Turkiyadagi zilzila uyushtirilgan, yoxud Amerika fitnasi. Massonlar ittifoqi

Ijtimoiy tarmoqda shu xabar rosa urchib ketdi, emishki turkiyadagi zilzila uyushtirilgan. Qudratli geo-fizik qurollar yordamida ushbu tartibsizliklar keltirib chiqarilgan bo’lishi mumkin, - deydi Rossiya xarbiy fanlar akademiyasi ilmiy xodimi Vladimir Proxvatilov. Bo’lishi mumkin bilan aniq o’rtasida katta farq bor shunday emasmi. Yana bir faktor borki, bu gapni biror yapon olimi aytgandami, yoki shu soha bo’yicha mutaxassis, ya'ni seysmolog bildirganida, menda ham ehtimol uyg’onishi mumkin edi. Baxtga qarshi, bu xabarni bir o’zbek Teshavoy o’qib qoladi va ijtimoiy tarmoqqa bu fitna deb yozadi. Hech qanday ilmiy asosi yo’q, bu borada bilmi yo’q. Lekin u buni uyushtirilganligini biladi.

O’zi shunaqa strategiya bor. Siz odamlar onggiga o’rnashgan mavjud fikrlarga qarshi fikr bildirishingiz natijasida, yuritayotgan blogingiz rivojlanadi. Masalan siz oyni oq emas, qora deb chiqasiz va buni turli-xil safsata dalillar bilan izohlaysiz. Keyin bir jim-jimador sarlavhada ijtimoiy tarmoqqa joylab yuborasiz. Deylik, "Sizni shu paytgacha aldab kelishgan, oy aslida qora rangda. Negaligini bilishni xohlasangiz videoni ohirigacha ko’ring" mazmunidagi sarlavha tanlanadi. Oyni oq hisoblab yurgan odamlar, iye oy qora bo’lishi ham mumkin ekan, deb videoingizni ko’rishadi, bunga ishonuvchilar ham topiladi. Natijada blogingiz rivojlana boshlaydi. O’zbek sigmentida istagancha topiladi bunday blog yurituvchilar. Yomon o’tga o’xshab urchib ketishgan.

Mana Turkiyada zilzila bo’ldi, blog yuritish uchun ajoyib muhit. Ayrimlar shuni orqasidan Turkiyadagi xabarlarni berib boruvchi kanal ochib yubordi, ayrimlar yuqoridagiga o’xshash xabarlarni yoymoqda. Shunaqa paytda Испанский стыд ni his qilaman. Ammo, bilamanki Karllarimda hammasi joyida )

P.s: Испанский стыд - bu boshqa odamning uyatli xatti-harakatlarini ko'rib, xijolat bo'lish hissi.

@vasilbro

Karl qonuni

Bilmadingmi, jim bo’l. Sen har bir narsa haqida bilishga majbur emassan. Karl bo’lib qol.

#2

Karl qonuni

Haqiqiy Karl hech qachon commentga men 1 deb yozmaydi.

Wednesday. Yana AI ijodi, faqat video shaklda. Menga yoqdi.

@vasilbro

Fight club

Uyoqqa ag’darildim, buyoqqa ag’darildim, uxlolmadim. Kitob o’qigim ham kelmadi, film qidirdim. Fight clubda to’xtadim. Bir paytlar Nurali tavsiya qilgandi.

Bunda oldin filmni ikki bor ko’rishga harakat qilganman. Birinchisida qandaydir ishim chiqib qolgandi, ikkinchi martasida 10 daqiqaga bormay boshqa filmga o’tib ketgandim. Nihoyat uchinchisida tugatdim. Vaqtga achinish, ertalab ishga barvaqt turib ketish kerak, degan o’ylar o’tmadi xayolimdan. Ketgan vaqtga arziydi.

Filmdan falsafa qidirgan falsafani, o’zgacha syujet izlab yurganlar, izlaganini topadi. Tushunishni xohlamaganlarga “chirigan Amerikaning” bir mag’zavasi bo’lib tuyiladi. Tavsiya qilaman, kuchli film )

@vasilbro

Adabiyot Karl misolida

Biografik roman – Karl tug’uldi. Karl yashadi. Karl o’ldi.

Tragedik roman – Karl chalajon tug’ildi. Karl qiyinchilikda yashadi. Karl erta o’lib ketdi.

Dramatik roman – Karl sevdi. Karl harakat qildi. Karl fikrini o’zgartirdi.

Ijtimoiy roman – Karl juda ko’p yerdi. Karl juda ko’p ichardi. Karl o’ldi.

Mistik roman – Karl g’alati hayot kechirdi. Karl o’ldi. Karl qayta tug’uldi.

Siyosiy roman – Karl yashadi. Karl yashayapti. Karl doim yashaydi.

Qahramona roman – Karl sezilmay yashadi. Karl uyidan ketdi. Karl yovuzlikni mag’lub etdi.

Utopik roman – Karl yashadi. Karl baxtli yashadi. Karl boqiy yashadi va barchasini tushundi.

Distopik roman – Karl yomon yashadi. Karl yaxshi yashayapman deb o’yladi. Karl hammasini tushundi va o’ldi.

Detektiv roman – Karl trubkasini to’ldirdi. Karl trubkasini chekdi. Karl tahmin qildi.

Tarixiy roman – Karl keldi. Karl ko’rdi. Karl g’alaba qildi.

Fentezi roman – Karl yo’lga otlandi. Karl yovuzlik bilan kurashdi. Karl uyiga qaytib keldi.

Ilmiy fantastik roman – Karl kosmosga yo’l oldi. Karl no’malum narsaga duch keldi. Karl, endi Karl emasdi.

@shisha_bino

Doim sening emas, qarshingdagi navbat tezroq oʻtadi.

Saryogʻ surilgan non yerga tushsa, doim saryog' surilgan tomoni bilan tushadi.

Yakshanba erta turiladigan kun.

Davom ettiring...

@vasilbro

#tarjima

Agar odamga shikast yetkazish kerak bo'lsa, bu shunchalik og'ir bo'lishi kerakki, uning qasos olishidan qo'rqmaslik kerak.

Nikolo Makiavelli, Shahzoda asaridan.

@vasilbro

Asanov va Zafarello ishtirokida Madaniyat va Ma’rifat telekanalidagi “Yoshlar nima xohlaydi” ko’rsatuvini ko’rdim. Boshlovchining ba’zan nima deyayotganini o’zi bilmay qolayotganini hisobga olmasa, shu son Top bo’libdi. Ko’ringlar, Karllar. Youtubeda chiqdi

Asanov rosa 5-6 daqiqa ma’naviyat va axloqning farqli ekanligini tushuntirdi. Boshlovchi 2 daqiqadan keyin; ma’naviyatning asosi axloq emasmi ?

Men:😵‍💫

Baxtiyor Olimjonov man liberalman degan faylasuf yoki olim bormi, o’zbeklar orasida ?

Boshlovchi; Navoiy

Men:🥴

Boshlovchi siz Navoiyni tushunmaysiz deb Baxtiyorga aytayapti, Baxtiyor tarix fanlari bo’yicha falsafa doktori.

Men:😶

#hadya

Kolleksyaga yangi eksponat qo’shildi, do’stimdan )

#3

Karl qonuni

Haqiqiy Karl hech zamonda, mana bu kitobning elektron varianti bormi, deb soʻramaydi. Uni oʻzi izlab topadi.

@vasilbro

Tun yarimida kelgan pikirlar turkumidan

Yeyayotgan olmang qurtlagan chiqishidan ham yomonroq holat bor. Qarasangki, qurtni yarimi boʻlmasligi )