Yoʻl harakati xavfsizligini taʼminlash boʻyicha "deputat soʻrovi" ijobiy yechim topdi.

Xalq deputatlari Xonobod shahar Kengashi deputati Asqar Abduvaliyev tomonidan fuqarolar murojaati asosida yoʻllangan deputat soʻrovi yuzasidan amaliy ishlar boshlandi.
Aholi va haydovchilar tomonidan M-41 avtomobil yoʻlining Navoiy MFY, “Kelajak ovozi” 1-, 2- va 3-koʻchalaridan oʻtgan qismida yoʻl harakati xavfsizligi bilan bogʻliq muammo yuzasidan murojaat kelib tushgan edi. Joyiga chiqib oʻrganilganda, yoʻl oʻrtasidagi ajratuvchi tasmasiga ekilgan archa daraxtlari oʻsib, piyodalar va haydovchilarning koʻrish imkoniyatini cheklab qoʻyayotgani hamda yoʻl-transport hodisalari xavfini oshirayotgani aniqlandi.
Ushbu masalani hal etish maqsadida deputat tomonidan shahar hokimining oʻrinbosari M. Musayev nomiga tegishli deputat soʻrovi yuborildi.
Soʻrov va murojaat natijasida masʼul Obodonlashtirish xizmati xodimlari tomonidan amaliy ishlar koʻlamli tarzda boshlab yuborildi. Hozirda hududdagi archa daraxtlarining pastki qismida shoxlari kesilib (butalanib), yoʻlovchilar hamda haydovchilar uchun koʻrish darajasini yaxshilaydigan qulay shaklga keltirilmoqda.

Oʻtkazilayotgan ushbu obodonlashtirish ishlari natijasida piyodalar oʻtish joylarida xavfsizlik taʼminlanib, yoʻl harakati qatnashchilari uchun qulay muhit yaratilmoqda.

Bizning sahifalarimiz:

Web | Telegram | Instagram

Витебск вилояти Городок туманида йирик чорвачилик мажмуаси барпо этилади

Хабарингиз бор, айни кунларда Андижон вилояти ҳокими Шуҳратбек Абдураҳмонов бошчилигидаги делегация Беларусь Республикасининг Витебск вилоятида амалий ташриф билан бўлиб турибди. Ташриф доирасида Андижон сармоядорлари ташаббуси билан янги қишлоқ хўжалиги корхонасини ташкил этиш лойиҳасига старт берилди.

Городок туманидаги Клюшово қишлоғида барпо этиладиган замонавий чорвачилик ва бўрдоқичилик мажмуаси 4 минг бош қорамолни парваришлаш ҳамда гўшт етиштиришга ихтисослаштирилади. Агрокластер шаклида амалга ошириладиган лойиҳа доирасида ишлаб чиқариш инфратузилмаси билан бир қаторда турар жойлар мажмуасини ҳам ташкил этиш кўзда тутилган.

Қурилиш ишларининг бошланишига бағишланган маросимда Андижон вилояти ҳокими Шуҳратбек Абдураҳмонов, Ўзбекистон Республикасининг Беларусь Республикасидаги Фавқулодда ва Мухтор Элчиси Нуриддин Мамажонов ҳамда Витебск вилояти ижроия қўмитаси раиси Александр Рогожник иштирок этдилар. Тадбир давомида лойиҳанинг амалга оширилишини ифодаловчи рамзий капсула жойлаштирилди.
Маросим якунида икки халқ ўртасидаги дўстлик ва ҳамкорлик рамзи сифатида қизил баргли дуб кўчатлари экилди.

Мазкур лойиҳа Ўзбекистон ва Беларусь ўртасидаги иқтисодий ҳамкорликни кенгайтириш, қишлоқ хўжалиги соҳасида ўзаро тажриба алмашиш ва сармоявий алоқаларни ривожлантиришга қаратилган муҳим ташаббуслардан бири ҳисобланади.

Andijan.uz|Facebook|Instagram|Youtube|X

Oʻzbekiston Respublikasi Prezidenti Shavkat Mirziyoyev Osiyo futbol konfederatsiyasi prezidenti Shayx Salmon bin Ibrohim Al Xalifani qabul qildi.
—
Президент Республики Узбекистан Шавкат Мирзиёев принял президента Азиатской конфедерации футбола Шейха Салмана бин Ибрахима Аль Халифу.

#Mirziyoyev #qabul #OFK #hamkorlik

Prezident.uz|Facebook|Instagram|YouTube|X

«Дажынки»: меҳнатга эҳтиром, дўстлик ва ҳамкорлик тантанаси

Беларусь Республикасининг Витебск вилоятида анъанавий «Дажынки» — ҳосил байрами бўлиб ўтди. Унда Андижон вилояти ҳокими Шуҳратбек Абдураҳмонов бошчилигидаги делегация ҳам иштирок этди.

Ҳосил йиғим-терими якунларига бағишланган мазкур байрам деҳқон ва фермерларнинг фидокорона меҳнатини қадрлаш, қишлоқ хўжалигида эришилган ютуқларни намоён этишга қаратилгани билан аҳамиятлидир.

Тадбир доирасида Беларусь қишлоқ хўжалигининг салоҳияти, замонавий агротехнологиялар ҳамда ҳудудларнинг иқтисодий имкониятлари намойиш этилди. Байрам меҳнат аҳлига эҳтиром, миллий анъаналар ва ҳамжиҳатликни ўзида мужассам этди.

Андижон вилояти делегациясининг байрамдаги иштироки ҳудудлараро муносабатларни мустаҳкамлаш, ўзаро тажриба алмашиш ва ҳамкорлик имкониятларини кенгайтириш нуқтаи назаридан ҳам муҳим аҳамият касб этади. Қишлоқ хўжалиги, саноат, инвестиция ва тадбиркорлик соҳалари бу борада истиқболли йўналишлар ҳисобланади.

Бундай мулоқот ва ташрифларнинг қадри — уларнинг аниқ ташаббусларга, манфаатли лойиҳаларга ва халқларимиз ўртасидаги дўстликни мустаҳкамлайдиган амалий ҳамкорликка замин яратишидадир.

Andijan.uz|Facebook|Instagram|Youtube|X