Shu kunlarda Midnight Mass serialini ko’ryapman. Juda didimga o’tirdi. Dinamikasi maromida, ayniqsa dialoglari kayf. Kecha beshinchi qismini tugatdim. Yuqoridagi rasmni spoylersiz tushuntirishga harakat qilaman.

GOOD FRID4Y MASS 8pm
E4STER V1G1L S4T MIDN1GHT

A-4, I-1 ga o’zgartirilgan. Buni serial voqealari sodir bo’layotgan orolning iqtisodiy ahvoli rasvoligi bilan izohlash mumkin. Ya’ni ma’muriyatda yetishmayotgan harflarni xarid qilishga aqcha yo’q. Lekin, serial qanday motivlar ustiga qurilganini hisobga olsak, bu yerda boshqa narsa ham bor:

Ijodkorlar muqaddas bayram nomini taxtada buzib yozilishi oroldagi imon va dinning ham aynan shunday buzilayotganiga vizual metafora berib ketishgan. Ruhoniylar Xudoning so‘zlarini xuddi shu harflar kabi o‘zlariga moslab, teskari talqin qilisha boshlashgani, muqaddas kalomlar ortiga qonxo’rlik yashiringaniga ishora bu. Qo’shimchasiga internet madaniyatida harflarni sonlar bilan almashtirish - Leet speak tizimni ichidan buzuvchi xakerlar tilidir. Cherkov peshlavhasidagi yozuv ham ichkariga begona va halokatli narsa kirib olganidan darakdir.

Darajani shunday kichik detallar ham belgilab beradi. Tomoshabinning ko’zi shunchaki harf yetishmovchiligini ko‘rib, o’tib ketishi mumkin bo’lgan oddiy cherkov taxtasi, butun boshli serialning g’oyaviy poydevorini o’zida ushlab turibdi.

O’zim ham yaqinda bildim - sonoselikafobiyam bor ekan.

Hech qachon biror to’y-maraka yoki bazm oldidan soch oldirmang.

Bukbloggerlik kursi ochishibdimush. Narxlari uch million aqcha emish.

Men ham “Kino ko’rish” degan kurs ochsammikan ?

Kino ko’rish kursi qanday xizmatlarni taklif qiladi ?

Ko’zni pirpiratmslik texnikasi

Nolanning filmlarini ko’rayotganda bitta kadrni o’tkazib yuborsangiz, butun syujet zanjiri uziladi. Maxsus tayyorlangan darsligim sizga 2,5 soat davomida ko‘zni umuman pirpiratmaslik texnikasini o’rgatadi.

Fincherning ranglar palitrasi

Devid Fincher filmlaridagi yashil va sarg’ish tuslarni shunchaki ko’rish kamlik qiladi. Kursimizda o’sha ranglarning deonizatsiyalangan hidi va sarg’ish rang kelganda miyada qanday qilib depressiv neyronlar uyg’otishni amalda sinab ko’rasiz.

Tarantinoning fut-fetishizmi

Kino olamidagi eng muhim a’zoni, ya’ni oyoq kaftlarini ekranda ko‘rganda qanday qilib buni kinematografiya cho‘qqisi deb baholash bo‘yicha 4 soatlik intensiv vebinar.

Subtitr o‘qish tezligini sekundiga 400 tagacha oshirish

Original tilda film ko‘rayotganda qahramonning yuziga qarashga ulgurmayotganlar uchun ko’z soqqasini chapdan o’ngga sekundiga 70 marta harakatlantirish bo‘yicha tibbiy trenajyorlar bilan ishlash.

Bonuslar

- Film boshlanishi bilan, hali hech narsa bo’lmasdan, xotiningiz yoki do’stlaringizga qarab: Bosh qahramon aslida yo‘q, bularning hammasi uning miyasidagi tasavvur deb filmning olovini qochirish va genius maqomini olish bo‘yicha psixologik trening.

- Sizga hech kim tushunmaydigan, ichida metafora, postmodernizm dekonstruksiyasi, antropologik inqiroz degan so‘zlar qatnashgan, lekin o‘zingiz ham nima haqida ekanligini bilmaydigan 3000 so‘zlik sharh yozish shablonini beraman.

Qiziquvchilar bo’lsa @vasilbro_bot ga murojaat qilinglar. Kurs narxi - 500 ming.

Dushanba yangi hayot boshlash kerak degan fikr faqat tushlikka qadar yashaydigan kun.

Dushanba yana qanday kun bilasizmi ? Dushanba kechasi soat 3 da “hali erta” deganing uchun o’zingni so’kadigan kun. Vot ertalab 4 gacha shu filmni ko'rib chiqdim.

Aktyorlar - zo'r
Ijro - zo'r
Ssenariy - yaxshi
Dinamikasi - yaxshi

Bu mavzudan oz-moz xabarim bo'lgani sababli, aytishim mumkinki, asl voqea kinodagidan ancha qiziq va dramatikroq kechgan. Lekin, ekran vaqti bu protssesni to'liqligicha ochib berishga po faktu yetmasdi, shundoq ham ikki yarim soat. Iloji boricha harakat qilishgan, umuman olganda 4-5 qismli mini serial ishlansa maqsadga muvofiq bo'lardi. Eng ko'p Russel Krou uchun xursandman, 2010 dan buyog'iga o'zi loyiq bo'lgan darajadagi rollari kam edi, Geringni yaxshi o'ynagan.

Nu filmning ayni Isroil-Falastin bir-biri bilan qon talash bo'lib, dunyo jamoatchiligida Isroilga bo'lgan simpatya kamayayotgan davrda Xolokost mavzusini yana eslatishi siyosiy buyurtmaga o'xshab qolgan. Agar shunday bo'lsa, propaganda teskari ishlayapti, chunki filmni ko'rgandan, ko'rmagan ko'p va ayni ko'rmaganlar (aniqrog'i reels kuzatuvchilari) Rassel Krou ijrosidagi mag'rur, o'limdan qo'rqmaydigan, g'oyasiga sodiq va tiz cho'kmagan reyxsmarskal obraziga maftun bo'lib qolishmoqda.

Mustaqil loyiha sifatida baholsam 7/10

Ajdar Xonadoni serialining 3 mavsumi IMDB reytingida 9.6 ballga ega bo'lib turibdi.

1 qism - 9.3 ball
2 qism - 9.7 ball
3 qism - 9.7 ball

Birinchi mavsumdan qayta ko'rishlik joyi )

Kitob targ’ibotida ma’lum bir asarni yaxshi yoki yomon deb baholash normal holat. Biroq

Agar falon ulug’ shaxslar hozir tirik bo‘lganida, birinchilardan bo‘lib shu kitobni trendga chiqargan bo‘lardi

deyish mutloq manipulyatsiyadir. Bu orqali o’quvchiga tanlov qoldirmayapsiz, ya’ni agar sen shu kitobni o’qimasang yoki ma’qullamasang, go’yoki o’sha ulug’ zotlarning qadriyatiga qarshi chiqqandek tuyulasan. Reklamada bunday ma’naviy shantaj usullaridan foydalanish adabiyotning ham, dinning ham tabiatiga ziddir.
 
Videoda aytilgan oilaviy, ijtimoiy mavzudagi asarlarning jamiyatda o’z o’rni bordir va ularni mutloq foydasiz deb bo’lmaydi. Kitob chop etilyaptimi, demak uning o’quvchisi bor. Ammo, muammo kitobning o’zida emas, uning sotilish metodikasida. Haqiqiy kitobxonlik insonda shaxsiy, tanqidiy va tahliliy tafakkurning shakllanishi demakdir. Qachonki auditoriyaga ma’lum bir kitoblar diniy burch o’laroq ommaviy ravishda tiqishtirilsa, u yerda erkin fikrlovchi kitobxon emas, shunchaki buyruqni bajaruvchi olomon paydo bo‘ladi.

Va bu hech qanaqasiga kitobxonlik targ’iboti emas. Nuqta.

Uxlolmayapman. Tungi 01:49 da kelgan fikr:

Hududiy elektr tarmoqlariga qo’ng’iroq qilsangiz, operatorni kutish vaqtida oddiy gudok o’rniga Gibran Alkoserning Ideasini eshtasiz. Bir kunda minglab qo’ng’roqlar bo’ladi, minglab odamlar Alkoserni tinglashadi. Shunga mualliflik huquqini sotib olishganmikan ?

Ko’zim ochiqligida shu kunlarni ham ko’rdim, endi armonim yo’q. Albatta hazil

Qutlaymiz. Shuhratingizga, shuhrat qo’shilsin )

Sezar aytadi:

Veni, Vidi, Vici

O’zbekiston aytadi:

Veni, Vidi, Abii

Binnimalar boshlab qo’ydim )

Kinobloggerlik kursi emas

Uzuklar hukmdori: Kabob birodarligi

Niyat bro bilan birgalikda yangi loyihaga qo’l urdik - Geekxona.

Youtube blogda kino, seriallar, yirik franshizalar, komikslar va gik-madaniyatga oid mavzularda suhbatlashib boramiz. Barchasi reja bo’yicha ketsa har ikki haftada yangi video chiqadi. Dastlabki soni iyul ohirlariga rejalashtirilgan.

Obuna bo’lib, qo’llab-quvvatlab turasizlar degan umiddaman.

Youtube kanalga o’tish uchun - shu yerga bosing.

Videogacha bannerimizda aks etgan nechta qahramonni tanishingizni yozib qoldiring. Eng ko'p topgan, hamda youtube kanalga a'zo bo'lgan obunachi uchun sovg'a bor.

O’zbek lotinini turkiy standartdagi harflarga (Ö, Ğ, Ş, Ç) o’tkazish masalasi kun tartibida. Yana navbatdagi islohot to’lqini. Qog’ozda hammasi chiroyli ko’rinaveradi: birlashish, zamonaviylik, qulaylik. Lekin reallikka qarasak biz hali ham kirill va lotin o’rtasida sargardonmiz. Davlat idoralarida bir yozuv, ko’cha-ko’yda lotin, yoshlar esa umuman translitda yozadi.

Tushunyapsizmi ? O’ttiz yildan beri hal bo’lmayotgan muammo bor va endi uni ustiga yana bittasini qo’shmoqchimiz. Onam misolida aytaman, u hali ham lotinda ravon o’qishga qiynaladi. Nabirasiga alifboni o’rgatib, o’tirgan joyida – yo’q ona, endi Sh emas Ş, bo’ladi deymanmi ?

Agar qonun qabul qilinsa, yana bir avlod yangi alifboga moslashishga majbo’r bo’ladi. Bu esa savodlsizlikni keltirib chiqaradi. Alifboni o’zgartirish bilan til boyimaydi. Bir narsani tushunish kerak, tilni harflar emas, unda yaratilayotgan kontent, ilm-fan va kitoblar rivojlantiradi. Biz yangi harf kiritishga sarflaydigan resursni nega sifatli kontent yaratishga yoki ta’lim tizimini to’g’rilashga yo’naltirmaymiz ? Ha, apostrof muammoli mavzu. Ha, dasturlashda noqulay. Lekin bu muammolarni harflarni o’zgartirmay ham texnik yechimlar orqali hal qilsa bo’ladi.

Bizga navbatdagi alifbo islohoti emas, avvalo bitta alifboni to’liq va izchil joriy eta oladigan siyosat kerak.

Şavkat Mirziyoyev Miromonoviç