Kodeks 632

Kitobini klassik ma'noda badiiy asar deb atash qiyin, ko'proq detektiv qobig'iga o'ralgan, tarixiy ma'ruzaga o’xshaydi. Qiziq, lekin, biroz jo'n yozilgan. Misol syujetni olaylik, muallif voqealarni o'tkirlashtirish uchun banal va eskirgan usullardan foydalangan. Lena va Tomas o'rtasidagi munosabatlar hamda oilaviy dramalar shunchaki tarixiy ma'ruza zerikarli bo'lib qolmasligi uchun xizmat qiluvchi yordamchi liniya vazifasini o'tagan, bu tomondan Dos Santos hissiyotlarni chiqarib berishda juda oqsagan. Ya'ni personajlar shunchaki ma'lumot tashuvchi bo’lib qolgan. Ular tirik emas. Biroq, kitobini badiiy roman o'lchovlari bilan tahlil qilish unga nisbatan biroz adolatsizlik bo'ladi.

Badiiy sustlikni chetga sursak, ma'lumotlar bayoni ajoyib chiqqan. Santos jurnalist sifatida faktlarni shunday tizganki, o'quvchi o'zini xuddi arxivda haqiqiy tadqiqot olib borayotgan mutaxassisdek his qiladi. Kolumbning asl ildizlari va portugal izlari haqidagi surishtiruvlar haqiqatan ham zo'r terilgan. Bu tarafdan muallif og‘ir tarixiy ma'lumotlarni oson hazm bo'ladigan, dinamik formatga sola olgan.

Kitobni o‘qib bo‘lgach, aniq javoblardan ko‘ra ko‘proq savollar bilan qolasan va aynan shu asarning eng kuchli tomoni, ya'ni kitob tarixni yopiq hikoya sifatida emas, balki hali ham to'liq yakunlanmagan, ochiq qolayotgan munozara sifatida ko‘rsatadi. Intellektual asar qidirganlar, tarixni boshqa tomondan ko‘rishni istaganlar uchun tavsiya qilaman. Silliq va tez o‘qiladi.

P.s: Nashriyotning birinchi ishi. Tarjimada va tahrirda kamchiliklar bo’lishi tabiiy. Bu borada ishlash kerak – muhimi dadil yurish bo’libdi.

@vasilbro

Mem

So’nggi umid loyihasidagi Rokki, 2026-yilgi Oskar mukofotida “Eng yaxshi ikkinchi darajali erkak roli” nominantlari qatoriga qo’shilibdi.

Oqlayman va duo qilaman. Amaze, amaze, amaze.

Fiftilyonchi maqtanish:

Harry Potter and the Order of the Phoenix (Illustrated version)

Sarah J. Maas - House of Earth and Blood & House of Sky and Breath

The Witcher series

Mem

Germaniyalik Maykl Achtzigpluszehnning Uzuklar hukmdori - Minas Tirit ostonasidagi jangga bag’ishlangan lego kolleksiyasi.

M-muhatasham✨

P.s: yangi maqsad topdim o’zimga ))

Mem

Piter Jeksonning ekranizatsiyasida Pelennor jangi asosan Rohanning mahobatli otliqlari va O‘liklar armiyasining Minas Tiritga yetib kelishi atrofida qurilgan. Ammo, asl kanonda Gondorning chaqiruviga faqat afsonaviy qirollar emas, balki imperiyaning turli chekkalaridan o‘z burchini anglagan oddiy feodallar ham javob berishgan. Ular orasida Go’zal Hirluin boshchiligidagi uch yuz nafar Pinath Gelinliklar ham bor edi.

Pinnath Gelin jangchilari Gondorning yam-yashil tepaliklaridan kelgan bo'lib, janubiy qo'shinlar orasida o'zlarining butunlay yashil liboslari bilan ajralib turishardi. Bu rang ularning qirollik janubi-g'arbidagi ona yurtlari tabiatiga ehtirom ramzi hisoblangan.

Garchi ularning soni boshqa feodallarnikiga qaraganda kamroq bo'lsa-da, Oq Shahar mudofaasidagi ishtiroki juda muhim edi. Pelennor dalalaridagi jangda ular oxirigacha mardonavor kurashdilar va shafqatsiz to'qnashuvda o'z hukmdorlari Hirluinni yo'qotadilar.

P.s: ekranlarda ko’rganimiz, O’liklar armiyasining Minas Tiritga kelishi va urushga yakun yasashi aslida yuz bermagan. Aniqrog’i kitobda bunaqa qismning o’zi yo’q. Pelennor jangi ko’rganimizdan ko’ra ancha shavqatsiz kechgan.

Hozir retro modada: eski plastinkalar, plyonkali kameralar, donador (grain) filtrlar. Negadir biz o’zimiz ko’rmagan, bizga tegishli bo‘lmagan o’tmishni sog’inamiz. Ehtimol, o’z davrimizga sig‘magan, lekin o‘tmishga ham kechikkan avlod bo’lsak kerak.

Hoppersni vanihoyat ko’rdim. Piksar inson ongini hayvon tanasiga ko'chirishdek jozibador kontseptsiyani o'rtaga tashlagan. Mualliflar yetkazmoqchi bo’lgan o’zlikni anglash va ekologik empatiya motivi juda dolzarb mavzu. Biroq, bu balandparvoz g’oyani ko’tarib turishi kerak bo’lgan syujet strukturasi mo’rtgina. Voqealar rivoji kutilgan darajada chuqur emas, xarakterlar rivojlanishi esa yuzaki darajada qolib ketgan. Kuchli kontseptsiya zaif ssenariy qurboniga aylangandek taassurot uyg'otadi. Choy-poy ichayotib, ko’rvorarsilar.

5.5/10