Shu kadrga hech e’tibor bermagan ekanman.

Bayram muborak🥂

Tost

Umid haqida, o’zgarishlar haqida baland parvoz gaplar aytgim yo’q. Ba’zi kunlar yaxshi o’tdi, ba’zilari yomon. Ko’pchiligi bir xil bo’ldi. Chunki hayot shunday, bu sizga Tarantinoning filmi emas, katta voqealar kam bo’ladi. Lekin baribir shu yergacha yetib keldik. Demak, nimadir to‘g‘ri bo‘lgan. Xullas tirikligimiz uchun ko’taraylik🥂

Shaxsiy hayotimdagi eng kutilmagan voqea oila qurganim emas, uyga mushuk olib kelganimiz bo’ldi. Bu shunchaki hayvon boqishmas, balki oilamizning necha yillik "steril" qadriyatlariga qarshi qilingan isyon edi.

Bizda uy hayvoni deganda yo foyda keltiradigan (sut-qatiq degandek), yo darvozani qo'riqlaydigan mavjudot tushuniladi. Hech qanday iqtisodiy foyda keltirmaydigan, aksincha, buyruqlaringga tupurib, senga qarz bergandek qarab turadigan maxluqni boqish, bizning mentalitet uchun haqiqiy paradoks. Uni majburlab quchoqlay olmaysan. U xohlagandagina sevgi beradi. Eng muhimi mushuk dunyo faqat sening buyruqlaring asosida aylanmasligini yaxshi tushuntirib qo’yarkan. So’nggi to’rt oyda ovropaliklarning nega farzand o’rniga it yoki mushuk asrab olishlarini yanada ko’proq tushuna boshladim. Ammo eng qizig’i boshqa narsada: mushuk meni otalikka tayyorlamoqda.

Oilaviy qadriyatlarimizga kelsak. Onam “uyga jun to'kiladi, hamma yerni rasvo qiladi” degan gapdan, uni ko’tarib erkalash bosqichiga o'tganlar.

Kinoga bag’ishlangan quizlarning har birida Palp Fikshindan qandaydir savol tushishi g’ashimni keltiraverardi. Filmni uch marta ko’rishga harakat qilganman va barcha urunishlarda uxlab qolganman. Kecha bo’kkuncha olivye yeb, vino va viskini aralashtirib, ko’zga uyqu kelmagan vaqtda yana bir-bor urunib ko’rdim - bu gal o’xshadi. Qisqacha yozib ketaman.

Palp Fikshin men ko’rgan “hech narsa” haqida olingan eng axuyitelniy film. Hech qanday ijtimoiy muammoni ko’tarib chiqmagan. Hatto an’anaviy filmlarga o’xshab boshlanish, o’rta va yakunga ega chiziqli hikoya ham emas. Shum bolada aytadiku: huv palonchi qarindoshim katta eshon bo’lgan. Suf desa daryo orqaga oqardi, kuf desa ko’rni ko’zi shifo topardi deb, Tarantino ham shunaqa kuf-suf qilgan. O’ta krinj tuyuladigan, mantiqsiz narsani shedever qilolgan. Mana buni stil deydilar.

Ammo, zo’rlikka zo’rku, bir marta ko’rishga arziydigan darajada zo’r. Tarantino ijodidan kimgadir tavsiya beradigan bo’lsam Palp Fikshin hech qachon birinchi qatorda bo’lmaydi.

Kechagi aytilgan tostlardan qattiq ta’sirlandim shekilli shu kitobni ham qaytadan o’qishga urunib ko’ryapman.

C8 nomli modda bor. Tabiiy uchramaydi, sun’iy yo’l bilan yaratiladigan juda barqaror kimyoviy modda. C8 deb nomlanishiga sabab - 8 ta uglerod atomi zanjiridan iborat ekanligida. Olimlar uni abadiy modda ham deb atashadi, chunki asosiy xususiyati tabiatda deysizmi yoki inson organizimidami - hech qachon parchalanmaydi.

C8 ni Arktikadagi oq ayiqlarning, Antarktidadagi pingvinlarning qonidan topishgan. Umuman olganda dunyo aholisining 99 foizida C8 kam miqdorda bo’lsa ham bor. U quyidagi kasalliklarga sabab bo’ladi:

- Buyrak saratoni
- Moyak saratoni
- Qalqonsimon bez kasalliklari
- Homiladorlikdagi gipertoniya

Tushunyapsizmi, bu modda sizda ham, menda ham, mushugim Mollyda ham bor. Yanada soddalashtiradigan bo’lsam C8 fojiasining ko’lami Chernobil atom elektr stansiyasi portlashidan ko’ra kattaroq.

Bugungi oqshom uchun Dark Waters filmini tavsiya qilaman. Filmda moddaning qanday paydo bo’lgani, yillar davomida qay tarzda zaharni yutib kelganimiz haqida so’z boradi. Sekin rivojlanuvchi syujet ixlosmandlari uchun haqiqiy intellektual orgazim hissini beradi. Pryam kayf qildim. Ko’ringlar.

Kanal avasini shunga o’zgartirish varianti ham paydo bo’lyapti.

Reaksiyalar va izohlarga qaraymiz )

Yangi qonun (muhokamada)

O’zbekistonda qarindoshlar o’rtasidagi nikohlar taqiqlanishi mumkin. Amaldagi qonun bo‘yicha faqat "to‘g‘ri shajara" ota-ona va bolalar, bobo-buva va nabiralar hamda tug‘ishgan aka-ukalar/opa-singillar o‘rtasida nikoh taqiqlangan edi.

Yangi loyihaga ko‘ra, bu ro‘yxat kengaytirilmoqda. Yon shajara bo‘yicha qarindoshlar: amakivachchalar, xolavachchalar, tog‘avachchalar va ammavachchalar o‘rtasidagi nikoh ham taqiq ostiga olinishi kutilmoqda.

Uyqu kelmagandan shu filmni ko’rib chiqdim. Yoqqan tomoni klassik horror ramkasidan chiqishga harakat qilishganida bo’ldi. Qisman bunga erishilgan ham. Dastlabki bir soat zo’r. Taranglik bor, noaniqlik bor, shunchaki jamp skeyrlar bilan emas, psixologik noqulaylik bilan qo’rqitishga harakat bor. Umidli edim, lekin juda kuchli boshlanish, o’ta sentimental finalga evrilib ketdi. O’zmizni tilda aytadigan bo’lsam, Dostoyevskiydek boshlab, Elchin Safarlidek tugatishdi. Afsus, potensial bor edi.

Adolescence - o’smirlik davri

Ishtaham ochilib ketdi, yo’limdan chiqqanini tuz-puziga qaramay yutvoryapman.

Tak serial olib chiqqan muammo dolzarb, ijro kosmik darajada, jarayon esa zerikarli. Ijtimoiy tarmoqlarning salbiy tarafi, ruhiy yetimlik, tabqalanish va kamsitilish - ochig’i bu yangi narsa emas. Buni kuzatish esa bir vaqting o’zida odamni ezadi va xafsalasini pir qiladi.

Ijtimoiy tarmoqlar bo’lmagan kezlarda, o’spirinlar ongidagi bo’shliqni boshqa narsalar to’ldirgan. Misol uchun Gyotening “Yosh Verterning iztiroblari” asari 18 asr yoshlariga shundayin ta’sir qilganki, yevropada “Verter effekti” paydo bo’ladi. Yoshlar asar qahramoni kabi kiyinishga o’tishadi va xuddi u kabi o’z joniga qasd qilish to’lqini boshlanadi. Kitobni yoshlar ongini buzuvchi vosita deb e’lon qilishadi. 19 asr o’smirlari orasida esa Bayronizm va nigilizm avjiga chiqadi. Oqibatda esa davr yoshlari duelga chiqishni, jamiyatga qarshi borishni va o’lim bilan o’ynashishni modaga aylantirishadi.

O‘smirlik shaxsning "men"ini izlash, jamiyat qoliplariga isyon qilish va ekzistensial yolg‘izlikni his qilish davri ekanligini tushunish kerak. Bu biologik va psixologik jarayon, u texnologiyaga bog‘liq emas. O‘smir qaysi asrda yashamasin, u doim tushunmovchilik, sevgi iztirobi va kattalar dunyosining adolatsizligidan azob chekkan. Yana qaytaraman, mavzu doim dolzarb, lekin jarayonni kuzatish juda zerikarli.

Shunchaki yoqmadi deb yozgim kelmadi.

Kecha muqaddas kun bo’lganligini hisobga olib, Tolkin olami ekranizatsiyasining eng universal hamda ilg’ash qiyin bo’lgan aktyori Jed Brofining rollari haqida qisqacha so’z yuritgaymiz.

Uzuklar hukmdori trilogiyasi

Brofi trilogiyada asosan grim ostida va kaskadyor sifatida ko'rinish bergan.

Nazgul: Uzuk birodarligi filmida Frodo va uning hamrohlarini ta'qib qilgan to'qqiz chavandozdan biri.

Elf: Uzuk birodarligi muqaddimasida Dagorlad tekisligidagi So'nggi Ittifoq jangida qatnashgan. Shuningdek, Qirolning qaytishi qismida Arven bilan birga Kulrang bandargohga ketayotgan elflardan biri bo'lgan.

Xobbit: Bilboning 111 yoshli tug'ilgan kunida ishtirok etgan xobbitlardan biri sifatida ham ko’rinish bergan.

Snaga (Ork): Ikki qal'a filmida Merry va Pippinni asirga olgan orklardan biri sifatida paydo bo’ladi. Eslasangiz, och qolib, xobbitlarni yeyishni xohlagan, ammo Uruk-xay tomonidan o'ldirilgan ork bor edi - shu bratda.

Sharku (Ork): Ikki qal'a filmida Varg chavandozlarining boshlig'i sifatida Rohan xalqiga qarshi hujumda qatnashgan.

Rohan askari: Paradoksni qarangki aynan Ikki qal'a filmida Rohirrim askarlaridan birini ham o’ynagan.

Xobbit trilogiyasi

Navbatdagi trilogiyada esa asosiy qahramonlardan biri Nori qiyofasida namoyon bo'ladi.

Qudrat uzuklari seriali

Aktyorni serialga ham taklif etishadi. An'anaviy ork roliga albatta.

Vrath: Adar boshchiligidagi orklar guruhining a'zosi.

Boshqa orklar: Serialning turli epizodlarida ovchi orklar qiyofasida ham ko'rinish bergan.

Jed Brofi nafaqat yaxshi aktyor, balki juda mahoratli chavandoz hisoblanadi. Piter Jekson uni murakkab sahnalarni ishonchli ijro etishi va grimda ishlashga chidamliligi uchun juda qadrlagan. Xulosa qilib aytganda:

One ring to rule them all emas One actor to play them all.

Nikoh ittifoqi

Ilgari nikoh kattalar hayotiga kirish nuqtasi, uning ilk qadamlaridan biri edi. Bugun esa uzoq davom etgan shaxsiy kechinmalardan keyingi so‘nggi bosqich, ya’ni katta hayotning kulminatsiyasiga aylandi. Endilikda odamlar avval karyera qurishi, yolg‘iz yashab ko‘rishi, sayohat qilishi, yillar davomida munosabatlar ichida sarson bo‘lishi va shundan keyingina nikohdan o‘tishi kerak deb hisoblanadi.

To‘y poydevordan sovringa aylandi. Oila yoshlarga o‘ziga nisbatan ishonch beradigan barqaror tayanch emas, balki hayot allaqachon izga tushgach erishiladigan yakuniy yutuq bo‘lib qoldi.

Aynan shu sababli ham hozirda odamlar kamroq turmush qurmoqdalar.

©️Rashev

Bratim bu bilan ijtimoiy modelning o'zgarganligini, ilgari oila birgalikda oyoqqa turish uchun qurilardi, hozir esa hamma narsaga erishib bo'lingach, muvaffaqiyatli hayotning tasdig'i sifatida qurilmoqda demoqchi vallahi.

Bolalik travmangizga sabab bo‘lgan film qaysi ?

Menda: Silent Hill

Oshga piyozni tashladim, yana Hobbitni boshladim )

Qiziq. Drako Malfoyning Garri Potter filmlaridagi ekran vaqtlari:

Garri Potter va Falsafa toshi - 4 daqiqa 15 soniya

Garri Potter va Maxfiy hujra - 7 daqiqa

Garri Potter va Azkaban mahbusi - 4 daqiqa

Garri Potter Olov kubogi - 2 daqiqa 15 soniya

Garri Potter va Feniks jamiyati - 1 daqiqa 15 soniya

Garri Potter va Chalazod shahzoda - 8 daqiqa 15 soniya

Garri Potter va Ajal tuhfalari - 4 daqiqa 45 soniya

Umumiy 31 daqiqa 45 soniya.