Ishdan va o'qishdan bo'sh vaqtda nima qilasiz ? Kitob o'qish yoki film ko'rishdan tashqari albatta

p.s: anavi silindr ham uchadi✈️

@vasilbro

Kristofer Nolanning Oppengeymeri

Bir muncha subyektiv fikrlarim bilan o’rtoqlashmoqchiman. Dastavval, ikkinchi plandagi yoki epizodik rollarga taklif qilingan aktyorlarga nazar tashlaylik; Jeyms Rimar, Tim DiKey, Jeyms D’Arsi, Toni Goldiun, Mettyu Modin, Jeyson Klark, Kennet Brana, Aleks Vulf, Jeyn Dehaan, Gari Oldman, Mattias Shvayghyofer, Josh Harnet, Rami Malek, Keysi Afflek, Jek Kueyd, Devon Bostik, Devid Dastmalchyan, Josh Hartnett - shunchaki WOW! Futbolda shunday bir gap bor; bu jamoa shunday tarkibga egaki, bir jamoadan raqobat bardosh ikkita teng kuchli jamoa tuzsa bo’ladi, ya’ni har bir o’yinchining o’rnini bosadigan boshqasi bor. Oppengeymer - men umrim bino bo’lib ko’rgan, eng ko’p profesionallar ish olib borgan film.

Misol tariqasida aytaman Robert Dauni jr - Avangers: Infinity War filmi uchun 75 million dollar gonorar olgan. Oppengeymerdagi roli uchun 4 million xolos. Filmning umumiy byudjeti 100 millon $. Bugungi kunda Mett Deymon, Killian Myorfi, Robert Dauni, Emili Blant kabi aktyorlarni bosh va yuqoridagi yana o’nlab iqtidorlarni ikkinchi plandagi rollarga taklif etib, yana film byudjetini 100 millon dollar qila oladigan rejissor - bu faqat Nolan.

Kristofer Nolan bu brend. Rejissor shu darajaga chiqdiki, u sizni o’z loyihasiga taklif etyaptimi, siz aniq muxlislar olqishi va e’zoziga sazovor bo’lasiz, bu pulni o’ylaydgan payt emas. Aynan Oppengeymer Nolan rejissorlik qilgan eng zo’r film bo’lishi kutilgan edi, balki ko’pchilik uchun ham shunday bo’lgandir, ammo men bu fikrdan tamomila yiroqman. Shubhasiz u daho, yangilik yaratuvchi, biroq Oppengeymerda men Nolanni ko’rmadim.

Futbolda yana bir mashhur gap bor. 2009-2012 yillar oralig’idagi Barcelonaga murabbiy kerak emas edi, tarkib shunshalik hamjihat va shakllangan, yetmaganiga o’yinchilar o’zlarining pik nuqtalarida ediki, Gvardiolla nomiga maydon chetida tursa, anjumanlarda qatnashib bersa bo’ldi edi. Bu jarangdor va noto’g’ri fikr, lekin qoyilmaqom o’xshatish. Biroq filmning pozitsiyasiga juda mos tushadi, Oppengeymerning muvaffaqiyat qozonishi uchun Nolan rejissor bo’lishi shart emas.

Interestellar, Inception, Dark Knight, The Prestige, Insomnia bularga qarang, har biri kinoindustriyaga yangicha rang, nafas, shukuh olib kirgan filmlar. Nolan o’zining ijodkorligi, yangilikka o’chligi bilan buyuk. Xulosa qildimki, biografik filmlar u uchun emas, u o’zini cheklamasligi, aksincha ijod qilishi, o’zidan nimadir qo’shishi kerak. Balki so’nggi yillardagi kichik muvaffaqiyatsizliklar sabab ham Oppengeymerga rozilik bergandir, kim bilsin.

Film yaxshi chiqqan, ammo bir marta ko’rishlik. Eng yaxshi biografik filmlar qatorida, ammo eng yaxshi filmlar qatorida emas. Nolanning eng shov-shuvli va millionlarni kuttirgan filmi, ammo eng ajoyibi emas, hatto kuchli 5 likda ham yo’q. Boshqa filmlardan farqli o'laroq, Oppengeymer deganda Nolan birinchi qatorda yodga kelmaydi. Ular Nolansiz ham eplay olishardi.

P.s: mening fikrim mutaxassis fikridan tamomila farq qiladi.

@vasilbro

Doimgidek rasmlar birinchi shu kanalda🥂

Ohirgi besh oy, uchta-to'rtta kitobni hisobga olmaganda, aytarlik biror nima o'qimadim. Qo'zichoqlar shu davrdan meni olib chiqib ketgan asar, taqriz yozish qoldi xolos.

Ammo, besh oy ichida 150 dan ortiq film, serial va animelar ko'rdim. Ohirgi 4 kunda esa 17 ta film tugatibman, Karl.

@vasilbro

James Kameronning Avatari (spoiler bor)

Diskleymer: Agar film ananalariga sodiq tomoshabin bo’lsangiz, sekin postni o’tkazib yuboring.

Tanqid bo’lsa, bir yo’la juft bo’lsin. 2023 yilda Oppengeymer qanchalik ko’p kutilgan bo’lsa, 2022 yilda Avatar II undan ortiqroq kutildi. Hozirgi kunda fantastika janridagi filmlarning son sanog’i yo’q, deyarli har kuni yangi film chiqadi. Ularning bir-biridan maxsus effektlar orqali farqlanishi borgan sari urfdan qolmoqda. 2009 yilgi Avatar esa inqilob edi, kinoindustriyada haqiqiy inqilob. Vizual effektlar o’sha davr uchun hayratlanarli darajada zo’r bo’lgan, filmning muvaffaqiyat kaliti ham shunda. Ammo biz 2023 yilda yashayabmiz, hozir sarmoyasi yaxshi bo’lgan istalgan studiya vizual tomondan sifatli mahsulot taqdim qila oladi.

Ko’plab suvlar oqib ketdi, raqobatchilar paydo bo’ldi, oldin bo’shab yotgan arenada, hozirga kelib hatto “razdevalkdan” joy topish qiyin. Bundan tashqari qariya Kameron qarasaki, tomoshabin borgan sari talabchan, menga o’xshab injiq bo’lib bormoqda, ularni hayratlantirish esa, ilgariga nisbatan ancha mushkul. Nima qilish kerak ? Albatta, qandaydir aqlga sig’maydigan yangilik. Qariya bor ana senlarga deb, birinchi qismda barchani fojiali taqdiri bilan yig’latgan Greysni ikkinchi qismda komadayoq homilador qilib, qiz farzandlik qilib yubordi, qo’shimchasiga bu haqida birinchi qismda lom-lum deyilmagan. Hatto, uning ishqiy munosabati haqida, bir kiprik qoqishlik ma’lumot ham bermaslik, ayni muddao. Albatta, III qismga kelib, buni izohlashadi, lekin to’ydan keyin xinani…

Film atmosferasi. Odatda bunday loyihalarda rejissor almashsa, film atmosferasidan chiqish kuzatiladi. Lekin qariya Kameron o’z o’rnida. U biroz hazillashib qo’ymoqchi bo’ldi shekilli, qo’mondon, jangchi va sardor sifatida ko’z o’ngimizda gavdalangan Jek Salli, ikkinchi qismga kelib, o’z qabilasini tashlab, oilasini muhofaza qilish uchun boshqa qabilani xavfga qo’yib, ulardan yordam so’radi. Nima ham derdim, kuchli logika. U jangchi emasmidi, ahir ? Adolat yo’lida insonlardan kechib, boshqa sayyora irqiga qo’shilgan va ular uchun kurashgan qahramon u emasmidi, har holda ohirgi marta ko’rganimda shunaqa edi. Odamlarga ham hayronsan. Bu sayyoraga resurs uchun kelgansan-u, ammo butun batalyon bir oilani quvib yuribdi.

Shuncha kamchiligi bor ekan, nega film millionlar ishlashda davom etyapti ? Nostalgiya, Karl. Sen 2009-yilda ko’rgan narsang juda daxshat bo’lsa, uning davomini ham ko’rishni istaysan. Men ko’rma rasvo desam ham, ko’rasan. O’sha hisni, hayratni yana tuyging keladi. 100 % aniqlik bilan aytaman, Uyda yolg’izni, yana o’sha Kevin o’ynar ekan, o’zgacha talqinda, deb e’lon berilsin, sen u film rasvo chiqgan bo’lsada, baribir ko’rasan. Bunga o’zing ishonch hosil qilging keladi.

@vasilbro

Kimdir men bilan oila qurish haqida bahslashib ketsa.

Men:

P.s: Up in the Air filmidan lavha

@vasilbro

1989 yilning 21 oktabr kuni davlat tilining huquqiy asoslarini belgilash boʻyicha “Davlat tili toʻgʻrisida”gi Qonun qabul qilinib, unga koʻra Oʻzbek tiliga — Davlat tili maqomi berildi. Xalqimizning muqaddas qadriyatlaridan biri boʻlgan ona tilimiz oʻzining qonuniy maqomi va himoyasiga ega boʻldi. Shaxsan men uchun bu juda muhim kun. Chunki bu men ijod qiladigan, men kontent yaratadigan va men muloqot qiladigan tildir.

Aynan shuning uchun bugun men Korzinka doʻkonlaridan biriga tashrif buyurib, hamyurtlarimizga ona tilimizga doir boʻlgan qator savollar bilan murojaat qildim. Aksariyat vatandoshlarimizning ona tilimizga boʻlgan muhabbati va hurmati meni lol qoldirdi. Qadring hamisha baland boʻlsin, ona tilim. 🇺🇿

@korzinkauzb

Axloq tushunchalarimizga to’g’ri kelmaydi qabilidagi fikrlar haqida ko’p o’ylab qolaman. Odamlarning axloq tushunchasi o’zgaruvchan, madaniyatlar taraqqiy etgani, jamiyatlar rivojlangani sari yaxshilik va yomonlik haqidagi fikrlari ham o’zgarib boradi.

Bugungi kundagi istalgan pop xonandani bundan yuz yil oldin qabul qilishmagan, ikki yuz yil oldin esa kiprik qoqmay dorga osgan bo’lishar edi. Ammo, hozirda ularni ijodini tinglash uchun pul to’lashadi, muxlislik qilishadi, e’zozlashadi. Dunyo doim ta’kidlab kelinganidek oq va qora rangdan tashkil topmagan, unda qizil, ko’k, yashil xullas istalgan rangni topish mumkin. Bugungi kun uchun - bu yaxshi, bu esa yomon deb aytish yetarli emas.

Masalan sizning ham axloq tushunchangizni osongina shubha ostiga qo’yishim mumkin. Tasavvur qiling; kichik pingvinga yirtqich qush hujum qilyapti, himoyasiz polapon sizga yordamdan umid qilib talpinmoqda, siz yirtqichni o’ldirib, pingvinni qutqarib qolasizmi yoki jarayonni qanday bo’lsa, shundayligicha qoldirasizmi ?

Kino va multfilmlardagidek yirtqichni o’ldirib, qahramon bo’laman deysizmi ? Lekin yirtqich qush ham yashashi, bolalarini ozuqa bilan ta’minlashi lozim. U sizga o’xshab supermarketga borib, menga 1 kilogramm go’sht bering deyolmaydi. Qo’shmchasiga siz yirtqichni o’ldirib, to’g’ri qildim deb o’ylaysiz, boquvchi o’ldi, endi uning ham polaponlari ochlikdan nobud bo’ladi. Siz kamida 3 jonning qotiliga aylanasiz. Bu sizning axloqiy tushunchalaringizga qanchalar mos ?

Vaziyatni o’z holicha qoldirib, pingvinni o’lishini kuzataman deysizmi ? Nega o’z axloqiy tushunchalaringizga zid boryapsiz, nega doim hisoblab kelganingizdek, yaxshilik taraf emassiz ?

Ko’rdingizmi, dunyo oq va qoradan tashkil topmagan !

Yakuniy natijalar

Muhammad Yusupovich – 4
Oynazarov – 3
Asiljanovich – 2
Bahrizamon – 2
Muattar – 2
Sobir Muhammad – 1
Murodjon – 1
Abdurauf – 1
Hyperion – 1
Baxtishod Umarov – 1
Nuraddin – 1

Kinomanlar o’ylaganimdan ko’ra ancha ko’p ekan. Hamma to’g’ri javob yozyapti, ammo ayrimlar chaqqonroq chiqib qoldi. Birinchi marta tashkil etilgan quizimizda payqaganingizdek Muhammad Yusupovich g’alaba qildi. Dastlabkisi uchun eksperiment tariqasida, osonroq savollar o’ynaldi, ya’ni auditoriyaning bilim doirasini baholash uchun. Natijalar ham bir-biriga juda yaqin. Keyingi galgilarida (agar bo’lsa) savollar bir muncha murakkablashadi. Sovg’a masalasini ham o’ylab ko’ramiz. Barcha Karllarga rahmat )

Yana tashkil qilamizmi va qaysi kun/vaqtga ?

"Ялла" гуруҳининг "Жиннуни" (халқ орасида "Чиннури" номи остида машҳур) қўшиғи менга ҳеч қачон ёқмаган. Қўшиқ арабча айтилган бўлса-да, арабчалиги мутлақо билинмайди. Ўзи арабларам тузук тушунмайдиган жазоирча-марокашча диалектда айтилгани етмаганидек, "Ялла" матнга эътибор бермаган: Жазоирга (ёки қўшниларидан бирига, аниқ эслолмадим) гастролга борган гуруҳ вакиллари шу қўшиқни эшитиб, ёқтириб қолган, матнни кириллчалаб ёздириб олган, талаффуз, таржима устида ишламаган. Худди французча ёки ҳиндча қўшиқни эшитгандай ёдлаб олиб, хиргойи қилиб юргандек гап бу – тил эгалари эшитса, даҳшатга тушиши тайин.

Лекин яқинда бошқа нарсани билиб қолдим – қўшиқ севги ҳақида эмас, умуман ўйнаб айтиладиган эмас. Гап нима ҳақдалигини тушунишингиз учун ўша машҳур нақоратнинг таржимасини келтираман:

أوه جنوني، حمقوني هبلوني
أوه سجنوني، عذبوني محنوني

Оҳ, телбаман, улар мени алдади,
Оҳ, улар мени қамоққа ташлаб, қийноққа солди.

Матнда сиёсатдан норозилик, алданганлик ҳисси, азоб чекиб, қийналиб кетилгани назарда тутилаётганини сезиш қийин эмас. Севги, маҳбуба мавзуларига ҳеч қандай ишора йўқ. Афтидан, СССРда қўшиқ матнини биров тушунмаган, сиёсий протестга рақс тушиб юраверишган. Беихтиёр отанинг ўлимига бағишланган бир французча қўшиққа рақс тушиб юрганлар ҳақидаги видео эсимга келиб кетди.

Ҳамма тилни била олмайсиз албатта, аммо ёққан ашуланинг мазмунини ҳеч йўқ таржимадан билиб олиш керак, назаримда.

Марокашда машҳур қўшиқчи ака-ука Бушноқлар бор. "Жиннуни"нинг оригиналини (мен билганим, чуқурроқ ковласа янада оригиналроғи чиқар) шу ака-укалардан бири Ҳамид Бушноқ айтган.

PS: Лекин аслида олис Марокашдаги сиёсий қўшиқ Ўзбекистонда тасодифан бу қадар машҳур рақс мусиқаси бўлиб кетиши ҳам қизиқ бир тарих. Таржима ва контекст учун арабист дўстларимга раҳмат.

@AsanovEldar

Eksperiment

Ko’pchilik qayg’uli kunlarini musiqa bilan o’tkazadi. Kayfiyat yo’qligidagi yaxshi musiqa uni ko’tarmasada, yoqimli his ulashadi. Ya’ni yaxshi musiqa eshtayotganingizda miyanngizda og’riqni yengishga yordam beradigan dofamin qo’zg’alishi kuzatiladi, bu esa o’zingizni yaxshiroq his qilishingizga sabab bo’ladi.

Besh kunlik tajriba o’tkazishga qaror qildim. Butun boshli 7-8 soatlik uyqu davomida Lyudoviko Eynaudi, Shopen, Vivaldi, Zimmer, Bethoven kompozitsiyalarini tinglashni reja qildim. Musiqa uyquni tezroq chaqirishi va uni yaxshilashi - fakt. So’nggi tadqiqotlarga ko’ra past va bir maromdagi musiqani eshtib uxlash xotirani yaxshilashi kuzatilgan.

Birinchi kun: Lyudoviko Einaudi

Uyqudan yengil bo’lib turdim, bezovtalanmadim, kayfiyatim yaxshi edi. Biror tushimni eslolmayman, xullas qotib uxladim.

Ikkinchi kun: Shopen

Bir necha marotaba turib ketdim. Qo’rqinchli tush ham ko’rdim, ertalabki hissiyot Lyudovikoda tuyganim kabi bo’lmadi. Ammo, odatiy uyqu holatimdan ko’ra yaxshiroq tuyg’u.

Uchinchi kun: Vivaldi

Suyganim Vivaldi bo’lgani bois, uning ijodi qolgan ikki dahoga nisbatan jo’shqin, sokinlikdan nisbatan yiroq bo’lsada, o’zimni yaxshi his qildim. Tushlarimdagi aniq voqelikni eslolmayman, biroq juda rang-barangligi yodimda. Hozir ham yaxshi kayfiyatdaman.

Hali oldinda Zimmer va Bethoven bor. Siz ham sinab ko’ring, youtubedan o’zingiz suygan birini to’liq ijodiy to’plamini topib, playni bossangiz kifoya.

@vasilbro

IndieWire talqini bo’yicha XXI asrda suratga olingan top 50 ilmiymiy-fantastika yo’nalishidagi filmlar.

Ilmiy fantastika insoniyatning o'ziga nisbatan qo'rquvi va noma'lum olamlarning dahshatli ehtimolini o'rganib chiqadi. Ammo, so'nggi yigirma yil ichida ilmiy-fantastik hikoyalarning metaforik oqimi kuzatildi, bu esa bir vaqtlar o'ziga xos subjanrni - to'yingan kino bozoriga aylantirdi. Bir tomondan bu - arzon garov filmlar, turli o'yinlar oqimini keltirib chiqardi. Ammo boshqa tomondan, eng yaxshi ilmiy-fantastik filmlarning paydo bo'lishiga sabab bo’ldi.

Bu yerda hech qanday fantastik superqahramonlar ishtirok etgan filmlar yo’q, xuddi shu narsa “Star Wars” va “Star Trek” franshizalariga ham taalluqli. Ekshin, horror yoki animatsion film ushbu roʻyxatdan joy olishi uchun oʻzining ilmiy-fantastik kelib chiqishi nuqtai nazaridan mustahkam ildiz otgan boʻlishi kerak.


1. Children of Men
2. The Host
3. Under the Skin
4. Eternal Sunshine of the Spotless Mind
5. Everything Everywhere All at Once
6. Ex Machina
7. Mad Max: Fury Road
8. Nope
9. After Yang
10. Blade Runner 2049
11. Her
12. A.I. Artificial Intelligence
13. Melancholia
14. Dune
15. Arrival
16. Annihilation
17. District 9
18. Dawn of the Planet of the Apes
19. Edge of Tomorrow
20. Paprika
21. World of Tomorrow
22. The Fountain
23. The Fountain
24. Hard to Be a God
25. Inception
26. Donnie Darko
27. Snowpiercer
28. Attack the Block
29. Crimes of the Future
30. 2046
31. Moon
32. 10 Cloverfield Lane
33. Primer
34. Sunshine
35. Beyond the Black Rainbow
36. Possessor
37. High Life
38. Fast Color
39. M3GAN
40. Midnight Special
41. Minority Report
42. Upstream Color
43. Prey
44. Ad Astra
45. Looper
46. Palm Springs
47. The Endless
48. Tenet
49. Infinity Pool
50. The Matrix Resurrections

Ro’yhatni shakillantirishda; Kate Erbland, Samantha Bergeson, Christian Blauvelt, David Ehrlich, Ryan Lattanzio, Noel Murray, Chris O’Falt, Zack Sharf, Graham Winfrey, Christian Zilko ishtirok etishdi.

P.s: menimcha, Interstellarni ilmiy fantastika emas, muqarrar kelajakning tasviri, deb hisoblab ro’yhatga kiritishmagan.

@vasilbro

Ikkinchi turning natijalari

Bahrizamon – 4
Munir – 4
Lestat – 2
A.R.F – 1
Azizbek To’lqinov – 1
Diyorbek Mahmudjonov – 1
Shaximardan Tursinov – 1
Zulxumar – 1
Abdukarimova – 1
Muattar – 1
Zak – 1
Lochin Hakimov – 1

PosterQuizning ikkinchi turi ham o’z nihoyasiga yetdi. Bu turda g’olib aniqlanmadi, bahs ancha murosasiz kechdi. Biroq, ikki tur natijasiga ko’ra umumiy 6 ochko bilan Bahrizamon yetakchilik qilmoqda, Muhammad Yusupovich va Munirda teng 4 ochko mavjud, undan keyingi o’rinda Oynazarov 3 ochko bilan uchinchi o’rinda bormoqda.

Ishtirok etgan barchaga raxmat. Keyingi yakshanbagacha !

@vasilbro

“Taxtlar O’yini” asarining tarjimasi bitdi.

Olti oylik mehnat, ayam, noshirim va yuzlab, balki minglab kitobxonlarning daldasi bilan bu 830 betli bahaybat asar nihoyat ona tilimiz, o’zbekchamizda qaytadan yaratildi.
Endi o’qish sizdan. Muborak bo’lsin.
Endi ko’zingiz @zabarjadmedia da bo’lsin. Kitob o’sha diyorlardan chiqadi.


Accustomed to be oscillated between obsession and curving for interest.
I promise you my pain wasn’t poetic. It was days without sleep and pretending I was stable enough to continue. Cried but did the thing anyway.

Mirzohid

@bobil_kutubxonasi

Biroz falsafa, biroz kayfiyat

1. Ettorening kuzatishi
Qarshi tomondagi navbat har doim tezroq harakat qiladi.

2. Kan va Orben aksiomasi
Agar boshqa hech narsa yordam bermasa, nihoyat ko'rsatmalarni o'qing !

3. Qidiruv qonuni
Qidiruvni eng nomaqbul joydan boshlash kerak.

4. Meskimen qonuni
Ishni to'g'ri bajarish uchun hech qachon vaqt yetarli emas, lekin uni qayta bajarish uchun vaqt topiladi.

5. Xleyd qonuni
Murakkab ishning yechimini dangasa xodimga ishonib topshiring – u osonroq yo‘lini topadi.

6. Kolbasa tamoyili
Kolbasani yaxshi ko'radigan va qonunni hurmat qiladiganlar ikkalasining ham qanday tayyorlanishini ko'rmasliklari kerak.

7. Fingalening sakkizinchi qoidasi
Jamoaviy ish juda muhim. Bu aybni boshqa birovga yuklashga imkon beradi.

8. Lermanning kuzatishi
Sizga doim yo vaqt, yo pul yetishmaydi.

9. Loyihani yakunlash muddati qoidasi
Ishning dastlabki 90% 10% vaqtni, oxirgi 10% esa qolgan 90% vaqtni oladi.

10. Vitten qonuni
Qachonki tirnoqlaringizni kessangiz, ular albatta bir soatdan keyin kerak bo'ladi.

11. Xolt qonuni
Biror ishni qilish shart bo'lmagan odam uchun hamma ish oson.

12. Xardin qonuni
Albatta, sizning hech-qachon bajara olmaydigan biror narsangiz bo’ladi.

13. Richardning o'zaro bog'liqlik qoidasi
Yetarlicha uzoq vaqt saqlagan narsangizni tashlab yuborishingiz mumkin. Ammo, u narsani tashlab yuborganingizdan so'ng, sizga kerak bo'ladi.

14. Votergeyt tamoyili
Hukumat korruptsiyasi haqida har doim o'tgan zamonda xabar beriladi.

15. Alinskiy tamoyili
Odatda muammolarni hal qilishdan uzoqroq bo'lganlar, eng yuqori axloqiy shaxs hisoblanadi.

16. Xarrisson nazariyasi
Har bir harakat uchun teng va qarama-qarshi tanqid bor.

17. Mider qonuni
Siz bilan nima sodir bo’lganidan qat'iy nazar, hammasi siz bilgan qaysidir odam bilan sodir bo'lgan bo’ladi, faqatgina siznikidan ko’ra yomonroq tarzda.

Yummy. Take this as a joke )