◼️မြန်မာ့အရေးသတင်းမှန်များ နိုင်ငံတကာပိုမိုသိရှိစေဖို့ NUG အစိုးရက PVTV International မှထုတ်လွှင့်မည်

၂၇ အောက်တိုဘာ ||| နွေဦးအသံ |||

မြန်မာနိုင်ငံအတွင်း ဖြစ်ပေါ်နေတဲ့ အခင်းအကျင်းတွေကို နိုင်ငံတကာ အသိုင်းအဝိုင်းက မှန်ကန်စွာနဲ့ ပိုမိုသိရှိနိုင်စေဖို့ ရည်ရွယ်ပြီး အမျိုးသားညီညွတ်ရေးအစိုးရ NUG က သတင်းချန်နယ် တခုကို အင်္ဂလိပ်ဘာသာနဲ့ ထုတ်လွှင့်တင်ဆက်သွားမှာဖြစ်တယ်လို့ သိရပါတယ်။

ပြည်သူ့နွေဦးတော်လှန်ရေး၊ NUG အစိုးရ၊ တော်လှန်ရေး အင်အားစုတွေနဲ့ သက်ဆိုင်ပြီး အရေးပါတဲ့ သတင်းအချက်အလက်တွေ၊ နိုင်ငံတဝန်း ဖြစ်ပေါ်လျက်ရှိတဲ့ အရေးကြီး ကိစ္စရပ်တွေကို နိုင်ငံတကာအသိုင်းအဝိုင်းက သိရှိနိုင်စေဖို့ PVTV International အမည်နဲ့ ချန်နယ်တခုကို စတင် ထုတ်လွှင့်လိုက်ကြောင်း အောက်တိုဘာ ၂၆ ရက်မှာ အသိပေးထားတာပါ။

PVTV International Channel မှ တိကျမှန်ကန်ပြီး အတည်ပြုနိုင်တဲ့ သတင်းတွေကို သတင်း၊ သတင်းဆောင်းပါး၊ ရုပ်သံသတင်းတွေနဲ့ တင်ဆက်သွားမှာ ဖြစ်တယ်လို့ အမျိုးသားညီညွတ်ရေးအစိုးရ (NUG) က ကြေညာထားပါတယ်။

အကြမ်းဖက်စစ်အာဏာရှင်စနစ်ကို ဆန့်ကျင်တော်လှန်နေတဲ့ မြန်မာ့နွေဦးတော်လှန်ရေးနဲ့ ပတ်သက်ပြီး တိကျမှန်ကန်တဲ့ သတင်းအချက်အလက်တွေနဲ့ အရေးပါတဲ့ သုံးသပ်ချက်တွေကို ရယူနိုင်ဖို့ PVTV International ရဲ့ Facebook နဲ့ YouTube ချန်နယ်တွေကို Like ၊ Share နဲ့ Follow ပြုလုပ်ထားကြဖို့ကိုလည်း NUG အစိုးရက တိုက်တွန်းထားတာ တွေ့ရပါတယ်။

©The Voice of Spring
#thevoiceofspring
#WhatsHappeningInMyanmar
#RejectMilitaryCoup

✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼️မြေအသုံးပြုခွင့်ပေးခဲ့တဲ့အပြင် သွန်သင်ဆုံးမလေ့ရှိတဲ့ အဘိုးကို PDF ရဲဘော်များ ဂါရဝပြုကန်တော့

🔹အကြမ်းဖက်စစ်အုပ်စုမရှိမှ တိုင်းပြည်အေးချမ်းမှာဖြစ်တဲ့အတွက် အနိုင်တိုက်ရန်တိုက်တွန်း

၂၈ အောက်တိုဘာ ||| နွေဦးအသံ |||

နွေဦးတော်လှန်ရေးအစကတည်းက မြေနေရာအသုံးပြုခွင့်ပေးခဲ့တဲ့အပြင် ရဲဘော်တွေကို သွန်သင်ဆုံးမလေ့ရှိတဲ့အဘိုးကို အရာတော်မြို့နယ် (ပကဖ) ရဲဘော်တွေက အောက်တိုဘာ ၂၆ ရက်၊ သီတင်းကျွတ်လပြည့်နေ့မှာ သွားရောက်ကန်တော့ခဲ့ကြတယ်လို့ သိရပါတယ်။

တော်လှန်ရေးအတွက် မြေနေရာအသုံးပြုခွင့်ပေးခဲ့သလို ရဲဘော်တွေကိုလည်း သွန်သင်ဆုံးမလေ့ရှိတဲ့ အဘိုးကို ရဲဘော်တွေက သွားရောက်ဂါရဝပြုကန်တော့ခဲ့ကြရာ အကြမ်းဖက်စစ်တပ်ကို နိုင်အောင်တိုက်ခိုက်ကြဖို့ အဘိုးက တိုက်တွန်းပြောကြားခဲ့တယ်လို့ ပကဖ အသံက အောက်တိုဘာ ၂၇ ရက်မှာ ဖော်ပြထားတာပါ။

အဘိုးက "ငါပိုင်တဲ့မြေ ငါပိုင်တဲ့အရာအားလုံး မင်းတို့ကြိုက်ရာလုပ်ကြ၊ စစ်ခွေးတွေကိုတော့ နိုင်အောင်တိုက်၊ ဒီကောင်တွေမရှိမှ တိုင်းပြည်အေးချမ်းမှာ"လို့ အမြဲပြောလေ့ရှိတယ်လို့ ပကဖ အသံက ဆိုထားပါတယ်။

အရာတော်မြို့နယ် ပြည်သူ့ကာကွယ်ရေးအဖွဲ့ ပကဖ တိုက်ခိုက်ရေးရဲဘော်တွေအနေနဲ့ စစ်တပ်စစ်ကြောင်းတွေကို တွန်းလှန်တိုက်ခိုက်နေသလို ပြည်သူ့ရေးရာအဖွဲ့ ရဲဘော်တွေကလည်း လူထုအကျိုးပြုလုပ်ငန်းတွေ ဆောင်ရွက်လျက်ရှိတယ်လို့ အသိပေးထားတာ တွေ့ရပါတယ်။

©The Voice of Spring
#thevoiceofspring
#WhatsHappeningInMyanmar
#RejectMilitaryCoup

✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼️‌စစ်ကိုင်း သံချပ်ကာ ဒုတပ်မမှူး သေဆုံးခဲ့ပြီးနောက် စစ်တပ်က ဗုံးကြဲ စစ်ကြောင်းထိုး၊ ရွာလုံးကျွတ်မီးရှို့

🔹တအိမ်တက်ဆင်း ဆက်ကြေးကောက် ပစ္စည်းခိုးပြီး ဝတ်ထားတဲ့ နားကပ်များပါ အဓမ္မချွတ်ယူ

၂၈ အောက်တိုဘာ ||| နွေဦးအသံ |||

စစ်ကိုင်းမှာ သံချပ်ကာတပ် ဒုတပ်မမှူး ဗိုလ်မှူးကြီး အရှင်ဖမ်းခံရပြီးနောက် အကြမ်းဖက်စစ်တပ်က ကျေးရွာတွေကို ဗုံးကြဲ၊ စစ်ကြောင်းထိုးပြီး ရွာလုံးကျွတ်မီးရှို့တဲ့အပြင် ဆက်ကြေးကောက်၊ တန်ဖိုးကြီးပစ္စည်းတွေ ခိုးယူရုံတင်မက ဝတ်ဆင်ထားတဲ့ နားကပ်တွေကိုပါ ချွတ်ယူတဲ့အထိ ပြုလုပ်ခဲ့တယ်လို့ သိရပါတယ်။

အုန်းတောရွာ အခြေစိုက် အမှတ် ၇၂ သံချပ်ကာတပ်မှ ဒုစစ်ဆင်ရေးကွပ်ကဲရေးမှူး / ဒုတပ်မမှူး ဗိုလ်မှူးကြီး ဇော်မျိုးတင့်ကို လက်နက်နဲ့အတူ ပြီးခဲ့တဲ့ အောက်တိုဘာ ၁၈ ရက်မှာ စစ်တပ်အတွင်းမှသတင်းပေးခဲ့တာကြောင့် လင်းယုန်ညီနောင်ပြောက်ကျားတပ်ဖွဲ့က အရှင်ဖမ်းဆီးခဲ့ပါတယ်။

ဒါ့ကြောင့် စစ်တပ်က ငါးထပ်ကြီးဘုရားနဲ့ ရွာသစ်ကြီးမြို့ အနောက်ဘက်ကျေးရွာတွေကို အောက်တိုဘာ ၁၉ ရက်မှ ၂၈ ရက်အထိ စစ်ကြောင်းထိုးပြီး နေအိမ်တွေမှ လက်ဝတ်ရတနာ၊ ပိုက်ဆံနဲ့ ဖုန်းတွေကို အဓမ္မလုယူရုံတင်မက ဝတ်ဆင်ထားတဲ့ နားကပ်တွေကိုပါ ချွတ်ယူသွားခဲ့တယ်လို့ လင်းယုန်ညီနောင်ပြောက်ကျားတပ်ဖွဲ့က ထုတ်ပြန်ထားတာပါ။

ငါးထပ်ကြီးဘုရား အနောက်ဘက် ကျေးရွာတွေကို အောက်တိုဘာ ၁၉ နဲ့ ၂၀ ရက်မှာ လေကြောင်းမှလည်း ၁၀ ကြိမ်ထက်မနည်း ဗုံးကြဲတိုက်ခိုက်ခဲ့တာကြောင့် စေတီပုထိုးတွေနဲ့ နေအိမ် ၃ လုံး ပျက်စီးခဲ့ပြီး နွားအချို့ သေဆုံးခဲ့တယ်လို့ ဖော်ပြထားပါတယ်။

လက်ရှိမှာလည်း စစ်တပ်စစ်ကြောင်းက အနောက်တာကျေးရွာဘက်ရှိ နေအိမ်တွေမှာ အိမ်ထောင်စု တစုကို ၃၀၀၀၀ ကျပ်နှုန်းနဲ့ အဓမ္မ ဆက်ကြေးကောက်ယူလျက်ရှိတဲ့အပြင် ရွာသစ်ကြီး အ‌နောက်ဘက်ခြမ်းရှိ ကျေးရွာ ၁ ရွာကိုလည်း ရွာလုံးကျွတ်မီးရှို့ဖျက်ဆီးခဲ့တယ်လို့ သတင်းရရှိပါတယ်။

Photo | အရှင်ဖမ်းမိတဲ့ စစ်တပ် ဗိုလ်မှူးကြီးနှင့် ခင်ဦးမြို့နယ် ကျေးရွာတရွာ စစ်တပ်မီးရှို့မှု(ပုံဟောင်း)

©The Voice of Spring
#thevoiceofspring
#WhatsHappeningInMyanmar
#RejectMilitaryCoup

✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼️စစ်တွေစစ်မျက်နှာမှာ အရေးနိမ့်လာတဲ့စစ်တပ်က ရှုံးမဲမဲပြီး ဒေသခံငါးဖမ်းသမားတွေကိုပါ စက်သေနတ်နဲ့ပစ်သတ်

၂၉ အောက်တိုဘာ ||| နွေဦးအသံ |||

ရခိုင်ပြည်နယ်၊ စစ်တွေမြို့နယ်မှာ ဒေသခံ ငါးဖမ်းသမားတွေကို စစ်ရေးရှုံးနိမ့်နေတဲ့ အကြမ်းဖက်စစ်တပ်က အောက်တိုဘာ ၂၄ ရက်၊ ညနေပိုင်းမှာ ပစ်ခတ်သတ်ဖြတ်ပြီး ငါးဖမ်း စက်လှေကိုလည်း ယူဆောင်သွားတယ်လို့ ဒေသသတင်းရင်းမြစ်တွေထံမှ သိရပါတယ်။

ကုလားတန်မြစ်ဝ အလယ်မှာ ပေါက်တောမြို့နယ်၊ အနောက်ရဲ IDP စခန်းမှ စက်လှေနဲ့ ငါးဖမ်းဖို့ ထွက်လာတဲ့ ဒေသခံ ၄ ဦးကို ညနေ ၄ နာရီခန့်မှာ စစ်ကောင်စီရေတပ်ရဲ့ Speed boat တစီးက စက်သေနတ်နဲ့ ပစ်ခတ်ခဲ့တယ်လို့ ဒေသခံ သတင်းရင်းမြစ်တွေက ဖော်ပြထားတာပါ။

စက်လှေပေါ်ပါလာတဲ့ ငါးဖမ်းသမားတွေကို စစ်ကောင်စီတပ်က ရက်ရက်စက်စက် ပစ်ခတ် သတ်ဖြတ်ခဲ့ပြီး တချို့က ရေထဲ ခုန်ဆင်း ထွက်ပြေးခဲ့ကြပေမယ့် အလွတ်မပေးဘဲ တယောက်မကျန် ပစ်ခတ်သတ်ဖြတ်ခဲ့တဲ့အပြင် စက်လှေကိုလည်း စစ်တွေမြို့ဘက်ကို ယူဆောင် ထွက်ခွာသွားခဲ့တယ်လို့ ဆိုပါတယ်။

စစ်ရေး မပြင်းထန်သေးတဲ့ ကာလတွေမှာ စစ်တပ်က ငါးဖမ်းသမားတွေထံမှ ငွေကြေးရယူပြီး စက်လှေတွေကို ငါးဖမ်းခွင့်ပြုထားသော်လည်း စစ်ရေးပြင်းထန်ပြီး အဘက်ဘက်မှ ရှုံးနိမ့်နေတဲ့ လက်ရှိအချိန်မှာတော့ သူတို့ခွင့်ပြုထားတဲ့ ငါးဖမ်းစက်လှေတွေကို သူတို့ကိုယ်တိုင် စက်သေနတ်တွေနဲ့ လိုက်လံပစ်ခတ်သတ်ဖြတ်လျက်ရှိတယ်လို့ သတင်းရရှိပါတယ်။

Video | Narinjara

©The Voice of Spring
#thevoiceofspring
#WhatsHappeningInMyanmar
#RejectMilitaryCoup

✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။