🔸 شرعت ألمانيا منذ هاذ الإثنين التحكم في حدودها و هاذا لمدة 6 أشهر كمهلة أولى .
🔸 الشرطة الألمانية أصبحت تفرض رقابة على حدودها مع فرنسا ، جمهورية التشيك ، بولندا و النمسا و تستهدف الشرطة الألمانية خاصة الحافلات مثل flixbus و تقوم بمراقبة وثائق المسافرين يأتي هاذا الإجراء للحد من الهجرة الغير الشرعية و الدخول للأراضي الألمانية بكل أريحية بعد الأحداث الأخيرة شددت الشرطة الرقابة على الحدود خاصة المسافرين الأتون من مدينة ستراسبورغ و الألزاس .

السلام عليكم ليكيب كل ما يجب معرفته عن انواع الإقامة في بلجيكا تلقى كل شئ في هاذ الملف PDF

#1001info #belgique
ساتحدث قليلا عن الدراسة في بلجيكا 🇧🇪
بالنسبة للجامعات راح نحكي فقط على الاقليم الجنوبي من البلاد الناطق بالفرنسية Wallonie و الذي يضم بروكسل ( ثلاثية اللغة مي الفرنسية طاغية على الهولندية)
بخلاف الفرنسية كاين جامعات باللغة الانجليزية و الهولندية.
بالنسبة لل tcf او IELTS على حساب الجامعة ،كاين لي يشرطوهم و كاين لي لا،الاغلبية مايطلبوش.
اهم الجامعات الفرونكوفية
Université Libre de Bruxelles ( ULB) /Université de Namur /University de Liège/Université de Mons

التسجيلات تكون في الفترة بين 15 فيفري و 31 افريل.
لازم يكون عندك باك 13+ اذا راح تقرا برنامج ليسانس،و معدل ليسانس +12 اذا راح تقرا الماستر.
اذا عندك معدل اقل تقدر تبوستيلي في المدارس او الجامعات moins sélectif الخاصة و يقبلوك عادي لكن التكاليف رايحة تكون اكثر و غاشي كبير الاماكن محدودة.

انا كنصيحة شخصية جيبو ليسانس و سجلو تقراو ماستر باش تتفاداو l'équivalence لي فيها تعب كبير ( راح نشرحها لاحقا) ،اذا راح تقرا الماستر ماتحتاجهاش،ترجم اوراقك للفرنسية و تصادق عليهم في السفارة البلجيكية باش تخرج القبول،ابري في ملف الفيزا لازم توثقهم في وزارة الخارجية و وزارة التعليم العالي.

تكاليف الدراسة :بالنسبة للجامعات 4175€ في العام لول ابري تولي تخلص €800 للعام.
بالنسبة للمدارس haute école كل مدرسة و التكاليف تاعها ،على العموم تكون ابتداءا من 2300€،

في ملف الفيزا لازم يكون عندك ضامن عايش في الاتحاد الاوروبي (عندو اقامة ولا جنسية) يخلص فوق 2400 اورو (+150 اورو لكل طفل اذا مزوج) اذا كان عازب،يديرلك annex 32 تدفعها مع ملف الفيزا.
تقدر دير ضامن من خارج الاتحاد،مي لازم قريب من الدرجة الاولى.
اذا ماعندكش ،دير compte bloqué فيه 7500 او 8000 اورو تفارسيها فالكونت تاع الجامعة.

بالنسبة لل équivalence او authentication de diplôme,كيما قلت لفوق،لازمة لي رايحين يقراو ليسانس تكون في الفترة بين 15 نوفمبر الى 15 جويلية كل عام،تستقام ب 150 اورو تخلصها بكارت فيزا و ديرها طلب هنا
http://www.equivalences.cfwb.be/
لازملك :
-شهادة ميلاد بالفرنسية.
- رسالة تحفيز ( lettre de motivation) او تملء وحد الفورميلار.
-شهادة مدرسية ولا كشف نقاط اخر سداسي في الجامعة بمعناه حاجة تثبت انك قريت في الجامعة.
-شهادة + كشف نقاط الباكالوريا الاصليين + نسخ مترجمة للفرنسية مصادقين عليهم في وزارة التربية و وزارة الخارجية و في السفارة البلجيكية.
ديرهم في كولي و تبعثهم للمركز المصادقة في بلجيكا ب DHL.

للطلبة الحق في 20 ساعة عمل اسبوعيا بحوالي 11 اورو/سا على الاقل ،الخدمة متوفرة بكثرة و الراتب جيد بالنسبة ل job étudiant.
السكن غالي شوي خاصة في بروكسل ،اغلبية الطلبة يكريو colocation و كل واحد الغرفة تاعو بحوالي 300 اورو شهريا،بالنسبة لستوديو مثلا 20م² ماتلقاش اقل من 600 اورو شهريا + مصاريف الكهرباء و الماء...
القانون البلجيكي صارم ناحية الدراسة و الهجرة مقارنة بالقانون الفرنسي،مثلا ماكانش changement de situation كي تكون طالب،تعاود عامين يكاشيولك quitté le territoire.
الجزائرين لي يقراو في بلجيكا عددهم قليل مقارنة بالمغاربة لي متواجدين بكثرة،لهذا عندهم تسهيلات كثر منا.

🔸 السلام عليكم ليكيب من يتواجد في بلجيكا نصيحة من عندي قم بالإتصال بما يسمى c.i.r.e 👇👇
Certificat d'inscription au registre des étrangers
🔸 هاذ المركز هو مثل مركز الاجانب لكن في المقابل يقوم بمساعدة المهاجرين سواءا دراسة أو الصحة أو كيفية تسوية الوضعية و حتى الحراقة
🔸 رابط الموقع 👇👇
https://positions.cire.be/

عاجل :
خرج قانون لي يخص شهادة امتحان اللغة الخاص باش تدفع permis de travail poste diplôme
ابتداءا من 1 نوفمبر
https://www.canada.ca/fr/immigration-refugies-citoyennete/services/etudier-canada/travail/apres-obtention-diplome/admissibilite/exigences-etudes.html?utm_source=IRCCSM&utm_medium=twitter

في ما يخص القانون الجديد
طلبة الميتريز و باكالوريا و دكتوراء غير ميعنيين بالمجال الدراسي
الآخرون لازم تكون تقرا فاحد المجالات 5 باش تقدر تدفع PTPD
حسب CPE 2021
نحطلكم رابط وين تقدر تعرف رقم الخاص بالمجال و تكونفيرمي مع الإدارة وين تقرا
https://www23.statcan.gc.ca/imdb/p3VD_f.pl?Function=getVD&TVD=1420413

🔴🔴 دراسة #تقني_سامي عن بعد التابع للتكوين المهني♦️
- يمكن للجميع دراسته عن بعد ..
- يمكن دراسته في نفس الوقت مع الديبلوم الجامعي .
-الصور المرفقة للسنوات الماضية للتوضيح فقط..
♦️️المركز الوطني للتكوين والتعليم المهنيين عن بعد CNEPD♦️
مؤسسة تعمل تحت وصاية وزارة التكوين والتعليم المهنيين. http://www.cnepd.edu.dz/
الديبلوم المحصل عليه معترف به في الوظيف العمومي
ترسل لك الدروس على شكل كتيبات أو أقراص مضغوطة، بعد التسجيل وتسديد الحقوق.
- الشهادة معترف بها، ويمكن أن يترقى بها الموظف.
التكوين عن بعد يتكفل به 'المركز الوطني للتكوين والتعليم المهنيين عن بعدCNFEPD'
ان كنت طالب (ة) جامعي (ة) ، شاب بطال، موظف أو .... الخ وتريد الحصول على شهادة (ديبلوم) صادر عن التكوين المهني، دون الحضور يعني تكوين عن بعد (بالمراسلة) ماعليك الا التسجيل في التكوين عن بعد (cnepd)
♦️ توضيح:
☑️الديبلوم المتحصل عليه معتمد من طرف الدولة
☑️.أبواب التسجيلات للتكوين والتعليم المهنيين عن بعد مفتوحة على مدار السنة ، يمكنكم التسجيل من بيوتكم دون عناء التنقل ،عبر رابط التسجيل الموجود عبر صفحة بالفاسبوك وكذا عبر الموقع الرسمي للمركز وهو : www.cnepd.edu.dz.
- يمكن المشاركة به في مسابقات التوظيف أو الترقية.
- المعنيون بالتكوين عن بعد
التكوين عن بعد غير مرتبط بالتأمين ولا يشترط السن،
لذلك يمكن لأي شخص الاستفادة منه سواء:
♦️ التخصصات المتوفرة متنوعة،
-تخصصات إدارية وتخصصات حرفية.
- شهادات متنوعة (تقني، تقني سامي .. الخ)
- التكوين القاعدي
(أول ديبلوم في التخصص)
-التكوين عن طريق المعابر
(الترشح لديه ديبلوم ويريد الانتقال إلى ديبلوم أعلى في نفس التخصص)
-التكوين التأهيلي:
-تكوين قصير المدى
يتوج بشهادة تأهيل (ليس ديبلوم) تمكن حاملها من العمل الخاص والاستفادة من القروض.
-بالنسبة للناس اللي حابة تكمل تقني سامي معابر مثلا من "تقني الى تقني سامي"، المعابر يستفيد منه الطالب مرة واحدة ولكي يستفيد من المعابر مرتين يجب أن يكون المعني من 5 الاوائل في دفعته، أو أن يمارس سنتين توظيف بدبلومه الاول عبر المعابر.
♦️ رابط صفحة الفايسوك
https://www.facebook.com/CNEPD-165256260192631/
............................................
♦️ملف التسجيل
- شهادة مدرسية
- شهادة ميلاد
- 4 صور شمسية
- 4 أظرفة بريدية عليها الطابع البريدي والعنوان الكامل
- حوالة تثبت دفع المستحقات في التخصص المرغوب.
♦️* طريقة دفع المبلغ .
التكوين يمكن أن يكون فيه طور واحد أو طورين،
يتم دفع مستحقات الطور الأول فقط في البداية،
وعند النجاح في امتحان الانتقال من الطور الأول إلى الطور الثاني (في التكوين الذي فيه طورين)
يتم دفع مستحقات الطور الثاني.
♦️-ما معنى الطور ؟؟
الطور هو السنة الدراسية وتختلف مدته من شهادة إلى أخرى
♦️عملية التكوين.
- عن طريق ارسال دروس وأقراص مضغوطة من طرف المركز الجهوي بالإضافة إلى
- حصص بيداغوجية مع الأساتذة (تجمعات بيداغوجية على مستوى المركز الجهوي).
- استلام الدروس والأقراص المضغوطة
عبر sms, email,، الهاتف
تحديد أيام الامتحانات ؟؟
- تكون بعيد عن فترة الامتحانات الجامعية والثانوية
- عبر رسائل SMS,Email,، الهاتف
- إعادة التسجيل (الطور الثاني)
بعد النجاح في امتحان الانتقال،
يتم:
- تسديد حقوق الطور الثاني (الحوالة)
- استلام دروس الطور الثاني
- مكان إجراء الامتحان النهائي.
الامتحان النهائي يكون في ولاية الإقامة.
- تواريخ التسجيل
♦️للتسجيل في احدى تخصصات التكوين المهني عن بعد توجد 3 دورات للتسجيل في السنة:
دورة فيفري:
التسجيلات من نوفمبر إلى غاية فيفري
دورة جوان:
من مارس إلى جوان
دورة أكتوبر: من جويلية إلى أكتوبر
أي أن التسجيل يكون طيلة السنة.
♦️️ المراكز عناوينهم و ارقامهم
⬛ المديرية العامة حيدرة 021.60.22.54. 021.60.51.17
⬛ الملحقة الجهوية عنابة.....038.44.90.68
المراكز الفرعية التابعة لها
الطارف...سكيكدة...سوق اهراس...قالمة.. تبسة....ام البواقي
⬛ الملحقة الجهوية بشار.....049.22.04.94
المراكز الفرعية التابعة لها
النعامة..البيض...تندوف...ادرار.
⬛ الملحقة الجهوية ورقلة ...029.71.80.68
المراكز الفرعية التابعة لها
لغواط .....غرداية...الواد...تمنراست اليزي.
⬛ الملحقة الجهوية وهران.....041.50.11.28. 041.50.17.13
المراكز الفرعية التابعة لها
تلمسان..سعيدة..سيدي بلعباس...معسكر... عين تيموشنت...مستغانم.
⬛الملحقة الجهوية قسنطينة 031.88.41.10. 031.88.47.60
المراكز الفرعية التابعة لها
باتنة....بسكرة....خنشلة....ميلة.

🔴 ابتداءً من 10 نوفمبر 2024، سيتم تفعيل نظام إلكتروني جديد للدخول والخروج من منطقة الشنغن، يُعرف باسم نظام الدخول/الخروج (EES). هذا النظام سيُغني عن الحاجة لختم جوازات السفر، حيث سيتم الاعتماد على جمع البيانات البيومترية للمسافرين، مثل بصمات الأصابع وصور الوجه.
سيتم تسجيل كافة الداخلين والخارجين من المطارات، محطات القطار، والحدود البرية والبحرية التابعة لمنطقة الشنغن إلكترونيًا. بدلاً من ختم الجواز، سيتمكن المسافرون الذين تم أخذ بياناتهم البيومترية سابقًا من استخدام مداخل مخصصة في المطارات، حيث يمكنهم ببساطة وضع جواز السفر على الماسح الضوئي والنظر إلى الكاميرا للتحقق من هويتهم. إذا كانت جميع الأمور سليمة، يُفتح الباب تلقائيًا بطريقة مشابهة لمحطات المترو.
على الرغم من ذلك، يظل لموظفي المطارات الحق في إعادة جمع البيانات البيومترية إذا لزم الأمر.
و جميع بيانات المسافرين سيتم تخزينها في نظام معلومات منطقة الشنغن، مما يعني أن الأشخاص الممنوعين من دخول الشنغن لن يتمكنوا من الدخول مجددًا حتى لو قاموا بتغيير جواز سفرهم أو بياناتهم الشخصية.
منقول

الحقيقة تقال، كل عام فيزا دراسة كندا راهي تتزير و يخلقو قوانين جدد،
الفئة المستهدفة لي يقراو فالكولاج , سوا DEC ولا DEP و AEC، فاي مقاطعة كانت.
خلاص زمن تاع تجي بدوشي تاع جامعة ميتريز ولا باكالوريا و تبدل،
أمور غير رسمية بلي راح يحبسو دراسة الكولاج لاجانب مي راهي رايحة ليها.
الامور بدات وين حبسو الكولاج غير معتمد من الدولة، ثم الكولاج لي عندو برنامج دراسي غير خاص به ، يعني يشري حقوق البرنامج من كولاج تاع الدولة،
و آخر قانون من الان و صاعدا خلاو غير 5 مجالات لي تقدر بيهم PTPD, نفسهم المجالات لي تقدر تدير بيهم كونطرا طرافاي.

و كي نقولو PTPD رخصة العمل الخاصة بالطلاب لي تقدر تدير بيهم الاوراق من بعد
الاوراق بعد مدة 3 حتا 5 سنين ( اقامة دائمة و جنسية ) ميزة لي كانت تخلي الطالب يروح يقرا في كندا مالقري الغلاء تاع البرامج الدراسية.
الشيء مؤسف الطالب لي راه مستوى جامعي فالجزائر يعجز باش يحوس يفهم اجراءات الفيزا ولا القوانين الجديدة.
الحل السهل تاع آجونس مليح يختاصرلك وقت و جهد باش تقدر توصل، مي من بعد راح تعوم بحرك و انت لي لازم تحافظ على الستاتي ديالك و الالتزام بالقوانين فكل مرحلة.
مينداك تلقى ابسط أمور ميعرفهاش الطالب ، مثلا ممنوع تخدم قبل القراية، ممنوع تتجازو عدد ساعات العمل....
بالنسبة للدراهم خلاص زمن تاع تطلع ب 500-1000 اورو معاك مقابل فورماسيو اقل شئ 20 الف دولار. يامات و نحط منشور مفصل كيفاش كان الطالب يجيب اقل شئ 1000 اورو و يقرا ،
مقارنة بين سنوات قبل 2022- 2023 و بعد
ربي يوفق الجميع و كوراج
#1001_visa
#1001_canada_momen