لاترجي الفزعة من الناس لو تحتاج
‏عباد اللـه اتركها.. ورب العبـاد ارجه
‏.
‏ياكم كربةٍ تمسي ولاهي بحول افراج
‏وربك يريد وتصبح ..الصبح منفرجه
‏.
‏ولاكل حلو لسان .قرم وطليق حجاج
‏ولاكل صامت خبل ما يقطع الفرجة
‏.
‏يا كثر الرجال وكل ..منهم وله منهاج
‏وما كل الرجال رجال فالحزة الحرجة

‏انا حالفٍ ماجوز من جرّة الطاروق
‏ولا اخلي المشراف مادمت بحتاله

‏ولا اشقى مع الشاقي ولا اخاوي المطفوق
‏ولا اجر حبلٍ مابعد قست محّالـه .

‏مايطاول روسنا كود نسناس الهبوب
‏كنّ ثوب العز ربي علينا فصله
‏ٰ
‏لابغيت العز منتب على الذل مغصوب
‏المكان اللي يناسب مقامك ادهله .

‏نسج القدم فالارض نسلى مع السالين
‏والايام تمضيي والمقادير مكتوبه .

‏مادامك أخفّ حمل أزريت لا تنقله
‏الحمل خله لنا و أنت أنقل علومنا .

ييوم الزمـن حطنا من بين نيبانه
دهم المصايب توطينا جلامدها .

‏لولا الرجا في الكريم اللي يغيث الضعوف
‏ماتت هقـاوي بعض الأجواد فنحورهـااا .

‏إذا ما يقود الرجل مبدا و سلم و دين
‏حياته على وجه البسيطة مثل موته .

عسانا في عيون الأجواد وافين المقام
‏ما نصير اللي تساااوى حضوره وعدمه .

‏أصَبر وأتصبر وأقول يالله السلوان
‏على دنيا قد الخاطر عايف باقيها .

- عسانا نموت ولا نشوف المذله شوف
ولا نشكي الحاجه ولا نسمع المنّه

ومن يسوي المعروف ويمّن بالمعروف
مثل من يكب الفرض ويسوي السنه .

‏لا تشتكي للناس لو ضامك الضيم
‏ولا ترتجي مخلوق يعطيك حاجه .

جعلنا من اللي كل ماشافو الدنيا تميل
‏استعانو بالصبر و استعانو بالصلاه .

‏جعلنا لا من تردا الوقت واعلن خوفه
‏ما تقلطنا الظروف الا على شروانا .

‏على النقا و الوفا و العز و الله كريم
‏تعيش وتموت نفس الذرب في عزّها .

ماعاد به ما يشدّ النفس ويهيضها
‏والنفس صلفه وتاركها على فالها .

عسى طيبنا يلقاه من يستحق الطيب
‏وعسى صيتنا بين المطاليق فـ القمه .

‏ما دام الدّهر يومين والفانيه دنياي
‏حرام عليّ أسامر الهم وأرقب له .

ضروفنا العوج تعطينا على الصالي
وصدوف الآيام ما تخطي بنادقها .

‏على النقا و البياض وصافي النيَه
‏نعامل الناس صادقها وحاقدها .