Taxtlar o’yini serialida vino bilan eng ko’p ko’rinish bergan mayxo’rlar.

Kanalning deyarli uch yillik faoliyati davomida bor yo’g’i 12 marta vino so’zini ishlatgan ekanman.

Azizam, sevgan narsangni top va u seni o’dirishiga qo’yib ber.

©️Bukovski

Orginal: Dear, find what you love and let it kill you

Yuqorida yozilishicha O’zbekistonga kelgan Germaniyalik bratimni juma kuni kuppa kunduzi Covid davridan beri o’stirgan soqolini militsya xodimlari majburan qirtishlatishibdi. Soqoli o’ziga juda qadrli bo’lib qolgan ekan.

O’zbekiston Kun.uzning ma’lumot berishicha 2023 yilda sayyohlar uchun Markaziy Osiyodagi eng xavfsiz davlat deb topilgan. Bu yerda yozilishicha esa serquyosh o’lkamiz xavfsizlik bo’yicha 2024 yil holatiga ko’ra dunyoda peshqadam, Karl.

@vasilbro

Nodirbekning o’yinidan juda bir hayratga tushmayman, bu haqida oldin ham yozganman. Faxr tuyg’usi esa boshqa masala. Videoga boqing, Magnus bilan Nepo xuddi gollivud filmlarida o’z ukalarining o’yinidan zavqlanayotgan akalar rolida.

Bu uchala monster Astanada o’tgan FIDEning Rapid va Blitz bo’yicha jamoaviy jahon chempionati bahslarida bir jamoada (WR Chess) o’ynashdi va Blitz yo’nalishida chempion bo’lishdi.

@vasilbro

Jannatdagi soyalar asaridan

Yoki Remark Van Goghni yaxshi bilmagan, yoki o’sha davr san’atshunoslari ham ijodkorni to’liq bilmaganliklariga ishora qilmoqchi bo’lgan. Teo unga ko’p yordam qiladi, umuman olganda yagona suyanadigan odami ham ukasi edi. Keng tarqalgan afsona - Van Gogh hayoti davomida biror asarini sota olmagan. Biroq bu yolg’on, uning Qizil uzumzori 1890 yilda Bryusseldagi ko’rgazmada sotilgan.

Aytgancha, Vinsentning akasi bo’lmagan, Teo undan 4 yosh kichik edi. Remark buni bilmasligi mumkin emas, demakki tarjimon detallarga e’tibor bermay, brother/братni - aka deb tarjima qilib ketgan. Bu shunchaki xato emas, tarixiy xato.

Bugun 11 avgust o’g’il va qiz farzandlar kuni (Son’s and Daughter’s day). Ota Karl sifatida barcha Karl va Karlalarimni tabriklayman.

Ildirzlari do'zaxga yetib bormaguncha, hech bir daraxt jannatga qadar o'solmaydi.

©️ Karl Gustav Yung

Hayot bu - azob, fojia, xiyonat, qo'rquv, iztirob - quvonch, umid, sevgi va mamnunlikdir. Kun bo'yi ochiq chehrada yurganingni ko'rgan odamlar, tun tushganda bir burchakda xayollaring bilan kechadigan azaliy kurashni o'tkazib yuboradilar. Sen mag'lub bo'lasan, o'limingdan oldin ko'p bor o'lasan - mohiyat ham shunda, bularsiz hoziring bo'lmasdi.

@shisha_bino

Hamma menga nimanidir o'rgatishni istaydi va shubhasiz barcha mendan yaxshiroq biladi. Ushbu maslahatlarni tinglab, har bir uy baxtga to’la ekan-da, deb o’ylab qolasan kishi.

Ideal inson mavjud emas !

Yandex taksidaman. Haydovchi shu paytga qadar 4000 ga yaqin insonni manziliga eltib qo’ygan holida otsenka - 5.0. Biror so’z yo’q. Play listda: Taxtlar o’yini - Qizil to’ydagi musiqa.

Bu kim unda jin ursin ?

Tungi soat 03:27.

Chiroqni yoqdim. Qandaydir tushunarsizlik sabab Dostoyevskiyning Aka-uka Karamazovlarini qo’limga oldim. O’qishga tutindim…

…xonamdagi chiroqqa tungi kapalak xuddi quyoshga intilgan Ikar kabi parvona edi. Bir muddat uning parvozini kuzatdim, iliq yorug’lik hasharotni ohangrabodek o’ziga tortayotgandi. So’ngra uni majaqlab tashladim va kitobni yopdim, yana uxlashga tushdim. Kapalakni men emas, la’nati Dostoyevskiy o’ldirgandi.

Quvonch va fojia doimo yonma yon yuradi.

@vasilbro

Alen Delon vafot etdi. Qariya 88 yoshda edi, ohirgi paytlar o’limni ko’p eslayotgandi shundoq ham. Hozirgi yoshlar Delonni Asteriks va Obeliks Olimpiada o’yinlarida filmidagi Sezar roli orqali tanishsa kerak.

@vasilbro

Kechagi to’lin oy.

Bu tunda vino va sen yetishmading, Karla🥂

Photo by Marjona jiyan

@vasibro

Remark. Jannatdagi Soyalar. XX asrning qirqinchi yillari - Amerika hayoti

Ayollar siyosatchilarday montajdan tobora ko'proq foydalanmoqda. Soxta siynalar, g'ovakli kauchuk yostiqchalardan yasalgan dumbalar, sun'iy kipriklar, pariklar, soxta tishlar - bularning barchasi fantastika, yolg'on, sarob.

Kitobni faqat metroga tushganimda o'qidim. U yerdagi hid, retro muhit, juda kam qolgan o'tgan asr odamlari - yaxshi kombinatsiya bo'ldi. Ikki hafta deganda tugatdim.

Shanba kuni Toshkent metropolitenidagi har bir bekatni sur’atga olmoqchiman.

Bugun butun koinot meni metropolitenni sur’atga olishimga qarshidek go’yo

Shuncha paytdan beri biror qusrsiz ishlayotgan jin urgur kalit, bugun eshikka tushmay qolsa deng - 10 daqiqa shu bilan ovora bo’ldim.

Liftda qamalib qoldim, yaqinda tamirlashgandi o’zi. To’g’ri, holat 5 daqiqaga ham cho’zilmadi, biroq asablar yaxshigina taranglashdi. Tasdiqlashim mumkinki - tor, to’rt tomoni metal xujrada tabiat-u, fizika qonunlari ishlamaydi. Vaqt sekin o’tarkan.

Uxlab qolibman. Soat 11 da Abduraxmon bro bilan Chilonzor bekatida ko’rishishga kelishgandik, hali ham yo’ldaman.

Telefonimni quvvatlashni unitganman - eng katta muammo ham shunda. Qancha rasm olishim noma’lum.

Shu paytda Merfi qonunini eslashni o’rinli deb bildim.

Noto‘g‘ri ketish ehtimoli bo‘lgan har qanday narsa, albatta noto‘g‘ri ketadi va bu eng noqulay paytda sodir bo‘ladi. Demakki bugun metro ishlamay qolib 100 lab yo’lovchilar vagonda qolib ketadigan bo’lsa, ikkilanmay ular orasidan meni qidiring. Agar qo’ng’iroq qilib ham tusha olmasangiz, bilingki telefonni tushurib qo’yganman.

@vasilbro

Payzimizni bersin🫡