Yakshanba oqshomini maroqli o’tkazish doim ham amalga oshavermaydigan hodisa. Turli rejalar tuzasiz; mana bu filmni ko’raman yoki kitobni o’qiyman, bazan u kutganingizdek bo’lib chiqmaydi. Mushkulotingizni yengillashtiray - Tetris

Qo’rqmay chipslarni g’amlab olib, ichimlikdan simirib-simirib ko’rsa bo’ladigan film. Bolaligimizda sevib o’ynagan o’yinning yaratilish tarixi o’ylaganingizdan ancha qiziq. Syujet ancha-muncha muhim tarixiy insaydlarga boy. Hammaga tavsiya qilaman )

@vasilbro

#live

VASIL

Shu kunlarga ham yetib keldik, Karl. Ispanlar ishlashibdi. Filmni hali ko’rganim yo’q, lekin bosh qahramon shaxmatni yaxshi ko’rar ekan, demak, o’xshashliklar yo’q emas.

@vasilbro

#tarjima

Anton Chexov, "Odamning qisqacha anatomiyasi" hikoyasidan

Bosh. U hammada bor, lekin hamma ham unga muhtoj emas. Ba'zilarga o'ylash uchun, boshqalar fikriga ko'ra - shlyapa kiyish uchun kerak. Ikkinchi fikr unchalik xavfli emas... Ba'zida u miya suyuqligini o'z ichiga oladi.

Yuz. Qalbning ko'zgusi, lekin advokatlar uchun emas. Uning ko'plab sinonimlari bor: morda, aft, fiziologiya, turq, tasvir, bashara va boshqalar.

Peshona. Vazifalari: sajdaga bosh qo’yish uchun va so’raganlani ijobat bo’lmaganda devorga urish uchun.

Ko'zlar. Boshning mirshabi - ular kuzatadilar va eslab qolishadi. G'amli kunlarda yig'lash uchun.

Burun. Shamollash va hid uchun berilgan. Siyosatga aralashmaydi. Vaqti-vaqti bilan tamaki aktsizining ko'payishida ishtirok etadi, shu sababli foydali organlar qatoriga kiritish mumkin.

Til. Denonsatsiyalar qog'ozga yozila boshlaganligi sababli, u davlat bilan qoldi. Ayollar va ilonlarga yoqimli o'yin-kulgi organi bo'lib xizmat qiladi. Eng yaxshi til – pishgan tildir.

Yurak. Vatanparvarlik va boshqa ko'plab tuyg'ularning qozoni. Ayollarning yuragida o’z mehmonxonalari bor: qorinchalarni harbiylar, atrialarni tinch aholi, tepasini esa er egallaydi.

Bel. Axillesning tovoni kabi, modellar, tikuvchilarning nozik joyi. Yosh kuyovlar va korset sotuvchilari orasida ayollarning sevimli joyi.

Qorin. Organ tug'ma emas, balki ortirilgan. Sud maslahatchisi lavozimidan boshlab o'sishni boshlaydi.

Shu jumladan;

A.P. Chexov, "Nikoh to'g'risida e'lon"
Arkadiy Averchenko, “Ajoyib tarbiya”
Daniil Xarmis “Ego”

@vasilbro

Dune

Frank Gerbertning dunyosiga qiziqib qolganimga ancha bo’lgandi, nihoyat kitob motivlari asosida sur’atga olingan Dune (2021) filmini ko’rib chiqdim (menimcha eng ohirgilardan biri bo’lib). Film menda shunchalik yaxshi taassurot qoldirdiki, hatto 1984 yilda Devid Linch rejissyorligi ostida ekran yuzini ko’rgan dastabki filmni ham tomosha qildim. Qo’rqmasdan oilaviy ko’rsa bo’ladigan kinolar qatoriga kiritaman, har holda dastlabki qism shunday hisni uyg’otdi. Ijodkorlar ortiqcha ekshin sahnalarsiz, ko’plab g’ayri tabiiy mavjudotlarsiz ham yaxshi fantastik film ishlash mumkinligini isbotlab berishgan. Soundtracklarga esa gap so’z bo’lishi mumkin emas, lazzatli muhit. Quvonarlisi, Frank Gerbertning Dune asari mualliflik huquqini Asaxiy sotib olgan. Kitob 2024-yilda chop etilishi rejalashtirilgan. Ikkinchi qism premyerasi shu yilning noyabr oylarida bo’lib o’tishini hisobga olsak, 2024 yil boshida Asaxiy ham kitobni chiqarsa voqealar ketma-ketligi ajoyib bo’lardi. Kitobni ham, filmni ham barchaga tavsiya qilaman )

Don’t look up

Shu kunlarda zerikib yurgan bo’lsangiz, Don’t look up yaxshi tanlov. Filmda yerga yaqinlashib kelayotgan halokatli kameta fonida insoniyatning o’zini qanday tutishi kamera lentalariga muhrlangan (albatta kosa tegida nim kosa bor). Filmni ko’rish davomida, menda shunday his paydo bo’ldiki, insonlar kameta halokatidan qutilib qolishlarini emas, balki qirilib ketishlarini xohladim. Shunchaki ko’ring, yengil kulgu bilan qarshi oladigan voqealaringiz fonida, jamiyat tasviri gavdalanadi.

@vasilbro

Tarixiy solnomalar📜

“Odam Atoning yaratilishi” freskasiyasi – taxminlar, fikrlar, faktlar.

Ijtimoiy tarmoqlarda, xoh Instagram postlarda bo’lsin, xoh Telegram avatarlarida; ikki bir-biriga tegmay turgan qo’llarning barmoqlari aks etgan sur’atlarni ko’p uchratib qolamiz. Hozirda bu yetishilmagan sevgi yoki qandaydir hissiy masofaga ishora sifatida talqin qilinadi. Ammo, bu sur’atlarning tag zamirida yotuvchi ramziy ma’nodan ko’pchilik bexabar. Ushbu sur’at necha asrlardirki, san’at ihlosmandlari orasida o’zining muhokamaga boyligi va dolzarbligini yo’qotmay kelmoqda. Bugun shu haqida !

Uyg’onish davri Italya rassomchilik maktabi darg’alaridan, kimsan Leonardo da Vinchi bilan bir davrda yashagan va raqobat olib borgan - Mikelanjelo di Lodoviko di Leonardo di Buonarroti Simoni yoki shunchaki Mikelanjeloning “Odam Atoning yaratilishi” freskasi, o’z davri va to bugungi kunimizga qadar yaratilgan san’at asarlari orasida eng muhtashamlaridan va asrlar davomida turli xil maqsadlarda, turli xil nusxalarda inson ongida qayta va qaytda tirilganlardan biridir. Freska Papa Yuliy II buyutmasiga ko’ra Sikstin kapellasi shiftlariga chizilgan o’nlab freskalardan biridir (Papaning Vatikandagi rasmiy qarorgohi)

Mikelanjeloga ushbu freskani yaratishda Ibtido kitobi (1:27) da “Xudo insonni o’z sur’atida yaratdi” so’zlari ilhom bag’ishlagan deb talqin qilinadi. Mantiqan o’ylab qaralganda ham shunday; Xudo soqolli, qattiyatli, qarashlari o’tkir inson shaklida gavdalantirilgan. Umuman uyg’onish davri san’atida yunon mifologik xarakterlaridan eskiz olish ko’p uchraydi. Biroq, Mikelanjelo aynan Ibtido kitobidagi so’zlarga tayanib chizganligi haqida aniq dalillar yo’q, umumiy fikr mavjud xolos. Freskaning o’zi ko’plab ramzlarga ega va hali hanuz san’atshunoslar, tarixchilar tomonidan o’rganib kelinadi.

Inson miyasi

1990 yilda Indiana shtatining Anderson shahrida faoliyat olib boruvchi shifokor Frenk Meshberger Amerika Tibbiyot Assotsiatsiyasi jurnalida ko’rgan Xudoning siymosi orqasida tasvirlangan figuralar va shakllar inson miyasining anatomik jihatdan aniq tasviri bo'lib ko'rinayotganligi haqidagi fikrni ilgari suradi. Diqqat bilan tekshirilganda, rasmdagi chegaralar miyaning ichki va tashqi yuzalarida, miya sopi, frontal lob, bazilyar arteriya, gipofiz bezi va optik xiazmadagi miyaning asosiy sulkuslari bilan mos keladi. Bu jarayon, Xudo insonga barmog’ini tekkizish orqali idirok ato etganligini ifodasidir. Mikelanjeloning inson tanasini yorib ko’rib, o’rganganligini hisobga olsak, u o’z bilmlarini san’atiga sizdirmoqchi bo’lgan, degan o’rinli fikr yuzaga keladi.

Tug’ilish jarayoni

Ba’zilar Xudo ortidagi farishtalar fonidagi qizil matoni bachadon ekanligini iddao qilishgan. Xudo tasviri pastidagi yashil sharf – kesilgan kindik, deb talqin qilingan. Ammo, Ibrohimiy dinlarda Odam Atoning tug’ilmaganligi, balki yaratilganligini hisobga olsak, bu tahmin, o’z-o’zidan puchga chiqadi. Biroq, Mikelanjeloning cherkov an’analariga doim zid ish qilib kelganligi, bu borada doim mojarolar kelib chiqganligini inobatga oladigan bo’lsak, balki u yana bir-bor imkoniyatdan foydalanib qolgandir.

Ishonch

Agar yaxshilab e’tibor berilsa, Xudoning barmoqlari Odam Ato tomon imkon qadar cho’zilgan, Odam Atonong barmoqlari esa hiyol pastga tushgan. Xuddiki, u Xudo tomon intilmayotgandek. Bu esa Xudoga ishonish har kimning o’z shaxsiy ishi, bir barmoq cho’zish orqali unga yetishish yoki aksincha bo’lishi mumkinligini ifodalaydi. Bu borada yana bir tahmin ilgari suriladiki, agar inson oz bo'lsada Yaratganga instilsa va bu har qanday ko'rinishda bo'lmasin, Xudo unga yaqinlashadi. Ya'ni Odam Ato barmoqlarini ishonchsiz uzatayotgan bo'lsada, Xudo unga yaqin.

Maqola to’ldirib boriladi.

@vasilbro

#iqtibos

Mergan kitobidan

Qotillik, zo’ravonlik va vaxshiylik – bularning barchasi ezgulik nomi ila amalga oshiriladi. Qonga botgan ezgulik nomi ila.


@vasilbro

Men va “jo’shqin” oliy ta’lim

Ikarus haqidagi afsonadan ko’pchilik xabardor bo’lsa kerak. Lo’nda hikoya quyidagicha; Afsonaga ko’ra Dedal Krit orolidan qochish uchun o’zi va o’g’li Ikarusga qanotlar yasaydi. O’g’lini quyoshga yaqin uchmaslikdan, yo’qsa qanotlardagi mum erib halok bo’lishidan ogohlantiradi. Biroq, Ikarus buni unutadi va halok bo’ladi.

Kecha fizika darsidan oraliq nazorat topshirishimiz kerak edi. Men hech qachon shu varoq-varoq narsalarni, konspektlarni kimdir o’qishiga ishonmaganman (shunchaki qaraladi ummon-ummon narsa yozilgan bo’lsa, o’qimay baho qo’yib ketaverishadi, muhimi plan bajarilgan). Kichik eksperiment qilib ko’rdim, temperaturaning nimagadir ta’siri haqidagi savolga Ikarus haqidagi afsonani yozib chiqdim. Agar o’qituvchi uni rostan o’qisa, uzog’i borsa qayta topshirish, agar hammasi silliq o’tsa, demak men ko’plab afsonalar haqida yozib chiqaman.

P.s: Kanalning nomiga mos holat bo’ldi o’ziyam )

P.s.s: Uy sharoitida takrorlash tavsiya etilmaydi !

@vasilbro

So’rovnoma

Qaysi filmni qaytadan ko’rish uchun unga bog’liq xotirangiz o’chishiga tayyorsiz ?

Menga hozir nima kerak;

Filmlardagidek oradan yillar o’tdi… behosadan notanish odamga urilib ketasan, nogoh nigohlar to’qnashadi va Yesenin haq bo’lib chiqadi… Hammasi qarashlardan boshlanadi. Doimo

@vasilbro

Zabarjad top – shul kitob nashrga chiqibdi.

Kolleksiyaga qo’shish kerak. Den Braundan keyingi o’qiladigan kitob ham aniq bo’ldi. Yozning jaziramasi yanada qaynoq keladigan-ov )

@vasilbro

Anons qilib qo’ymoq lozim ))

@vasilbro

Yakshanba oqshomi

Ishim sabab kamdan-kam uydagilar bilan bir dasturxon atrofida o’tiraman. Mana ovqatlanayabmiz, TV yoniq; Dunyoning ishlari – jodugar kelin 2. Har qanday gollivud blokbasterlari sarlavhasini bezaydigan o’zbek filmini ko’rib o’tiribmiz. Sabr ber )

Ha, Karl, eski paytlardagidek, rasm ishlash jarayoni )

P.s: menimcha shampan vinosi yetishmayapti🗿

@vasilbro

13 yoshli jiyanim Marvel uchun ssenariy yozayotgandi, tayyor bo’libdi. Kecha botdan xabar yozib qoldi. O'qib ko'ramiz albatta )

P.s: Imloviy xatolar tuzatilgani yo’q, o’zbekchada qiynaladi yozishga.

@vasilbro

​​Love, Death & Robots


Narutodan biroz chekindim, juda katta hajmli seriallarni doimiy tarzda mavsumdan, mavsumga ulab ko’rish, undan zerikib qolish ehtimolini kuchaytiradi. Pauzalar bilan ko’rish esa, ancha yaxshiroq. Bu sog’inch, qiziqish va intrigani oshirishga yordam beradi. Xullas Narutodan chekinib, ohirgi ikki kun ichida «Love, Death and Robots» kattalar uchun mo’ljallangan animatsion filmning ikki mavsumini ko’rib chiqdim. Plus va minuslarni umumlashtirganda, loyiha manzur bo’ldi. Serial xuddi Black mirrorga o’xshash ssenariyda rivojlanadi, ya’ni tomoshabinni turli rakurslar o’laroq qamrab oladi. Farqi, qisqalik, lo’ndalik va umumiy g’oyaning yo’qligida. Har bir qismning o’rtacha davomiyligi 10 daqiqadan iborat. Demakki, tik-tok va instagramda reels ko’raverib, uzoq davom etadigan filmlarni xushlamay qolganlar yoki vaqti tig’iz insonlar uchun ayni muddao.

Xemingueyning aysberg nazariyasidan (o’tkazib yuborish nazariyasi) xabaringiz bo’lsa kerak. Bu uslubga ko’ra, asosiy mavzu aniq muhokama qilinmasdan, sirt elementlar va his-tuyg'ularga e'tibor qaratiladi. Uslub nafaqat adabiyot, balki san'atning boshqa javhalari - rassomchilik, kino va fotografiyada ham qo’llaniladi. Serial ham aynan shu nazariyaning qisman filmga ko’chgan adaptatsiyasidir. Qisqa va lo’ndalik orqali yetkazib berilgan voqelikning boshlanish nuqtasi yoki kelajagining rivoji tomoshabinning tasavvur chegaralarining qanchalik keng ekanligiga bog’liq. Nega bunday bo'lgan, nega bunday bo'layapti, endi nima bo'ladi, degandek. Loyiha komediya, horror, ilmiy fantastika va fentezi janrlari ustiga qurilgan. Ayniqsa, triller elementi maromida uyg'unlashgan.

Xeminguey o’z nazaryasini quyidagicha ta’riflaydi;

Agar yozuvchi nima haqida yozayotganini yetarlicha bilsa, u o'zi bilgan narsalarni tashlab ketishi mumkin va agar yozuvchi haqiqatan ham ularni yozmoqchi bo’lgan bo'lsa, o'quvchi bu narsalarni yozuvchi o’ylagandek his qiladi. Aysberg nazaryasining qadr-qimmati uning faqat sakkizdan bir qismi suv ustida ekanligi bilan bog'liq.

Ba'zilar Xemingueyning bunday yozish uslubi dangasalikdan kelib chiqqan deb hisoblaydi, ammo aslida bu odatiy yozish uslubidan ko'ra ko'proq harakat talab qiladigan jarayondir. Xeminguey jurnalist bo'lib ishlagani ham bu uslubni ishlab chiqishga turtki bo’lgan, o’zingizga ma’lumki bosma gazetalarda joy cheklanganligi sababli ixchamlik talab qilinadi. Bundan tashqari, aysberg texnikasi kitoblarga filmlarni ko'rishdagi kabi hayratlanarli tuyg'uni berish uchun yechim sifatida ishlatilishi ham mumkin. Filmlarni tomosha qilganimizda, qahramonning his-tuyg'ularini ko'ramiz, agar ular qayg'uli, aqldan ozgan yoki g'azablangan bo'lsa, ovozini eshitishimiz mumkin. Boshqa tomondan, kitoblarda his-tuyg’ular boshqacha ifodalanadi. Bu an'anaviy ravishda yozuvchini qahramonning his-tuyg'ularini yoki ehtimol ularning yuz ifodalarini tasvirlashiga olib keladi. Ammo, bu jarayon filmlardagidek jo’n va tez bo’lmaydi, shu sababli bu yerda Xemingueyning aysberg nazariyasi qo’l keladi. Xuddi mana bunday;

Bolalar oyoq kiyimi sotiladi. Kiyilmagan…

P.s: Mening talqinim, mutaxassis fikridan to’liq farq qilishi mumkin. Aytgancha serialni tavsiya qilaman )

@vasilbro

#film

Yakshanba oqshomi uchun – Oldboy

Ko’rish davomida fikrlarimni chalkashtirib tashlagan film. Oilaviy ko’rish tavsiya qilinmaydi !

Kuling va dunyo siz bilan birga kuladi. Yig'lang va siz yolg'iz yig'laysiz.

@vasilbro