« من عرفتك سابقٍ خيرك قبل ما اوصلّك
وفاتحٍ بيبانك وصدرك مشرّع كلّه

البقى في وجهك وفي مرحباك وكلّك
لين ما يبقى على الدنيا سوى وجه الله »

"معك كل الليالي فارقه حتى ليال السبت
لو اني قبل اعرفك كنت واحد ما يدانيها "

« مع غيرك أفتح وأنهي الموضوع
ومعك أتركه شايك و متشعّب »
-سلطان الشاماني

«أحبّك وأختلي في جفن عينك والحقوق كثار
معاك أعذب مسافات الهوى وأحلى مشاويري»

«أنا يا رب لو كانت حظوظي في حياتي قلّ
‏عزاي إنك لطيف و كل شيٍ موكلك أمره»

«بعد ليلٍ سدوله مثل لون العباة
‏يالله بصبحٍ أبيض مثل وجه الرفيق»

"لو إنك بحر يا ملح الحياة و جيت لك مجروح
‏حضنت الموج ما كنّ الغريق يدور المرسى"

" لو أجنب عن غرامك وش يجنبني طيوفك
وأنت شيء وين ما لديت وجهي له / بقايّا "

"غريبة كيف أمرّ بـْ مجرياتك يا حبيبي ضيف؟
‏عقب ماني مْعزّب عينك النجلاء، وضحكتها"

"اشوف بوارف اهدابك ضياع وعاشقٍ رحّال
‏قضى عمره يدوّر في غياهب رمشك، المنفى"

‏"أبد ما كنّ به غيرك على وجه البلاد إنسان
‏وعليك الروح توله والنوايا معك منشدّه"

« بكره تعلمك سود الليالي .. يامضيع قمرها »

« انت في ضحكة شفاياك ميلاد الشروق
اضحك وسود الليالي وتموت بغلها »

‏«المحبّة عادها لك فـ الخفوق مقيّمة
‏وعادك أغلى من يسير ومن دخل بفؤادي»

« انت حبك كنه اسمي وامتداد اسلافي
السنين تمر ماتقدر عليه تهدمه »

حتى لو حالت بيننا كل هذه الفجوات بردد مع
حامد زيد .. اي بالله افرح لك و لو كلي جروح

‏"تمرين المكان وتتركين الكل بك مذهول / لقاك المشهد اللي ما تملّ العين تكراره"
❤️

ماعمره حسني بالكلمه اللي حدّها جرّاح
يعرف ان كل كلمه من لسانه تاصل أعماقي