#rasman

Ilon Musk "XAI" sun'iy intellekt kompanyasini ishga tushiribdi.

#horror

Marianne

Shaxsan Stiven King tavsiya bergani uchun ko’rishni boshladim va e’tirof etish kerakki, yomon ketmayapti. Kech tushganda ko’rishlik

@vasilbro

​​#maqola

Yetti oylik umrim sarf etib yozilgan maqola. O‘qing, kechga tarixini aytib beraman.

#challenge

Xullas, shakar va gazli ichimliklardan butunlay voz kechdim.

Balki, men hayotingdagi muhim inson bo'lmagandirman, ammo umid qilamanki, bir kun meni ismimni eshitganingda, jilmayasan va;

Men uni sog’indim, deysan.

Balki, bu yuz berib bo’lgandir )

@vasilbro

#big_think

1/2

Wikenigma

Bugungi kunda Google va Vikipediyadan foydalanishni biladigan har qanday inson borki, butun olam sirlaridan voqifdek sezadi, o’zini. To’g’rida, birgina kalit so’z orqali siz o’zingizga noma’lum bo’lgan har qanday hodisa yoki mavhum narsa haqida bilmga ega bo’lasiz.

Men shunday davrda yashayotganimdan mamnunman. Internetni, antibiotiklarni, markaziy isitish tizimini va Marvel kinematik olamini, xullas jamiyki qulayliklarni yaxshi ko'raman. Ammo, ba’zida menga insoniyatning qiladigan ishi qolmagandek tuyuladi. Hamma yerlar kashf qilindi, barcha xazinalar topildi, barcha ajdaholar o‘ldirildi. Mendan so’rasangiz, kashfiyotlar davrining boshi, hali odamlar ko’plab narsalar haqida bilmagan davrlar qanday bo'lganini tasavvur qilishni yaxshi ko'raman. Bu sayohatchilar ekzotik joylarni ziyorat qilib, afsonaviy hayvonlar va uyum-uyum oltin tog'lar haqidagi ertaklar bilan qaytgan davrlar edi. Bugun esa hech qayerga borish shart emas; siz google xaritadan hamma narsani ko'rishingiz va amazonda xohlagan narsangizni sotib olishingiz mumkin. O’zi, kashf qilishga biror nima qoldimi ?

Demak, Wikenigma-ga kirishni ayni vaqti. Vikenigma Vikipediyaning yovuz egizakiga o'xshaydi. Javob berish o'rniga, savollar tug'diradi, tushuntirish o'rniga, qanchalik oz narsa bilishimizni eslatadi. Wikenigma - bu barcha ochiq savollar va noma'lum narsalar ombori. Quyida bir qancha misollarni ko’rib chiqamiz.

2/2

Qizarish

Bu barchamizda sodir bo’lgan jarayon. Masalan, ommma oldida tasodifan farting qilib yubordingiz va hamma sizga tikilib qarab qoldi, beixtiyor yuzingizga qizillik yuguradi. Yoki siz sevuvchi inson, sizning unga bo’lgan munosabatlaringizdan xabar topgandagi holatni tasavvur qiling va hokazo.

Oddiy sharoitlarda biz yuz ifodalarimizni nazorat qila olamiz. O'zimizni g'azablanmagandek ko'rsatamiz, yuzimizda quvonchni aks ettiramiz yoki umidsizlikni yashiramiz. Qizarish - bu yuzning xiyonati, u sizni hammaga sotib beradi. Ma’lumki, yuzimizda, qizarish uchun maxsus mexanizmlar, ya'ni faqat qizarish uchun xizmat qiluvchi qon tomirlarining kengayish tizimi mavjud. Ammo nima uchun, nega ular bor ? Noma’lum.

Astma

Tibbiyot rivojlanayotgani bilan, astma kuchaymoqda. Jahon sog'liqni saqlash tashkiloti hisob-kitoblariga ko'ra, bugungi kunda 1980-yillarga nisbatan astma bilan kasallanish 60% ko'proq va o'limlar bir vaqtning o'zida ikki baravar ko'paygan. Hozirda 300 million astma bilan kasallangan odamlar bor va 2025 yilga borib ularning soni yana 100 millionga ko'payishi tahmin qilingan.

Ammo nega astma kuchaymoqda ? Biz bilmaymiz. Bir qancha nazariyalar bor xalos: ichki va tashqi allergenlar, parhez, vitaminlar, tamaki, havo ifloslanishi va boshqalar. Lekin hech biri isbotlanmagan. Mutaxassislar nima uchun dunyo kundan-kunga “xirillab” borayotgani to’g’risida umumiy fikrga kelishmagan.

Intellekt

Garchi hamma Albert Eynshteyn juda aqlli bo'lganiga rozi bo'lsa-da, aql nima ekanligi haqida umumiy fikr yo'q. Mahalliy barlardagi istalgan mayho’rni olaylik, albatta, u fizika imtihonidan o'ta olmagan bo'lardi, lekin u Liverpulning oddiy ko'chalari haqida Eynshteyndan ko'ra ko'proq biladi. IQ testlari ba'zi miqdoriy o'lchovlarni berishi mumkin bo'lsa-da, ular mavjud bo'lgan turli xil intellektlarni baholash qobiliyatida tubdan cheklangan. Michigan universitetidan Stenli Garn aytganidek: "Agar aborigenlar IQ testini tuzgan bo'lganlarida, butun G'arb sivilizatsiyasi undan yiqilgan bo’lardi"

Kitlar qo'shig'i

Ko'plab kit turlari qo'shiq kuylashadi. Kitlarning qo'shiqlari jo'shqin va tinchlantiruvchi, lekin ayni paytda bezovta qiluvchi va dahshatli hamdir. Kitlar baʼzan boshqalarga o’lja haqida ma’lumot berish yoki bir-birini topish uchun qoʻshiq aytishadi. Ammo ba'zida ular "kit qo'shig'i tomoshasi"ni uyushtirishadi, bu aql bovar qilmaydigan, to'lqinli ohangdan iborat gipnoz xoridir.

Ammo, nima uchun bunday qilishlari noma’lum. Bir nechta g'oyalar bor - bu urg'ochilarni jalb qilish yoki raqiblarni ov hududidan quvish uchun qo'rqitish usuli bo'lishi mumkin. Nazariyalarning hech biri isbotlanmagan. Ehtimol, ular buni zavq uchun qilishar.

Kulgu

Kulish yurak uchun, ruhiy salomatlik uchun foydalidir va og'riq qoldiruvchi vosita sifatida xizmat qilishi mumkin. Ko'pgina turlar kulgiga o'xshash xatti-harakatlarni namoyish etadilar - shimpanzelar, gorillalar, bonobolar, orangutanlar, kalamushlar, sichqonlar va itlarning kulishi qayd etilgan.

Ammo shunga qaramay, biz nima uchun kulishimizni bilmaymiz. Biz kulgining evolyutsion maqsadini bilmaymiz, biz kulgining ijtimoiy funktsiyasini bilmaymiz va qanday biologik funktsiyalar kulishni keltirib chiqarishini ham bilmaymiz. Bizda juda ko'p nazariyalar mavjud. Umuman olganda insoniyat uchun juda universal bo'lgan narsa haqida bilmasligimizni o’zi kulgulidir.

Penguin

Wikenigma-da hamma narsa ilm-fan bilan bog’liq emas. Yo'qolgan etimologiyalar ham mavjud. Masalan, biz "abracadabra", "dog" yoki "shark" so'zlari qayerdan kelganini bilmaymiz. Pingvin ham lingvistik sirdir. Bu lotin tilidagi “pinguis” so’zidan olingan bo'lishi mumkin, "yog'li va suvli" degan ma'noni anglatadi. Ammo antik davrda pingvinlarning ziyofatlaridan darak beruvchi aniq dalillar mavjud emas.

Xo’sh, mahalliy ekspertlarimiz bu haqida nima deydi ?

@vasilbro

#kundalikdan

Mening chirkin va ma’nosiz fikrlarim

Biror ishi tushib yoki biror maqsad o’laroq kim bilandir yozishish, suhbat qurish, kechirasiz boshqachasi bo’lishi mumkinmi ?

Inson uch narsadan qo’rqmog’i lozim. E’tiqodiga ko’ra oliy yartuvchidan, o’zidan va xojatxonada ishi bitganidan keyin suv kelmay qolishidan.

Baxt va sevgi kelajakka tupurgan, ular bugun, hozir va ayni soniyada mavjud.

Shahar qanchalik kichik bo’lmasin, sen o’zing istagan odam bilan hech yuzlashmaysan va aksincha shahar qanchalik katta bo’lmasin, sen istamagan odam qarshingdan chiqib kelaveradi. Hayotning kinodan yana bir farqi shunda.

Butun kunni rejalash, hatto haftalarni, men bunga dosh berolmasdim.

Men doim kimlarningdir fikrlarini takrorlayapman deb o’ylayman, o’ylashimcha dunyoda aytilmagan fikrning o’zi qolmagan.

Eng rasvolarini tanlab oldim )

@vasilbro

Kristofer Nolan;

Oppengeymerimni ko’rganlaridan so’ng tomoshabinlar kinoteatrni butunlay bo’sh qoldirishadi. Ular biror so’z ayta olishmaydi…

Film yakunlangacha o’rnimdan turdim va;

Interstellar darajasidek emas, dedim.

Biroq e’tirof etish kerakki, juda katta ko’lamli ish, film ajoyib chiqqan. Nolanning eng yaxshi ishlaridan biri, ammo eng zo’ri emas (har holda men uchun).

Tog'a bo'ldim )

Oppengeymer va Barbi fonida qolib ketayotganlar haqida qisqacha

• “Fantastic Mr.Fox” animatsion filmi va “The Grand Budapest Hotel” filmlari bilan nom qozongan rejissyor Wes Andersonning “Asteroid city” nomli yangi filmi chiqdi. Huddi Oppengeymer singari bu filmda ham, muhtasham aktyorlar jamoasi yig’ilgan. Komedya, drama. (hali ko’rganim yo’q)

• Bir paytlar Sandra Bullok ijrosidagi “Bird Box” ni ko’rishni tavsiya bergandim. Shu yilning 14 iyul kuni Netflix platformasi Josh Mallerman kitobi asosida su’ratga olingan dastlabki qismning o’zgacha talqini “Bird Box. Barcelona”ni taqdim etdi. Menga yoqdi, ssenariy, syujet tamomila boshqacha, ammo negadir ko’pchilik tomonidan iliq kutib olinmadi. Ertaga film haqida emas-u, undagi bir epizod haqida post chiqadi. Post-apokaliptik, triller.

• Menga yoqadigan eng yaxshi mistik horrorlardan biri "Insdious" franshizasi yana davom etadi. 7 iyul kuni “Insdious: The red Door” tomoshabinlar ixtiyoriga taqdim etildi. Nisbatan muvaffaqiyatsiz to'rtinchi qismdan keyin, hozircha beshinchi qismni yaxshi qabul qilishmoqda. Qiziq tomoni filmga bu franshizaning bosh qahramonlaridan biri Pattrick Wilsonning o’zi rejissyorlik qilgan. Halicha ko’rganim yo’q, kinoteatrda ko’rmoqchiman.

• Sizlarni Karllarim deb atashimga va umuman Karl iborasini mediaga singishiga sababchi bo’lgan “The Walking dead” post-apokaliptik seriali qahramonlari Meggi va Neganning tirik o’liklar aro yangi sarguzashtlariga bag’ishlangan “The Walking dead. Dead city” seriali katta ekranlarga chiqdi.

• Ohirgi paytlarda, Tom Holland va maftunkor Amanda Sayfred ijrosidagi “The crowded room” ancha shovqin ko’tardi. Balki shu serial Tom Hollandning haqiqiy aktyorlik mahoratini ochib bergandir. Har holda Tom, 24 ta alohida shahsiyatga ega bo’lgan o’sha mashhur Billy Milligan obrazini ekranga olib chiqgan.

Qadrdon Indi va qarib quyilmagan Tom Kruzning sarguzashtlaridan shu siz ham xabardor bo’lsangiz kerak.

@vasilbro

Kattalar, bola hatto eng qiyin vaziyatda ham juda muhim maslahat berishi mumkinligini bilishmaydi.