Hamma menga nimanidir o'rgatishni istaydi va shubhasiz barcha mendan yaxshiroq biladi. Ushbu maslahatlarni tinglab, har bir uy baxtga to’la ekan-da, deb o’ylab qolasan kishi.

Ideal inson mavjud emas !

Yandex taksidaman. Haydovchi shu paytga qadar 4000 ga yaqin insonni manziliga eltib qo’ygan holida otsenka - 5.0. Biror so’z yo’q. Play listda: Taxtlar o’yini - Qizil to’ydagi musiqa.

Bu kim unda jin ursin ?

Tungi soat 03:27.

Chiroqni yoqdim. Qandaydir tushunarsizlik sabab Dostoyevskiyning Aka-uka Karamazovlarini qo’limga oldim. O’qishga tutindim…

…xonamdagi chiroqqa tungi kapalak xuddi quyoshga intilgan Ikar kabi parvona edi. Bir muddat uning parvozini kuzatdim, iliq yorug’lik hasharotni ohangrabodek o’ziga tortayotgandi. So’ngra uni majaqlab tashladim va kitobni yopdim, yana uxlashga tushdim. Kapalakni men emas, la’nati Dostoyevskiy o’ldirgandi.

Quvonch va fojia doimo yonma yon yuradi.

@vasilbro

Alen Delon vafot etdi. Qariya 88 yoshda edi, ohirgi paytlar o’limni ko’p eslayotgandi shundoq ham. Hozirgi yoshlar Delonni Asteriks va Obeliks Olimpiada o’yinlarida filmidagi Sezar roli orqali tanishsa kerak.

@vasilbro

Kechagi to’lin oy.

Bu tunda vino va sen yetishmading, Karla🥂

Photo by Marjona jiyan

@vasibro

Remark. Jannatdagi Soyalar. XX asrning qirqinchi yillari - Amerika hayoti

Ayollar siyosatchilarday montajdan tobora ko'proq foydalanmoqda. Soxta siynalar, g'ovakli kauchuk yostiqchalardan yasalgan dumbalar, sun'iy kipriklar, pariklar, soxta tishlar - bularning barchasi fantastika, yolg'on, sarob.

Kitobni faqat metroga tushganimda o'qidim. U yerdagi hid, retro muhit, juda kam qolgan o'tgan asr odamlari - yaxshi kombinatsiya bo'ldi. Ikki hafta deganda tugatdim.

Shanba kuni Toshkent metropolitenidagi har bir bekatni sur’atga olmoqchiman.

Bugun butun koinot meni metropolitenni sur’atga olishimga qarshidek go’yo

Shuncha paytdan beri biror qusrsiz ishlayotgan jin urgur kalit, bugun eshikka tushmay qolsa deng - 10 daqiqa shu bilan ovora bo’ldim.

Liftda qamalib qoldim, yaqinda tamirlashgandi o’zi. To’g’ri, holat 5 daqiqaga ham cho’zilmadi, biroq asablar yaxshigina taranglashdi. Tasdiqlashim mumkinki - tor, to’rt tomoni metal xujrada tabiat-u, fizika qonunlari ishlamaydi. Vaqt sekin o’tarkan.

Uxlab qolibman. Soat 11 da Abduraxmon bro bilan Chilonzor bekatida ko’rishishga kelishgandik, hali ham yo’ldaman.

Telefonimni quvvatlashni unitganman - eng katta muammo ham shunda. Qancha rasm olishim noma’lum.

Shu paytda Merfi qonunini eslashni o’rinli deb bildim.

Noto‘g‘ri ketish ehtimoli bo‘lgan har qanday narsa, albatta noto‘g‘ri ketadi va bu eng noqulay paytda sodir bo‘ladi. Demakki bugun metro ishlamay qolib 100 lab yo’lovchilar vagonda qolib ketadigan bo’lsa, ikkilanmay ular orasidan meni qidiring. Agar qo’ng’iroq qilib ham tusha olmasangiz, bilingki telefonni tushurib qo’yganman.

@vasilbro

Payzimizni bersin🫡

1-kadr. Sayqal berilmagan hali )

Ukam hafsala bilan rasmlar olyapti

Asosiy tamoyillar

Pasha Durov va Ilon Mask dahosi shundaki, ular "birinchi tamoyillar" deb ataluvchi narsalar haqida o'ylashadi. Empedokl tabiatning 4 asosiy elementini ilgari surganidek, ular har qanday muvaffaqiyatli ijtimoiy tarmoqning asosi faqat ikkita omil: so'z erkinligi va erkin matnligini tushunishadi.

Fotolar emas. Rasmlar emas. Video emas. Reels emas. Storieslar emas. Audio yoki podkastlar emas. Kulgili smayliklarmas. Metaolam yoki VR emas. Bularning barchasi vaqtinchalik, borib-borib xotiradan o'chadi va cheksiz bo'shliqdagi gigabaytlarga aylanadi. O'n yillar davomida ko'rilgan millionlab videolarni hech kim eslamaydi.

Faqat matn. Bo'libam faqat erkin (senzura yoki cancel culture orqali taqiqlanmagan) matn. Bu xotirangizda muhrlanadi, hamma narsadanda ko'proq hayratga soladi, hayotingizni o'zgartiradi va umringizning oxirigacha siz bilan qoladi. Miloddan avvalgi 21-asrda ham shunday bo'lgan, bizning 21-asrda ham shunday bo'ladi.

Aytgancha, Facebook 2016-yilgacha bo'lgan oltin davrida shunday edi, ammo ochko'z Sukerberg o'zining algoritmlari bilan hamma narsani buzdi - avval so'z erkinligidan (Amerika razvedka xizmatlari va liberal woke-kun tartibi bilan), keyin esa TikTok va Instagramga intilib matndan ayrildi.

Shunday ekan, hozir istalgan ozmi-koʻpmi fikrlashga qodir inson faqat ikkita ijtimoiy tarmoq: Twitter va Telegramga intiladi. Ilon Mask allaqachon xuddi o'zini Etna tog'idagi kraterga tashlab, ma'budga aylanishga harakat qilgan Empedokl kabi, tarixda Buyuk Inson bo'lib qoldi.

Pavel Durovda esa bunga erishish uchun hali barcha imkoniyatlar mavjud.

— Rashev

@panda_books

Kechagi rasmlardan namunalar

Photo by @vasilbro

Martin Idenni rosa 9 soat mutolaa qildim, yakuni ham ko'rinib qoldi. Xayol Emil Choranning fikrlariga ketib qoldi;

Tafakkur ham qullik, ham xurofotdir. U dastlab bizni cheklovchi ayrim kishanlarga barham berib, ozodlikka yaqinlashtiradi, ammo keyinchalik faqat kuch-quvvatimizni olib, erkinlikka intilishdek zaif urinishlarimizni falajlaydi. Undan hech qanday yordam yo‘qligining eng yaxshi isboti - fikrlashni to‘xtatganimizda his etadigan baxtimizdir. Fikr xuddi istakning o‘zginasi, u ham o‘zini o‘zi oziqlantiradi, tobora ko‘proq joy egallab, tashqariga intiladi; mohiyatan u haqiqatga intiladi, biroq jarayon uning uchun muhimroqdir. Fikrlash cheksiz illyuziyaning bir qismi bo'lib, u o'zini o'zi yaratadi va yutib yuboradi, o'zini abadiylashtiradi va yo'q qiladi.

Menga qolsa:

Artur Rufni chaqirdi, Martini singlisi bilan tanishtirmoqchi edi. Biroq, missis Morz xona ichkarisidan chiqib kelarkan Rufning hali universitetdan qaytmaganligini o'g'liga eslatdi...

...hayotdan mamnun navqiron matrosni dengiz o'ziga chorlardi.

The End

@vasilbro

Mening faslim kelayotir. Biroq, Toshkentda, ayni kuz chog'ida yolg'iz bo'lish - zerikarli

Kuz haqida ikki qator she’r;

Meov, meeov myov, pxxxx. Meeeeeov myov-myov, pxxxx.

Tushunganingizdek, kuzda har narsa go’zal, ayniqsa naqoratni aytmaysizmi )

P.s: rasmni yana Madinadan uxlatdim. Omon bo’lsin, kamerasi hech sinmasin.

@vasilbro

Metroda eskalatordan yugurib, tez-tez tushib ketganingizdan tejab qolgan 4 soniyangizni nimaga ishlatasiz ?