لي عندوا سؤال على دراسة كندا يجي للصفحة منشور صالح لمدة ساعة للإجابة على الأسئلة :
https://www.facebook.com/share/p/ydn3srwgyyk3qypD/

#دراسة_كندا
راك جديد فكندا واش لازم دير اول حاجة ؟
راح نحطو اهم الحاجات لي لازم ديرها فاول اسبوع، لازم الباسبور و permi d'étude يكون معاك دايمن

1: تشري la puce من المطار ولا أي مكتب، فكندا ليزابال باطل تشري بيس على حساب شحال الانترنت يعطولك. فالمتوسط 20 جيقا تكفيك فالشهر.

2. Numéro d'assurance sociale NAS
تروح اقرب مكتب Service CANADA تحل عندهم دوسي يعطوك رقم شخصي جامي تمدو لاي واحد بسكو شخصي و فيه كامل معلوماتي مربوط بالكونت بونكار منبعد.

3: الا جبت اورو دير عند اي بيرو ديشونج شوف اون لين شحال راهو الشونج و شوف لي مليح بدل عندو

4: مور ما دير الشونج و يكون عندك NAS أفتح كونت بونكار
كي تكون ايتيديون تقريبا ليبونك كامل كيفكيف و دوموندي كارت كريدي تحتاجها بزاف من بعد كي تشري.

6 : اسورونس مالادي جد جد مهمة من اول اسبوع ديالك ديرها.

5: حكم رونديفو و بدل البيرمي من جزائري لكندي راح يعاونك بزاف باش تلقى خدمة . حطينا طريقة بالتفصيل

Attestation de don canada .
تصريح شرفي فيما يخص المال نشرح المعنى 👇👇
هاذ الورقة تخص الضامن يعني مثلا راك رايح دير دراسة لكندا و ليس لديك ضامن و لقيت مثلا صديق و لا شخص من العائلة يكون الضامن تاعك هاذ الورقة تثبث ان فلان بن فلان هو مدلك المال و هو يضمن بهاذ التعهد.
تعمر الورقة الإسم تاعوا و تاعك و القيمة المالية لي يمدلك .
تقدر تغير القيمة المالية سأضع format word

كندا attestation de don

السلام عليكم ليكيب ما تنساو غدوا يفتحوا vfs alger التسجيلات للمواعيد السياحية ضرك نعاود نحط طريقة التسجيل

السلام عليكم ليكيب إن شاء الله كامل بخير قصة حقيقية لواحد نعرفوا إنسان طيب و نية بزاف تزوج فالبلاد و جاب الزوجة تاعوا لفرنسا المهم كل شئ عادي هنا طاحلوا سبب عائلي هبط للبلاد عاجل و بقات زوجتوا مع يماه ، كي رجع من البلاد رفدوه من المطار السيد قلبوا حبس علاه ؟ خاطيه مشاكل داوه للمركز فهموه القضية الزوجة تاعوا رفعت دعوة ضده و ضد يماه أنوا حبسوها فالدار و ضربوها و خلاوها للشر إلخ ....
الشرطة داروا تحقيق من بعد لقاو أنوا الزوجة هي هربت برضايتها و دات كامل حوايجها و لقاو عندها مفاتح تاع الدار ثاني ، و لقاو بلي الأكل كاين كل سبل الراحة متوفرة الحمد لله طلقوه و ما قبلوا الدعوة كيفاه حبسوك و نتي عندك مفاتح ؟
المهم السيد راو حالة كره كامل كلمة زواج هاذي المرة الثانية يطيح في طفلة تحوس غير على الأوراق ربي يهدينا و يهدي الجميع و الله ما لقيت ما نقول هدرت معاه يبكي فالتليفون كي ذراري يقولي علاه خرجتها من ميزيرية و جبتها و حاجة ما خصتها و هكذا تقابلني و تقولي يعطيك الصحة .

في خطوة جديدة من السلطات الجزائرية لفائدة دخول المغتربين في الصيف بإمكان الأطفال مزدوجي الجنسية تحت 12 عام دخول الجزائر فقط بجواز السفر الأجنبي و شهادة الميلاد أو الدفتر العائلي و القرار ساري المفعول حتى تاريخ 31 أكتوبر 2024

#دراسة_كندا
كيفاش نلقى الجامعات على حساب تخصص لي قاريه فالدزاير.
كاين هاد الموقع مليح بزاف ينقص عليك الوقت
تكتب اسم التخصص + المستوى ( باكالوريا. ميتريز. دكتوراه )
اللغة الفرنسية او انجليزية.
يعطيك كامل الجامعات الكندية المتوفرة.
تبقا نتا برك تخير وين حاب تدفع،

اختيار الجامعة فيه بزاف شروط:
مثلا الموقع، اسم الجامعة ( كل ما كانت معروفة تكون شوية sélective)، امكانية يمدولك لابورس...
الدوسي لي تدفعو للادميسيون توجور يحطوه تحت كل بروقرام مي فالاغلب
Acte de naissance ( en français).
Passeport.
Relevé de notes et diplômes ( traduit ).
Lettre de motivation + recommandations ( beaucoup plus pour maîtrise et doctorat).
Des fois attestation de travail pour certains domaines comme MBA / GESTION DES PROJETS .

بالتوفيق للجميع
https://www.etudesuniversitaires.ca/trouver-un-programme/

تم اضافة ( استونيا 🇪🇪 Estonie ) على موقع BLS 🇪🇦 ( تابعة للاتحاد الاوروبي 🇪🇺 )
في الماضي الموعد كان تبعث إيميل و يمدولك موعد الأن راهي تابعة ل BLS .
لي عندهم فيزا إسبانيا من قبل يقدر يدفع إستونيا عندوا حظوظ كبيرة يدي

ماكرون حل البرلمان اول أمس و ستقام إنتخابات نهاية الشهر لو يفوز اليمين المتطرف بالأغلبية ستكون كارثة خاصة للجزائريين حيث أول شئ يريدون القيام به هو تغيير قانون 1968 من أجل ترحيل الحراقة لكن الرئيس لن يقبل شئ مؤكد

BLS on off
يفتح و يغلق
Selfi IA appliquer
يعني سالفي دارو تحديث لي عندوا الزهر بصحتوا
ربما راو تاست

🔸️ برنامج الهجرة إلى جزيرة الأمير إدوارد بكندا الواقعة في الساحل الشرقي
🔸️ هناك عدة وظائف شاغرة سأضع الرابط يجب تحميل سيرة ذاتية على الطريقة الكندية باللغة الإنجليزية أو الفرنسية و بعدها تملأ المعلومات الكلاسيكية الإسم ، اللقب إلخ ... و تدخل المنتدى المخصص للعمل و تنتظر الرد
🔸️ سأحاول التسجيل لمعرفة أكثر التفاصيل إن شاء الله
🔸️ رابط التسجيل :
https://princeedwardisland.hiringplatform.ca/169839-2024-international-recruitment-talent-pool/720674-registration/en

#part1
السيرة الذاتية الكندية تختلف عن السيرة الذاتية العادية سأشرح بالتفصيل :
🔸هناك 3 نماذج للسيرة الذاتية الكندية 👇👇
1 . CV chronologique ( سيرة مرتب زمنيا)
تكتب فالسيرة الذاتية ترتيب زمني خبرتك المهنية من الخبرة الجديدة إلى القديمة ( تسلسل زمني ) ، تكتب فيها الخبرة المكتسبة في نفس مجال العمل .
تستخدم هاته السيرة الذاتية في حالة واحدة إذا لم تغير مشوارك المهني يعني ( المجال مثلا ميكانيكي ).
2 . CV fonctionnel , compétence :
هاته السيرة الذاتية تسلط الضوء على ما ستقدمه ، تكتب كل المشاريع اللتي أنجزتها و الخبرة المكتسبة طوال مشوارك المهني .
تكتب مؤهلاتك المهنية اللتي لها علاقة بالعمل المطلوب ، تستخدم هاته السيرة الذاتية إذا شغلت عدة مناصب عمل مختلفة يعني مثلا ( إداري ، رئيس مصلحة ، صحفي إلخ ) ، في هاذ النموذج تبيع مؤهلاتك الشخصية و المهنية .
3 . CV mixte :
السيرة الذاتية الأكثر إستعمالا في وقتنا الحالي ، تكتب فيه مؤهلاتك الشخصية ( compétences) ، و خبرتك المهنية من الجديدة إلى القديمة ( تسلسل زمني ) .
تستعمل السيرة الذاتية إذا شغلت عدة مناصب مختلفة و في مؤسسات مختلفة و عندك خبرة كبيرة في مجال معين .
المنشور القادم سأكتب بالتفصيل ( مقومات السيرة الذاتية و فروعها و كيفية كتابتها )
#يتبع