Rafiqam bilan birga Taxtlar o’yinini ko’rishni boshladik.

Yozma an’ananing o‘limi

Zamonaviy ziyolilar orasida “insoniyat ahmoqlashmoqda” degan fikr anchayin keng tarqalgan. Bu fikr noto‘g‘ri. Insoniyat ahmoqlashmayapti, u sekin-asta yozma an’anadan og‘zaki an’anaga qaytmoqda.

Bugunning odamlari kitob o‘qimayotgani hech kimga sir emas. Hozirgi o‘smirlar orasida bir-ikki kitob o‘qigan odamni topishning o‘zi qiyin. 21-asrda fikrlar asosan og‘zaki shaklda uzatilmoqda - qisqa videolar, ma’ruzalar yozuvlari, intervyular, podkastlar, sun’iy intellektning qisqa sharhlari va boshqa brainrot (aqlni charchatadigan) kontentlar orqali. Kitoblar va maqolalar esa ko‘proq obro‘ uchun yozilmoqda - pul ishlash yoki inson tafakkuriga jiddiy ta’sir ko‘rsatish maqsadida emas. Yozma an’ana madaniy axborot tashuvchisi sifatida yo‘qolib bormoqda va bunga qarshi hech narsa qilib bo‘lmaydi.

Albatta, yozma madaniyatning ayrim parchalari, ijtimoiy tarmoqlarda hanuz saqlanib qolgan. Biroq IQ darajasi 120 dan yuqori bo‘lgan mualliflar odatda 3000 dan ortiq obunachiga ega emas. Ularning postlari haddan tashqari tor doiraga mo‘ljallangan - juda tushunarsiz. Ular hech qachon “viral” bo‘lmaydi. Bu holatdan cheksiz afsuslanish mumkin, ammo aslida tarix davomida ham shunday bo‘lgan. Gomer zamonidan 18-asrgacha insoniyatning asosiy qismi o‘z tajribasini asosan og‘zaki yo‘l bilan uzatgan. Umumiy savodxonlikning so‘nggi ikki asrda paydo bo‘lishi esa tarixiy hodisa emas, balki qisqa muddatli og‘ish, xolos.

Aytish mumkinki, agar Shekspir, Pushkin, Gyote yoki Tolstoy bugun yashaganida, “Buyuklar an’anasi”ni davom ettirish o’rniga “algoritmni qanday buzish” yoki “qanday qilib trendga chiqish” haqida o‘ylagan bo‘lardi. Umuman olganda nima farqi bor, baribir, shakl emas, mazmun saqlanib qoladi.

©️Rashev

Barselona men uchun qanchalar qadrli ekanligi barchaga ayon. Bugun 21:45 da Olimpiakosga qarshi muhim o’yin bor, lekin biz u bilan har kuni soat 22:00 dan boshlab Taxtlar o’yinini ko’rishga kelishib olganmiz.

Ashnaqa gaplar luzerlar (bo’ydoqlar)

Spoyler bor - GOT bo’yicha

Rafiqam bilan Taxtlar o’yinini ko’rar ekanmiz, hozirgacha uni eng ta’sirlantirgan sahnalardan biri - Sansaning bo’risi Ledining o’limi va Nimeriyaning ketishi bo’ldi. Bu esa meni binnarsalar yozishga majbur qildi.

Jonivorlar insondagi eng arxaik narsa. Chunki hayvonga bo‘lgan hamdardlik bizdagi eng qadimiy refleks, ongdan ham, axloqdan ham avvalgi, yovvoyi, lekin toza tuyg’u. Shuning uchun filmlarda itni yoki mushukni urish tomoshabinni o‘ldirishning eng oson yo‘li hisoblanadi. Odam yomonlikni ko‘taradi, zulmni tushunishga harakat qiladi, lekin jonivorning ko‘zidagi qo‘rquvni kechirmaydi.

Yuqoridagilarga qarama-qarshi nuqtadan qaralsa: qahramon qanchalik yovuz bo‘lmasin, u mushukka/itga mehr ko’rsatsa, ichingda shu xoramiga nisbatan nimadir uyg’onadi vallahi.

@vasilbro

Tinchlik

Tinchlik degani jimlik emas. Bu, hech kim seni chaqirmayotganini sezish va bundan xafa bo‘lmaslikdir.

Kino va kitob

Chala qolgan kinolarni baribir bir kun ko‘rib qo’yaman, hech bo'lmasa 1.75x da. Vaqt topiladi. Ammo, chala qoldirgan kitobni qaytib ochmayman.

Ro'yhat ham bor:

Remark - Zafar darvozasi
Emil Zolya - Jerminal
Mo Yan - Musallas mamlakati
Pamuk - Mening otim qirmizi
Murakami - Norveg o'rmoni

Ohirgi 1 oyda esimda qolganlari.

Bolalar oyoq kiyim sotiladi. Kiyilmagan…

Man ham shunday qisqa yozolarkanman:

Yo’ldan o’tayotganimda o’nga qarab o’…

Urban legend degan narsa bor - shahar afsonasi. Ilgari odamlar tabiat hodisalarini, g‘ayritabiiy kuchlarni tushuntirish uchun ertak-u rivoyatlarni to‘qishgan bo'lsa, shahar afsonalari shuning zamonaviy shakli hisoblanadi.

Og'izdan-og'izga o'tib yuradigan, shopirlar, tezkor xabarlar, qora binnarsa kabi turli telegram kanallarda tarqaydigan oldi-qochdi gaplarning bari shahar afsonalaridir. Yanada soddalashtiradigan bo'lsam, istalgan mahallaning mudhish, lekin tasdig'ini topmagan hikoyasi bo'ladi. Masalan biror tashlandiq uy bo'lsa: shu yerda kimnidir o'ldirib ketishgan yoki qandaydir ins-jinslar makon qilgan bo'lib chiqadi. Alkogolik, sal tomi joyidamas odam bo'lsa: bu bacha yoshligida geniy edi, keyin uni ko'risholmadi, urib tomini ketkazishgan qabilidagi gaplar.

Bolalar oyoq kiyimi sotiladi. Kiyilmagan.

Hikoyani Hemenguey bilan bog'lashadi, sababi ruhiy jihatdan adibga xos qisqa, og‘riqli minimalizm uslubida yozilgani va Hemengueyning ayzberg nazaryasining asoschisi ekanligida. Aslida hikoyani qariya yozmagan. Bu shunchaki o'gizdan-og'izga o'tib kelayotgan urban legend.

©️Nitsshe

Bugun nima bo’lishidan qat’iy nazar - mes que un club

Byorn Anderson vafot etibdi. Aktyor 70 yoshda edi.

1971 yilda ekran yuzini ko'rgan "Venetsiyada o'lim" filmidagi Tadizo roli Byornga dunyo bo'ylab katta shuhrat olib kelishi bilan bir qatorda, uni ideal go'zallik timsoliga aylantiradi. Hatto Tadizo obrazi Yaponiyada madaniy hodisaga aylanib ketadi. Yapon rassomlari, ayniqsa shojo (qizlar uchun) manga mualliflari, uning nozik, sirli va bir oz g‘amgin go‘zalligidan chuqur ta’sirlanishadi. Natijada ularning asarlarida “bisyonen” (“chiroyli yigit”) degan estetik tip paydo bo‘ladi. Ya'ni erkak, lekin go‘zalligi deyarli ayollarnikidek nozik va ruhiy kimsa. Shundan so'ng uning qiyofasi ko'plab mashhur mangalardagi qahramonlarga o'ta boshlaydi. Jumladan:

Griffit - Berserk
Yohan Libert - Monster
Armin - AOT

va boshqalar

@vasilbro

Bittasi chiqadida tong sahardan yuzini muzli suvga bosadi. So’ngra 30 daqiqacha yugirib kelib, dush qabul qiladi. Bu paytda qandaydir do’ndiqcha unga nonushta tayyorlab turgan bo’ladi. Dushdan chiqqancha quymoqni jig’ildoniga joylaydida, lukshiry mashinasida qandaydir ishlarni hal qilishga kirishadi, albatta yonida soyabon ushlab turgan kimsa bo’ladi. Kun ohiriga borib restoranda chala pishirilgan steykni tiqadi va uyga jo’naydi. Uyda yana o’sha do’ndiqcha kutib oladi.

Millionlab layk, izoh va ko’rishlar soni.

Bu turdagi vizual motivatsiyalar uje bir turdagi tovarga aylangan. Dozasi, tayyor shakli bor. 1-2 daqiqa davomida bir notanish odamning hayotini kuzatasan va bir zum o‘zingni kinodagi qahramondek his qilasan. So‘ng ideal yashash mashnaqa bo’ptida, deb keyingi reelsga o’tkazasan.

Kulgulisi bu industriyada hech kim haqiqatdan baxtli emas. Motivatorning o‘zi ham, tinglovchisi ham. Faqat rollar har xil.

Yana bittaga ko’paydik - Myuzi

O'z harakatini, xiyonatini, qotilliklarini oqlash uchun har kimning asosli sababi bor, yaxshilik va yomonlik ikki qutbga ajratilmagan - shu sabab ham "Taxtlar o'yini" eng buyuk serial.

Yana filmlar bo'yicha...

Juda ko'p shovqin ko'taradigan, karyerasi ortiqcha bo'rttirilgan, biroq bir pulga arzimaydigan aktyor bu - Vin Dizel

O'zi biror ishni do'ndirmagan bo'lsada, har qanday film, adabiyotni pista po'chog'iga chiqaradigan kimsa - men

Ayatarli ma'nili narsa yozmasada, o'sha "men" ni o'qib borayotgan - sen