#📸

Aslida qanday bo’lgan edi.

@vasilbro

#film

Cocaine bear

Bugun qanday film ko’rsam ekan, deb saytni titayotgandim. Yuqoridagi nom ostida film qarshimdan chiqib keldi. Dastlab, bu shunchaki o’xshatish bo’lsa kerak deb o’yladim, ahir qanday qilib ayiq va kokainni bir-biriga bog’lash mumkin ? Ammo filmning dastlabki 10 daqiqasini ko’rib tushundimki, bu hazil emas.

O’ziga xos komedik va triller elementlari aralashgan ushbu film, antiqa syujetga ega. Bunday ssenariy odatda hindlarda bo’lardi, ammo e’tirof etish kerakki unchalik yomon chiqmagan, logika bor. Syujetga ko’ra, giyohvandpurushlarning xatosi tufayli, AQSHning Jorjiya shtati o’rmonlari ustidan uchib o’tayotgan samalyotdan katta miqdordagi kokain giyohvand moddasi tushib qoladi. Natijada shu o’rmonda yashovchi ayiq kokainni behosdan iste’mol qilib qo’yadi. Harakterida o’zgarish yuz beradi, agressivlashadi va qonga tashnalik kuchayadi, endi unda yo’lidan chiqqan jonzodni o’ldirish istagi uyg’onadi. Dastlab o’rmondagi turistlarni rihlatga jo’natishni boshlagan ayiq, tez orada shahar tomon odimlay boshaydi, yana qanday deng, kokainni otvolib. To’xta, bo’ldida endi, deb kulishga shoshilmang. Bu real voqeaga asoslangan film, desam tarvuzingiz qo’ltiqdan tushib ketmaydimi ? Qiziqish kuchaydimi, ha balli. Xullas real voqea bunday bo’lgan:

Leksington politsiya boʻlimining sobiq giyohvand moddalar boʻlimi xodimi Endryu K. Tornton soqqa qilish maqsadida, giyohvand moddalar kontrabandistiga aylanadi. Kolumbiyadan Qoʻshma Shtatlarga kokain olib kirishda, shu brat bosh qosh bo’ladi. 1985-yil 11-sentyabr, navbatdagi ov davomida, Jorjiya shtatining Blersvill shahriga yukni tushirgandan so'ng, Tornton va sherigi o'zini o'zi boshqaradigan Cessna 404 rusumli samalyotga o’tirishadi. Ammo, parvoz davomida ma’lum bo’ladiki, yuk samalyot uchun og’ir bo’lib chiqadi, natijada 40 ta plastik idishdagi kokainni bortdan uloqtirishga to’g’ri keladi. Shu tariqa ikki shovvoz ortiqcha kokaindan xalos bo’lishadi, keyinroq Torntonni o’zi ham samalyotdan sakraydi, biroq parashyuti ochilmay qoladi va rihlatga jo’naydi.

O’sha yilning noyabr oyida mahalliy ovchi Chattahuchi o’rmondan o’lik qora ayiqni topadi, o’lik tana yonida esa 34 kilogram kokain ham bor edi. Bu o’sha paytdagi 20 millon dollarni (inflyatsiyani hisobga olgan holda 55,6 million) tashkil etardi. 23-dekabr kuni Jorjiya Tergov byurosi o'lik qora ayiq topilgani haqida keng ommaga ma’lum qiladi. Voqea joyi davlat organlari tomonidan o‘rganilganida, modda solingan qopchalarning yirtilgani va ichidagilari ochilgani aniqlangan. Ayiq dozani oshirib yuborish natijasida o’lgan, tasavvur qilayapsanmi, Karl.

Shu tariqa film g’oyasi vujudga keladi. Universal Pictures 2021 yilda Cocaine Bear filmi sur’atga olinishini e’lon qildi, 2023 yilning 24-fevralida esa film omma e’tiboriga havola etildi. Biroq, takidlash joizki, filmdagi vaxshiy ayiqdan farqli o’laroq, real hayotdasi odam o’ldirmagan.

P.s: Bugungi kunga kelib, bu giyohvand ayiqni tulum qilib, eksponat holatiga keltirishgan va turistlarni chaqirib soqqa qilishmoqda

@vasilbro

Hali kitob haqida biror narsa aytishga erta, ammo texnik ko’rsatkichlari a’lo. Qog’oz sifati, shriftlari, bo’yoq… xullas ideal, o’qiging keladi.

Masalan chuchvarani qaymoq bilan yeyishni yoqtiraman. Kitob sifati ham qaymoqqa o’xshaydi, mutolaani yanada jadal va yoqimliroq qiladi

Nima o’qiyabsiz ?

Rekviemni qayta-qayta tinglashlik havo bo’layapti

Bugun 20-mart xalqaro baxt kuni

Oldik🥂

#vamos

Shu rasm shu yerda tura-tursin

@vasilbro

Ikki og’iz gap bilan ta’riflaydigan bo’lsam;

Uch og’ayni va Besh qavatli uyning oltinchi qavati asarlaridan keyin bu turdagi syujetlardan iloji boricha qochardim. O’qish davomida ruhan yaqinlik his qilganlaringni yo’qotish, andak dilni xira qiladi.

#holat

Siyosatga aloqador kanallar: zilzila
Tibbiyotga aloqador kanallar: zilzila
Hajviy kanallar: zilzila
Futbolga aloqador kanallar: zilzila
Xabarlar rukuni: zilzila
Nimaga aloqadorligi noma’lum kanallar: zilzila
Santuagaraoflibrary: taqriz
Qarindoshlar gruppasi: zilzila

P.s: Hamma tirik bilaman )

- Dam olish qanday bo’layapti ?

- Men:

Xuddiki katta xiyonat yo bo’lmasa jiddiy hayotiy zarba qabul qilib olgan 15-16 yoshli o’smirlarlar biosidan olindi:

Ha jim edim, ammo ko’r emas edim !

Hayotimni qo’lingizga tutqazib qo’ysam, belingiz sinib ketadi !

Qizlar avtobusga o’xshaydi, biri ketsa, ikkinchisi keladi.

Satanizm haqida yozishdan oldin Satanning o’zi haqida qisqacha.

Satan - Iblis va ba'zan nasroniylikda Lyutsifer deb ham ataladi, Ibrohimiy dinlarda odamlarni gunoh yoki yolg'onga jalb qiladigan mavjudot sifatida ko’riladi. Yahudiylikda Satan odatda "yomonlikka moyillik"ni ifodalash uchun metafora sifatida ishlatilinadi. Xristianlikda qulagan farishta deb talqin qilinadi. Islomda esa Xudoning amriga bo’ysinmagan jin sifatida ko'riladi, ya’ni shayton. Xullas turli dinlarda uni turlicha e’tirof etishadi, ammo moral bitta – insoniyatning asosiy antagonisti. Satanizm Xristianlik bilan bog’langani uchun, biz ham uni shu an’analar o’laroq ko’rib chiqamiz.

Iblisning tashqi ko'rinishi, tavfsilotlari Bibliyada (Injilda) hech qachon atroflicha yoritilmagan. Biz hozirda filmlarda, kitoblarda ko’radigan qiyofamiz turli xil butparast xudolardan, jumladan Pan, Poseidonlardan olingan xususiyatlarning kombinatsiyasidir. IX-X asrlardan boshlab, Iblis qiyofasi xristian san'atida keng tasvirlana boshlandi. Uni shoxlari, tuyoqlari, dumi bor, aso tutgan g’ayri oddiy mavjudot sifatida talqin qilishardi, ba’zan echki qiyofasida gavdalantirildi. Nasroniy adabiyotida ham Iblisga tez-tez murojaat qilib turishadi, ayniqsa Dante Aligyerining "Do'zax", Gyotening "Faust", Jon Miltonning "Yo'qotilgan jannat” kitoblari bunga misol bo’la oladi. Ammo, yuqorida aytilganidek Injilda Iblisning aniq tasviri yo’q.

Tarixdan olib qaralganda Iblis hozirgichalik mavqega va qo’rquvga sababchi bo’lmagan. Uning atrofida kelib chiqqan turli rivoyatlar, hikoyalar, folklyorlar, cherkovning jodugarlikni Iblisga bog’lashi, uning insonga bo’lgan ta’sirini yanada oshirdi. XIX-XX asrga kelib, medianing rivojlanishi esa bu qo’rquvni yanada kengaytirdi. Umuman o’rta asrlargacha ham Satanni jiddiy qabul qilishmgan, u Xristian ilohiyotida o’rtahol mavqeni egallab kelgan.

Ilova: Bu yer hech kiimning e’tiqodini muhokama qiladigan joy emas, hozirgi va bundan keyingi o'rinlarda ham postlarga ma’lumot sifatida qarashingizni so’rardim. Shu o’rinda beshinchi qonunni eslash o’rinlidir )

@vasilbro

Satanizm

Mistik filmlarda yer qaridan chiqib keladigan echkisimon mavjudotga sig’inadiganlar va hozirgi zamonaviy satanistlarning qanchalik bog’liqlik jihatlari bor, deb o’ylaysiz ? Umuman olib qaraganda o’zbek sigmentida “Satanizm” juda yomon narsa sifatida ko’rilsa kerak - shaytonga sig’inuvchilar yomon eshtiladi, albatta, ammo bu biz tushunadigan tartibda amalga oshiriladimi, ya’ni ular qandaydir qurbonliklar qilib, qora kuchlar orqali insonlarni boshqarish, dunyoga yovuzlikni sochish bilan shug’ullanishidami ? Shu haqida qisqa va lo’nda;

Zamonaviy satanizimning markazida turgan Shayton, nasroniylikning Eski Ahddida uchraydigan, Ayub kabi odamlarning taqvodorligini sinab ko'rish uchun azob, yolg'on va baxtsizlikdan foydalanadigan mavjudot emas. U shuningdek, o'zini Xudoning dushmani sifatida ta’kidlab, Masihni vasvasaga solgan Yangi Ahddagi shayton ham emas. Aksincha, Shayton ibodatxonasi va Shayton cherkovi kabi tashkilotlarning ramzi bo’lgan Iblis versiyasi Jon Miltonning 1667 yildagi "Yo'qotilgan jannat" epik she'ridagi Iblisdir. Yo’qotilgan Jannat Iblisni ijobiy nuqtai nazardan tasvirlaydigan birinchi adabiyotlardan biri hisoblanadi. Unda Lyutsifer (fim haqida) haqida bayon qilinadi, Miltonning Iblisi xarizmatik antiqahramon bo'lib, u osmonga qarshi isyon ko'taradi va bu unga qimmatga tushadi. Lyutsifer qulaydi, do’zaxga badarg’a qilinadi, fallen angel.

O’z-o’zidan kelib chiqadiki, zamonaviy satanistlar shaytonga sig'inmaydilar - ular aslida oddiy ateistlardir. 1960-yillarning oʻrtalarida tashkil etilgan Shayton cherkovi buni quyidagicha tushuntiradi: “Biz uchun iblis gʻurur, erkinlik va individuallik ramzi, u bizning eng yuqori shaxsiy salohiyatimizning tashqi metaforik proektsiyasi boʻlib xizmat qiladi. Biz shaytonga borliq yoki shaxs sifatida ishonmaymiz”. Shayton cherkovi deb atalsada, aslida cherkov o’z binolariga ega emas, chunki "bu bizning hayotga individual yondashuvimizga zid bo'lar edi", deb qo’shimcha qilinadi. Satanizm o’ziga xos e’tiqod bo’lib, hozirgi kunda siyosiy kuchga ega.

Nasroniylikda xuddi Islomda bo’lgani kabi taqdir dahlsizdir. Ya’ni siz bilan ro’y beradigan barcha holatlar oldindan reja qilingan, Satanistlar esa buni rad qilishadi va o’z izdoshlarini atrofdagi adolatsilikka nisbatan "qasos" olishga chaqirishadi. Bunday xavotirli ritorikaga qaramay, bu zo'ravonlikka da'vat emas: 1970-1980 yillardagi tadqiqotlar shuni ko’rsatadiki - satanistlar tinch va qonunga bo'ysunuvchi deb topilgan. Ularning pozitsiyasi noto'g'ri ishlardan indamay azob chekishdan ko'ra, harakat qilishni anglatadi. Ularning ko’p joyda qoralanishi femenizm va LGBTni faol qo’llab quvvatlashlari bilan bog’liq. Biroq, tolerantlik shuni talab etadi. Xullas an'anaviy din g’oyasi fidoyilik va bo'ysunishni targ'ib qilsa, satanizm tolerantlik va so'z erkinligini qo’llab quvvatlaydi.

Istisno tariqasida Teistik satanizmning borligini ham ilova qilish kerak. Bu turdagi satanistlar Iblisni yoki Lyutsiferni obektiv ravishda Xudo sifatida ko’rishadi. Lekin bu turdagilar, kichik guruxlarni tashkil qilishadi. Ularning ateistik satanizmdan yana bir farqi, siz filmlarda ko’rganingiz sehrning har xil turlaridan foydalanishlaridadir. Biroq, yuqoridagi ikki e’toqdning o’xshashligi bor bu – iroda erkinligi. Teistik satanistlar ham, Lyutsiferni erkin ruh sifatida qadrlashadi. Shuni ta'kidlash kerakki, hozirgi teistik satanizm, shaytonga sig'inish va boshqalarga zarar etkazish bilan bog'liq bo'lgan mashhur "shaytoniylik" tushunchasi bilan bir xil emas. Umuman olganda, teistik satanizm - unga ergashadigan turli odamlar uchun turli xil ma'nolarga ega bo'lgan murakkab va bahsli e'tiqod hisoblanadi.

Buguncha shular. Post satanistlarni qo’llab quvvatlash, targ'ib qilish va ularni oq ko’rsatish uchun emas, shunchaki ular biz tasavvur qiladigandek vahshiy emasligini bildirish uchun edi. Ma’lumot qiziq bo’lgan bo’lsa xursandman ) Agar biz filmlarda ko’rib o’rganganimiz, mistik satanizm haqda post bo’lishini istovchilar bo’lsa, kechagi gap🗿

P.s: Radikallarga o’qish tavsiya qilinmaydi

@vasilbro

O’xshamagan kadr )

2021-yilda Netflix striming servisi va Warner Bros. studiyasi hamkorlikda suratga olgan “Kiyik shoxli bola” seriali mening eng sevgan loyihalarimdan biri. Bu juda falsafiy va qiziqarli serial.

18+ yosh chekloviga ega bu loyiha ustida esa Marvel filmlaridagi Temir Odam roli bilan tanilgan kenja Robert Dauni va uning turmush oʻrtogʻi Syuzani Dauni faoliyat olib bordi.

@insusambil

The Last of us serialida ko'rsatilgan post-apokaliptik dunyo tasvirning real hayotimizda ham yuzaga kelishi mumkin yoki mumkin emasligi haqida post tayyorlayapman.

Yozayotganlirmdan, qarshimdan chiqayotgan ma’lumotlardan hayratlanayapman desam ham bo’ladi. Biolog bo'lib ketamanov bu turishda🗿

@vasilbro

Masalan Millar 18+ kontent