" يوم اعدك عن لهيب القوايل ظل دوح
لا تعود غصن راكِ من السافي نوى "

" أحبه حب البدو لآخر الصيف
لا لاح نجم سهيل وأقبل براده "

«أحبّك والعمر صبره سجين وسطوته سجّان
مع غيرك حدودي ثابتات ، ومعك متمادي »

"عسى صبح الوضوح ليا سرى ليل الغموض وتاه
‏يجي مثل الضرير الّي يمد الشوف بيدينه"

‏« أنا وشلون أحب و كل عرقٍ من عروقي جاك
‏ مسيّر لك غرام و منفلت حبله من ايديني »

« استعذت من الدروب اللي نهايتها حسافة
قبل ترميني ملذّات الزمن في جوف غبة »

" أجيك و الضيق فيني مكتسح عرض طول
‏و أرجع و أنا مبتسم فاهق همومي وراي "

عسانا ما نخلا من اخوان مريم🥹🤍🥹🤍🥹🤍🤍🤍

‏« ‏على الأرض مالك ند يالناعم الحسّاس
‏أنا بس أشوف ان الكواكب هي أندادك »

" يوم أسولف معك وأجاذب أطراف الحوار
والله ان صدري، مخبّي لك الشي الكثير "

" لا بد شمس الامل تشرق من جديد
وتجدد ما اندفن ليلة اشراقها "

المؤمن ما يموت وله رب مجيد
يستحي منه ليا رفع ايديه وقام ليله باركانها

« على كثر ماحولي من الناس ؟ أنت الروح
وأشوف إن ما غيرك من الناس يصلح لي »

« شرواي ما يرضى يكون إنه على مفرق طريق
إمّا .. تخليني على المشراف والا خلني »

اللّه يرزقنا السعه والإنشراح اللّي يخلينا
نقول مثل ما قال الشاعر :

" من السّلام الداخلي عشت مرتاح
حتى عصافير الضحى صادقتني "

" عسى السعوديات من زود في زود
وضحٍ يفوقن الوضح بالمزايا "

أداريك عن ضيقك و أحنّك من أدنى شي
وأنا ما أتلفت لـ الخواطر وأداريها

‏يا أجمل من تراحيب المعزّب في عيون الضيف
‏يا أرق من الحنين بذاكرة عشق طواه الياس