Mahbubin oyog’ida ezilgan uzumdek,
Qizil rangli sharobga aylanaman men…

Uzumdan musallas yaratilmasdan, sarhush bo’lganman,
Dunyoga kelmay turib, senga oshiq bo’lganman.

@vasilbro

Ancient sounds🥁

Ummet Ozcan ijrosida

Faqat ikki narsani to’la anglab yetmay, tushunmay yoqtirish mumkin. Biri musiqa bo’lsa, biri ayol zotini.

@vasilbro

Lucifer

Lyutsifer kim o’zi ? Shayton yoki iblis ? Agar tarixga nazar tashlaydigan bo’lsak, dastlab Lyutsifer yunon, jumladan rim mifalogiyasida unchalik katta ahamiyat kasb etmagan personaj bo’lganligi guvoh bo’lamiz. Bu afsonalarda Lyutsi, tong yulduzi Veneraga qiyoslanadi. Shuning uchun ham hozirda filmlar va komikslarda “Lucifer Morningstar” nomiga ko’zingiz tushishi mumkin. Xullas Lyutsi iblis qiyofasidan tamomila yiroq bo’lgan. Aksincha uni muborak tongning birinchi darakchisi sifatida e’zozlashgan. Biroq, keyinchalik uning nomi xristianlikda uchray boshladi, dastlab iblis va Lyutsifer nomi bir-biri bilan bog’lanmagan bo’lsada, biroq bora-bora ularning nomlari birlashtirib yuborildi. Natijada Lyutsifer iblisning ekvivalentiga aylandi. Jumladan Ishayo (Isaih) 14:12 da shunday deyiladi;

Osmondan qanday qulading, ey tong o’g’li Lyutsifer ! Sen yerga uloqtirilding, bir paytlar xalqlarni xor qilganing kabi ! Sen qalbing tubida shunday deding: “Men osmonga chiqaman, taxtimni Xudoning yulduzlaridan baland qilaman, Zafon tog'ining eng baland cho'qqilarida taxtga o'tiraman. Men o'zimni Xudoyi Taolo kabi qilaman" Lekin sen o'liklar olamiga, yer osti dunyosining qariga tushurilding. Seni ko’rganlar, taqdiring haqida o‘ylaydi: “Yerni larzaga solgan, saltanatlarni titratgan, dunyoni sahroga aylantirgan, shaharlarini ag‘darib, asirlarini uyiga qo‘yib yubormagan shu edimi ?”

Chuqurlashib ketsak, juda chigal, anchayin katta maqola yozilishi talab etiladigan mavzu. Men esa buni xohlamayman. Xullas Lyutsining qisqacha ta’rifini bildingiz, ertaga serial haqida post chiqadi.

P.s: bu serial oldi desert, qiziqishni oshirish uchun )

@vasilbro

Sizni to'liq tushunadigan ayolni uchratish juda xavfli. Odatda bu nikoh bilan tugaydi.

©️Oskar Uayld

Lucifer

Serial Neil Gaiman va Sem Keytning komikslari mahsulidir. Uning asosida to’liq din yotmaydi, serialda Neilning aralashuvi sezilib turadi, bundan tashqari mifalogik harakterlar ham bor. Demoqchimanki, serialni ko’rib, nasroniylikda shunday ekan-da degan fikrga bormaslik kerak. Sytujet qiziqarli, jumboqlar va hayajonli kuttirishlarga boy.

Asosiy qahramon, nomidan ham ma’lumki, do’zaxning hukmdori - Lyutsifer. Loyiha bizni Iblis hayotiga boshqacha nazar tashlashga undaydi.

Deylik ko’pgina filmlar, adabiyotlar, diniy bitiklarda Iblis insoniyatning asosiy dushmani, antagonist obrazida gavdalanadi. Odamlarda uning harakteri, ayyorligi, qonga tashnaligi, har bir qadami makrdan iborat ekanligi to’g’risida fikr vujudga kelgan, shakillangan. Serialda esa biz mutloq boshqa Iblisni kuzatamiz. Lyutsiferning ham bolaligi bo’lgani, uning ham oddiy odamlarga o’xshab ruhiy azoblari mavjud ekanligi, eng muhimi esa u hozirgi qilayotgan ishlari, aynan uning xohishi emas Xudo bergan vazifa ekanligi ko’rsatilgan. Lyutsi aytadiki;

Sizlar barcha yomonlik, makrni, adashishlarni mendan ko’rasizlar, aslida esa buni o’zingiz qilasiz, bunda mening dahlim yo’q. Mening qilayotgan ishlarim shunchaki vazifa va bu meni asli kimligini ko’rsatib bermaydi.

O’ylantiradigan so’zlar. Masalan militsiya xodimlarining ham o’z vazifasi bor, ular jinoyatchilarni tutishlari kerak. Bu jinoyatchiga yoqmaydi albatta, ammo bu xodimning vazifasi. Balki qilayotgan ishi o’ziga yoqmas, ammo bu uning burchidir. Lyutsifer obrazi ham shuni tushuntirishga urinadi. Eng e’tiborli tomoni esa, Iblisda ham qalb borligi, u ham yaxshilik qilishi, sevishi, achinishi mumkinligi ko’rsatilgan. Biroq yuqoridagilarni o’qib, uni avlioyoga chiqarib qo’yish ham yaramaydi. Uning ham o’ziga yarasha kamchiliklari, illatlari yo’q emas. Bu tomondan olib qaraganda, mukammal bo’lish imkonsizligini kuzatishingiz mumkin.

Endi syujetning o’ziga to’xtaladigan bo’lsak, serial voqealari detektiv uslubda rivojlangan. Politsiya bilan hamkorlikda ishlayotgan Iblis, qiziq eshtiladi, a labbay ?

Do’zaxdagi ishlaridan zerikkan Lyutsifer yerda odamlar orasida yashay boshlaydi, bu esa unga yoqib qoladi. Chetdan qaraganda, Iblisning odamlar orasida o’zini qanday tutishini kuzatish, ayniqsa uni boshqa tomondan kashf qilish ko’pchilik uchun qiziqarli bo’lishi turgan gap. Bundan tashqari serialda, faqat Lyutsi emas, boshqa e’tiborga molik personajlar ko’p. Masalan; Xudo. Uning obrazi serialda ko’rinish bermasada, biroq o’zining qarorlari bilan doim voqealar markazida bo’ladi. O’zining xarizmasi bilan filmga o’zgacha ruh bag’ishlagan ekspert Ella Lopez shaxsiyatiga ham alohida to’xtalsa bo’ladi. Men shu qizga oshiq bo’ldim, agar o’lib, netib qolganda, serialni ohirigacha ko’rmasdim. Ayrim yemagan personlar va keraksiz voqealar ham yo’q emas, biroq voqealar fonida ko’z yumvorsa bo’ladi.

Grafika va maxsus effektlar haqida gapiradigan bo’lsam, o’rtacha. Ammo, serialning falsafasi bu minusni yopib ketadi. Ayniqsa, Tom Ellisning rolidan rohatlanish mumkin, u aynan Lyutsifer rolini o’ynash uchun tug’ulgandek go’yo, mahoratiga gap yo’q. Qiziqarli fakt shundaki, uning oilasigilar Tomning rolidan hayratga tushishgan, sababi Ellisning dadasi, amakisi, opasi xudojo’y ruhoniylar ekanligida. Uning o’zi hazillashib;

Men, o’zimning super shaxsiy cherkovimdan kelganman. Oilamdagilar bunday rolni o’ynashga rozi bo’lganimdan qattiq hayajonlanishdi, biroq ularni barchasi serialni ko’rib chiqishgan.

Aktyor bu so’zlarni heyterlar va radikallar tomon bildirgani turgan gap. Uning katolik oilasi buni normal qabul qilgan ekan, demak unchalik qo’rqadigan joyi yo’q. Xullas loyiha sizni hayotga turli rakurslardan qarashga undaydi. Ammo, serialda olg’a surilgan motivlarni o’zingizga manba va asos qilib olmang. Fikrni keng qilib ko’ring.

Shaxsiy reyting: 9/10. 6 mavsum

@vasilbro

Xullas man yana ikkta kitobni tugatdim🗿

Before/after

P.s: Jenni Gerxardtni o’qiyabman.

Sizchi ?

@vasilbro

Rus asarlaridagi eng yomon ko'rgan jihatim, muallif bir qarasang qahramonni otasining ismi bilan, bir qarasang o'z ismi, yana boshqa betda familyasi bilan qayd etib ketadi. Bir qahramonning o'zi uch xil tuslanadi, yana odatda rus adabiyotida keraksiz va e'tiborsiz personajlar ham shu tarzda e'zozlanadi. Ularning nomlari ham bir-biriga yaqin, jin ursin. Aleksandrovna, Alekseyovna yana alla-nimalar.

Zararli kitoblar xavfli emas. Ularni osongina topib olish, yo‘qotib tashlash mumkin. Foydasiz kitoblar juda xavfli. Ularga e’tibor bermaymiz, qarshi kurashmaymiz. Ular esa sekin-asta avlodlarning didini to‘mtoqlashtirib boraveradi. Kitob o‘qishga bo‘lgan ehtiyojingiz qonadiyu fikringiz tiniqlashmaydi, qalbingiz yumshamaydi, ko‘nglingiz tozarmaydi. Mutolaa zavqini tuymaysiz, unga xumorlikni orttirmaysiz. Oqibatda, haqiqiy kitob o‘ladi, uning o‘rnini kitobsifat, foydasiz matah zabt etadi. Agar bu o‘zim to‘qib olgan vahima bo‘lmasa, shundan xavotirlanishga chaqirgan bo‘lardim, — deydi Sanjar aka.

So‘nggi 3-4 yilda kitobga nisbatan munosabat yana avvalgi darajaga qaytdi. Kitob do‘konlarida odamlar ko‘paydi. Nazarimda, hamma kitob o‘qiyotgandek. Lekin, ammo, biroq... Hazm bo‘lishi yengilroq kitoblarga talab kuchaydi. Qaysidir ma’noda bu tarmoqlarda yuzaga kelayotgan “o‘qish poygasi” ortidan tezroq tugatib, sonni ko‘paytiray qabilidagi gaplarning amaldagi qiyofasidir.

Sanjar aka aytgandek, haqiqiy kitoblarni saralab o‘qishimiz lozim.

@marufjonblogi

#live

To’y boshlandi, kelin-kuyov to’riga borib o’tirdi.

Bu yoqda san’atkorlar;

men seni vafodor depman, mayda-mayda maydalab yomg’ir, seni menga eslatadi tomchilarmiyey, xullas ezadigan nolalar.

Karl, biz ikki yoshning xayrlashuv marosimida o’tirganga o’xshaymiz.

@vasilbro

​​#nazm

Chiroq quli bo‘lgan bechora jindek,
Vujudim ichida tipirchilar ruh,
Sening ta'rifing-la bitilgan she'rni,
Eshitmog‘im asli emasmi makruh?!

Sarobga aylangan ushalmas tushdek,
Qiyomat soatin ma'lumi yo‘qdir,
Qiynoq-la qayg‘uni quvonch deb bilib,
Yashamoqdan o‘zga azob ham yo‘qdir.

Moida boshida o‘tirib doim,
Gral kosasidan kavsar ichurman,
Labingni labimga bosgan oningda,
Bu dunyo g‘amidan abad kechurman.

Tugaydi bu o‘yin, dunyo tashvishi,
Foniy olamingni tark ham eturman,
Sirot ko‘prigidan qulab botqoqqa,
Boqiy olaminga albat yeturman.

So‘nmoqda, so‘nggi nur, so‘nggi hayajon,
So‘nmoqda, so‘nggi baxt, orzu-umidim,
So‘nmoqda biz uchun yozilgan doston
Lek yashar abadiy buyuk sevgimiz.

©️Nurali Karimov

@vasilbro