Kechirasizlar, kecha sal oshirib yuboribman. Serialning 2010 yil avvalida chiqganligi omadi, agarda 2015 yildan keyin xuddi shu ssenariy bilan ko’rinish berganida 5 mavsumga cho’zilmasdi. Muvaffaqiyat zamonga bog’liq. Keyingi 20 yil ichida serial o’z qiymatini yo’qotadi - mark my words.

GOT ham qiymatini yo’qotishi mumkinmi, degan savol bo’lishi tabiiy. Ehtimoli juda kam. Chunki bolaligingda turli fentezi filmlar, multlar, ertaklar eshtib katta bo’lasan. Bu qon, qonginga singib ketadi. Vaholanki katta bo’lganingda ham senga ertak juda zarur. GOT shu nuqtada hech qachon o’z qiymatini yo’qotmaydi, u kattalar uchun mo’ljallangan ertak.

Shu ikki serial solishtirilganda doim GOT ning ohirgi mavsumi eslanadi. Breaking Badning dastlabki 2 mavsumi qanaqasiga bunchalik yuqori ball olganligini esa emotsiyaga berilmay, xolis tushuntirib berolmaysan.

Ya’ni:

Dunyo yuzini ko‘rgan paytingdayoq sen uchun ism, davlat, din va mansublikni belgilab qo‘yishadi va sen butun umr davomida hech qachon o‘zing tanlamagan narsalar uchun kurashasan.

Ijtimoiy tarmoqlarda yuqoridagi gapni Shopengauer bovom aytgan, deb tarqatishyapti. Aslida bovom shunga yaqin palsapani ilgari surgan. Qiziqib, o’qib ko’ringlar qarashlarini.

Butun dunyo bo’lmasada, shu uch ming odam bilib qo’ygani yaxshi.

31 dekabr yaqinlashavergani sari oq soqolli, mayda-chuyda sovg'alar berib yuradigan amakining mavzusi yana ko’tarilishni boshlaydi. Mavsumiy “g’alayonchalar”. Shu xususida ozroq qoralama qilib ketmoqchiman.

Santa Klaus

Tarixan Santani Avliyo Nikolay bilan bog’lashsada, bolalikdan film-u, multfilmlarda ko’rib katta bo’lgan Santamiz XX asrning o’ttizinchi yillarida Coca-Cola tomonidan yaratilgan obraz xolos. Ilgarilari Santaning hamma tomonidan qabul qilingan umumbashariy ko’rinishi mavjud bo’lmagan. Ya’ni qizil yorqin libos, oq soqol va katta qorinli amakining tarixi 100 yildan oshmaydi. Santani to’g’ridan-to’g’ri din bilan bog’lash ham noto’g’ri, u yuzlab yillar davomida falklorlar va turli madaniyatlarning rivoyatlari natijasida shakllangan qahramon xolos. Masalan bizda ham din bilan bog'lanmagan, biroq ko'p tilga olinadigan bittasi bor - Alpomish. Hatto, aslida mavjud bo'lmagan kimsa sharafiga Alpomish nishoni ta'sis etilgan.

Qor bobo

Qor bobo va Santa Klaus ikki xil odam. Ha, Karl sen ko’rgan, bug’ular ulangan chanani boshqarib ketayotgan qariya Qor bobo emas. Sovetlar diniy va turli kapitalistik g’oyalardan xoli bayram yaratishadi - bu Yangi yil kuni edi. Katoliklar 25 dekabr Iso (a.s)ning tug’ulgan kuni (рождество) nishonlashsa, Sovetlar o’zlari uchun alohida bayram joriy qilishadi. Bayramga esa yangi qahramon kerak, vualya – Qor bobo. Bu ham XX asrning o’ttizinchi yillariga to’g’ri keladi. Ha, yana bir narsa Santaning kiyimi qizil bo’lsa, Qor boboniki ko’k rangda.

Shuni aytmoqchimanki, Qor bobo va Santani din bilan bog’lamang. 31-dekabr esa diniy bayram emas, bundan ming yil avval ham bo’lmagan. O’zbekiston ham islomiy davlat emas, aksincha asosiy qismini musulmonlar tashkil etuvchi sekulyar davlat. Bu degani davlat boshqaruv markazida din emas, qonun turadi.

Bitta hint berib ketaman. Turli videolar chiqishni boshlaydiku, Santa aslida yovuz ruh, iblis bo’lgan qabilidagi – Krampus haqida o’zingiz izlanib, o’qib ko’ring.

P.s: Qayta joylandi, aktual mavzu.

@vasilbro

Anchadan beri yaqinlikni simulyatsiya qilaman, buni yashirib ham o’tirmayman: kimgadir layk bosaman, emoji yuboraman, “qandaysan” deb so‘rayman. Bu savol etika uchun beriladi, javob uchun emas. Chunki haqiqiy javob kelib qolsa, nima qilishni bilmayman. Kimdir “yaxshi emasman” desa, suhbatni davom ettirish, tinglash, yonida turish kerak bo‘ladi. Bu esa vaqt, kuch talab qiladi. Eng asosiysi bu meni bezovta qiladi. Shu bois ekran ortida qolish afzalroq. Telefon masofani saqlab beradi. Unda sukunat xavfli emas, javob bermaslik uyat hisoblanmaydi, suhbatni esa xohlagan payt yopish mumkin.

15 dekabr

Oila qurganimga 4 oy bo’ldi.

Onamning tug’ulgan kuni.

Ayni soatlarda ikkinchi bor tog’a bo’ldim.

va 15-dekabr butun jahon choy kuni. Bir paytlar aytganimdek choyni yolg’iz ichib bo’lmaydi. Bugun 3 karra sabab bor )

Ammo, men vino ichaman.

Bugun shunaqa kayfiyat

Bred Pitt 62 ni urib qo’yipti. Qutlayman va shedevrlar ishlashda davom etishi uchun duo qilaman.

Trend qanaqa edi ?

Ko’chada yomg’ir, dam olish kuni, uyda chiroq yo’q, hech qayerga borishni hojati yo’q - ko’rpa ostida mazza qilib uxlayabsan.

Reality

Ko’chada qor, dam olish kuni, uyda ertalabdan beri chiroq yo’q - uy muzlab yotibdi, telefonning quvvati yo’q, ehtimol bu ohirgi postdir. Ohir zamon kelgandek odamlar shamni blok-blok qilib sotib olgan, onasini emsin. Hech qayerga borishni hojati yo’q - ko’rpa ostida muzlab uxlab yotibman.

Daraxt biz uchun dunyodagi eng ishonchli va eng aniq tushunchalardan biri. Insoniyat hali yozishni, davlat qurishni bilmagan zamonlarda daraxt unga ham uy, ham ozuqa, ham xudo bo‘lgan. Shumerlarning "Hayot daraxti"dan tortib, Skandinaviya mifologiyasidagi dunyoni ushlab turgan Iggdrasilgacha odamzot olamni doim daraxt timsolida tasavvur qilgan. O’tmishimizni "shajara" (daraxt) deyishimiz ham bejizga emas.

Lekin kutilmaganda bir haqiqatga duch kelasan: fanda “daraxt” degan aniq ta’rifning o’zi yo’q. Ha, o’sha bolaligingda chizgan jiggarang tanali, yashil barglari bor, shoxida bir ko’zi g’ilay qush qo’nib turgan narsa aslida daraxt emas, Karl. Ilm-fan uchun daraxt o’ta noaniq va umumiy so’z. Daraxt bo’lish uchun aniq standartning o’zi yo’q. Tabiat davay hamma daraxt bo‘lsin deb qaror qilmagan, shunchaki barcha o‘simliklarga bir xil muammo bergan: balandroq bo‘l, quyoshga yaqinlash va uzoqroq yasha. O‘simliklar esa bu muammoni har xil yo‘llar bilan hal qilishgan. Natijada bir-biriga o‘xshash shakllar, biz ko‘rib turgan "daraxtlar" paydo bo‘lgan. Ya’ni, bu yerda o‘xshashlik qarindoshlikdan emas, bir xil ehtiyojdan tug‘ilgan.

Bularni nega yozyapman ?

Men sizlarni bolaligingizni barbod qilish, hayotlaringni avvalgidek bo’lmasligini ta’minlash uchun yuborilganman.

Shu kadrga hech e’tibor bermagan ekanman.

Bayram muborak🥂

Tost

Umid haqida, o’zgarishlar haqida baland parvoz gaplar aytgim yo’q. Ba’zi kunlar yaxshi o’tdi, ba’zilari yomon. Ko’pchiligi bir xil bo’ldi. Chunki hayot shunday, bu sizga Tarantinoning filmi emas, katta voqealar kam bo’ladi. Lekin baribir shu yergacha yetib keldik. Demak, nimadir to‘g‘ri bo‘lgan. Xullas tirikligimiz uchun ko’taraylik🥂

Shaxsiy hayotimdagi eng kutilmagan voqea oila qurganim emas, uyga mushuk olib kelganimiz bo’ldi. Bu shunchaki hayvon boqishmas, balki oilamizning necha yillik "steril" qadriyatlariga qarshi qilingan isyon edi.

Bizda uy hayvoni deganda yo foyda keltiradigan (sut-qatiq degandek), yo darvozani qo'riqlaydigan mavjudot tushuniladi. Hech qanday iqtisodiy foyda keltirmaydigan, aksincha, buyruqlaringga tupurib, senga qarz bergandek qarab turadigan maxluqni boqish, bizning mentalitet uchun haqiqiy paradoks. Uni majburlab quchoqlay olmaysan. U xohlagandagina sevgi beradi. Eng muhimi mushuk dunyo faqat sening buyruqlaring asosida aylanmasligini yaxshi tushuntirib qo’yarkan. So’nggi to’rt oyda ovropaliklarning nega farzand o’rniga it yoki mushuk asrab olishlarini yanada ko’proq tushuna boshladim. Ammo eng qizig’i boshqa narsada: mushuk meni otalikka tayyorlamoqda.

Oilaviy qadriyatlarimizga kelsak. Onam “uyga jun to'kiladi, hamma yerni rasvo qiladi” degan gapdan, uni ko’tarib erkalash bosqichiga o'tganlar.

Kinoga bag’ishlangan quizlarning har birida Palp Fikshindan qandaydir savol tushishi g’ashimni keltiraverardi. Filmni uch marta ko’rishga harakat qilganman va barcha urunishlarda uxlab qolganman. Kecha bo’kkuncha olivye yeb, vino va viskini aralashtirib, ko’zga uyqu kelmagan vaqtda yana bir-bor urunib ko’rdim - bu gal o’xshadi. Qisqacha yozib ketaman.

Palp Fikshin men ko’rgan “hech narsa” haqida olingan eng axuyitelniy film. Hech qanday ijtimoiy muammoni ko’tarib chiqmagan. Hatto an’anaviy filmlarga o’xshab boshlanish, o’rta va yakunga ega chiziqli hikoya ham emas. Shum bolada aytadiku: huv palonchi qarindoshim katta eshon bo’lgan. Suf desa daryo orqaga oqardi, kuf desa ko’rni ko’zi shifo topardi deb, Tarantino ham shunaqa kuf-suf qilgan. O’ta krinj tuyuladigan, mantiqsiz narsani shedever qilolgan. Mana buni stil deydilar.

Ammo, zo’rlikka zo’rku, bir marta ko’rishga arziydigan darajada zo’r. Tarantino ijodidan kimgadir tavsiya beradigan bo’lsam Palp Fikshin hech qachon birinchi qatorda bo’lmaydi.

Kechagi aytilgan tostlardan qattiq ta’sirlandim shekilli shu kitobni ham qaytadan o’qishga urunib ko’ryapman.