Into the Wild (2007)

Kechagi oqshomni martning eng mazmunlisi, filmni esa ko’rgan filmlarim ichida eng yaxshilari qatoriga kiritaman. Film haqida ortiqcha yozgim yo’q, shunchaki vaqtingiz maroqli o’tadi, deb ilova qilishim mumkin. Hozir kichik detallar va filmda yangragan ayrim iqtiboslarni yozmoqchiman, balki biror kun uning o’zi haqida ham bafurja yozarman. Biroq bu hamma o’zi boshidan kechirishi kerak bo’lgan sarguzashtdir.

Doktor Jivagoni o’qishni to’xtatib qo’ygandim, filmdan so'ng uni o’qishga ishtiyoq kuchaydi. Kinoda asosan Jek London bilan Tolstoyning kitoblariga urg’u berilgan bo’lsada, fon ortida ko’proq Jivago ko’rinadi.

Bosh qahramon rolini o’ynagan Emil Xirshning xarizmasi tahsinga loyiq, bu aktyorlikdan ham yuqoriroq nimadir. Filmda bor yo’g’i 10-15 daqiqa ko’ringan Kristian Styuartni ham e’tirof etish kerakki, men unda nihoyat uchqun va yoqimlilik ko’rdim. U doim rollarda qandaydir siniqlik va sovuqlik bilan o’ynardi. Twilightda ayniqsa so’lg’in bir o’lmtikka o’xshaydi.

Emil Xirshning obrazini kuzatar ekanaman, ichimdagi isyon – hamma narsadan uzulish va bariga qo’l siltash oson va jozibali ko’rindi. Film aurasi doim his qilib turdim, ammo “the end” dan so’ng, bari o’ldi, men uningchalik qattiyatli emasligimni angladim.

Qo’lbola tarjimalar (to’g’ridan-to’g’ri emas, kontekstdan kelib chiqib);

Karyera qilish, menimcha bu 20-asr ixtirosi va men buni xohlamayman.

Har doim ham jismonan kuchli bo’lishing shart emas, aksincha o’zingni kuchli his qilishing kerak.

Menga pulning keragi yo’q, u odamni ehtiyotkor qilib qo’yadi.

Baxt qachonki uni kim bilandir bo’lishsangina haqiqiy bo’ladi.

9.5/10

P.s: Film real voqeaga asoslangan

@vasilbro

Nitsshe to’g’ri aytgandi;

Musiqasiz dunyo, xato bo’lardi.

@vasilbro

O’n yillar o’tib, meni qanday eslashadi;

Har qanday rasvo kunni yaxshi film bilan to’g’irlasa bo’ladi.

©️Vasil

@vasilbro

Kim nima o’qiyabdi ?

P.s: O’ylab qarasam rasmdagi hech narsa o’zimniki emas ekan. Kitob Faktordan, chashka Hifzdan, ko’rpa-to’shak Onamdan sovg’a. Faqat qahvani o’zim olib kelibman🗿

Soddagina xalqimiz borda )

@vasilbro

Uyg'onish davrida siyosiy fikr, axloq va dindan ajralib turgan.

Nikkolo Makiavelli - xudbinlik va moddiy manfaatdorlikni inson faoliyatining motivlari deb bilgan. Odamlar ochko'z, qo'rqoq, vafosiz bo'lishga moyil. Makiavelli fikricha, siyosiy maqsadlarga va davlat farovonligiga erishish uchun hukmdor har qanday vositadan foydalanishi mumkin.

Keyinchalik siyosatchilarning siyosiy maqsadlarga erishishda axloq me’yorlariga e’tibor bermay, o‘z maqsadlariga erishish uchun g‘ayriinsoniy usullardan uyalmay qo‘llaydigan xatti-harakatlari makiavelizm deb atala boshlangan.

"Odamlar zarurat tufayli yaxshilik qilishga majbur bo'lmaguncha doimo yomondirlar."

"Barcha qurolli payg'ambarlar g'alaba qozondi va barcha qurolsizlar halok bo'ldi".

P.s: oqshomga o’qish uchun aniq kitobing bo’lishi, qandayin yaxshi )

P.s.s: bugun sayrbop havo )

@vasilbro

Dushanba

Hali butun boshli jo’shqin hafta bizni kutib turibdi )

@vasilbro

Taksi hangomalari

O’zbekistonda oddiy xalqning madaniyati, fikrlashi qanchalik yaxshi yoki yomon tomonga o’zgarayotganligini bilish uchun taksiga chiqish kifoya. Ular yaxshigina informator bo’lishadi.

Bizda bugun look shunaqaroq edi (o’tgan yilgi rasm). Ertalab choy ichmaganim uchun do’kondan shirinlik oldim, taksiga o’tirdim. Mirshakar to’g’ri aytgan – bizda taksiga o’tirdingmi, o’z ixtiyoringsiz suhbatga rozi bo’lasan. Haydovchi sinchkov nigoh bilan shirinlikka qaradida;
– ro’za emasmisiz, dedi
– yo’q, dedim
– nega, dedi
Nima uchun sababiga qiziqayabsiz, dedim. Shunchaki, deb javob berdi. Sizga tushuntirishga majburiyatim yo’q, deb javob berdim. Qiziq hangoma keyin boshlandi. Shlyapamga qarab; yahudiylar shunaqa kiyib yurishadi, bilmasmidingiz, dedi. Javob bermadim, bu yog’iga sabrim yetmasligini his qildim, taksini to’xtatishini so’radim va tushib qoldim.

E’tiqod va unga doir har qanday masala shaxsiy va dahlsiz bo’lishi kerak.

Ohirgi paytlar olayotgan rasmlarimdan ko’nglim to’layapti )

Jizzaxda yomg’ir

@vasilbro