Mozaika Quiz natijalari. Top-3

Bugun kuzning so’nggi kuni - Qish kelayotir.

Xuddi shu ma’lumotni rus tilidagisini, qandaydir ko’rsatuvda bir boshlovchi gapirib bergandi, bizga endi kirib kelibdi.

Asl voqea qanday bo’lgan ?

Hov o’sha, 2020 yil butun dunyo Covid bilan olishib yurgan zamonlar World News Daily Report o’z saytiga yuqoridagi videodagi ma’lumotlar aks etgan maqolani joylashtiradi. Bu shunchaki satirik xabar edi.

Saytning shiori: Faktlarning ahamiyati yo’q. Jin ursin seni, Karl.

Tak, qanchadir muddatdan so’ng, Alyosha bu xabarni o’qib, Sanyaga aytib beradi. Sanya o’zidan qo’shib-chatib, Vanyaga aytadi. Shu tariqa o’zimizni G’ishmiddingacha yetib keladi.

@vasilbro

31 dekabr yaqinlashavergani sari oq soqolli, mayda-chuyda sovg'alar berib yuradigan amakining mavzusi yana ko’tarilishni boshlaydi. Mavsumiy “g’alayonchalar”. Shu xususida ozroq qoralama qilib ketmoqchiman.

Santa Klaus

Tarixan Santani Avliyo Nikolay bilan bog’lashsada, bolalikdan film-u, multfilmlarda ko’rib katta bo’lgan Santamiz XX asrning o’ttizinchi yillarida Coca-Cola tomonidan yaratilgan obraz xolos. Ilgarilari Santaning hamma tomonidan qabul qilingan umumbashariy ko’rinishi mavjud bo’lmagan. Ya’ni qizil yorqin libos, oq soqol va katta qorinli amakining tarixi 100 yildan oshmaydi. Santani to’g’ridan-to’g’ri din bilan bog’lash ham noto’g’ri, u yuzlab yillar davomida falklorlar va turli madaniyatlarning rivoyatlari natijasida shakllangan qahramon xolos. Masalan bizda ham din bilan bog'lanmagan, biroq ko'p tilga olinadigan bittasi bor - Alpomish. Hatto, aslida mavjud bo'lmagan kimsa sharafiga Alpomish nishoni ta'sis etilgan.

Qor bobo

Qor bobo va Santa Klaus ikki xil odam. Ha, Karl sen ko’rgan, bug’ular ulangan chanani boshqarib ketayotgan qariya Qor bobo emas. Sovetlar diniy va turli kapitalistik g’oyalardan xoli bayram yaratishadi - bu Yangi yil kuni edi. Katoliklar 25 dekabr Iso (a.s)ning tug’ulgan kuni (рождество) nishonlashsa, Sovetlar o’zlari uchun alohida bayram joriy qilishadi. Bayramga esa yangi qahramon kerak, vualya – Qor bobo. Bu ham XX asrning o’ttizinchi yillariga to’g’ri keladi. Ha, yana bir narsa Santaning kiyimi qizil bo’lsa, Qor boboniki ko’k rangda.

Shuni aytmoqchimanki, Qor bobo va Santani din bilan bog’lamang. 31-dekabr esa diniy bayram emas, bundan ming yil avval ham bo’lmagan. O’zbekiston ham islomiy davlat emas, aksincha asosiy qismini musulmonlar tashkil etuvchi sekulyar davlat. Bu degani davlat boshqaruv markazida din emas, qonun turadi.

Bitta hint berib ketaman. Turli videolar chiqishni boshlaydiku, Santa aslida yovuz ruh, iblis bo’lgan qabilidagi – Krampus haqida o’zingiz izlanib, o’qib ko’ring.

@vasilbro

#8

Anchadan beri qonun yozmabman.

Ota Karl – diktator. Ushbu kanalda uning qudrati cheksizdir. Istalganini blok qilish huquqiga ega, hech kimning o’rni kafolatlanmag’ay.

"Яхши йигит синдроми" — ўзини бошқалар учун доимо мукаммал, меҳрибон ва ёрдам беришга тайёр кўрсатишга ҳаракат қиладиган одамларнинг психологик ҳолати. Ушбу синдромни бошдан кечирган шахслар кўпинча ҳис-туйғуларини инкор этиб, бошқаларнинг эҳтиёжларига кўпроқ эътибор қаратади.

Видео орқали, бу синдромнинг сабабларини, шахсий ҳаётга ва ижтимоий муносабатларга қандай таъсир қилишини, шунингдек, шахсий чегараларни белгилашнинг аҳамиятини тушуниб олиш мумкин.

Яхши йигит бўлиш интилиши, кўпинча ички келишмовчиликлар ва руҳий оғриқларга олиб келади, бу эса узоқ муддатда салбий оқибатларга олиб чиқиши мумкин.

Тўлиқ видео учун ҳавола:
https://youtu.be/uqY6qmiyqL8?si=itT1srKquxluX3xP

Uzuklar hukmdori yoki Hobbit trilogiyasida rol ijro etganimda😁

Lensa AI yordamida yaratildi

Garri Potter seriali

Severusning roliga asosiy nomzod - Paape Essedu.

Halicha nomzod, rasman tasdiqlangani yo’q.

Kushli mem

#binnarsa

Kollejdagi so’nggi semestrim – kampus ichida piyoda ketayotib, notanish barzangi bilan to‘qnashib qoldim. Bir qarashda mayda kelishmovchilik - u mashinasi bilan o’tmoqchi bo’lgan yo’ldan kesib o’tgandim. Bari tez sodir bo’ldi, asabiylashgan haydovchi meni urdi. Og‘irligi o’ziyam 325 funt (147 kg) bo‘lgan yigitdan zarba qabul qildim, tabiiyki, hushimni yo‘qotdim. Voqea shu tariqa yakunlandi.

Vaqtlar o’tib, go‘zal bir qizni uchratdim. Qalbimda olov yondi. Bir necha oy davomida uning orqasidan sarson quvib, ko’nglini olishga harakat qildim. O‘sha kezlar u bilan munosabat o’rnatmoqchi bo’lgan yigitlar ko’p edi, ammo, u meni tanladi. Ikki yil o‘tib, biz turmush qurdik, bir yildan so’ng qizim dunyoga keldi.

Mo’may daromadli ish, ajoyib rafiqa, xullas farovon hayot kechirardim. Qizimiz ikki yoshga to‘lganda, ayolim o‘g‘limizni dunyoga keltirdi. O‘g‘lim hayotimning eng katta quvonchi edi. Har kuni ertalab ishga ketishdan oldin uning xonasiga kirar, yuziga mehr bilan qarab, bir dunyo orzular qilardim…

…ishdan qaytib, divanimga o’rnashdim, qarshimdagi chiroqqa termulib qoldim. G’alati, chiroq xuddi teskarisiga aylanib ketgandek. Unga qarab turibman-u, biroq nimadir noto‘g‘ri, tushunmayapman – sirli. Ko‘zlarimni undan uzolmadim. Tun bo‘yi chiroqqa termulib chiqdim. Ertalabga kelib, ishga borishga kuchim yetmadi. Ovqat yeyishni ham tashlab qo‘ydim. Dastlab, faqat hojatxonaga chiqish uchun divandan turardim. Oradan uch kun o‘tgach, bu odatimni ham unutdim.

Ayolim xavotirga tushib qoldi, yordamga bir kimsani yetaklab keldi, biroq foydasiz. Bu vaqtga kelib,butunlay boshqaruvni yo’qotgandim. Xotinim bolalarni onasining uyiga olib ketdi… miyamda nimadir yondi, haqiqatni anglagandim: chiroq haqiqiy emas, uy ham, xotinim, bolalarim – hech biri haqiqiy emas. Oxirgi o‘n yillik hayotim xayolotdan boshqa narsa emas…

…chiroq kattalasha boshladi. Ko‘rinishi tobora g‘alati bo‘lib, butun dunyoni egallab oldi. Atrof faqat qizil rangdan iborat, turli ovozlarni, qichqiriqlarni eshitdim, so’ngra og‘riqni his qila boshladim. Ko‘zlarimni ochganimda, yerda yotardim. Atrofimni begona odamlar o’rab olgan, kimdir vahimada, kimdir menga shunchaki qarab turardi. Politsiyachi kelib, meni qo‘ltiqlab ko‘tardi, sudrab borib, mashinasining orqa o‘rindig‘iga uloqtirdi - aftidan tez yordamni kutishni xohlamagan ko‘rinadi. Kasalxonaga olib bordi. Shifokorlar turli tahlillar qilishdi. Ayon bo’ldiki, o’sha barzangining zarbasidan so’ng 10-15 soniyaga xushimni yo’qotganman, miyam esa bu vaqt oralig’ida men uchun butun bir reallikni yaratgan.

Keyingi uch yillik hayotim zulmat ichida o‘tdi. Xotinimni va bolalarimni yo‘qotganimni anglash og’ir, ammo ular hech qachon mavjud bo‘lmaganini o’ylash yanada og‘irroq edi. Har kecha yig‘lab uxlar, tushlarimda ularni yana ko‘rishni istardim, lekin bu hech qachon sodir bo’lmadi. Ba’zan o‘g‘limni ko‘z qirichim bilan sezaman, u har doim 5 yoshda bo‘ladi. Menga nimadir deydi, lekin ovozini eshita olmayman.

P.s: shu sabab chiroqni o’chirib uxlanglar

Jasur bro shu mavzu doirasida video ishlagan ekan.

Tanishlar bilan oshdamiz, taom kelguncha issiq choydan simirib, uyoq-buyoqdan gaplashgan bo’ldik. Choyni biroz achchiq deb topdim, odatda bu borada injiqman. Qarshimdagi sherigim qayta-qayta simiryotgandi, yonimdagi esa bir qultum yutdi-yu, yuzi bo’zarib:

- Nima balo, zang suvmi bu, deb shakar aralashtirgan bo’ldi.

Osh ham keldi, yeyayabman-u, miyamda majlis: birimiz choyni ajoyib ta’mga ega deb topdik, birimiz achchiq hisobladik, birimiz ichib bo’lmaydigan darajada ekanligidan nolidik. Demak choy ta’mining aniq ta’rifi mavjud emas, u har bir ichuvchining dunyo qarashida, didida va ayni ehtiyojida shakllanuvchi tushuncha xolos.

Filmlarni ham shunday qabul qilsak to’g’ri bo’lar, ya’ni hammaga bir xil ekranda, bir xil voqealar ketma-ketligi bilan namoyon bo‘ladigan – obyektiv asar. Go’zallik shundaki, tomoshabinlarning ongida bu obyektiv voqealar subyektivlashadi. Har bir inson o‘z hayotiy tajribasi, hissiyoti, va dunyoqarashi bilan uni turlicha qabul qiladi.

Masalan, Nodir aka Qudrat Uzuklaridan ta’sirlanganliklarini yozadilar, meni esa serialni yerga uraman, Jasur aka o’rtacha baholaydi. Nuraliga esa – farqi yo’q. Bu yerda oddiy haqiqat yotadi: film na yaxshi, na yomon: u shunchaki inson ongida ma’no topadigan bir hodisa deymizmi, mexanizm deymizmi, xullas tushundingiz. Ko'p o'ylavordim, oshga qaray.

P.s: film so’zini kitobga almashtirib o’qisangiz ham bo’ladi.

@vasilbro

So’rovnoma

Emojilar online muloqotni qanchalik buzadi yoki aksincha qanchalik foydali ?