Anna Cramling - Fide Master. 22 yosh. Vinoni suyadi. Oqlar menda, yurish qoldi xolos…

P.s: 1 haftaga yetadigan jiddiy postlar yozib tashlabman.

Ichimdagi maraz odamcha )

Dushanba memlari ruknida

(Video spoiler)

Kierkegor aytadi:

Teatr sahnasi ortida yong'in boshlandi. Masxaraboz tomoshabinlarni xavfdan ogohlantirish uchun sahnaga chiqdi. Ular holatni hazil deb qaror qildilar va qarsak chala boshladilar. Masxaraboz iltimos bilan ogohlantirishni takrorladi - zalda yana qarsaklar yangradi. Balki, bizning dunyomiz ham, xuddi shunday yakun topar; bu shunchaki hazil deb hisoblagan tomoshabinlarning olqishlari ostida.

Birdmanni besh, olti yil ilgari emas, aynan kecha ko’rganim ayni muddao bo’ldi. Yillar o’tib yana bir bor ko’raman - balki qirq yoshlarimda. Inyarittu final sahnasini atayin ochiq qoldirgani nafaqat orginal yechim, balki filmning yillar o’tsa ham tildan tushmasligi uchun yaxshi qadam bo'lgan.

@vasilbro

Halicha ayni to’xtamga kelmagan mavzularimdan biri. Mahalliy ekspertlarimiz nima deydi, fikrlaringiz bilan o’rtoqlashing )

Sevgi bilan bog’liq millionlab nazariyalar bor, ammo hech birida yakuniy haqiqat yo’q. Go’yo sevgi barcha insonlar gaplasha oladigan umumiy til - hamma o’zicha eshitadi, o’zicha tushunadi, lekin hech kim to’liq tarjima qila olmaydi.

Qanday paydo bo’ladi, nega doim mavjud bo’lmaydi - boshi berk ko’cha.

Youtubeda Grinkoning Valsi ostidagi izoh:

Men saratonni yengolmadim. Balki bu musiqani ohirgi marta tinglayotgandirman. Shunga qaramay, u huzur bag’ishlayapti. Hammasi uchun rahmat hayot…

AQSh saylovlaridagi matematik xatoliklar.

Amerikadagi prezident saylovlarida ko’pchilkning ovozi muhim degan noto'g'ri fikr mavjud. Aslida, AQSHda saylov tizimi shunday ishlaydiki, unda bir kandidat ikkinchi kandidatdan ancha kam ovoz yig'ib turib ham saylovda g'olib chiqishi mumkin. Statistik hisobga ko'ra, saylovda atigi 22% ovoz olgan kandidat 78% ovoz olgan kandidatdan o'zib ketishi ham mumkin. Bu hodisa Amerikada demokratiya yo'qligidan emas, balki saylov tizimining noyob tarzda ishlashidan kelib chiqadi.

AQShda saylovlar to'g'ridan-to'g'ri emas, balki o’rtadagi vakillar (electoral college) orqali amalga oshiriladi. Ya'ni, fuqarolar prezidentga ovoz berish o'rniga, prezidentni ularning o'rniga saylaydigan vakilga ovoz beradi.

Umumiy hisobda 538 vakil bor, Amerikada aholi soni 335 mln, ya'ni bir vakil taxminan 620 ming kishiga vakillik qilishi kerak. Lekin bu raqam bir shtatdan ikkinchi shtatga o'tganda o'zgaradi.

Misol uchun, Wyoming shtati aholisi 580,000 kishi va shtat 3 vakilga ega, Kaliforniya aholisi esa 39,5 mln va 55 vakilga ega. Lekin muammo shundaki, Wyomingdagi 193,000 (580000/3) kishining ovoz qiymati Kaliforniyadagi 718,000 (39500000/55) kishining ovoz qiymati bilan bir xil. Ya'ni, Wyoming shtati fuqarosining ovoz qiymati Kaliforniyalik fuqaronikidan deyarli to'rt barobar ustun.

Saylovda: 1 Wyominglik = 4 Kaliforniyalik (50% va 50%), lekin aslida 1 Wyominglik < 4 Kaliforniyalik (20% va 80%) (bir-biriga nisbatan). Bu kabi holat katta va kichik shtatlar o'rtasidagi nohaq farqni keltirib chiqargan.

Ikkinchidan, "winner takes all" tizimi, ya'ni ikki partiya o'rtasidagi farq bir shtatda 0.01% bo'lsa ham (50.01% va 49.99%), butun shtatning ovozi ozgina ustun bo'lgan partiyaga o'tib ketadi. Amerika elektoral tizimi uchun: (50.01% va 49.99%) == (100% va 0%).

2016-yilgi saylovda Klinton Trumpdan 3 millionga ko'proq ovoz olgan, lekin Trumpni qo'llovchi vakillar ko'proq bo'lgani uchun Trump g'alaba qozongan.

Bu tizim Amerika yangi davlat bo'lib paydo bo'lganida ish bergan, chunki o'sha paytda faqat oq tanli, yerga ega bo'lgan erkaklar ovoz bergan. Lekin vaqt o'tishi bilan bu tizim ko'plab nomutanosibliklarga olib kelmoqda.

@req404

Bolaligimizdan qiyin vaziyatlarda, kimdandir kaltak yeganimizda yoki nochor ahvoldaligimizda beixtiyor tilga keladigan birinchi so’z ona edi.

Qizil to’ydagi Robbning so’nggi so’zi: Ona

Shimol qiroli - 18/19 yoshli yigitcha.

Bu kanalga nima uchun qo'shilganini o'zi ham bilmaydigan ikki ming ikki yuz yigirma ikkta qora ko'z.

Ey, salomat, salomat.

30 yillarda bir noneym yigitcha gitarani shu darajada mohirlik bilan chalishni boshlaydiki, uning atrofida turli afsonalar vujudga keladi. Aytishlaricha, u Iblis bilan shartnoma tuzib, o’z ruhini sotgan. Natijada uquvsiz mashshoq, yetuk san’atkorga aylangan.

Robert Jonson shaxsiyati haqida o’zingiz o’qib olasiz. Hozir har 2 reelsning birida “Me and the Devil”. Yaratuvchi Robert bo’lsada, uni yanada epiklashtirgan – Anya Plyashg bo’ladi. Ruhiyatimga yaqin tarona…