Qahramonlar kerak emas

Jamoangizda shunday dasturchi bormi: boshqalarga nisbatan ancha ko'p ish bajaradi, jamoa belgilangan muddatgacha ishlarni tugatishga qiynalayotgan bo'lsa, shu odam ishdan keyin ham ishlab, vaqtida tugatishga katta sababchi bo'ladi, boshqalar haftalab qiladigan ishni bir o'zi 1-2 kunda qila oladi. Boshqacharoq qilib aytganda, jamoadagi haqiqiy qahramon, "o't-o'chiruvchi". Balki o'zingiz o'sha qahramondirsiz.

Shunday bo'lsa, bu jamoa uchun aslida zarar!

Nega?

● Shunday qahramonlarga ega jamoada bir-ikki kishiga qaramlilik shakllanadi. Qahramon ketib qolsa, yoki shunchaki ta'tilga chiqsa, jamoa qiyin ahvolda qolishi mumkin. Qahramonning o'zi uchun ham zarar – bemalol dam olmaydi, ko'p bezovta qilinadi.
● Boshqalarda o'sish sekinlashadi. Eng muhim ishlarni doim bir xil dasturchilarga berilsa, qolganlarga oson va uncha muhim bo'lmagan vazifalar yuklanadi. Natijada shundaylar yetarlicha qiyinchilikka duch kelmaydi va o'sishdan to'xtab qoladi.

Xo'sh, nima qilish kerak?

Agar siz:
● o'sha qahramon bo'lsangiz, qahramonlik qilishni to'xtating. Jamoadagi muammolar yuzaga chiqishiga qo'yib bering. Ushbu muammolar sistematik ravishda hal qilinishi kerak. "Juniorga bersak, 1 hafta vaqt oladi, o'zim bu ishni 1 kunda qila olaman" kabi fikrlar bo'lmasligi kerak. Aksincha, qolganlarga yordam bering.
● menejer bo'lsangiz, faqat bir-ikki kishiga eng muhim vazifalarni topshirmang. Jamoaning har bir a'zosiga ishonish kerak. Agar kimdir bir vazifani sekin bajaradigan bo'lsa, qo'yib bering, mayli sekinroq qilsin. Qiynalsa, yordam berish va yo'nalish ko'rsatish kerak. Keyingi safar shunga o'xshash ishni tezroq bajaradi. Balki muammo umuman boshqadir – ko'proq ishchi olish kerakdir.
● chetda qolib ketayotgan dasturchi bo'lsangiz, unda muhimroq vazifalarni so'rashga qo'rqmang. Odatda eng katta o'sish qiyin ishlarni bajarayotganingizda bo'ladi.

Har doim jamoa bir muhim ishni tugatganidan keyin barcha jamoa a'zolari majlis ("retrospective") tashkillashtirib, to'g'ri va xato qilingan ishlarni muhokama qilish kerak: nima xato bo'ldi va keyingi safar uni qanday oldini olsa bo'ladi.

Albatta, har qanday jamoada ba'zan kimdir qahramonlik ko'rsatishiga to'g'ri kelib qolishi mumkin. Lekin bu takroriy tarzda qilinmasligi va faqat bitta odam qilavermasligi lozim.

Qahramonlar kerak emas!

@muhammadjohns

Berlinga bo’lgan tashrifimdan foydalangan xolda Jahongir aka bilan bir choy ustida podcast oldik 🥂

Quyidagi mavzularni yoritdik:
— Kiki
— Germaniya xayoti: plyus va minuslar
— Amazon vs Google
— Rust va scalability
— Shaxsiy loyihalar
— Layofflar va hozirgi IT ish bozori

https://www.youtube.com/watch?v=VVlTWHM0UdQ

“Boyib ketsam umuman ishlamayman, mazza qilib yotaman”

Men tanigan muvaffaqiyatli insonlar muvaffaqiyatga o’zlarini tirishqoqliklari va mehnatkashliklari orqali erishganlar. Ko’p holatlarda bu tirishqoqlik va mehnatkashlik orqasida yaxshiroq hayotga bo’lgan ehtiyoj yotadi. Ular ham bir paytlar “oyoqqa turib ketsam umuman ishlamayman, dadam ham onam ham ortiqcha ishlashmaydi, mazza qilib yashaymiz” degan qattiq maqsadni o’z oldilariga qo’yishgan.

Bu juda yaxshi maqsad — har birimiz ham yaxshiroq hayotga intilib yashashimiz kerak. Lekin, boyib ketsam umuman ishlamayman deganlar sal kalta o’ylashadi. Keling shu yerda #storytime qilamiz.

2014-yil. Toshkentga o’qishga keldim. Menda ham yaxshiroq hayotga ehtiyoj katta. Omadim kelib dasturlash soxasi oyog’im ostidan chiqdi. Dasturlashni astoydil oldim, internship qildim, ishladim, o’z ustimda ishlashni to’xtatmadim va 2-3 yilda oilamni moliyaviy taminlay oladigan xolatga chiqdim. Dadamga mag’rurlik bilan “bo’ldi ishlamasangiz bo’ladi, men o’zim hammani taminlayman, ishingiz bergan oylik qilayotgan mehnatingizga arzimaydi” dedim. Lekin dadam ishlarini to’xtatmadilar. Boshida hayron qoldim, lekin keyinroq sababini tushunib oldim.

Hop, nega dadam moliyaviy muhtojlik bo’lmasada ishlashni to’xtatmadilar? Qisqa javob — hayot mazmuni. Sizga yoqadimi yoqmaydimi, kunlik ishimiz (kollegalar, qizg’in suxbatlar, muammolar, unga yechimlar, va hattoki ishdagi dramalar ham) bizning hayotimizga katta mazmun beradi. Mazmunsiz esa hayot bo’lmaydi.

Huddi shu sababli ham puli 10ta avlodiga yetadigan milliarderlar ham har kuni ertalab turib ishga boradi va o’z oldiga qo’ygan buyuk maqsadlari sari ishlashadi. Chunki shu ish ularning hayotiga mazmun beradi. Hayotga mazmun beradigan boshqa narsalar ham albatta bor (oila, do’stlar, hobby, sport, va hkz), lekin ko’pchiligimiz uchun ishning o’rni sezilarlicha katta.

E’tiboringiz uchun raxmat, hayotingiz mazmunli bo’lsin!

Googleda ishlaydiganlarni Googler va ularning itlarini Doogler deyishlarini bilsangiz kerak.

Dooglerlarga ham Google tomonidan badge berilishini bilarmidingiz?

Aytishlaricha Dooglerlar badge olishi uchun ular birinchi Software Engineer, Pet Project positsiyasiga topshirishlari kerak. Keyin algoritmik va Doogleyness interviewlaridan o'tishlari kerak.

Rasmdagi it bir hamkasbimga tegishli va uning ismi Shafi (badgeda yozilgan, rasmda ko'rinmayapti). Hamkasbim aytishicha Shafi 300tacha leetcode masala ishlab qo'ygan ekan 😱

Keyingi podcastimiz Diyorbek Sadullaev bilan bo'ldi. Diyorbek hozirda Polshaning Varshava shaxrida yashaydilar va Pinterest kompaniyasida Software Engineer bo'lib ishlaydilar.

Ular bilan qilgan quyidagi mavzularni gaplashdik:
— Polshada o'qish va ishlash
— Pinterest diplom so'radimi?
— Polshaning yaxshi & yomon tomonlari
— Super Dispatchda ishlash
— Super Dispatch "mafiasi"
— Super Dispatch interview jarayoni
— Super Dispatch productlari
— Frontendga bo'lgan qiziqish
— React vs Angular
— Pinterest va Design System
— Pinterest interview jarayoni
— Pinterestga referral berasizmi?

https://youtu.be/skK03D2lzSM

Googleda yana bir o'zbek 🥳🥳🥳

uooglers++ //uzbek googlers
mooglers++ //munich googlers

Rustam Zokirov O'zbekistondan turib Google offer olgan (men bilgan) birinchi bo'ldi 💪😎

https://t.me/cracking_maang/719?single

It ain’t much but honest work 🥲

Tree data strukturasi esga tushib ketdi. Sundar root node bo’lsa meni topish uchun algoritm quydagicha bo'lar ekan ⬆️

Bu algoritm bilan Googleda meni topish sekin bo’lyapti ekan. Kim yanada optimal algoritm bera oladi?

Men sizni eshitdim, endi siz ham meni (yaxshi) eshitasiz 😎

Komentlarni o'qib vanihoyat mikrofon sotib oldim: Rode Wireless Go II

Juda xursandman va umid qilaman u bilan qiziqarli, foydali, va zo'r videolar olaman. Shunday videolardan birinchisi mana shu video bo'ladi. Uni birinchi yarimi mikrofonsiz (kameraning built-in mikrofoni) va qolgan yarimi mikrofon bilan olingan. Farqiga e'tibor bering:

0:00 Mikrofonsiz
8:16 Mikrofon bilan

Under promise, over deliver

Student vaqtimda ovqatni tuzini sho'r qilib qo'yardim. Har safar taxmin qilgan miqdorim ovqat uchun ko'p bo'lib chiqardi. Keyinchalik o'zimga qoida qilib olgandim: men to'g'ri deb bilgan tuz miqdorini qo'limga olardim va teng yarmini ovqatga solardim. Muammoni shunday hal qilganman.

Hozir oshpaz bo'lib ishlamasamda, o'ylab ko'rsam shu strategiyani karyeramdagi hozirda duch kelgan muhim bir muammoni hal qilish uchun ishlatsam bo'lar ekan. Bu muammo — work estimation.

Men 2024-yilning 2-choragi (Aprel, May, Iyun) uchun bir qancha ish rejalashtirgan edim. Mana chorakning bir oyi qoldi va ko'rinib turibdiki men aslida belgilagan ishimning yarimini qila olar ekanman (agar chiransam). Ovqatga tuz solish strategiyasidan foydalanganimda hozir xolat boshqacha bo'lar edi.

Huddi ovqat pishirishda tuzi kam bo'lsa unga ko'proq tuz qo'shsangiz bo'lgani kabi kam ish rejalashtirgan bo'lib chiqsangiz qo'shimcha ish olsangiz bo'ladi.

Albatta ko’p ish rejalashtirib kam ish qilganim uchun meni ishdan haydashmaydi yoki oyligimni kamaytirishmaydi (work estimationda hamma ham xato qiladi). Lekin ish miqdorini kamroq qo'ysam:
— proyektga eng muhim bo’lgam ishlarni tanlashimga to'g'ri keladi
— eng muhim ishlarni qilib katta impact olib kelgan bo'laman (20/80 rule)
— men boshqa odamlar ko'zida hamma ishni tugatgan bo'laman
— bo'sh vaqtim qolsa, qo’shimcha ish qilib over deliver qilgan bo’laman
— yoki boshqalarga yordam berib team player bo’lib ko’rinaman
— yaxshi performance review olaman
— o’zimdan mag’rur bo’laman va keyingi kvartal uchun shijoatim oshadi
— ish-xayot balansini yaxshi ushlay olaman
— proyektimga oid yangi narsalar o’rgangani vaqtim bo’ladi
— va bu yerda postlar yozib turgani energiyam ham qolar ekan

Qiladigan ish juda ko’p, hammasi tengday muhim, va kamroq ish plan qilishni iloji yo’q deyishingiz mumkin. Tushinarli xolat, hozirda meni komandamda ham shu axvol. Lekin yaxshilab… yaaaaaxshilab o’ylab ko’rsak… qilinishi kerak bo’lgan ishlarni bir biriga solishtirib ko’rsak va kompaniya/proyekt uchun muhim bo’lgan savollarni o’zimizdan so’rasak, albatta ular orasidan eng muhimlarini topamiz.

There is saying… if everything is important, then nothing is.

Yangilik 🆕

Endi siz mendan resume review va consulting session xizmatlarini sotib olishingiz mumkin. Oldin bu uchun vaqtim bo’lmas edi, endi vaqt ajrata olaman deb umid qilaman 🙂

Resume review: https://forms.gle/2quujLYRvdqdqZaJ6
Consulting session: https://forms.gle/4jqGbLovrTWrCzLR7

Update:

Bayram kuni munosabati bilan ilk resume yubormoqchi bo'lgan insonga bonus qilib bering.

Bayram o'tib ketdi, lekin keyingi 24 soatda topshirganlar uch 20% discount qilib beraman.

Hardware xonamizda har xil test devicelar turadi va ko’pini Ok Google bilan uyg’otish mumkin. Shunga kimdir Ok Google demanglar deb yozib qo’ygan ekan… buyog’i The office bo’lib ketdi 😁