“San’at haftaligi” doirasida

Ieronim Bosxning “Yer yuzidagi lazzatlar bog’i” asari

Bemalol biror filmga ketadigan vaqt o’rniga, sinchiklab, har bir detal va figuraga e’tibor qaratib, kuzatish zarur bo’lgan surat. Gunoh, jazo, lazzat va do'zax mavzulari singib ketgan, g'ayri tabiiy go'zallik.

P.s: mega super hajmda

@vasilbro

Qo’lda biror narsa yozmay qo’yganimga, ancha bo'lgandi, kelishmay qolayapti. Menimcha, Nuraliga qiyin bo’ladi )

Partyaning holati hozircha, tipik ochilish: the king’s pawn opening. Nurali: the queen’s pawn opening bilan javob qaytardi. Gal menda.

Kunlik taksi va avtobuslarga o'tirish, o'lim xavfini bir-necha o'n barobarga oshiradi. To'satdan mashinani belidan birortasi urib qoladi, bu paytda siz orqa o'rindiqda kunni qanday boshlash haqidagi xayollar bilan band bo'lasiz va to'satdan o'lim. Kuningiz xayrli o'tsin )

- Kuz kelipti, aytmaysan nega ?
- Kim nima desa, desin-u, kuz oktyabrdan boshlanadi )

Seni shu yerga uchrashuvga taklif qilaman va ikkalamiz supermarket aylangandek, aylanamiz shu yerni )

Kecha “Yashil kitob”ni yana bir marta ko’rdim, adashmasam to’rtinchi marotaba ko’rishim edi bu. Odamlar musiqadan zavqlanishar, suhbat qurishar, bir-birlarinikiga, u meni qabul qilarmikan degan istiholali xayollarsiz tashrif buyurishardi. Xat almashishlar, kechki tadbirlar, turli musiqiy seanslar...

Men esa bularni jin urgur tarmoq orqali yozib o’tiribman, jonli suhbat qurgani biror inson ham yo’q, boray desang biror makon. Juda abgor ijtimoiy hayotga o’zimizni-o’zimiz o’rab olganimiz g’ashimni keltiradi. Kimnidir qahvaga taklif qilsam, tinchlikmi deb so’raydi birinchi bo’lib, shunchaki suhbat qurish eng qiyin narsa bo’lib qolgan.

Ohirgi marta kim bilandir yuzma-yuz o’tirib, hayot, san’at yoki filmlar haqida uzoqdan uzoq gaplashganimni eslolmayman, sizchi ?

@vasilbro

Masalanda )

Kichik Karla

Har bir Karl bilmog’i darkor

Espresso – qaynab turgan suvni, maxsus maydalangan qahva donalaridan o’tkazish orqali tayyorlanadi. Natijada konsentratsiyalgan siropga o’xshash ichimlik paydo bo’ladi. Bu uslubda tayyorlash italyan qahvaxonalarida keng tarqalgan. Oddiy qaynatilgan qahva bilan solishtirganda, espresso ancha kuchli hisoblanadi.

Latte – nisbatan boyitilgan espresso. Bug’da pishirilgan teksturali sut va yupqa ko’pikli sutni espressoga qo’shish orqali tayyorlanadi. Bu ichimlik turi koppuchino kabi amerikaliklar orasida anchayin mashhur. Lattening muzli versiyasi ham bor.

Qora qahva – qahvadan tayyorlangan ichimliklar orasida eng keng tarqalgani hisoblanadi. Qora qahvaning mashhurligi uning tayyorlanish uslubi oddiyligi bilan izohlanadi. Uni biror maxsus qo’shimchalarsiz, xohishga ko’ra, finjonga birdaniga suvni qo’yish yoki tomchilatib to’ldirish orqali tayyorlash mumkin. Har qanday holatda natija o’zgarmaydi.

Amerikano – ushbu ichimlikning asosini ham espresso tashkil qiladi. Tayyorlash jarayoni juda jo’n bo’lib, espresso ustidan ma’lum miqdorda issiq suv qo’shiladi. Bu nom ikkinchi jahon urushi vaqtida, yevropalik baristalar, amerikalik askarlar uchun espressoga suv qo'shganda paydo bo'lgan. Natijada ichimlik espressoga qaraganda yumshoqroq va kamroq konsentratsiyalangan ta'mga ega bo’ldi. Shu tariqa Amerikano qahva dunyosiga kirib keldi.

Kapuchino – espresso, bug'langan sut va qalin ko'pikdan tashkil topgan klassik italyancha ichimlik. Bu nom Kapuchin rohiblari kiygan qalpoqlarga o'xshashlikdan kelib chiqqan. Lattedan bir muncha farq qiladi. An'anaviy kappuchinoda espresso, bug'langan sut va ko'pikli sut teng taqsimlanadi, latte esa ko'proq bug'langan sut va yengil ko'pik qatlamiga ega. Kapuchino aniq qatlamlangan, latte esa unday emas. Ta’m borasida kapuchino o’tkirroq bo’lsada, ikkala ichimlik ham bir xil kofein miqdoriga ega.

Irlandcha qahva – Irlandiyada eng mashhur va ajib ta’mga ega ichimliklardan biri hisoblanadi. Qahva, viski va maxsus qaymoqni aralashtirish orqali tayyorlanadi, odatda ichimlikning achchiqligini muvozanatlashtirish uchun bir qoshiq shakar qo’shiladi.

Qolgan turlarni rasm orqali farqlab olishingiz mumkin. Vino haqida ham gaplashamiz hali )

@vasilbro

⚡️Jek Chittak va Usmonli Imperiyasi bayrog‘i ostida dengizlarda qaroqchilik qilgan Jon Uord o‘rtasida qanday bog‘liqlik bor? Javobni quyidagi video orqali topasiz! 🏴‍☠️

Aytgancha, Instagram’dagi insusambil sahifasiga albatta obuna bo‘lishni unutmang.

@insusambil

“Musiqa haftaligi” doirasida

Bella Ciao – Alvido go’zalim

Har yili 25 aprel kuni butun Italiya boʻylab xoh grammafonlar bo’lsin yoki patefonlar, barchasida Bella Ciao yangraydi. Shu kunda butun mamlakat nemislar hukmronligidan ozod bo’lganligini xotirlaydi.

Bella Ciaoning tarixi bir muncha bahsli hisoblanadi, biroq ko’pchilik tomonidan murosaga kelingan versiyaga ko’ra, ushbu qo’shiq 19 asrda, Italiya shimolidagi sholi dalalarida og'ir mehnat sharoitlaridan norozi bo’lgan mondina ishchilari tomindan kuylangan, deb hisoblanadi. Yillar o’tgani sayin Bella Ciao sayqallanib boradi. XX asrning 40 yillariga kelib, qo'shiq matni italyan partizanlari safiga qo'shilayotgan yigitning o'z sevgilisi bilan xayrlashayotgani haqida hikoya qilish uchun o'zgartirilgan. Shu tariqa biz suyib tinglaydigan tarona paydo bo’lgan.

Money Heist seriali esa ulug’vor qo’shiqni yanada ommalashtirdi.

@vasilbro

​​#tugadi

Death Note – O’lim kundaligi (qoidalar)

1-bo’lim: Qanday foydalanish kerak

1.1: Ismlarni kiritish tartibi
1.2: O'limning sababi va shartlarini kiritish
1.3: O’zgarishlar
1.4: Cheklovlar
1.5: E'tiborga olish kerak bo'lgan boshqa narsalar

2-bo’lim: O’lim kundaligiga egalik qilish

2.1: Egalik huquqi bilan bog’liq vaziyatlar
2.2: Bir nechta o’lim kundaliga egalik qilish

3-bo’lim: Shinigamining ko’zlari (o’lim Xudosining)

4-bo’lim: Shinigamining qoidalari

4.1: O’lim Xudosining kundalik egasi bilan o’zaro munosabatlari
4.2: O’lim Xudosining kundalikdan foydalanish tartibi
4.3: O’lim Xudosining hayoti

Tushungan bo’lsangiz, men bu animening muhlisiga aylandim. Vaqtim juda maroqli o’tdi, anchadan beri totmagandim bunday mazani. Animeda ilgari surilgan falsafa haqida yaxshi bir maqola yozmoqchiman, ungacha ushbu muhtasham asarning yaralish tarixi, tafsilotlari, motivlari haqida bilish istagida bo’lganlar, Nodir bro o’z youtube sahifalarida joylagan ushbu videoga nazar tashlashni tavsiya qilaman (majbursiz deb aytgan bo’lardim, arziydi).

Barcha qoidalarni tarjima qilib chiqmoqchiman, ammo bu ancha vaqtni olsa kerak. Post ostida umumiy 150 reaksiya yig’a olsak, maqola ham, tarjima ham chiqadi.

@vasilbro