Ili Midnight in Parisni ko‘rvorish joyizmikan. Ko‘rmaganlar uchun qisqacha aytsam: Bosh qahramon 1920-yillar Parijini sog‘inadi va kechasi o‘sha davrga tushib qoladi. Lekin u yerdagi odamlar ham o‘zidan oldingi oltin davrni sog‘inib yurgan bo‘lishadi )

Yaxshi film.

Bugun yomg‘ir ham yog‘ib berdi. Midnight in Parisni ko‘rgandan so‘ng ko‘chada biror dilxush davra bilan sayr qilgisi keladi odamni. Chunki Vudi Allen yarim tunda ko‘chaga chiqsang eski mashina seni 1920-yillarga olib ketadi, deydi. Xeminguey bilan ichasan, Pikassoning mashuqasini sevib qolasan, Dali esa karkidon haqida gapiraverib boshingni og‘ritadi.

Nu blyat bitta nyuans bor. Jizzaxda yarim tunda ko‘chaga chiqsang, o‘tmishga ham, kelajakka ham tushmaysan. To‘g‘ri choyxonaga tushasan. Iyaqqa qarasang ham choyxona, byaqqa qarasang ham choyxona. Ili o‘rtada pps mazgi qiladi )

Farzandimga. Ikkinchi xat

Endi borsan. Hali ko‘rmadim, lekin borsan.

Bir paytlar senga xat yozib, tug‘ilmasliging ham sevgining bir shakli bo‘lishi mumkinligini aytgandim. O‘shanda bu gap menga juda aqlli tuyulgan.

Yaxshi odamlar ko‘p qiynalishi haqidagi gapim esa hali ham to‘g‘ri. Faqat endi boshqa narsani ham bilaman - qiynalmagan odam boshqalarni ham tushunmaydi. Seni og‘riqdan butunlay asrab qololmayman. Lekin yoningda bo‘la olaman.

Ko‘p narsani bilmasligim ham o‘zgarmadi. Seni qanday tarbiyalashni, qanday baxtli qilishni hali ham bilmayman. Bu yo‘lni birga bosib o‘tamiz.

Otang

Ismingni Aylin qo‘ydim. Oy nuri.

Yo‘ling oydin bo‘lsin, qizim.

Таълим вазирликларини бирлаштириб, битта вазирлик қилинди. Энди унга ким вазир бўлса, “супер” вазир бўлармиш. Узр-у, вазирнинг супери бўлмайди, суперлар Админстрацияда ўтиради.

Мана, неча кундирки, ким вазир бўларкин дея тахминлар урчиди.

Ўртоқлар, вазирнинг ким бўлиши ниманидир ўзгартирадими? Келинглар, вазиятга очиқ кўз билан қарайлик. Вазирликлар шунчаки ижрочи, Вазирлар Маҳкамасининг ҳам мавқеи аввалгидек эмас. Бирорта вазирлик ўз соҳасини тубдан ислоҳ қила олмайди, ниманидир ўзгартирса ҳам, жуда чекланган шаклда бўлади бу.

Таълим қандай бўлишини, йўналишини, келажагини фақат ўшал олий даргоҳ ҳал қилади. Яхши бўлса, унинг ютуғи, ёмон бўлса ҳам, шу даргоҳнинг камчилиги. Биз эсак, муаммо чиқса, нуқул вазирликларни сўкамиз. Тўғри, улар ҳам оппоқ эмас, аммо қўлларидан кўп иш келмайди. Тилла одамни вазир қилиб қўйсангиз ҳам, ўйин қоидаларини ўзгартира олмайди.

Ҳеч бир ташкилот ёки шахс ўз имкониятида бўлмаган ишлар учун масъул кўрилмаслиги керак. Кимда куч-қудрат энг кўп бўлса, энг катта масъулият ҳам ўшанда. Бу адолатнинг энг оддий принципларидан бири.

Ijtimoiy tarmoqda kecha va bugunning asosiy mavzusi

MrBeast O‘zbekistonga keldi, ko‘chalar odamga to‘ldi, tartib buzildi. Bizdagi bloggerlar: muxlislik madaniyati yo‘q, tartibni bilmaymiz, manqurtlik, uyat va hokazo.

Onasini emsin, zaybal bitta gapni chaynayverish.

Misol qilib Amerikani, Yevropani ko‘rsatishyapti. Kechirib qo‘yasizlar-ku, jannatmakonga har kuni Tom Kruz yoki Bred Pitt kelib, olomon orasida yurgani yo‘q. Gap madaniyatda emas, olomonning tabiatida. Madaniyat ham odat. Jin urgur bir kunda paydo bo‘lib qolmaydi, takrorlanib shakllanadi. Beastga o‘xshaganlar tez-tez kela boshlasa, navbat ham, tartib ham o‘zi paydo bo‘ladi. Yigirmanchi konsertga borib hech kim to‘siqdan sakramay qo‘yadi.

Uzoqqa bormaymiz, 2023-yilda Twitchda strim qiladigan Kay Senat tekin PlayStation tarqatishini e’lon qilganda, Nyu-Yorkdagi Union-skver maydoni bir necha soatda enasinikiga kirib ketgandi. Telbizorda uyat, yoshlarning ahvoli, degan reportajlar qilishgan. Bunaqa voqealar o‘sha tilga olinayotgan rivojlangan mamlakatlarda ham sodir bo‘lgan va bo‘ladi.

Yana qaytaraman, gap madaniyatda emas, olomonning tabiatida. Bo‘ldi, tarqalish.

Institut❌

Pogonofobik maskan✅

Pogonofobiya - soqoldan, jumladan soqolli kishilardan nafratlanish.

Uy❌

Birlamchi ponofobik maskan✅

Tokyo, Tokyoga borib, Tokyoda Tokyoni ko‘ri qopti.

O‘sha qo‘shnini bolasi )

Esnayotib og‘zimni qo‘lim bilan yopishga yarim soniya kechikdim. Keyin, shunaqa reaksiyasi sekin, mas’uliyatsiz bo‘lsang, ertaga kim bo‘lasan ? Ertaga samolyot shturvalida o‘tirganingda reaksiyang yarim soniya kechiksa, barcha yo‘lovchilar qirilib ketadiyu, ahmoq deb, o‘zimni so‘kib berdim.

Bir paytlar shunaqa pikr yozgandim. Endi Keanu Rivz ikkalasi bir filmda rol o‘ynasa nima bo‘larkan deb qiziqyapman.

Бегите, глупцы !

Uzuklar hukmdorining birinchi qismida Gendalf Moriya ko‘prigida Balrog bilan jarlikka qulayotib, do‘stlariga so‘nggi so‘zlarini aytadi. Rus dublyajida: Бегите, глупцы - Qochinglar, ahmoqlar. Inglizchada esa Fly, you fools ! deydi. Flayni uchmoq deb bilamiz. Ayni shu talqin butun boshli mem nazariyaga asos bo‘lgan, ya’ni Gendalf sheriklariga uchinglar deb, burgutlarni chaqirib, Mordorgacha uchib boringlar demoqchi bo‘lgan. Kallavaramlar esa tushunmay, uzukni piyoda olib ketishgan, deyishadi.

Qiziqarli nazariya. Lekin flaydan eskichada qochmoq ma’nosida ham foydalanishgan. Professor esa tosh davrini odami bo‘lgan )

Meni taniydigan begona

To‘yda bir ayol meni quchoqlab, yuzimni qo‘li bilan eza turib - katta bo‘lib ketibsan, shundekkina eding, deb tizzasining balandligini ko‘rsatadi. Jilmayaman, bosh qimirlataman. Ayolni kimligini bilmayman. U esa meni taniydi. Aniqrog‘i, men bilmaydigan bir bolani biladi. U bola qachonlardir uning uyida qovun yeb, gilamiga qusgan, o‘g‘li bilan urishgan va yig‘lab-yig‘lab uxlab qolgan. O‘sha bola men emasman. Lekin ismimiz bir.

Shunday o‘nlab nusxalarim bor. Bir o‘qituvchining xotirasidagi iplos o‘quvchi. Bir qizning xotirasidagi, darvoza oldida nimadir aytolmay turgan yigit. Bir taksichining xotirasidagi bezbet yo‘lovchi. Ularning har biri bitta lahzada yasalgan va o‘sha lahzada qotib qolgan. Men o‘zimni bitta odam deb bilaman. Aslida esa boshqalarning xotirasiga sochilib ketgan bo‘laklarman.

Ayol meni qo‘yib yuborib, boshqa qarindoshiga o‘tadi. Yana o‘n yillar ko‘rishmaymiz. Keyingi safar, ehtimol, o‘zim tanimaydigan bu ayolning ta’ziyasiga borarman. Hozircha esa uning xotirasida gilamiga qusgan bola bo‘lib yashayveraman.

Yana bitta pikr

Tarantino filmlarida kimdir to‘ponchasini chiqarganda yoki ur-tep, tala-to‘p boshlanib ketsa hech kim cho‘chimaydi, aksincha yengil tortadi. Chunki otishma sahnani avji emas, suhbatni to‘xtatishni yagona usuli blyat.

Nechinchidir pikir

Agar Tarantino o‘zbek to‘yi haqida nimadir ishlaganda edi, ochilish sahnasi mehmonlarning qaysi viloyatni oshi yaxshi ekanligi haqidagi falsafiy gurungcha bilan boshlanardi, vallahi.

Бaйraminгiz мuбoraк böлsin !

Karl lug‘atidan

Inglizlarda sky degan so‘z bor, osmon deb tarjima qilinadi. Miyanga sky degani esa, boshinga havo to‘lib qolibdi-ku ma‘nosida ishlatilinadi.