uni oddiy sarguzashtli ertak darajasiga tushirib qo’ygan.

Asarning eng katta muammolaridan biri esa unda qon va go’shtdan yaratilgan tirik odamlar yo’qligida. Bu yerda o’quvchiga tuyg’u berish emas, faqat ma’lumot berish ko‘zlangan. Kitobni yopishingiz bilan qahramonlar ismi ham, ularning taqdiri ham esingizdan chiqib ketadi. Chunki hissiyot yo’q joyda xotira ham ildiz otmaydi. London esa faqat quruq mantiqiy konstruksiyalar qurgan. Ular mustahkam ko’ringani bilan, ichi bo’sh. Agar vaqtingiz ko’p bo’lsa, intellektual mashq uchun o’qib qo’ysa bo’ladi.

P.s: ohirgi marta, salkam bir yil oldin shu kitobga taqriz yozgan ekanman. Tinchlik bo'laversin )

@vasilbro

Gabriel Garsia Markes - Ulkan qanotli mo'ysafid. Bugunning 21 daqiqasini mazmunli o'tkazish uchun imkon )

Madina Musayeva o'qidi.

Yana bitta qizu narsa.

Tilimizda bir ajoyib metamorfoza bor. Ayonki barchamiz O’zbekiston fuqarosimiz. Arab tilida faqir (kambag‘al, ehtiyojmand) so‘zining ko‘plik shakli - fuqaro hisoblanadi. Ya’ni, qoidaga ko‘ra:

Faqir - 1 kishi

Fuqaro - ko‘p kishilar

Vaqt o‘tishi bilan turkiy tillarda, xususan o‘zbek tilida, bu so‘z o‘zining kambag‘allik ma’nosini yo‘qotib, davlatga tegishli shaxs ma’nosiga ko‘chgan. Qiziq tomoni shundaki, biz hozir fuqaro so‘zini birlikda ishlatamiz, masalan bir fuqaro keldi va lar qo‘shimchasini qo‘shib, fuqarolar deymiz.

Asarda rivojlanish yo’q, voqealar doira bo’lib aylanaveradi: juma keladi, pochta kemasi keladi, xat yo‘q, va yana ochlik. Markes o‘quvchini ham qahramon kabi bitta nuqtada depsinishga majbur qiladi. Bu uslub psixologik jihatdan kuchli bo‘lishi mumkin, lekin o‘quvchi sifatida turg‘unlikdan charchadim. Biroq, qariya ochlikni shunchalik realistik tasvirlaganki, Polkovnikning oshqozonidagi og‘riqni his qilsa bo’ladi. Lekin, lekin va yana lekini bor…

Agar kitobxon asarni tushunish uchun Markesning Parijdagi mehmonxonada pulsiz yashagani yoki bobosi polkovnik bo‘lganini qidirib yurishga majbur bo‘lsa, demak, yozuvchi o‘z g‘oyasini badiiy tilda to‘liq ochib bera olmagan. Muallifning biografiyasi asarning kamchiliklarini yopish uchun pardoz vazifasini o‘tamasligi kerak. Palkovnikning ahmoqona kutishi, Markesning shaxsiy tajribasi bo‘lgani uchun emas, balki asarning mantiqiy markazi bo‘lgani uchun tanqid qilinishi shart.

Muallif so‘zlarni chiroyli tizgan bo‘lishi mumkin, ammo asar hech qanaqasiga e’tirof etilganchalik buyuk umid haqida emas.

@vasilbro

Hozir buk bloggerlar har qachongidan ham ko’p. Ba’zida tasodifan sahifalariga kirib qolaman, miqdorlar shunchaki astronomik: kimdir bir oyda 10 ta, kimdir 15 ta, yana biri deyarli 20 taga yaqin kitobni o’qiganini da’vo qiladi. Mualliflar ham etni jimirlatadi: Kafkadan tortib Dostoyevskiygacha. Go‘yo bu bachalar nonushtaga Metamorfozani yeb, tushlikda Aka-uka Karamazovlar bilan choy ichishadigandek. Hayotda boshqa qiladigan ishinglar yo’qmi, onasini emsin ? Agar raqamlar rost bo’lsa, kontent uchun bunchalik umrni zavol qilish yaramaydi. Menimcha, Dostoyevskiy ham o‘zining jiddiy asarlari instagramda estetik rasm uchun fon bo‘lib xizmat qilayotganini ko‘rsa, Peterburg ko‘chalarida yana bir bor tushkunlikka tushgan va araqdan bo'kib ichgan bo’lardi. Shu yerni ham musobaqa maydoni qilmanglar.

Kechagi yozganlarim ayrimlarning diliga tegib, xafa qilib qo‘yibdi. Bundan zarracha pushaymon emasman. Aksincha, agar gaplarim kimningdir shaxsiy rivojlanish haqidagi shirin va pushti rang orzularini sindirgan bo‘lsa, zap ish bo’libdi.

Yaxshi gumon qilmaslikda ayblashyapti. Men kitobga yoki mutolaaga hujum qilganim yo‘q, shunchaki kitobni ijtimoiy tarmoqlar uchun estetik fonga aylantirgan kimsalarni biroz qitiqlab qo'ydim, xolos. Agar o‘sha o‘qilgan o‘nlab kitoblar insonning dunyoqarashini, tili va mantiqini o‘zgartirmasa, bir oyda 20 ta kitob o‘qib turib, hali ham mantiqiy tanqidni ko‘ngil og‘rig‘i darajasida qabul qilayotgan bo‘lsangiz, demak, o‘sha Kafka va Dostoyevskiylar bekorga o‘qilibdi.

Battar bo'linglar demayman, shunchaki sal samimiyroq bo'linglar.

Ves Andersonning Grand Budapesht mehmonxonasidagi ayni shu sahna filmdagi eng aykonik momentlardan biri. Lekin menga eng g'alati sahna bo'lib tuyuladi. Mantiqan qarasak: Jopling viskini olish uchun tugmalarini yechib-qadashi, ichib bo‘lgach, shishani cho‘ntagiga solish uchun yana xuddi shu amalni takrorlashi kerak. Ammo, ikkala holatda ham tugmalarni qadash ko'rsatilmagan. Bu bilan Joplingni o'ta sovuq va perfektsionist qilib ko'rsatmoqchi bo'lishgandir. Lekin bu mexanik jarayon to‘liq ko‘rsatilganda, sahnadagi taranglik yo‘qolib, kulgili absurd hosil bo'lardi. Xullas, Prada uchun qilingan yaxshi reklamani ko'rganmiz.

Mana o’sha sevimli filmimdagi ikonik Prada kiyimi (tagida Vasil yozganlari fakti) va ichimlik idishlarini hayotda koʻrgan men.

Wes Andersonning shaxsiy kolleksiyasi taqdimotidan, London.
@boredpandablog

So’rovnoma natijalariga ko’ra Lord Voldemort - Barcha davrlarning eng buyuk yovuzi deb topildi.

Yangi sayohat boshlanmoqda. Ozodlik haykaliga 7 soat sarfladim - juda mayda detallari ko’p edi. Bu galgisi osonroq kechadiyov )

Kolleksiya uchun yaxshi variant ekan. To’plamda umumiy 100 ta obyekt bor.