#parcha

Yerlik inson

Men Tavrot qadryatlari o’laroq ulg'ayganman, xotinim Qur’on o’qiydi. Katta o‘g‘lim ateist, kichigi esa sayntolog. Qizim buddizimni o’rganmoqda. Uyimda muqaddas urush uchun yetarli sharoit bor, lekin biz yasha va boshqalarga ham yashashga imkon ber tamoyiliga amal qilamiz.

@vasilbro

Quzg'un

Quzg'un qonli tumshug'i bilan oyog'imni cho'qirdi. Poyabzalim bilan paypog'imni tilka-pora qilib tashlagan, endilikda yalang oyog'imni cho'qilardi. Tumshug'i bilan to'xtovsiz zarbalar berar, keyin boshim uzra bir necha marta charx urib aylanar hamda yana qilmishini davom ettirardi. Bir janob yonimdan o'tarkan, ahvolimga birrov nazar solib, nima uchun tishimni-tishimga qo'yib sabr qilayotganimni so'radi.

- Ojizman, - dedim men. - Quzg'un uchib kelib oyog'imni cho'qilay boshladi, men albatta, uni haydashga urindim, hatto bo'g'ib o'ldirmoqchi bo'ldim, biroq bu qonxo'rga kuchim yetmadi. Quzg'in yuzimga chang solmoqchi bo'ldi, bundan ko'ra oyog'imni qurbon qilishni afzal bildim. Mana, afsuski oyog'im deyarli qonga botdi.

- Nega bu azobga sabr qilishingiz kerak ? - ajablandi janob. - Bitta o'q bilan bu quzg'unni tinchitsa bo'ladiku !

- Naxotki ?! - savolga savol bilan javob berdim. - Balki uni siz otib tashlarsiz ?

- Bajonidil, - dedi janob. - Faqat uyga borib, miltig'imni olib kelishim kerak. Yana yarim soat sabr qila olasizmi ?

- Bilmadim, - dedim men va qattiq og'riqdan tildan qolgan kabi bir necha soniya toshday qotib qoldim. - Iltimos borib keling. Har holda, chiqmagan jondan umid...

- Yaxshi, - rozi bo'ldi janob, tez borib kelaman...

Quzg'un goh menga, goh janobga tikilar ekan suxbatni hotirjam tingladi. U hammasini tushunganini angladim; u havoga ko'tarildi, biroq yana ham tezroq uchish uchun keskin ortga burildi va nayza uloqtiruvchi kabi tumshug'ini shiddat bilan og'zimga sanchdi. Yuztuban yiqilar ekanman, o'zimni qushday yengil his qildim hamda barcha teranliklar va butun sohilni to'ldirgan qaynoq qonim girdobida cho'kib quzg'un batamom mahv bo'ldi.

©Kafka

Adashmasam, bu allegoriyani 3 marotaba tashlashim. Shunga arziydi. O’qing, tahlil qiling va iching.

@vasilbro

#taqrizcha

Maxfiy daraja (Secret level)

Kun tartibidagi birinchi masala:

HBOda nima bor - Taxtlar o’yini
Netflixda nima bor - Juda g’alati ishlar

Aaa, blyat bizda nima bor ? dedi Jeff Bezos. Davay, Qudrat uzuklarini boshlanglar.

Xo’sh, ikkinchi masala:

Faqat, kino ishlayveramizmi ? Nimadir yangilik qilish kerak. Menga Netflixning: Sevgi, O’lim va Robotlari yoqadi. Binnarsa qivorilar shuni.

Tushunganingizdek, Maxfiy darajaning tamal toshini Sevgi, O’lim va Robotlar qo’yib bergan. Balki, Amazon buni tan olmas, olmasa undan nari. Animatsion serialga keladigan bo'lsak - yomon emas, ammo orginallik kam. Ba’zi epizodlar juda-juda jo’n, reytingi R bo’lsada, muhit bir muncha yorqin. Nimadir beroladi, nimagadir o’rgata oladi, lekin yetarli darajada emas. Grafika va vizual yechimlar esa alohida mavzu – muhtasham, faqat shu tomoni bilan maqtana olishi mumkin. Xullas, ko’rsa bo’ladi. 10 dan 6 ga baholayman.

Yoqqan epizod – Keanu Rivz ishtirokidagi, 8 epizodning so’nggi lahzasi (quyidagi rasm)

@vasilbro

Va’da o‘tmishda zarur edi, lekin uni buzish hozirgi zaruriyatdir.

Kanalga yangi qo’shilganlarning ko’pchiligi yo’nalishni tushunmay garang bo’lishadi.

Men kanaldagilarga Karllar deb murojaat qilaman. Qonunlarimiz ham bor.

Kanalda asosan filmlarga taqriz yoziladi (garchi buni taqriz deb bo’lmasada), ba’zan kitoblar va san’at asarlari haqida ham post chiqib qolishi mumkin (shisha bino yopilgani sababli, endi ko’proq ham chiqar). Yoritish uslubi – yumor orqali (doim emas)

Vesteros va O’rta yer muxlisiman. Shu sababli ikki olam haqida memlar, maqolalar bo'lishi tabiiy, har holda qolgan olamlarga nisbatan ko’proq. Yoritish uslubi – yumor orqali (doim emas)

Rasmlarni bo’yash jon-u, dilim. Madina bilan bordi-keldimiz bor.

Ba’zan, ilhom kelib qolsa, Quizlar tashkil qilib turaman.

Tesha tegmagan mavzularda ham postlar chiqib turadi, menimcha kanal shunisi bilan farqli.

Vinoni yoqtiraman. Siz uchun somelelik qilishim mumkin.

Hozircha shular, nimadir yodimdan chiqqan bo’lsa, eslatarsiz.

Asanovning qadimda til o’rganish bilan bog’liq qiyinchiliklar haqidagi posti.

Marg’iloniyning postga raddiyasi: birinchi qism, ikkinchi qism.

Qiziq mavzu

Asanovning raddiyalarga javobi:

Moturidiy bo’yicha

Ibn Sino bo’yicha

TGStatning kanalimiz uchun yil sarhisobi. Menimcha yomon emas.

@vasilbro

To’liq ko’rdim. Long read yozishga arzimaydi, vaqt ham yo’q. Qisqacha:

Syujet tez. Personajlar esda qolmaydi, hissiyot yo’q. Buning ortidan dramatizm kamayib ketgan. Ajablanmasa ham bo’ladi, 2024 kinematografiyada cho’kish yili. Ko’nikdik ham: Gladiator ikki, Joker ikki va hokazo ikkilar.

Birinchi qismga qaramasdan mustaqil baholash kerak kabi ahmoqona shiorlar bilan boshimni qotirmang. Hech biri orginal g’oya taklif qilolmagan.

6/10. Faqat absalyut bo’sh vaqt bo’lganda ko’ring. Serial uchun vaqt ajratmang.

@vasilbro

Serialdan farqli ravishda marketing tobida. Squid game II deb yozsangiz, google sizga o’yin taklif qiladi.

Hammasini o’ldirdim

Bayraming muborak bo’lsin, megajin🥂

@vasilbro

​​#binnarsa

Ayonki, go’shtlarni qovurib-dimlab, olivyeni tayyorlab bo’lib, zerikib o’tiribsan. Sen uchun yozdim - o’qi.

Mistik filmalarda qorong’u xujralardagi kamin usti yoki kitoblar orasidagi kalla suyaklariga ko’zing tushgan. Bu element haroratni oshirib, ko’proq vahima uyg’otadi va o’z navbatida bugungi kun odami ongiga yovuzlik ramzi sifatida muhrlanadi. Aslida ulardan inson tafakkuri, hayotning mohiyati va o‘tkinchiligini anglash uchun qadimdan foydalanib kelingan. Ko‘plab mashhur shaxslar va faylasuflar kalla suyaklarini o‘z uylarida yoki ish joylarida saqlashgan, bu ularning hayot, o‘lim va bilim haqidagi chuqur mushohadalarining estetik ramzi hisoblangan. Misol uchun Dekart kalla suyaklarini inson aqli va tana o‘rtasidagi ramz sifatida qabul qilgan. Yoki Lord Byronni olaylik: u kalla suyagini sharob idishiga aylantirgan. Shoir uchun bu hayotdan zavq olish va o‘limni qabul qilishning o’ziga xos usuli edi.

Bosh chanoqlarning ramziy qiyofaga kirib borishida memento mori falsafasi va vanitas san’at janrining ham o’rni katta.

Memento Mori: O‘tkinchilikka ilohiy qarash

Qadimgi davrlardan beri kalla suyaklari memento mori (o‘limni esla) falsafasining ramzi bo‘lib keladi. Bu tushuncha Uyg‘onish davrida o‘z cho‘qqisiga chiqib, insonni hayotning har bir lahzasini qadrlashga undagan.

Rassomlar kalla suyagini so‘nayotgan sham, qum soatlari, yoki qurib borayotgan gullar bilan uyg‘unlashtirgan holda vaqtning tez o‘tishini tasvirlashga urinishgan. Kutubxonadagi kalla suyak esa bilimning cheksizligini, ammo hayotning qisqaligini bir vaqtda eslatib turgan.

Vanitas: Estetik ko’tarilish

Vanitas – bu hayotning go‘zalligi va moddiy boyliklarning o‘tkinchiligini aks ettiruvchi san’at turi. Kalla suyaklari bu janrning markazida bo’lib, inson hayotining ziddiyatlarini aks ettiradi. Yevropa san’atida kalla suyaklari musiqiy asboblar, mevalar yoki kitoblar bilan uyg‘unlashtirilib, abadiyatga intilish va moddiy dunyoning o‘tkinchiligini yodga solib turgan.

2024 yil uchun so’nggi post. Ha, kalla suyagimni maqtangim keldi )

@vasilbro

Hello 2025

@vasilbro

Yangi yil tosti

Mana, yana bir yil boshlandi. Biroq, haqiqat shuki — faqat raqamlar o‘zgardi, xolos. Ichimizdagi bo‘shliq va iflos izlar o‘z joyida. Yana xato qilamiz, yanada ko‘proq hafsalamiz pir bo‘ladi va eski muammolarimiz o‘z holicha qoladi. Umid qilamanki, bu yil ham o‘tgan yil kabi ko‘p narsa va’da qiladi, ammo hech narsani bermaydi. Hayot shu demakdir.

Kelinglar, yil davomidagi yolg‘onlar, yo‘qotilgan orzular va o‘zimizni ovutish uchun qilgan yasama kulgular uchun ko‘taramiz.

Chin-chin🥂