‏« شرق نورك ونورك شمس ما يحجب سناها كف
‏وعلى وجه الصباح العذب .. هبّت لي ذعاذيعك »

‏والله انك اجمل من اللي تلفت واستدار
‏واجمل من اللي عقول العرب متخيّله
‏ ❤️

‏« عيوفٍ مايملا عينها إلا أبلجٍ مدهوش
‏يحط القمر و الشمس في راحت يديها » ‏

‏"خذني من الزمان ومن دواعي جهاده
‏أنت قلبك يمون و خطوتي لك جريّه "

‏أنا يا رب ما أدري وش اللي ينكتب بالغيب
‏ولكن رحمتك .. أكبر من اللي فيه أنا داري

‏« يا مربى الصبا واغلى العمر واعذب الاسباب
‏ما ملّت خطاوييّ على كثر — ما ارتادك

‏اوقّف على اطلالك مثل وقفة المرتاب
‏لا فكّرة في قربك و فكّرة فـ ابعادك

‏ما سولفت فيك الا على الغيم والمرقاب
‏اخاف الزمن لا يخطفك عقب ما جادك »

" غيرك يبي لبيه منّي واعتمد مالك لوى
‏ لبيه من دونك ليا غبتي تموت جذورها "

صبحهم وربحهم💕

كيف اصبحتو؟

«قنوع بـ كل شي إلا .. في تقديري لذاتي
‏ما تليق فيني الهوامش وانا عنوان واضح»

من باب استعذاب السوالف المتكررّه من المحبوب :

" لا جاب له سالفه عندي خبر فيها
قلت ابك هذي متى ماني ب خابرها؟ "
- حزمي بن سعد


" اتحلوى اللي يكررها وهو ما يدري
كني اول مرّه اسمعها وانا خابرها "

" وطن ما أخترت أنا أكون المواطن أو تكون الدار
‏رمت بـ أهلي مقادير الحياة وجيت في ربوعك "

« كان عمري قبل يوم اللقاء عشرين عام
و من لقيتك صار لقياك .. ساعة مولدي »

« لا تعلقني على أمل نجوم - سارياات
أبقى على قول البدو لولا الأمل مات الفقير »
-ضيدان بن قضعان

" من عذاب الذكريات أحتاج لي صبر وعزيمه
ليت دون الذكريات القاسيه عازل حراري

من فقد غالي وطعون المفارق في صميمه
يبتلش في حالته حتى الطبيب الأستشاري "

« ترا الله اللي حط لك ذاك الغلا والمنزله
وإلا الهوى لا ورث أبوي ولا ذخرته لولدي »

« واخذ من أيامي لك أيام واعطيك
وان راح عمري لك فلا هو خساير »

« أنت الطريق وأنت الصديق
- وأنت الجهات وكل النظر -
سخي الموده ..حلوُ الطباع .. حبيبُ الفؤادَ »