⚡️Jek Chittak va Usmonli Imperiyasi bayrog‘i ostida dengizlarda qaroqchilik qilgan Jon Uord o‘rtasida qanday bog‘liqlik bor? Javobni quyidagi video orqali topasiz! 🏴‍☠️

Aytgancha, Instagram’dagi insusambil sahifasiga albatta obuna bo‘lishni unutmang.

@insusambil

“Musiqa haftaligi” doirasida

Bella Ciao – Alvido go’zalim

Har yili 25 aprel kuni butun Italiya boʻylab xoh grammafonlar bo’lsin yoki patefonlar, barchasida Bella Ciao yangraydi. Shu kunda butun mamlakat nemislar hukmronligidan ozod bo’lganligini xotirlaydi.

Bella Ciaoning tarixi bir muncha bahsli hisoblanadi, biroq ko’pchilik tomonidan murosaga kelingan versiyaga ko’ra, ushbu qo’shiq 19 asrda, Italiya shimolidagi sholi dalalarida og'ir mehnat sharoitlaridan norozi bo’lgan mondina ishchilari tomindan kuylangan, deb hisoblanadi. Yillar o’tgani sayin Bella Ciao sayqallanib boradi. XX asrning 40 yillariga kelib, qo'shiq matni italyan partizanlari safiga qo'shilayotgan yigitning o'z sevgilisi bilan xayrlashayotgani haqida hikoya qilish uchun o'zgartirilgan. Shu tariqa biz suyib tinglaydigan tarona paydo bo’lgan.

Money Heist seriali esa ulug’vor qo’shiqni yanada ommalashtirdi.

@vasilbro

​​#tugadi

Death Note – O’lim kundaligi (qoidalar)

1-bo’lim: Qanday foydalanish kerak

1.1: Ismlarni kiritish tartibi
1.2: O'limning sababi va shartlarini kiritish
1.3: O’zgarishlar
1.4: Cheklovlar
1.5: E'tiborga olish kerak bo'lgan boshqa narsalar

2-bo’lim: O’lim kundaligiga egalik qilish

2.1: Egalik huquqi bilan bog’liq vaziyatlar
2.2: Bir nechta o’lim kundaliga egalik qilish

3-bo’lim: Shinigamining ko’zlari (o’lim Xudosining)

4-bo’lim: Shinigamining qoidalari

4.1: O’lim Xudosining kundalik egasi bilan o’zaro munosabatlari
4.2: O’lim Xudosining kundalikdan foydalanish tartibi
4.3: O’lim Xudosining hayoti

Tushungan bo’lsangiz, men bu animening muhlisiga aylandim. Vaqtim juda maroqli o’tdi, anchadan beri totmagandim bunday mazani. Animeda ilgari surilgan falsafa haqida yaxshi bir maqola yozmoqchiman, ungacha ushbu muhtasham asarning yaralish tarixi, tafsilotlari, motivlari haqida bilish istagida bo’lganlar, Nodir bro o’z youtube sahifalarida joylagan ushbu videoga nazar tashlashni tavsiya qilaman (majbursiz deb aytgan bo’lardim, arziydi).

Barcha qoidalarni tarjima qilib chiqmoqchiman, ammo bu ancha vaqtni olsa kerak. Post ostida umumiy 150 reaksiya yig’a olsak, maqola ham, tarjima ham chiqadi.

@vasilbro

Ehtimol, kimdir azob chekishi yaxshidir. Rassomni olaylik, agar u baxtli bo'lsa, biror narsa yarata oladimi, umuman biror narsa qilishga xohishi bo’larmidi ? San'atni, hayotning jirkanchligiga qarshi norozilikdan boshqa yana nima deb atash mumkin ?

©️Oldos Haksli

Tushkun paytlarim yaxshi yozishim bor gap. Hayotda omadim chopmagan paytlar, xayoliyotga berilib ketaman )

@vasilbro

Kasallik sabab Uilsonning barmoq bilan sanarli oylari qolgan edi. Xausning dafn marosimidan qaytar ekan, uyi zinasida o’tirgan Xausni uchratadi, shunday so’zlar yangraydi;

Men o’lganman, Uilson. Ohirgi qolgan besh oyingni qanday o’tkazmoqchisan ?

Ha, qoyilmaqom final bo’lgandi. Kutilmagan, biroq Xausdan kutilgan yurish. Serialni yillar o’tib, yana bir bor ko’rib chiqaman, sizga ham tavsiya beraman.

@vasilbro

​​#tarjima

Gregori Xausdan iqtiboslar;

• Agar siz samimiylikni soxtalashtirishni uddasidan chiqsangiz, deyarli hamma narsani soxtalashtirishingiz mumkin.

• Sevgi va baxt chalg'itishdan boshqa narsa emas.

• Xudo bilan gaplashsangiz, siz dindorsiz, agarda Xudo siz bilan gaplashayotgan bo’lsa, siz psixopatsiz.

• Inson mavjudligining asosiy haqiqati shundaki, hamma yolg'on gapiradi.

• Yolg'on bolalarga o'xshaydi: bu og'ir ish, lekin shunga arziydi, chunki kelajak ularga bog'liq.

• Agar biror kimsa sizni yomon ko’rmasa, nimanidir noto’g’ri qilayapsiz.

• Yoki Xudo yo'q yoki u tasavvur qilib bo'lmaydigan darajada shafqatsiz.

• Odamlar eshitmoqchi bo’lgan javoblari asosida savollarni shakllantirishadi.

• Odamlar boshqa odamlar haqida gapirishni yaxshi ko’rishadi.

• Og'riq bizni yomon qarorlar chiqarishga majbur qiladi. Qo'rquv va og'riq katta motivatordir.

• Bu hayotning eng katta fojialaridan biri - har doim nimadir o'zgaradi.

• Dadang seni juda xunukliging uchun o'ldirmoqchi, deb o'ylaysanmi ? Shukr qil, hayvonot olamining istalgan joyida ota-onang seni tug'ilganda yeyishgan bo'lardi.

Serialdagi jarayonga bog’liq iqtiboslar juda qiziq, bu mazani uni ko’rish davomida tuyadi inson. Masalan bir epizodda, Xaus va Ember bemorga qarab turishadi, shunda;

Xaus: U baxtli
Ember: U o’ldi

@vasilbro

Tinglamoqchimisiz ? Muammo yo’q, Karl sizga o’qib beradi

Faqatgina o’zimizni makonga xos bir kichik loyihamiz bo’lsin. Kanalda ilgaridan borlar bilishadiki, ora-orada hikoyalar o’qib turaman, keyin ular yuzasidan suhbatlar bo’ladi. Endigisi, shunday bo’ladiki, obunachilar orasida istalgan biri o’zining yoki biror adibning ijod namunasidan o’qib beradi. Har seansda, bir emas bir necha hikoyachini tinglaymiz. Bilaman, orangizda bunga qobilyatlilar talaygina. Agar, bu kichik yig’inni yaxshi yo’lga qo’yib olsak, muntazam, haftaning biror kunida uyushtirib turamiz. Balki online bilangina cheklanib qolmay, biror yerda yig’ilib ham ko’rarmiz, buyog’i hammasi qanday ketishiga bog’liq.

Dastlabkisini ertaga soat 21:00 ga qo’ysak nima deysizlar ?

P.s: yuragida o’ti borlar bormi o’zi😁

​​#afsona

Menda bir an’ana shakllangan, bir yilda bir marotaba bo’lsin, Garri Potter va Uzuklar hukmdorining barcha qismlarini ko’rib chiqaman. Kecha ham, birinchi qism – “Harry Potter and the philosopher's stone”ni ko’rdim. Bugun ushbu qismda biror marta ko’rinish bermagan bo’lsada, asosiy qahramonlaridan biri - Nikolas Flamel haqida so’z yuritamiz.

Nikolas Flamel turli fentezi kitoblari va filmlarda tilga olinadigan obraz hisoblansada, bunday shaxs haqiqatda mavjud bo’lgan. Xuddi Olmonlarning Fausti kabi, xalq orasida Nikolas haqida ham turli afsonalar yuradi. U taxminan 1330 yilda Pontua yaqinida kambag'al oilada tug'ilgan. Ota-onasi yoshlik chog’ida vafot etishadi, shunan so’ng Nikolas Parijga ko'chib o'tadi va umrining ohirigacha shu yerda yashab qoladi. Yozuvchi haqidagi afsonlar, tiriklik chog’ida emas, o’limidan qariyb 200 yil o’tgach, 17 asrga kelib urchiy boshladi. Afsonalarning tug’ulishiga, uning hayotini o’rganish chog’ida duch kelingan qaydlar sabab bo’lgan.

Flamelning qaydlariga ko’ra, u 1361 yilda kitob do’konidan “Holy book of the Jew Abraham” nomli papirusni sotib oladi va 20 yil davomida ushbu qo’l yozma sirini ochishga harakat qiladi. 1378 yilga kelib, Marano Kanches ismli ispan-yahudiysi unga bu borada ko’maklashadi. Shundan so’ng, xalq orasida, Nikolas insonga boqiy hayotni baxsh etuvchi toshni yaratganligi haqida gaplar tarqay boshlaydi. Tosh nafaqat insonga boqiy umr hadya qilar, balki har qanday metalni oltinga aylantirish xususiyatiga ham ega edi. 1382-yilga kelib, Flamel qisqa vaqt ichida Parij va uning atrofidagi 30 ga yaqin uy va yerlarning egasiga aylanadi, bu ham uning muvaffaqiyatli alkimyoviy tajribalari haqidagi mish-mishlarning mustahkamlanishiga sabab bo’ladi. O'shandan beri u turli fantastik asarlarda afsonaviy alkimyogar sifatida namoyon bo'la boshladi, xususan, Garri Potter filmida ham ushbu tosh va Nikolas Flamel shaxsiyatiga murojaat qilingan.

Tiriklik chog’ida, Flamel xayriya bilan shug'ullangan, bir nechta jamg'armalar tuzgan, san'atni rivojlantirishga mablag 'sarflagan, kasalxona va cherkovlar qurdirgan. Hatto hozirgi kunga kelib, uning uylaridan biri saqlanib qolgan. Mabodo Parijga yo’lingiz tushsa, Monmorensi ko’chasida joylashgan 51-uyga kirib o’tishingiz mumkin.

Balki afsun, bizning davrimizga kelib yo’qolganligi haqidagi afsonalar rostdir, kim bilsin )

@vasilbro

Kitob xarid qilmay qo’yganimga ham, o’qimay qo’yganimga ham “ko’p” asrlar bo’ldi. Shularni ko’tarib keldim kecha, “Qo’zichoqlar sukunati”ni boshlab yubordim, qora qahva bilan yaxshi ketarkan sizga aytsam.

YAA ning so’nggi paytlardagi kitob muqovalari dizayni ko’zni quvontirayapti. Ammo, bosmaxona ishini unday baholab bo’lmaydi, dizaynerning mehnatini ko’kka sovurishmoqda. Buning ustida ham ishlash kerak.

Nima o’qiyabsizlar o’zi ?

Edgar Allan Po tiriklik chog’ida qadrlanmagan daholardan biri hisoblanadi. Bizda-ku, Allan Po shaxsiyati tugul, ismini ham bilmaydiganlar bisyor. Edgarning buyukligini birgina qator orqali tushuntirib bera olaman - hozir qo’limizda tutib turgan, detektivlar uchun Doyl yoki Kristidan emas, aynan Podan minnatdor bo’lishimiz kerak.

Shu yilning 12 oktyabr kuni yozuvchi qalamiga mansub “Usher uyining qulashi” asari asosida suratga olingan shu nomdagi serial premyerasi bo’lib o’tishi rejalashtirilgan. Rollarga Karla Gudjino va Bryus Grinvud kabi mahoratli aktyorlar jamoasi taklif qilingan. Intizorlik bilan kutayabman !

Bir narsani sezib qoldim, serial traileridagi musiqa elementlari Netflixning yana bir loyihasi “Marianna” serialidagiga o’xshab ketar ekan.

P.s: aynan Po sabab, menda qarg'a boqib olish xohishi kundan-kunga kuchayib bormoqda.

@vasilbro

​​#info

Po dastlab quzg’unni emas, to’tiqushni tanlagan.

Yozuvchi haqidagi turli maqolalar va rasmlarning aksarida uning yonida tasvirlanadigan quzg’unni payqashimiz mumkin. Edgar haqida o’ylaganimda ham, birinchi bo’lib quzg’un xayolimga kelaveradi. Bu ikkalasi ajralmas termin bo’lib qolgan. Ammo, qiziq tomoni shundaki, Po o’sha mashhur “Quzg’un” poemasida, quzg’undan emas, to’tiqushdan foydalanmoqchi bo’lgan ekan.

Edgar o’z poemasida “hech qachon” so’zini qanday qilib, doimiy takrorlash mumkinligi ustida bosh qotira boshlaydi. Shunda to’tiqushdan foydalanish fikri paydo bo’ladi, ammo to’tilar tabiatan jo’shqin va go’zal bo’lganligi Poga ma’qul kelmaydi. Poema hosil qiladigan kayfiyat tamomila jo’shqinlikdan yiroq bo’lgan, Poga qorong’uroq nimadir zarur edi. Bu haqida uning o’zi 1846 yilda Graham jurnalida chop etilgan “Kompozitsiya falsafasi” nomli essesida bayon qilgan;

Tabiiyki, birinchi navbatda, to’tiqush o’zini o’zi taklif qildi, ammo darhol uning o’rnini, teng darajada nutq qobilyatiga ega va men o’ylagan ohangga cheksiz darajada mos keladigan, quzg’un egalladi.

Shunaqa gaplar azizlar

@vasilbro

Beksinskiy: Men hech narsa demoqchi yoki yetkazmoqchi emasman. Men faqat xayolimga kelgan narsani chizaman.

Beksinskiyning san'ati ko'pincha qo'rqinchli bo'lsa-da, uning o'zi suhbatdan zavq oladigan va o'tkir hazil tuyg'usiga ega yoqimli inson sifatida tanilgan. U kamtar va biroz uyatchan edi, o'z ko'rgazmalarining ochilishi kabi ommaviy tadbirlardan qochar, musiqani o'zining asosiy ilhom manbai deb bilardi.

Ijodkor, o’z asarlari kabi og’ir o’lim topgan. Beksinskiy, 2005 yilning 22 fevralida Varshavadagi kvratirasida o’lik holatda topiladi. Uning tanasida tig’Ii quroldan ortirilgan 17 ta jarohat aniqlangan. Oradan ko’p o’tmay, rassom vasiysining voyaga yetmagan o’g’li Robert Kupiec va uning do’sti aybdor deb topilib, qamoqqa olinadi. Ma’lum bo’lishicha, Beksinskiy, Robertga tahminan 100 $ qarz berishdan bosh tortgan.

@vasilbro

Bir gal Dastin Xoffman shunday munozarali savolni o’rtaga tashlagan edi;

San'atning qadr-qimmatini shubha ostiga qo’yish oson. Yo’q deyishga shoshilmang. Aytaylik, Luvr yonmoqda. Olov ichra qolgan zalda ikkita narsa bor - Mona Liza va muzeyga tasodifan kirib qolgan mushukcha. Sizda faqat bitta narsani saqlab qolishga yetadigan vaqt bor. Siz qay birini tanlaysiz?

#vibe

AUF

Anni, amori e bicchieri di vino, nun si contano mai🥂

#atalgan

Hech qachon och qolganingda, oziq-ovqat do'koniga kirma. Ochlik tufayli noto'g'ri narsani tanlab qo'yishing mumkin. Munosabatlarda ham shunday, yolg'izlik his qilayotganingda, ularga kirishma. To'g'ri, bu zavq beradi, chalg'itadi va bir kun o'tib ketadi. Sen noto'g'ri insonni tanlab qo'yishing mumkin. Tayyor bo'lganingda yan bir-bor o'ylab ko'rarsan )

Zavqlaning )