O’lim ham Shopenni yakunlashini kutmoqda.

@vasilbro

O’lik shoirlar jamiyati

Men ongli ravishda yashashni xohlaganim uchun o’rmonga bordim. Bu hayotni uning eng teran nuqtalariga qadar, iliklarimgacha his qilgan holda, tiriklikka begona nimaiki bo’lsa, barini yakson qilmoqlik uchun va o’lim kulbam eshigini taqillatganda men hech qachon chin ma’noda yashamaganligimni anglab, dahshatga tushmaslik uchun shu yerda yashashni istadim.

Karl va Karla turmush qurganlarindan so’ng, farzandli bo’lish xohishi paydo bo’lsa, albatta shu filmni ko’ringlar. Keyin kitobini mutolaa qilinglar, so’ngra Sellenjerning Javdarzordagi Xaloskorini o’qib chiqinglar.

Ovoz berish yakunlandi.

Yakshanba, ya’ni ertaga soat 20:00 da FIGHT CLUB haqida fikr yuritamiz. Ko’rmaganlar, imkoningiz bo’lsa tomosha qiling, qizg’in mulohazalar bo’lishi aniq.

Men ko’proq tinglovchi pozitsiyasida bo’laman, Ota Karl sifatida so’z so’raganlarga mikrofonni tutib turaman.

@vasilbro

Kompyuterda o’zingizga keraksiz bo’lgan fayllarni istalgan vaqt o’chirib tashlash imkoniyatiga egasiz, biroq o’chirilgan fayllar butunlay yo’q bo’lib ketmaydi. Ular kompyuterning xotirasida saqlanib qoladi.

Insonda ham shunday, u qandaydir soatlar ichida minglab fikrlarni xayolidan o’tkazadi, ularning juda kam foizigina tiliga chiqadi yoki amalga oshadi. Bu jarayon uzluksiz davom etadi - aytilmagan fikrlar, amalga oshmagan xohishlar, izhorsiz muhabbat va hokazo. Siz ularni unutdim deb o’ylaysiz, biroq ular butunlay yo’q bo’lib ketmaydi, aksincha miyamizning qaysidir qismida saqlanib qoladi - agarda o’sha yerni ko’rish imkoniyati bo’lganda edi, bu juda qo’rqinchli joy bo’lishiga shubham yo’q.

Freyd inson xohishlarini rad etishini o’zining psixoanalitik nazaryasida quyidagicha tushuntirgan;

Insonning rad etilgan xohishlari miyaning ongsiz yoki tushunilmagan qismida yig’iladi. Ammo, ular o’z-o’zidan yo’qolmaydi, aksincha turli shakllarda, masalan; tushlar, stress, depressiya, infarkt ko’rinishida namoyon bo’ladi.

Freydning nuqtai nazariga ko‘ra, insonning ongsiz qismida joylashgan xohish va istaklar juda kuchli bo‘lib, ular istalgan vaqtda yuzaga chiqishi mumkin. Agar bu xohishlar doimiy bostirib borilsa, ular ko‘pincha sog‘liqqa zarar yetkazuvchi psixologik simptomlar shaklida namoyon bo’ladi. Shu bois, Freyd inson psixologik salomatligi uchun o’z xohishlarni tushunib, ularni maqbul shaklda ifoda etishi muhim deb hisoblagan.

FIGHT CLUB filmida aynan shu jarayonni kuzatsangiz bo’ladi.

@vasilbro

Bugun ish bilan Shahrisabz suv ta’minoti idorasiga kelgandim. Idora hududida SSSR davridan qolgan mana shunday Suv minorasi bor ekan. Muhtasham.

LOTR muxlislari shu yerdami ?

@vasilbro

​​#offtop

Bir paytlar Borjia serialiga qiziqib qolgandim, serial oilaining qanday qilib hokimyat tepasiga kelgani va uni qay yo’sinda saqlab qolganligi haqida. Ma’lumki, cherkov xristian diyorlarda misilsiz kuch va ta’sir doiraga ega bo’lgan. Serialning voqealar markazida gavdalantirilgan Borjia oilasi esa bu mavqeni o’zimizni tilda aytganda sotib olishadi, butun xristian olamining eng katta rahnamosi hisoblanmish Papa unvoni pora berish yo’li bilan qo’lga kiritiladi, Karl. Agarda sizga Taxtlar o’yini manzur kelgan bo’lsa, vaqt ajratishingizga arziydi. Xullas, shu Borjialar oilasining to’ng’ichi Chezari Borjia degan ko’rkam va makkor yigit bo’ladi. Aynan shu brat, o’zining siyosiy yutuqlari sabab suyukligim Makiavellini “Hukmdor” asari ustida ishlashiga turtki bo’lgan.

Hozir bu haqida emas, bir narsa o’qib qoldim. Graf Monte-Kristo va Uch Mushketyor asarlari oraqli tanilgan Dyuma, o’zining 18 ta esselari jamlangan “Shonli jinoyatlar” to’plamida Iso Masihning zamonaviy qiyofasi Chezari Borjiadan ko’chirma olinganligiga da'vo qilgan ekan. Qiziq holat, quyidagi rasmlardan ham o’xshashlik borligini payqash mumkin. Bu haqida izlanib ko’rgum, yaroqli deb topsam, ulashgum.

@vasilbro

Koreyskiy vino ko’tarib kelishibdi. Yo’q deyolmadim🫡

Sirdaryo manzaralari

Madina bilan g’oyibona bo’lsada yaxshi hamkorlik qilyapmiz. U rasmga olaveradi, men undan chopib, sal-pal rang berib qo’yaman😁

@vasilbro

Yana ilhomim keldi🫠

​​#nimadir

Yarim tun. Tomog’im qurushib uyg’ondim, uyqusiragan alfozda chanqoqni qondirgani oshxona tomon ketdim…

…xuddi cho’ldan kelgan tuya kabi sipqorib ichardim, ohirgi marta qachon bunchalik chanqaganligimni eslolmayman, biroq tashnalik bosilmasdi. Beshinchi stakandan so’nggina to’xtadim. Ovoz…

…ga’lati, g’alatiligi shundaki nimaning ovozi ekanligini anglolmay turardim - sust ammo aniq, kimdir kitob o’qiyotgandi, biroq men tushunmaydigan tilda….

…eski kitoblarim taxlangan xonaning eshigi ochiq. Oyda bir-ikki marta changdan tozalash uchun ayam kirishini aytmasa, doim qulf turadi, kalit esa o’zimda. Xona tomon yurdim, shivir-shivir jonlandi, biroq hali ham nimaligiga tushunmay garang edim…

…eski kitoblarning ifori dimog’imga urildi, xona bo’sag’asida turib qoldim. Ovozlar esa tindi. Zulmat. Ichkari kirdim…

…qandaydir zaif nafasni his qilardim. Yutoqib, yutoqib olingan nafas. Menga tanish bo’lgan nafas. Chiroqni yoqdim…

…qaltirardim, xona markazida menga qarab jilmayib turgan o’zimni ko’rib, qaltirardim.

va keyin chiroq o’chdi.

The Seventh Seal - Yettinchi muhr (1957)

IMDb – 8.1
Rotten Tomatoes – 93 %

Bugungi oqshom uchun film.

@vasilbro

Tost kep qoldi, kerak bo’lsa foydalanarsizlar;

Qadahda nafaqat uzumning sharbati, balki vaqtning sirli falsafasi ham bor. Har bir tomchisi o'tmishingni xotirlab, kelajagingni qizdiradi.

​​#nimadir

2.0

Ko’zimni ochganimda hali tong otmagan, derazadan kirayotgan oy nuri xonamni nim yoritib turardi. Odatda, tun yarimida uyg’onmayman, balki ertaga safarga ketishim kerakligini ko’p o’ylaganim sabab shunday bo’lgandir.

Uyg’onganimdan beri o’zimni g’alati, doimgidan ko’ra og’irroq his qilayotgandim, nimadir o’zgargan edi go’yo…

…qancha vaqt shiftga termulib yotganimni bilmayman, vaqtni anglolmasdim, nimani o’ylayotganimni ham bilmasdim. Siqiladigan hech qanday mushkulotim yo’q bo’lsada, ko’zimni ochganimdan beri paydo bo’lgan g’ashlik meni tark etmayotgandi…

…chiroqni yoqdim va safar uchun jamadonimni yig’ishni boshladim…

…eshik ohista taqilladi. Jin ursin, esimni tanibmanki biror kim xonamga taqillatib kirmagan. Tong otishiga kamida ikki soat bor, shu bemahalda kim bo’lishi mumkin ? Ichimga shubha aralash yengil qo’rquv oraladi, biroq men o’z uyim, o’z xonamdaman, hozir bunaqa axmoqona xayoliy tasavvurlarga beriladigan vaqt emas, eshik tutqichiga qo’limni cho’zdim…

…eshik ortida o’zim turardim…

…hayrat va titroq. Bu men edim, chap yuzidagi xolidan tortib, singan old pastki tishi, hafsala bilan taralgan sochigacha men edim. Ammo, bu nusxada nimadir boshqacha, ko’zlaridagi nigoh, yuzidagi sovuq tabassum, yo’q, yo’q - o’zimga qarab turgan bu “men” butunlay begona edi.

- O’zingni tanidingmi ? - dedi u sekin. Ovozi g’ayritabiiy tarzda og’ir edi. Tilimga biror so’z kelmadi, unga tikilgancha, qotib qoldim. Shuurim muzlagan, biror manili fikr bu muzni eritolmayotgandi…

…u jilmaydi, bu jilmayishda insoniylikdan yiroq bir ma’no bor edi. To’satdan - Men kelajakdagi senman - dedi. Ertaga seni hayotingni o’zgartiradigan qaror kutyapti. Men shu qarorning natijasiman...

…yoqimsiz sukunat...

- Qanday qaror ? shu so’znigina ayta oldim nihoyat, og’zimdan chiqayotgan so’zlar o’zimga g’alati tuyulardi, xuddiki tanam endi o’zimga tegishli emasdek.

Stulni oldida, yonimga kelib o’tirdi, ko’zlarimga tikilgancha:

- Ertaga muhim tanlov qilasan. Bir yo’l bor, seni shu yo’lga undayotgan menman. Agar o’sha yo’ldan yursang, sen “men” bo’lasan. Agarda, rad etsang hayoting boshqa yo’lda davom etadi. Ikkala yo’l ham o’z narxiga ega - birini tanlasang men bo’lasan, boshqasini tanlasang, o’zgacha kimdir…

…sarosimaga tushib qoldim. Menga tikilib gapirayotgan bu kimsa rostan ham menmanmi ? Men kimga yoki nimaga aylanaman ? Uning so’zlari ortida teran ma’no yashirin edi, biroq hozirgi ahvolim mulohaza yurutishga imkon bermasdi…

- Tanlov qilishing kerak, davom etdi u. Har qaysi yo’ldan yursang ham, o’zingni qayerga ketayotganligingni anglaysan. Biroq bu yo’llar seni ortga qaytib bo’lmaydigan joyga olib boradi. Men bo’lasanmi yoki boshqami ?

Nima deb javob berishni bilmasdim. Gaplari shu qadar og’ir va tushunarsiz ediki, nafas olishim borgan sari qiyinlashib borardi, ortiq uni eshtolmasdim…

…har qaysi tanlov hayotimni butunlay o’zgartirib yuboradigandek tuyuldi, biroq bu tanlovlar meni mavjudligimni so’roq ostiga qo’yayotgandi, men o’zim bo’lib qolishni istardim…

…u menga ohirgi marta qaradi, so’ng asta o’rnidan turib, eshikdan chiqib ketdi. Men esa qimirlamasdim, aniqrog’i qimirlay olmasdim. Uning ketishidan yengil tortmadim…

…ko’zim xonam o’rtasidagi ko’zguga tushdi. Lekin aksimni ko’rmadim.