Satanizm haqida yozishdan oldin Satanning o’zi haqida qisqacha.

Satan - Iblis va ba'zan nasroniylikda Lyutsifer deb ham ataladi, Ibrohimiy dinlarda odamlarni gunoh yoki yolg'onga jalb qiladigan mavjudot sifatida ko’riladi. Yahudiylikda Satan odatda "yomonlikka moyillik"ni ifodalash uchun metafora sifatida ishlatilinadi. Xristianlikda qulagan farishta deb talqin qilinadi. Islomda esa Xudoning amriga bo’ysinmagan jin sifatida ko'riladi, ya’ni shayton. Xullas turli dinlarda uni turlicha e’tirof etishadi, ammo moral bitta – insoniyatning asosiy antagonisti. Satanizm Xristianlik bilan bog’langani uchun, biz ham uni shu an’analar o’laroq ko’rib chiqamiz.

Iblisning tashqi ko'rinishi, tavfsilotlari Bibliyada (Injilda) hech qachon atroflicha yoritilmagan. Biz hozirda filmlarda, kitoblarda ko’radigan qiyofamiz turli xil butparast xudolardan, jumladan Pan, Poseidonlardan olingan xususiyatlarning kombinatsiyasidir. IX-X asrlardan boshlab, Iblis qiyofasi xristian san'atida keng tasvirlana boshlandi. Uni shoxlari, tuyoqlari, dumi bor, aso tutgan g’ayri oddiy mavjudot sifatida talqin qilishardi, ba’zan echki qiyofasida gavdalantirildi. Nasroniy adabiyotida ham Iblisga tez-tez murojaat qilib turishadi, ayniqsa Dante Aligyerining "Do'zax", Gyotening "Faust", Jon Miltonning "Yo'qotilgan jannat” kitoblari bunga misol bo’la oladi. Ammo, yuqorida aytilganidek Injilda Iblisning aniq tasviri yo’q.

Tarixdan olib qaralganda Iblis hozirgichalik mavqega va qo’rquvga sababchi bo’lmagan. Uning atrofida kelib chiqqan turli rivoyatlar, hikoyalar, folklyorlar, cherkovning jodugarlikni Iblisga bog’lashi, uning insonga bo’lgan ta’sirini yanada oshirdi. XIX-XX asrga kelib, medianing rivojlanishi esa bu qo’rquvni yanada kengaytirdi. Umuman o’rta asrlargacha ham Satanni jiddiy qabul qilishmgan, u Xristian ilohiyotida o’rtahol mavqeni egallab kelgan.

Ilova: Bu yer hech kiimning e’tiqodini muhokama qiladigan joy emas, hozirgi va bundan keyingi o'rinlarda ham postlarga ma’lumot sifatida qarashingizni so’rardim. Shu o’rinda beshinchi qonunni eslash o’rinlidir )

@vasilbro

Satanizm

Mistik filmlarda yer qaridan chiqib keladigan echkisimon mavjudotga sig’inadiganlar va hozirgi zamonaviy satanistlarning qanchalik bog’liqlik jihatlari bor, deb o’ylaysiz ? Umuman olib qaraganda o’zbek sigmentida “Satanizm” juda yomon narsa sifatida ko’rilsa kerak - shaytonga sig’inuvchilar yomon eshtiladi, albatta, ammo bu biz tushunadigan tartibda amalga oshiriladimi, ya’ni ular qandaydir qurbonliklar qilib, qora kuchlar orqali insonlarni boshqarish, dunyoga yovuzlikni sochish bilan shug’ullanishidami ? Shu haqida qisqa va lo’nda;

Zamonaviy satanizimning markazida turgan Shayton, nasroniylikning Eski Ahddida uchraydigan, Ayub kabi odamlarning taqvodorligini sinab ko'rish uchun azob, yolg'on va baxtsizlikdan foydalanadigan mavjudot emas. U shuningdek, o'zini Xudoning dushmani sifatida ta’kidlab, Masihni vasvasaga solgan Yangi Ahddagi shayton ham emas. Aksincha, Shayton ibodatxonasi va Shayton cherkovi kabi tashkilotlarning ramzi bo’lgan Iblis versiyasi Jon Miltonning 1667 yildagi "Yo'qotilgan jannat" epik she'ridagi Iblisdir. Yo’qotilgan Jannat Iblisni ijobiy nuqtai nazardan tasvirlaydigan birinchi adabiyotlardan biri hisoblanadi. Unda Lyutsifer (fim haqida) haqida bayon qilinadi, Miltonning Iblisi xarizmatik antiqahramon bo'lib, u osmonga qarshi isyon ko'taradi va bu unga qimmatga tushadi. Lyutsifer qulaydi, do’zaxga badarg’a qilinadi, fallen angel.

O’z-o’zidan kelib chiqadiki, zamonaviy satanistlar shaytonga sig'inmaydilar - ular aslida oddiy ateistlardir. 1960-yillarning oʻrtalarida tashkil etilgan Shayton cherkovi buni quyidagicha tushuntiradi: “Biz uchun iblis gʻurur, erkinlik va individuallik ramzi, u bizning eng yuqori shaxsiy salohiyatimizning tashqi metaforik proektsiyasi boʻlib xizmat qiladi. Biz shaytonga borliq yoki shaxs sifatida ishonmaymiz”. Shayton cherkovi deb atalsada, aslida cherkov o’z binolariga ega emas, chunki "bu bizning hayotga individual yondashuvimizga zid bo'lar edi", deb qo’shimcha qilinadi. Satanizm o’ziga xos e’tiqod bo’lib, hozirgi kunda siyosiy kuchga ega.

Nasroniylikda xuddi Islomda bo’lgani kabi taqdir dahlsizdir. Ya’ni siz bilan ro’y beradigan barcha holatlar oldindan reja qilingan, Satanistlar esa buni rad qilishadi va o’z izdoshlarini atrofdagi adolatsilikka nisbatan "qasos" olishga chaqirishadi. Bunday xavotirli ritorikaga qaramay, bu zo'ravonlikka da'vat emas: 1970-1980 yillardagi tadqiqotlar shuni ko’rsatadiki - satanistlar tinch va qonunga bo'ysunuvchi deb topilgan. Ularning pozitsiyasi noto'g'ri ishlardan indamay azob chekishdan ko'ra, harakat qilishni anglatadi. Ularning ko’p joyda qoralanishi femenizm va LGBTni faol qo’llab quvvatlashlari bilan bog’liq. Biroq, tolerantlik shuni talab etadi. Xullas an'anaviy din g’oyasi fidoyilik va bo'ysunishni targ'ib qilsa, satanizm tolerantlik va so'z erkinligini qo’llab quvvatlaydi.

Istisno tariqasida Teistik satanizmning borligini ham ilova qilish kerak. Bu turdagi satanistlar Iblisni yoki Lyutsiferni obektiv ravishda Xudo sifatida ko’rishadi. Lekin bu turdagilar, kichik guruxlarni tashkil qilishadi. Ularning ateistik satanizmdan yana bir farqi, siz filmlarda ko’rganingiz sehrning har xil turlaridan foydalanishlaridadir. Biroq, yuqoridagi ikki e’toqdning o’xshashligi bor bu – iroda erkinligi. Teistik satanistlar ham, Lyutsiferni erkin ruh sifatida qadrlashadi. Shuni ta'kidlash kerakki, hozirgi teistik satanizm, shaytonga sig'inish va boshqalarga zarar etkazish bilan bog'liq bo'lgan mashhur "shaytoniylik" tushunchasi bilan bir xil emas. Umuman olganda, teistik satanizm - unga ergashadigan turli odamlar uchun turli xil ma'nolarga ega bo'lgan murakkab va bahsli e'tiqod hisoblanadi.

Buguncha shular. Post satanistlarni qo’llab quvvatlash, targ'ib qilish va ularni oq ko’rsatish uchun emas, shunchaki ular biz tasavvur qiladigandek vahshiy emasligini bildirish uchun edi. Ma’lumot qiziq bo’lgan bo’lsa xursandman ) Agar biz filmlarda ko’rib o’rganganimiz, mistik satanizm haqda post bo’lishini istovchilar bo’lsa, kechagi gap🗿

P.s: Radikallarga o’qish tavsiya qilinmaydi

@vasilbro

O’xshamagan kadr )

2021-yilda Netflix striming servisi va Warner Bros. studiyasi hamkorlikda suratga olgan “Kiyik shoxli bola” seriali mening eng sevgan loyihalarimdan biri. Bu juda falsafiy va qiziqarli serial.

18+ yosh chekloviga ega bu loyiha ustida esa Marvel filmlaridagi Temir Odam roli bilan tanilgan kenja Robert Dauni va uning turmush oʻrtogʻi Syuzani Dauni faoliyat olib bordi.

@insusambil

The Last of us serialida ko'rsatilgan post-apokaliptik dunyo tasvirning real hayotimizda ham yuzaga kelishi mumkin yoki mumkin emasligi haqida post tayyorlayapman.

Yozayotganlirmdan, qarshimdan chiqayotgan ma’lumotlardan hayratlanayapman desam ham bo’ladi. Biolog bo'lib ketamanov bu turishda🗿

@vasilbro

Masalan Millar 18+ kontent

Siz telvedinyadagilarni, bu turdagi ko’rsatuvni efirga berish uchun qanchalik farosat kerak, deb ayblashga shoshilmang.

Bugungi kunda telegram, youtube, instagram… xullas ijtimoiy tarmoqlar, TV va undagi mahalliy ko’rsatuvlarga bo’lgan talabni keskin tushirib yubordi. Endi, aholi axborot olishga bo’lgan talabini ijtimoiy tarmoqlar orqali qondirmoqda. Film kerakmi ? Istagancha saytlar bor, plus TVga o’xshab faqat cheklangan miqdor va tartibda emas. Yangilik ? Telegram kanallar sizga muntazir. Foydali biror nima ko’rishim kerak ? Youtubeni nega yaratib qo’yishibdi. Masalan o’zim faqat futbol ko’rish uchungina TV ni yoqaman, unda ham sharhda Davron Fayziyev bo’lsa.

Yuqoridagi bosimdan tashqari, TV kanallarning o’zaro ichki raqobati ham bor. Demak, ayrimlar sifatni emas, aksincha ko’proq insonni jalb qilishni xohlashadi. Aholining esa biroz yumor, biroz farosatsizlik bilan qorishgan axborotni iste’mol qilishga xohishi bor.

Moral shundaki, bu turdagi ko’rsatuvni ko’rayotgan odam, o’zini ulardan aqlli hisoblaydi, ustidan kuladi va hokazo. Bu jarayon unga yoqadi, ahir inson tabiati o’zidan kuchsizlar borligini anglaganda, huzur qilishga moyil emasmi. Keyin o’zi anglamagan holatda, yana shu ko’rsatuvni ko’rishga xohish uyg’onadi. U yana kulishni, o’zini aqlliroq his qilishni xohlaydi. Natijada ko’rsatuvning aktivi ko’tariladi. Ular ko’proq ommani jalb qilishadi, zamon shunday. Ularni ham bola-chaqasi bor )

@vasilbro

The 100 serialining dastlabki qismlarini ko’rib, qarashlarimni yana ham mustaxkamlab oldim.

Inson boshqarilishga, qonunlarga bo’ysinishga muhtojdir. To’liq erkinlik fojia - xaosga olib keladi.

Totalitar tuzum amalda bo’lgan jamiyatlarning taqdiri fojiali bo’lmasada, ularni chetdan kuzatish ham fojianing bir ko’rinishidir. Zotan, bir millatni shunday shart-sharoitlarda yashayotganligini ko’rib turish, fojia bo’lmay nima.

Asl fojia shundaki, ular shunday jamiyatlarda yashasalar ham o’zlarini baxtli sanaydilar, sen esa qancha erkin bo’lganing sari shuncha o’zgara boshlaysan. Cheklangan resurslar va cheklangan imkoniyatlar ham ularga o’zlarini baxtli hisoblashlari uchun kifoya. Ularda o’ylashga ortiqcha o’yning o’zi yo’q. Sen esa cheklanmagan imkoniyatlar qarshisida ojizsan.

Biroq, xoh yaxshi bo’lsin, xoh yomon har bir jamiyat bir kun qulaydi.

Nuralining avjiga chiqqan paytlari😁

Maroqli ijtimoiy hayot, deb shuni aytadilar

#obzor

Kutubxonam "obzor"i, yakshanbaga deb va'dam bergandim🙃

https://telegra.ph/SANTUAGARA-OF-LIBRARY-03-26

Kanal yuritishning ajoyibligi shundaki, sen o'zingni diktatordek his qilasan. Qatl o'rniga - blok, surgun o'rniga - ovozini o'chirib qo'ysang bo'ladi, istaganingni. Hech qanday istisnolarsiz )

Ali, Vali va G’ani misolida Bank

Ali, Vali va G’ani uchrashdilar. Alining Validan 20 sum qarzi bor edi, Vali qarzni qaytarishni so’radi. Ali hozir yonimda 10 sum bor, shuni olib tur, dedi (Alining qarzi 10 sumga kamaydi, qoldi 10 sum). Shu o’rinda Valining G’anidan 20 sum qarzi bor edi, holatni kuzatib turgan G’ani ham Validan qarzni qaytarishini ta’lab qildi. Vali ham hozicha 10 sumni olib tur, qolganini keyin beraman, dedi (Valining qarzi 10 sumga kamaydi, qoldi 10 sum). Ali hammasini kuzatib turib, qah-qah kuldida, G’anining bir oy oldin undan olgan 20 sum qarzini eslatdi va qaytarishini so’radi. G’ani yonida faqat shu 10 sum puli borligini aytib, qolganini keyin berishga va’da qildida, pulni berdi (G’anining qarzi 10 sumga kamaydi, qoldi 10 sum). Yana 10 sumga ega bo’lgan Ali, Valiga qolgan 10 sum qarzini qaytarib berdi, uning Validan qarzi qolmadi. Vali ham pulni olgach uni G’aniga berdi, uning G’anidan qarzi qolmadi. Shu yo’sinda G’ani ham Aliga qarzini qaytardi, uning Alidan qarzi qolmadi. Ali barcha qarzlaridan qutuldi, shu qatorda xotini go’shtga, deb bergan pulini ham saqlab qoldi🫡

Into the Wild (2007)

Kechagi oqshomni martning eng mazmunlisi, filmni esa ko’rgan filmlarim ichida eng yaxshilari qatoriga kiritaman. Film haqida ortiqcha yozgim yo’q, shunchaki vaqtingiz maroqli o’tadi, deb ilova qilishim mumkin. Hozir kichik detallar va filmda yangragan ayrim iqtiboslarni yozmoqchiman, balki biror kun uning o’zi haqida ham bafurja yozarman. Biroq bu hamma o’zi boshidan kechirishi kerak bo’lgan sarguzashtdir.

Doktor Jivagoni o’qishni to’xtatib qo’ygandim, filmdan so'ng uni o’qishga ishtiyoq kuchaydi. Kinoda asosan Jek London bilan Tolstoyning kitoblariga urg’u berilgan bo’lsada, fon ortida ko’proq Jivago ko’rinadi.

Bosh qahramon rolini o’ynagan Emil Xirshning xarizmasi tahsinga loyiq, bu aktyorlikdan ham yuqoriroq nimadir. Filmda bor yo’g’i 10-15 daqiqa ko’ringan Kristian Styuartni ham e’tirof etish kerakki, men unda nihoyat uchqun va yoqimlilik ko’rdim. U doim rollarda qandaydir siniqlik va sovuqlik bilan o’ynardi. Twilightda ayniqsa so’lg’in bir o’lmtikka o’xshaydi.

Emil Xirshning obrazini kuzatar ekanaman, ichimdagi isyon – hamma narsadan uzulish va bariga qo’l siltash oson va jozibali ko’rindi. Film aurasi doim his qilib turdim, ammo “the end” dan so’ng, bari o’ldi, men uningchalik qattiyatli emasligimni angladim.

Qo’lbola tarjimalar (to’g’ridan-to’g’ri emas, kontekstdan kelib chiqib);

Karyera qilish, menimcha bu 20-asr ixtirosi va men buni xohlamayman.

Har doim ham jismonan kuchli bo’lishing shart emas, aksincha o’zingni kuchli his qilishing kerak.

Menga pulning keragi yo’q, u odamni ehtiyotkor qilib qo’yadi.

Baxt qachonki uni kim bilandir bo’lishsangina haqiqiy bo’ladi.

9.5/10

P.s: Film real voqeaga asoslangan

@vasilbro

Nitsshe to’g’ri aytgandi;

Musiqasiz dunyo, xato bo’lardi.

@vasilbro

O’n yillar o’tib, meni qanday eslashadi;

Har qanday rasvo kunni yaxshi film bilan to’g’irlasa bo’ladi.

©️Vasil

@vasilbro

Kim nima o’qiyabdi ?

P.s: O’ylab qarasam rasmdagi hech narsa o’zimniki emas ekan. Kitob Faktordan, chashka Hifzdan, ko’rpa-to’shak Onamdan sovg’a. Faqat qahvani o’zim olib kelibman🗿