#parcha

Do’stimnikiga kechki ovqatga taklif qilingandim. Uning 13, 15 va 17 yoshli bolalari bo’lib, hali Matritsani ko’rishmagan ekan. Do’stim film nima haqida ekanligini bolalariga aytib berishimni so’radi. Boshlay ketdim:

Xo’sh, virtual olamda yashovchi bir yigit haqiqiy dunyo mavjudligini bilib qoladi. U nima haqiqiy-yu, nima haqiqiy emasligi haqida chuqur o‘ylay boshlaydi va haqiqatni bilishni juda-juda istaydi… Shu payt kichik qizaloq:

- Nega ? deb savol berdi.
- Bu bilan nima demoqchisan ?
- Dunyoning haqiqiy bo’lish-bo’lmasligi kimni qiziqtiradi ?
- Sen uchun buning ahamiyati yo’qmi ?
- Yo’q !

Bu ajoyib.

©️Keanu Rivz

@vasilbro

Nega so'nggi yillarda chiqayotgan seriallarda hammasi rasvoroq ?

Shu ovozda endi yoki faqat menga Gollum baqirayotgandek eshtilyaptimi ?

Kelib, kelib Dyuna olami.

@vasilbro

Goosebumps.

Deus ex machina - Yaratganning kutilmagan aralashuvi.

Ish yuzasidan Toshkentga borishim lozim edi. Soat 06:00 da mashina kelishi kerak. Men esa tunda kino ko’rayotgan joyimda uxlab qolganman. Ertalabga budilnik qo’yilmagan. Qandaydir yoqimli tush ko’rayotganim esimda, ko’zimni ochdim - 05:57. Telefonim o’chib qolgan. Mana hozir yo’ldaman.

Film va kitoblarda ham qiyin vaziyatlarda, umuman kutilmagan joydan bir notanish paydo bo’lib, barcha muammolarni hal qilib tashlaydi. Shunday holatlarni tasvirlash uchun ham ishlatish mumkin.

Yoki hayotning o‘zi bizga yuqoridagi kabi kutilmagan “deus ex machina” sahnasini taqdim etadi.

#mutolaada

Psixiatr sifatida o’ttiz yil davomida pedofillar bilan shug’ullangan ishlarimning birortasida ham bolaligida zo’ravonlik qurboni bo’lmagan kishini uchratmadim. Bu zo’ravonlikka uchragan har bir bola ham kelajakda shunday bo’ladi degani emas, biroq zo’ravonlik qilmagan kishi hech qachon o’z-o’zidan zo’ravon bo’lib qolmaydi. Hech kim yovuzlik bilan tug’ulmaydi. Uinnikot aytganidek - ona bolani yomon ko’rmasdan, bola onani yomon ko’rolmaydi.

©️Aleks Mixaelides - Sassiz bemor.

Bu menman

Men javobga juda yaqinman, yillar davomida unga intildim, biroq bu davr mobaynida savolni unutdim. Kalit oldimda yotibdi, unga yetishim uchun qo‘limni uzatish kifoya, biroq endi mohiyat — kalit nimani ochishi, nimaga olib borishini eslay olmayapman. Haqiqat shuki:

Javobga yaqin, ammo undan shu qadar yiroqman.

Noyabr. So’nggi yashillik.

Ancha bo’libdi jonli biror nimani suratga olmaganimga.

Soleyloriya yoki Bolalar ko’z yoshi.

Uyimizga qayerdan kelib qolganini bilmayman, katta ehtimol onam har bahor ekadigan gul urug’lariga aralashib o’sib chiqqan. O’rta Osiyoga ham shu tariqa kirib kelgan bo’lsa kerak, chunki bu yerlarda tabiiy ravishda unub chiqishi qiyin - namlik va soyani yoqtiradi. Bizni quruq va quyoshli tabiatimizda ko’pga bormaydi. Juda zich va mayin bo’lib o’sadi.

Orqa hovlimizning har tarafi yopiq bo’lgani uchun, quyosh kunning faqat tush paytida bo’ladi, doimiy namlik. Shu sabab qishin-yozin yashillik. Chetda bu qurg’urni sotib olib, bog’ dekoratsiyasi uchun ekishadi. Onam bo’lsa gullarimni o’stirmayapti deb yuldirib tashlaydilar🗿

Bir-birini fikri va qarorlarini hurmat qilish, ba'zan absurd tushuncha. Deylik siz gomoseksualsiz, men buni hurmat qilaman. Har bir shaxs o'zi qaror chiqarishi va hayoti qanday kechishini o'zi hal qilishga haqli. Xohishingizga ko'ra, it yoki baliqman deb ham hisoblashingiz mumkin, buni ham hurmat qilaman, ammo bu sizni qo'llayman degani emas. Men, sizni sog'lom fikr yuritmaydigan inson deb hisoblayman, siz esa o'z prinsipingizga ko'ra, bu fikrimni hurmat qilishga majbursiz. Ya'ni sizni fikringizni eshtishim, qarorlaringizni hurmat qilishim, buni to'g'ri deb hisoblashimni anglatmaydi.

P.s: qayta joyladim. Dolzarb hali ham.

#18+

Oiran: yoxud Syogundan so’ng kurtizanlar haqida yozmasam bo’lmas

Tasavvurga erk beraylik: 18-asrning Yaponiyasida yashayapsan. Aytaylik, mavqesi baland samurayning erka o’g’lisan. Kezi kelganda, ishrat istab, Tokioning mashhur Yoshivara kvartaliga borib turasan, chunki nozikkina ko’ngling senga shunchaki xizmat ko‘rsatadigan ayolni emas, yuqoriroq kimnidir xohlaydi - Oiran.

Oiranlar oddiygina “salom-alik” yoki “qani, gooo” deyishmaydi. Ularning oldida “imtihon” topshirishga to’g’ri keladi. Ha, ular intellekting, odobing va qanchalik madaniyatli ekanligingni baholashadi. Ayonki, nafaqat cho‘ntak baquvvatligi, balki miyang ichida nima borligi ham ahamiyatga ega.

Mahorat

Oiranlarni madaniy fenomen deb atashsa “ya v hayraneee” deb yurma. Ular shamisen chalishni bilishardi - bu jin urgur musiqiy asbob bilan ko‘pchilikning yuragini eritib yuborish oson. She’r o‘qishmi ? Muammo emas ! Raqsga tushish, qo‘shiq kuylash yoki falsafiy bahslar ? Nega endi - yo’q.

Tushunarli qilib aytganda, ular sen bilan gaplashayotganda Navoiy qahramonlariday she’rbozlik qila turib, o‘rtada Aristotel falsafasini muhokama qilib yuborishlari mumkin bo’lgan. Buni o‘ziga xos “Yaponcha TED Talk” desa ham bo’ladi.

Tashqi ko‘rinish

Oiranlarni boshqa ayollardan farqlash oson. Kiyimlari murakkab va noodatiy bo‘lib, sochlariga g‘aroyib uslubdagi zargarlik buyumlari kiydirilgan bo’ladi. Bu ko’rinish nafaqat ular haqida, balki Yaponiyaning san’ati va urf-odatlari haqida ham hikoya qilgan.

Shu yerda qiziq bir fakt bor: oiranlarning kimono bog‘lamlari an’anaviy orqa tomondan emas, old tomondan bo’lgan, bu esa “Men odatiy ayol emasman” ishorasini bergan.

Oiranlar va oddiy fohishalar o‘rtasidagi farq

Oddiy fohishalar haqida ko‘p gapirishga hojat yo’q. Ular tezkor xizmat ko‘rsatishga ixtisoslashgan. Holbuki, oiranlar o‘z mijozlari bilan ko‘p vaqtni birga o‘tkazishar, mijozlari bilan suhbatlashishda intelektual va madaniy jihatdan qiziqarli bo‘lishlari talab etilardi.

Oiran xizmatiga ega bo‘lish ham unchalik oson bo’lmagan. Birinchidan, ular mijozni qabul qilish uchun vaqt ajratishi kerak, istalgan vaqtda borib bo’lmaydi. Ikkinchidan, ularning o‘zgacha marosimlarida ishtirok etish shart: sharafli yurish, suhbatlar, qabul marosimlari va hokazo. “Yakun” esa juda qimmatga tushardi, shuning uchun ham ular oddiy xalqning orzusi bo‘lib kelgan.

Madaniyatning o‘chmas ramzi

Bugungi kunda oiranlar yo‘q, ammo ularning o‘rnini geishalar egallagan. Shuni tushunish kerakki, oiranlar Yaponiya madaniyatida alohida o‘rin tutadi. Ular san’at, madaniyat hamda go‘zallikni uyg‘unlashtirgan va jamiyatning yuqori tabaqasi uchun maxsus belgi bo‘lgan.

@vasilbro

Gladiator II uchun taqriz.

Xo’sh, Dyunani yo’lida yana qaysi qoldi ?

#premyera

Netflix "Yolg‘izlikning yuz yili" serialining birinchi qismi treylerini namoyish etdi

Gabriel Garsia Markesning romanini bir faslga sig‘dirib bo‘lmaydi. Strimingda ham shunday qaror qabul qilindi. Birinchi qism 11-dekabrda chiqadi.

@boredpandablog

Mozaika Quiz natijalari. Top-3