⚡️Biz oldingi dasturlarda adabiyot haqida, yozma badiiy asarlar haqida gaplashgandik. Bu safar xalq ogʻzaki ijodi, folklor haqida gaplashamiz.Oʻzbek xalq ogʻzaki ijodining eng yirik va mashhur namunalaridan biri Goʻroʻgʻli dostonlari turkumidir. Oʻnlab dostondan iborat bu turkum Goʻroʻgʻli va uning avlodlarining sarguzashtlari haqida hikoya qiladi. Mehmonimiz atoqli folklorshunos olim, filologiya fanlari doktori, professor Shomirza Turdimov.

https://youtu.be/LHYSs_gLHio

@insusambil

French goodbye

Ko’plab filmlarning yakunida, yoinki tub burilish yasaydigan nuqtalarda “fransuzcha xayrlashish”dan foydalanishadi. Bu ma’lum bir yer, bazmdan boshqalarni xabardor qilmasdan yoki ruxsat olmasdan o’sha yerni tark etish ko’rinishida, ko’pincha ketayotganingizda sizni biladigan yaqin do’stingizga nozik bosh irg’ish shaklida namoyon bo’ladi.

Fransuzcha xayrlashish sizga foydali bo’lishi mumkinmi ?

UNSW Time Management kompaniyasining 2000 nafar avstraliyalik bilan o’tkazgan tadqiqoti shuni ko'rsatdiki, ular o’rtacha hisobda yiliga 25 marotaba turli ziyofatlarda qatnashadilar. Ziyofatni tark etishga qaror qilgandan so'ng esa, xayrlashish uchun o'rtacha 45 daqiqa vaqt ketishi ma’lum bo’ldi. Bu har yili xayrlashuvga taxminan 18 soat 45 daqiqa sarflanadi, degani Karl.

Bazmlardan tashaqari boshqa hodisalar, ish, yumushlarni hisoblaganda, fransuzchasiga bosadiganlar yiliga 2 kungacha vaqtlarini tejar ekanlar.

@vasilbro

#offtop

Futbolga qiziqadiganlarni xabari bo’lsa kerak, kecha qo’shnimiz Tojikiston BAAni mag’lub etib, Osiyo kubogi chorak finaliga yo’l oldi. Tabriklayman.

Birlashgan Arab Amirliklari so’nggi yillarda futbolga juda katta sarmoya ajratayotgani, mamlakat ichki ligasi osiyodagi top-10 lik qatorida turishi ko’pchilikka ma’lum. Tojikistonga keladigan bo’lsak, futbol mamlakatda birinchi raqamli sport turi hisoblansada, rivojlanish haminqadar. Kechagi g’alaba esa barchani hayron qoldirdi.

Qo’shni xalq bo’lganligi uchun ko’pchilik o’zbeklar Tojikostonga muxlislik qilishdi, o’zi umuman jahon arenalarida biror sportchimiz zafar quchsa yoki yutuqqa erishsa, ijtimoiy tarmoqlardagi izohlarda tojiklar, qozoqlar va boshqa qo’shni o’lka odamlarini, bizni qo’llab chiqishini ko’p guvohi bo’laman. Kezi kelganda biz, kezi kelganda ular.

Kechagi o’yin haqida ikki o’zbek tortishyapti;

- Olg’a Tojikiston !
- Nega hammang shu tojiklarni qo’llayabsanlar, arab birodarlarimizni qo’llashimiz kerak.
- Tojiklar bizga qo’shni mamlakat, shunga muxlislik qilganimiz yomonmi ?
- Idi****uy tojiklaringa, borib o’sha yerda yasha unda.
Bu shunchaki hamir uchidan patir.

Har bir narsaga dinni aralashtirish yaramaydi. Nega ohirgi paytlarda arablarni ulug’lash bunchalik keng yoyilmoqda, ularga oliy irqdek sig’inish qayerdan paydo bo’ldi, xayron qolasan kishi. Arabcha ismlar mavzusini ochmay qo’ya qolay.

Asrimizning eng buyuk raqobati Messi va Ronaldoning o’yinini ham din o’laroq tahlil qilishadi. Bu borada Alimof brat yaxshi bir narsa yozgan edi, o’qib ko’rishni tavsiya qilaman.

Ahil bo’linglar, Karllarim. Sport din va millat tanlamaydi.

@vasilbro

#mini_taqriz

Napoleon - 4/10

Oldindan aytay, filmdagi muhtasham soundtracklar, liboslar, davr muhiti haqida gapirishimni hojati yo’q. Bu faktorlarni oddiy ko’z ham payqaydi.

Ssenariy mualliflari Ridli Skot va David Skarpa qoshiga savollarim bisyor. Asosiysi esa; Imperatorni shu tomonlama ko’rishimiz kerakmidi, u shunga arzirmidi ? Mayli, ko’rdik, ammo nega fransuzning faylasuf va islohotchi bo’lganiga ko’z yumib, shaxsiy hayoti izdan chiqqan nochor bir kimsa bo’lganiga e’tibor qilishimiz kerak. Nega men, oddiy tomoshabin, Napoleonga ko’p maslahatlar bergan, uni Napoleon bo’lishida hissasi ulkan Jozefinani faqat foxisha sifatida eslab qolishim kerak ?

Oksford universiteti Yevropa tarixi professori Maykl Broers (Napoleon haqida 9 ta kitob yozgan) fransuzning sifatlarini tilga olar ekan uni: juda yaxshi boshqaruvchi, suhbatdosh, faylasuf va iste’dodli siyosatchi sifatida eslab o’tgan. Filmda esa Imperator shoshqaloq, o’ylamsadan qaror chiqaradigan ojiz bir kimsa bo’lib ko’rinadi. Dastlab Xuakin Feniks rolga tasdiqlanganligidan juda mamnun edim. Salobat, oqsuyaklarga xos yuz tuzilish, o’tkir qarashlar ammo Xuakin Napoleonni o’ynashi kerak edi, yana qaytadan Jokerni emas.

Napoleon hayoti juda ko’p va e’tiborga molik voqealarga boy bo’lgan, bularni barini, bo’y-basticha to’liq metrajli film qilish imkonsiz. Ridli bunday so’zlarini Gladiator II uchun ham asrab qo’ymagan, deb umid qilaman.

@vasilbro

Murakkab antiqahramon

Superqahramonlar qatnashgan filmlarda qahramonlar va yovuzlar o’rtasidagi chegara ko’pincha aniq chizilgan bo’ladi. Ammo bu an’anaga qarshi turuvchilar ham yo’q emas, ulardan biri Marvel kinametrik olami yulduzi Tanosdir. Tanos bir qarashda dahshatli antagonist bo’lib ko’rinsada, unda e’tiborga olish kerak bo’lgan jihatlar bisyor. O’ylashimcha, quyida yozilganlar uning qanchalik murakkab obraz ekanligini qisman bo’lsada sizga yetkazib bera oladi.

Falsafa

Tanos xarakterining markazida falsafiy motiv yotadi, motiv daxshatli bo’lsada, koinot oldidagi burch tuyg'usiga asoslangan. Uning asosiy maqsadi butun yaratiqning yarmini yo'q qilish orqali hayot muvozanatini saqlashdir. Bu buzuq altruizm tuyg'usi, qanchalik noto'g'ri bo'lsa ham Tanosni murakkab shaxsiyatga aylantiradi. U o’zini shafqatsiz qarorlar orqali bo'lsa-da, koinotni haddan ortiq ko'payish va resurslarning kamayishidan qutqarish vazifasini bajarayotgan qahramon sifatida ko’radi.

Fojia

Tanosning tarixini o'rganish uning xarakteridagi bo’shliqlarni ochib beradi. Uning ona sayyorasi Titan, aholining haddan tashqari ko'pligi va resurslarning yetishmasligi tufayli tanazzulga yuz tutadi, bu Tanosni boshqa titanliklar tomonidan rad etilgan radikal yechimni qabul qilishiga olib keladi. Koinot oldidagi burch hissi esa uning shafqatsiz xarakterini shakllantiradi. Tanosning fojiali kelib chiqishini o'rganar ekanmiz, titanlikning og'rig'i va qarorlariga sabab bo'lgan umidsizlikni payqaymiz. Ushbu fojia uning xarakteriga chuqurlik qo'shib, qahramon va yovuz o'rtasidagi chegarani yo’qqa chiqaradi. Bu esa tomoshabinlar doim hisoblab kelgan an’anaviy “qahramonlik” tushunchasini shubha ostiga qo'yadi.

O’zini qurbon qilish

Qurbonlik – aynan shu jihat Tanosni an’anaviy yovuzlardan ajratib turadi. Hech kimga sir emaski “Qasoskorlar. Cheksizlik urushi” qismida u o’zining suyukli asrandi qizi Gamorani o’z maqsadi yo’lida qurbon qiladi. Bu axloqiy jihatdan jirkanch bo’lsa-da, oliy maqsad yo’lida barchasiga tayyorligini anglatuvchi fidoyilikdir. Agarda, qurbon o’rnida o’zi bo’lganda ham, titanlik ikkilanmasligiga shubham yo’q. Buni “Qasoskorlar. Intiho” qismida Tanos yaqin kelajakdagi o’limini ko’rgandan so’ng ham, harakatdan to’xtamaganligi orqali anglashimiz mumkin.

Kino qahramonlar va yovuzlar tobora kengayib borayotgan olam bo'ylab sayohat qilar ekanmiz, Tanosning merosi bizni qahramonlik va yovuzlik tabiatini qayta ko'rib chiqishga undaydi.

@vasilbro

Men bir bora taqdirimga e’tiborsiz bo’lganman, buni qayta takrorlamayman.

©️Tanos

@vasilbro

Shu yillar oralig’ida kanalga tashlangan 17 musiqa

1. Vivaldi
2. Viktor Tsoy
3. Wednesday
4. Opera
5. Game of thrones
6. Eminem
7. Cold Steeze
8. The Red Army choir
9. O'lmas Ollaberganov
10. Hans Zimmer
11. Bethoven
12. Bethoven
13. Motsart
14. Ludovico Einaudi
15. Hans Zimmer
16. Harry Potter's soundtrack
17. Colm McGuiness

​​Ko’pgina Tolkinshunoslar va O’rta Yer olami muxlislari o’rtasida; Nega burgutlar Frodoni Mordor tomon eltib qo’ya olmasliklari xususida qizg’in baxslar bo’lib turadi. Ammo, bu haqida professorning o’zi hech qayerda izoh berib o’tmagan. Quyida bu boradagi ba’zi fikrlarim bilan o’rtoqlashmoqchiman;

Uzukning ta’siri

Uzuk Gollumni o’ziga aqlan qul qilgani kabi, uning qudrati qarshisida O’rta Yerning istalgan mavjudoti ojizdir, xususan afsonaviy burgutlar ham. Agarda burgutlar Frodoni uzuk bilan birgalikda Mordor tomon eltganlarida, Sauron ularni o’ziga bo’ysundirgan va o’z maqsadlari yo’lida foydalangan bo’lishi mumkin edi.

Sauronning ko’zi

Burgutlar yirik mavjudotdirlar va ularning harakati e’tiborsiz qolmaydi. Sauronning ko’zi ularni ilg’amay qolishi imkonsiz. Natijada burgutlar halok bo’lishi, xavfli topshiriq esa muvaffaqyatsizlikka uchrashi mumkin edi.

Syujetning juda soddalashib ketishi

Asar nuqtai nazaridan, burgutlar uzukni Doom tog’iga olib borishlari syujetni sezilarli darajada soddalashtirgan bo’lardi. Tolkin epik miqyosdagi ertakni yaratar ekan, o'z hikoyasini murakkablik, axloqiy kurashlar va umumiy dushmanga qarshi birlik muhimligini singdirishga intilgan, burgutlar bilan to’g’ridan-to’g’ri parvoz buni yo’qqa chiqargan bo’lardi.

Mordorga sayohat shunchaki sarguzasht emas, balki O'rta Yer irqlari o'rtasidagi rishtalarni mustahkamlaydigan va Sauronning qorong'u kuchlariga qarshi erkin xalqlarning birdamligini ko'rsatadigan sinovdir. Burgutlar nega Frodoni Doom tomon eltmagani haqidagi, javobsiz savol, ba’zida eng oson yo‘l, har doim ham eng to’g’ri yo‘l bo‘lavermasligini, bu yo‘lda duch kelgan qiyinchiliklar professorning durdona asari naqadar boyligini doim eslatib turadi.

@vasilbro

Nafaqat Oltin Oʻrda, balki butun oʻrta asr Yevropasining eng katta va boy shaharlaridan biri sifatida shuhrat topgan, keyinchalik esa Amir Temur tomonidan vayron etilgan Saroyberka shahri tarixiga yuzlanamiz. Saroyberka yoki Saroy al-Jadid yaʼni Yangi Saroy — Oltin Oʻrda poytaxti. Chingizxonning nabirasi Berkaxon tomonidan taxminan 1260-yilda bunyod etilgan shahar. Mazkur shahar 14-asrning 1-yarmida ravnaq choʻqqisiga chiqadi. 1333 yilda shaharga kelgan Ibn Battutaning guvohlik berishicha, Saroyberka kaftday tekislikda qurilgan shaharlar sirasiga kirib, odamlar bilan toʻla boʻlgan, ajoyib bozorlari, keng koʻchalari kishini hayratga solgan.

@insusambil

Brian ismli Tolkinshunos yigitning xonasi

Premyera😁

Matritsa: Tirilish

2021 yilda chiqqan filmni 3 yil o’tib, ko’rish uchun o’zimda kuch topdim. Uni “Qayta tirilish” yoki “Qayta dunyoga kelish” xullas istaganingizcha atang. Meni esa “Matritsa: Ko’mish marosimi” deb nomlagan bo’lardim. Bu franshiza, bunday yakunga, Keanu bunday rolga loyiq emasdi. Albatta, barchaga Neoning keyingi taqdiri qiziq bo’lib kelgan, biroq bu ko’rinishda emas.

Ko’rish oldidan tavsiyalar:

Sevgi haqida film izlayotgan bo’lsangiz✅
Feminizim haqida film izlayotgan bo’lsangiz✅
Komedik film izlayotgan bo’lsangiz✅
Matritsa haqida film izlayotgan bo’lsangiz❌

Star wars nemischa dublyajda😁

Bugungi oqshom uchun tavsiya.

P.s: yaqin haftalar uchun filmlarga oid so’nggi post. Kitoblarga qaytish vaqti keldi chamamda.

@vasilbro

Bu safargi Lolazorni ko’rsa bo’ladi. Bosingizlar )

Muhabbat – bir paytning o’zida iztirob va azob, andisha va uyat, farahli hayajon, jannat va do’zaxdir. U tufayli sen so’z bilan ifodalab bo’lmas sog’inchni, erkinlik va qullikni, rohat-farog’atni va xavotirni his qilasan.

©️Teatr

Nihoyat biz buni uddaladik !

Kim Jong-ilning o'limidan keyingi Shimoliy Koreya xalqi. Esimda o'sha damlar )