Bugun butun dunyo emoji kuni. Nishonlamasak bo’lmas )

🫡🍷

@vasilbro

Bir paytlar men ham shu fikrda edim. Biroq, hissiyotlarni bir chetga surib, o’zimizga savol beraylik – kitobxon millat deb qayerni ayta olamiz ? So’nggi yillarda texnologiya jihatidan barchani ortda qoldirayotgan xitoyliklarnimi yoki iqtisodiyoti gullab yashnayotgan amerikaliklarnimi ? Menga qolsa, bugungi kunda hech birini kitobxon millat deb bilmayman, balki qachondir bo’lgandir, ammo hozir emas. Statistikalarga aldanmang. Kitob o’qish foizi faqat bizda emas butun dunyo bo’ylab past. Shunchaki jamiyatimiz o’zining maishiy muammolari va hayoti bilan o’ralashib qolganligi sababli bu holat bizda qolgan davlatlarnikiga qaraganda ayanchliroq ko’rinadi.

Boshqa nima kutish mumkin o’zi ? 3 million sum oylik bilan 5 kishilik ro’zg’orni tebratayotgan inson uchun - Jorj Martinning nega “Muz va Olov qo’shig’i” ni yakunlamayotgani haqida bosh qotirib o’tirishini tasavvur qilolmayman. Tizim shu tariqa ishlashda davom etarkan, minglab asarlar tarjima qilinmasin, turli platformalar faoliyati yo’lga qo’yilmasin - har bahor, shu bo’lar takror. Bu botqoqdan chiqib ketish uchun ham kitobxonlik zarur dersiz, yo’q bu uchun sifatli ta’lim va to’g’ri siyosat zarur.

Kitoblar - bilim, axborot yoki hissiyot deymizmi, xullas yangilik ulashish nuqtai nazaridan o’z pozitsiyasini yo’qotib ulgurgan. Balki keyingi 50 yil ichida kitobxonlik degan termin yo’q bo’lib ketar. Axborot esa axborotligicha qolaveradi, shunchaki yetkazib beruvchi vosita o’zgaradi xolos.

@vasilbro

Bir Karl oilasining o’rtacha kitob o’qish statistikasi.

Otasi - 0
Onasi - 1
Singlisi - 1
Karl - 30

Umumiy - 32. Buni statistikaga ko’charidigan bo’lsak, Karlning oilasidagilar bir yilda o’rtacha 8 ta dan kitob o’qigan bo’lib chiqayapti. Shunda Karllar oilasini kitobxon oila deb ayta olamizmi ?

Kitoblar sonining ahamiyati

1 yilda 80-100 ta kitobni o’qib ularni tushunib-tahlil qilishim uchun;

Futboldan, film-seriallardan, o’yin-kulgudan, uyqudan voz kechishim kerak. Kitoblar esa bunga arzimaydi. Hayotini faqatgina kitob bilan bog’laganlarga hech qanday qarshiligim yo’q, aksincha ulardan hayratlanaman, matvassa olaman, balki bu ularning ish faoliyati bilan ham bog’liqdir.

Zavqlanishim uchun menga 20 tacha kitob va vino yetadi )

Reklom taym

Bilaman kanal kuzatuvchilari orasida o’z blogiga ega insonlar ko’p. Karllarni qo’llab quvvatlash dasturi doirasida 500 obunachidan kam bo’lgan biror kanalingiz bo’lsa izohlarda yozib qoldiring, o’zimga manzur bo’lgan 5 tasini tanlab, reklom qilib bergum.

Bayden quladi )

@NovaNoggin – kanaldagi ma’lumotlar e’tiborimni tortdi, fikrlarini ham yaxshi ifodalay olarkan. O’zbek sferasida ilmiy kanal yuritadiganlar kam, bu yerda esa ba’zi tesha tegmagan mavzularni ham topishingiz mumkin.

Maslahat: tekstlar bilan yana ozroq ishlansa va ortiqcha stikerlardan foydalanilmasa yanada jiddiy statsusga ega bo’ladi.

@tarixchi_fikrlari – barcha postlarni o’qib chiqdim. Kanal yaqinda ochilgan, postlar kam, ammo sifatli. Muhimi to’xtatib qo’ymaslik kerak.

Maslahat: ko’proq yozish kerak )

@lestat_here – Lestatda bir ijodkor uchun kerak bo’ladigan barcha narsa bor – fikr, stil, beqarorlik, mayxo’rlik.

Tanbeh: kanalini o’chiraverib jonga tegdi !

@geek_gang – Hayotdan, ishdan, kitobdan charchaganinda – shunday bir GOTchi tanishing bo’lsada, sharobdan simirib gaplashib o’tirsang )

Maslahat: Xilma-xillikni ko’paytirish kerak.

@hikoyalar_tahlillar – kanaldagi oddiylik va oqim yoqdi. Ba’zi narsalarni biror sababsiz shunchaki yoqtirish mumkin.

Tanlashda bir muncha qiynaldim, balki did degan narsa menda umuman yo’qdir. Sizni tanlovingiz menikidan ancha yaxshi bo’lishi mumkinligiga ham shubham yo’q.

Shuncha vahimaga yarasha 10 ta obunachi o’tishiga ham kafolat berolmayman, ammo a’zo bo’ladiganlar o’ziga nimadir yangilik olishiga ishonchim komil.

#longread

Xemingueyning o’limi

Oltmish birinchi yilning ikkinchi iyuli. Erta tong. Meri yuqori qavatdagi yotoqxonada uxlab yotardi, Ernest qabulxonaga kirib, ov miltig’i rafidan o'zining sevimlisini tanlaydi. Qariyani topganlarida, qon xona devorlarini qizilga bo’yagan edi. Ha, istalgan trillerning kirish qismiga tushadigan sahna, lekin men Bukovskining fikriga qo’shilmayman. Bugun bratim Ernest Xeminguey hayotining qora sahnasiga nazar tashlaymiz.

Xeminguey ko’p bora do'stlari va qarindoshlariga FQB xodimlari uni kuzatib borayotganini aytgan. Bir necha bor psixiatriya klinikalarida davolanib chiqgan. Hatto kasalxonadan turib ham yaqinlariga qo'ng'iroq qilib, uning qo’ng’iroqlarini tinglashayotganidan shikoyat qilgan. Paranoyadan qutilish uchun Xemingueyga o'sha paytda barcha ruhiy kasalliklarni davolash uchun foydalanilgan elektr toki bilan davolash muolajasi buyuriladi.

A.E.Hotchnerning shunday qaydlari bor. (Hotchner Xemingueyning yaqin do’sti va 1948-1961 yillardagi barcha sayohatlariga hamrohlik qilgan inson. Xeminguey Ota kitobi muallifi)

Hotchner, Dyuk MakkMullen va Xeminguey qirg’ovul oviga otlanishadi. Bu Xeminguey anchadan beri orziqib kutgan sayohat edi. Odatga ko'ra, ichimlik ichish uchun stantsiyadagi barda to'xtashadi. Ammo Xeminguey ularni tashqariga chiqishga majburlab, bu yerdan tezroq ketishlari kerakligini aytadi. Hotchner: "Nega shoshayapmiz?" Xeminguey bunga javoban: "Federallar" deya javob beradi. Hotchner yozuvchidan nega uni federallar kuzatayotgani haqida so’raydi.

"Bu eng yomon jahannam", deb boshladi Xeminguey. “Ular hamma narsani eshitishadi. Shuning uchun biz Dyukning mashinasidan foydalanamiz. Hamma narsa tinglanmoqda. Men telefonimdan foydalana olmayman, pochtadan ham." Hotchner va MakMullen yuzaga kelgan holatdan ajablanib, Xemingueyning sog’lig’idan havotirga tushishadi. O’sha kechada MakMullen ularni kuzatib borayotgan mashinani payqagan bo’lsa ham, buni e’tiborsiz qoldiradi. Ular Xeminguey shunchaki paranoik ekanligini aytib hazillashishadi.

O’limidan bir necha o'n yillar o'tgach esa, FQB uni 1940-yillardan beri kuzatib kelganini tan oldi. (o’z ahamiyatini yo’qotgan maxfiy ma’lumotlar vaqt o’tib ommaga oshkor qilinishidan xabaringiz bo’lsa kerak. Bu har 25, 50 va 75 yilda sodir bo’ladi) Hukumat uning Kubadagi faoliyati va Kastro bilan munosabatiga shubha bilan qaragan va shuning uchun agentlar yozuvchining uyi, mashinasi va davolanayotgan shifoxonasiga eshtuv moslamalarini yashirgan. Telefon suhbatlarini tinglagan, pochta va bank hisoblarini tekshirgan. Xeminguey esa bularni bilardi, ammo unga hech kim ishonmasdi. Yaqinlarining bunday ishonchsizligi uni azoblab kelgan. FQB hisobotida shunday qaydlar bor; kuzatuv shu qadar yaxshi olib borildiki, qarindoshlari va do’stlarining hech biri Xemingueyning haqligini tan olmadi.

Xemingueyning ruhiy muammolari bo’lganligi fakt, biroq FQBning ham uning o’limida hissasi bo’lgan. Kuni kecha bratimning 125 yilligi bo’ldi🫡.

@vasilbro

Diqqat: spoiler bor

Yakshanba kuni Dyunaning ikki qismini qaytadan ko’rib chiqdim. Vinosiz ham kayf qilsa bo'ladi, azizlar. Quyida bo’lajak Dyuna: Masih filmida yangraydigan ayrim parchalarni ulashaman. Kelgusi qismda Pol Atreides fojiali qahramon sifatida namoyon bo’ladi – buni ko’rish oson bo’lmaydi chamamda.

Men buni xohlamadim. Men buni oldini olishga harakat qildim… Meni Muad’Dib – Yo’l ko’rsatuvchi deb atashadi. Ha, men yo’l ko’rsatuvchiman, ammo bu yo’l qayerga olib borishini doim ham bilmayman. Fremanlar esa… ular olov uchqunlari kabi butun koinotga tarqab ketishdi, men esa ularning alangasiman. Ular o’z yo’lidagi hamma narsani yo’q qilmoqdalar. Mening nomimdan oltmish milliard kishi halok bo’ldi.

Konservativ hisob-kitoblarga ko'ra, men oltmish bir milliardni o'ldirdim, to'qsonta sayyorani sterilizatsiya qildim, yana besh yuztasini butunlay ruhiy tushkunlikka tushurdim…

@vasilbro

Roppa rosa bir yil bo'libdi, kecha bo'lgandek go'yo. Jiyanim ertaga dugonalariga yoki yoqtirgan yigitigami bolaligida tushgan rasmlarini qo’rqmay ko’rsatib;

- Tog'am Karl bo'lganligi omadim, deb qo'yadi )

@vasilbro

Challengmush:

• Men: Vasil
• Ovqat: Sovugan moshkichiri
• Qo'shiq: Summertime Sadness
• Ichimlik: Vino
• Hayvon: Shoebill
• Rang: Qora
• Multfilm: How to train your dragon
• Hobby: Futbol
• Film: Javob berib bo’lmaydi
• Kitob: Dorian Greyning portreti

Siz ham oʻzingiznikini yozib qoldiring )

@vasilbro

Emotsiyalarga tupurgan holatda

O’zbekiston ustunlik qildi, chiroyli o’ynadi, ko’p hujum qildi, xullas o’yinni nazorat qildi - qo’ysangchi, Karl. Misr juda zich o’ynadi. Bitta qarshi hujum bilan o’yin taqdirini hal qilishi mumkunligini bir necha marotaba ko’rsatib qo’ydi. Hatto hisobni tenglashtirganimizda ham, ularning yana urish imkoniyati ko’proq edi. Futbolchilari jismonan baquvvat, tezkor va individual mahorati yuqori, muhimi nima qilayotganini yaxshi biladi.

Yarim himoyamiz rasvo o’yin o’tkazdi, realizatsiya haqida gapirgim kelmayapti.

Faollik bu futbol degani emas. 90 daqiqa tinmay yugurdik, biroq taktika to’g’ri ishlab chiqilmagan, raqib yetarlicha o’rganilmagandek taassurot paydo bo’ldi. Misrliklar ma senlarga to’p, bilganingni qil dedi - o’zbeklarning bilgani shu ekan )

Yaxshi yangilik ham bor: 18 ta jentra budjetni yoniga qoladigan bo’ldi )

©️Iiiiii-oooo, ouuuu

Hay, kaypyatlaringni ko’tarib qo’yay - stand up tashlamay qo’yganimga ham ancha bo’lgandi.

@vasilbro