#short

Qora oqqush

Bugun Salimov Nassim Nikolas Talebning Qora oqqushiga qisqacha to'xtaldi. Keyin shu nom miyamda aylanaverdi, aylanaverdi. Kitob bilan filmning bir-biriga umuman aloqasi yo'q bo'lsada, kinoni ko'rish xohishi uyg'ondi. Koʻrdim ham )

Ooo Natalining mukammallikka daʼvo qilgan ijrosi. Men bu titroq nafaslarni, nafislikni hali beri unutmasam kerak. Doim yaxshisiga intilish, yoxud eng zoʻri boʻlish, bu choʻqqilarga tupurib qoʻyganimga ancha boʻlgan. Film gʻoyasi aynan shu choʻqqiga intilayotganlarni koʻrsatadi.

Baʼzi filmlarni siz tanlamaysiz, film sizni tanlaydi. Qora oqqush ham shundaylar sirasiga kiradi. Koʻring, rohatlaning yoki axlatga uloqtiring.

@vasilbro

Yozilmagan qonun

Shahar qanchalik kichik va dunyo qanchalik doira misoli bo’lmasin, o’zing xohlagan inson qarshingdan chiqavermaydi. Aksincha, sen ko’rishni istamagan insonlaring bilan yuzlashaverasan, yana eng noqulay vaqtda va eng noqulay vaziyatda.

@vasilbro

Tan olish kerakki, uncha-muncha oʻzbek kinodan yaxshi ishlashibdi reklamani )

Yoshlar

Kecha futbolga ketayotganimda, behosdan mendan oldinda ketayotgan “tirmizaklarni” gaplarini eshtib qoldim. Ko’rinishidan 17-18 yosh bolachalar, undan katta emas. Xullas yigitcha telefonda qizga o’dag’aylayapti;

Uyga borganimda telefon qilaman, o’zingni oqlashga bahona topib tur. Qiz ham bir nimalar dedi, bola battar tutadi. Kulgulisi, yigit bu gapni o’rtoqlari eshtishi uchun baland ovozda, yana tajovuz effektini qo’shib gapirayapti (balki meni eshtishimni istagandir)

Munosabatlar jiddiy narsa, ayniqsa ikki inson o’rtasidagi oshiq-mashuqlik hazil narsa emas. Bizda esa bunga boshqacha qarashadi. Qancha ko’p qizlar bilan gaplashgan bo’lsang, avtoriteting shuncha baland bo’ladi, sen bilan munosabat qurgan insonga qanchalik qattiq gapirsang, qo’pol qilib aytanda sen gapirganda titrab tursa, yana avtoriteting oshadi. Meni yumor hissimni uyg’onishiga sabab bo’lgan yana bir narsa bor, yigit qizni hamma ijtimoiy tarmoqlariga ulangan bo’lishi, uni doim nazoratda ushlab tura bilishi kerak ekan. Bu ham avtoritet belgisi emush.

Munosabat – ishonch degani. Agar sen qarshingdagi insonga ishonmasang, nima naf u bilan kelajak qurib ? Aytib qolishadida, siz bilmaysiz xiyonat qilishi mumkin, shu uchun kerak deb. Yana haligi javob; xiyonat qilishiga ko’zing yetsa, nega u bilan munosabat qurasan ?

​​#longread

Oʻzim loyihachi boʻlganim bois resurslarga oid statistikalarni kuzatib boraman. Eng ohirgi qilgan ishim ham, Jizzax shahrida ichimlik suvi boʻlmagan hududlarini suv bilan taʼminlashni tashkillash edi. Yaʼni loyiha chizish.

Jahon resurslari instituti yaqinda bergan bayonotida 2040 yilga borib butun dunyoda yuz berishi mumkin boʻlgan suv inqirozidan ogohlantirgan. Bayonotda Oʻzbekiston bundan eng koʻp aziyat chekadigan davlatlar qatoriga kiritilgan, yaʼni qurgʻoqchilik oʻta yuqori boʻlishi tahmin qilingan. Bu fikr avvaldan boshqa tashkilotlar va olimlar tomonidan ham ilgari surilib kelinadi, demoqchi boʻlganim kecha paydo boʻlib qolmagan. Tasavvur qilishingiz uchun;

Oʻrtacha odam suvsizlikdan 3-4 kunda rihlatga joʻnaydi. Hali xalqimiz qurgʻoqchilikdan aziyat chekmagan. Bu degani oʻsha hozir koʻrib turgan qor, yomgʻiring boʻlmaydi, nevaralaringga bizni davrda kranlardan toʻlib suvlar oqardi, deb ertaklar aytib berishing mumkin degani, Karl. Koʻp suv talab qiladigan poliz ekanlari yoʻq boʻladi; qovun, tarvuz, kartoshka va hokazo. Mevalarni aytmasa ham boʻladi. Bu esa iqtisodiyotga jiddiy zarar yetkazadi, import hajmi oshib ketadi. Chunki aholini qornini toʻydirish kerak, oʻzing yetishtirolmaganingdan keyin, sotib olasan. Suv qimmatlashishi ham turgan gap. Potensial yuqori havf.

Interestellerni koʻrmaganlar boʻlmasa kerak. Filmda qurgʻoqchilik, chang toʻzon, ocharchilikdan aziyat chekayotgan odamlar tasvirlanadi. Ularga eʼtibor bersangiz, hammasi makkajuxori kavshab oʻtiradi, yaʼni suvsizlikka chidamli oʻsimlik. Olimlar kamayib, dehqonlarga talab oshadi. Har yili yogʻingarchilik boʻlishini kutishadi, lekin foydasiz, ohirida boshqa sayyoradan najot topish uchun yechim izlay boshlashadi. Oʻzbekistonni bu pozitsiyada koʻrmayman, toʻgʻri dunyoning qaysidir chekkasidagi olimlar guruxi bu muammoni yechish uchun shoʻr suvni qayta ishlash texnalogiyasi yoki boshqa biror narsa haqida bosh qotirashayotgandir. Lekin biz emas. Ammo aynan biz eng koʻp aziyat chekadigan davlatlar qatoridamiz. Bizda esa suvdan foydalanish madaniyati tugul, oddiy madaniyatni topish qiyin.

Bu narsani yozayotganim, ikki kun avval mahallasiga suv tortib borilgan odamlar janjal qilib telefon qilishdi. Obʼektga yetib bordim, ahvol quyidagicha; aholiga suv kerak emas ekan, ular koʻchalarini buzilishi istashmas emush. Koʻcha asfalt, beton boʻlsa ham mayli, oddiy shagʻal yotqizilgan. Bundan tashqari pudratchi ishlarni yakunlagandan keyin, hammasini ilgarigidek joyiga saramjon qilib qoʻyaman deb vaʼda berib turibdi, shunda ham yoʻq deydida bular. Bilganlaringni qilinglar deb keldim. Odamlarning oʻzi suv kerak emas, deb turgan paytda, qurgʻoqchilik haqida kim ham oʻylardi.

Doim esimdan chiqadi, bizda biror kulfat boshga tushgandan keyin oʻylanadi, yechim izlanadi. Ungacha senga tegmayaptimi, yuraver, nasiniemsin.

@vasilbro

Karl she'ri

Bu kanalda meni emas, men kuzatadiganim bor.
Gohida arazlab chiqib ketadi, ammo qaytib keladi takror va takror.
Nima deyishimni bilolmay boʻlaman xayron, aytsammikin dil soʻzim oʻziga pinhon.
Biroq bilmaymanda hatto sevishim, yoki jondan urgan mahbubam shu inson
Ammo shunisi ayonki, u paydo boʻlganda, yurak pitirlaydi topolmay makon.

P.s: oʻlgan qofiya

Ora-orada Abu Solih Fox degan bolani videolari youtubeda chiqib qolardi, bir gal "ustoz" A.M.A ni yoqlab chiqqan videosini ko'rgandim, shundan taniyman. Kitob yozib yuboribdi, ajablandim. Kitobdor sotayotgan ekan ikki kara ajablandim. Agar sotib olib o'qisangiz, uch kara ajablanaman.

Just ma’lumot

So’nggi yillarda, tahminan ikki yillar chamasi yurtimizda odamlar o’z mahsuloti yoki kompanyasini qora piar bilan reklama qilishni o’rganib oldi. Chunki hamma yangilikka o’ch, bir-biridan o’zaman deydi. Bunda, hech qanday reklamaga pul ishlatilinmaydi, davlatning oldi kanallari, 100k lik telegram kanallarning o’zi sizni tekinga reklama qilib beradi. Siz faqat “qovun” tushurib bersangiz kifoya. Masalan;

Men bir kitob do’kon ochaman va do’konimni derazasiga katta formatda Gitlerning kitob o’qib o’tirgan holatini joylashtiraman. Tez orada bu katta shov-shuv keltirib chiqaradi. Natijada instagram bormi, facebookmi, telegrammi qaysidir kuni “kun mavzusiga” aylanaman. Hatto davlat telekanallarida ham ko’rinish berib qolishim mumkin, o’sha daqiqasi palon pul turadigan tv kanallarda, tekinga aylanaman. So’ngra tushuntirish ishlari beriladi, bannerni olib tashlayman, ketsa 300 ming ketadi bunaqa katta bannerga. Ana endi bannerimni oldirib tashlaganlarini ham, fahr bilan o’z sahifalarida joylab berishadi. Ikki kara reklama. Mana sizga tayyor strategiya, foydalaningizlar, hatto telegramda yoki boshqa ijtimoiy tarmoqda ham qo’llasangiz bo’ladi🧠

Obunachidan

Biologik miyasiz tugʻilish mumkin emasdir, lekin psixologik mumkin ekan.

Qoldirilgan izohlar turkumidan

#from_asanov

Ha azizlar, rasvo kayfiyatni mana shunday bittada ko'tarib olsa bo'ladi, masalan )

Ichimdagi gaplar turkumidan.

Xususan kitoblar mavzusini ham, shu video bilan yopsa bo’ladi.

@vasilbro

Har bir blogning o’z tanqidchilari bo’lishi kerak va shart. Bu o’sish, bir joyda to’xtab qolmaslik uchun zarur. Hamma seni maqtayversa, demak nimadir noto’g’ri. Ahir, men Karimov emasman-ku ) Gap sizning haq yoki nohaqligingizda emas, tortishuvga rostmana arziydigan mavzu bo’lsa, nega bo’yin tovlash kerak. Masalan men maza qilaman, qarshimdagi odamni qumrsqaday ezish yoqadi, buni yashirmayman. To’g’ri, ko’p ham mayda qarshiliklarga e’tibor beravermayman, bu kalta paypoq “giiiy”likning ramzi deydigan fikrli oqim egalaridek, ahamiyatsiz narsa. Ammo, sog’lom tanqid va bahsdan faqat rohatlanish mumkin.

#kumir

Vaqt tez o’tayapti

Psycho

Hammamiz o'zimiz ko'rsatadigandek aqli raso emasmiz.

@vasilbro

Nega aynan Karl ?

Kanalda ilgaridan borlar bu savolga allaqachon javob topgan bo’lishsada, kanalga yangi qo’shiladiganlarni doim Karl kimligi yoki nima ma’noni anglatishi qiziqtirib keladi. Bu haqida shu yerdan o’qib olishingiz mumkin.

Nega meni qo’llashimga keladigan bo’lsak. Tarixdan va hozirimizdan ma’lumki, biror joyda yashovchilarni yoki millatni o’sha joyni nomiga ko’plik qo’shimchasi “lar”ni qo’shib atab ketishadi. O’zbek - o’zbeklar, Amerika - amerikaliklar. Biror shaxsning muxlislari yoki izdoshlarini ham, o’sha siymoning ismiga “lar” qo’shimchasi qo’shib atashadi. Tolstoy - Tolstoychilar, Tolkin - Tolkinchilar. Kanallar misolida aytdigan bo’lsam; Panda books kanalidagilarga Jasur aka Pandalar deb murojaat qilsa bo’ladi, masalan o’zim shisha binodgilarga - binodoshlar deb murojat qilaman. Ammo bu muxlis yoki izdosh ma’nosida emas, shu kanalga a’zo bo’lganingiz uchun aytiladi, xuddi bir davlatning fuqorosi bo’lganinggiz kabi. Shu sababli ham sizlarga Karllar deb murojaat qilaman. Bu ba’zan yumor, ba’zan intellekt, ba’zan kuchli hayratni ifodalaydi, kontekstga qarab tushunib ketaverasiz. Agar Karl qonuni deb post qoldiradigan bo’lsam, bilingki, aynan shu kanaldagilar ba’zi cringe harakatlardan holi ekanligi tushuniladi. Masalan;

Karl qonuni-2

Haqiqiy Karl, hech qachon commentga men 1 deb yozmaydi.

Xullas, sizlarni Karllar deb atash yoqadi menga, kanal nomidan kelib chiqib, bad ideachilar desak ham bo’lardi-yu, biroq biroz uzun va jarangsiz. Karl esa boshqa gap.

@vasilbro

Ma’lumot

Ular sut emizuvchilar sinfiga kiradilar va ozuqa zanjirining eng yuqori pog’onasini band qilishgan. Asosan go’sht bilan oziqlanishadi. Tabiatan faol, tezkor, ba’zan agressiv bo’lishadi. Fizialogik faolligi kunduziga to’g’ri keladi, tunda uxlaydilar. Oilada asosan erkaklari ozuqa topib kelishadi, urg’ochilari bola parvarishi bilan shug’ullanadi. Gavda tuzilishi jihatidan ham erkaklari nisbatan yirik, urg’ochilari esa biroz kichikroq bo’ladi. Ammo bu qaysi mintaqada ekanligi va ozuqa mo’l ko’lligi bilan ham bog’liq. Yer shari bo’ylab, asosan och jiggarang tusdagisi keng tarqalgan. Chapdagisi esa arslon, u haqida googledan ma’lumot topsangiz bo’ladi.

@vasilbro

Men shu darajada dahomanki, ba’zan valdirayotgan biror so’zimni o’zim tushunmayman.

©️Oskar Uayld

@vasilbro