Davlatimiz rahbari Samarqandga tashrifi davomida Imom Moturidiy yodgorlik majmuasida amalga oshirilgan bunyodkorlik ishlari bilan tanishdi.
—
В ходе поездки в Самарканд глава нашего государства ознакомился с созидательной работой, проведенной в мемориальном комплексе Имама Матуриди.

#Mirziyoyev #safar #Samarqand #bunyodkorlik

Prezident.uz|Facebook|Instagram|YouTube|X

Андижон ва Беларусь ўртасида касбий таълим соҳасида ҳамкорлик кенгаймоқда

Андижон вилояти касбий таълим бошқармаси ҳамда Беларусь Республикасининг Витебск вилояти масъуллари ўртасида ўзаро ҳамкорликни ривожлантириш бўйича муҳим келишувга эришилди.

Мазкур келишувга мувофиқ, Андижон вилоятидаги техникумларда таҳсил олаётган ўқувчи-ёшлар учун Витебск вилоятидаги етакчи таълим муассасаларида ўқиш, замонавий ишлаб чиқариш корхоналарида амалиёт ўташ ҳамда халқаро тажриба орттириш имкониятлари яратилади.

Ҳамкорлик доирасида асосий эътибор ўқувчиларнинг касбий билим ва кўникмаларини ошириш, дуал таълим тизимини ривожлантириш, хорижнинг илғор тажрибаларини ўзлаштириш ҳамда меҳнат бозори талабларига жавоб берадиган рақобатбардош мутахассислар тайёрлашга қаратилади.

Ушбу келишув андижонлик ёшлар учун халқаро таълим ва амалий тажриба майдонини кенгайтириб, уларнинг келажакда ўз соҳасининг етук мутахассислари бўлиб етишишига хизмат қилади.

Andijan.uz|Facebook|Instagram|Youtube|X

«Андижон – туркий дунёнинг маданият пойтахти» мақоми доирасида V Туркий дунё музейлари учрашуви ҳамда ТУРКСОЙ Музейлар уюшмасининг навбатдаги йиғилиши бўлиб ўтмоқда.

Мазкур халқаро тадбир доирасида дастлаб Андижоннинг бой маданияти ва миллий ҳунармандчилик анъаналарини акс эттирувчи кенг қамровли кўргазма намойиш этилди. Кўргазманинг махсус бўлимидан ўрин олган туркий халқларнинг миллий бош кийимлари экспозицияси иштирокчиларда алоҳида қизиқиш уйғотди.

Учрашув доирасида соҳада эришилган ютуқларни муносиб эътироф этиш мақсадида «Йилнинг энг яхши музейи» мукофотини тантанали топшириш маросими ўтказилди. Нуфузли мукофот билан қуйидаги маданий мерос масканлари тақдирланди:

1. Давлат геология музейи;
2. Андижон вилояти тарихи ва маданияти давлат музейи;
3. Наманган вилояти тарихи ва маданияти давлат музейи;
4. Фарғона вилояти тарихи ва маданияти давлат музейи;
5. «Қўқон» давлат музей-қўриқхонаси;
6. Ўзбекистон амалий санъат ва ҳунармандчилик тарихи давлат музейи;
7. Олимпия шон-шуҳрати музейи;
8. «Самарқанд» давлат музей-қўриқхонаси;
9. «Бухоро» давлат музей-қўриқхонаси;
10. Қорақалпоғистон Республикаси тарихи ва маданияти давлат музейи.

Мазкур халқаро учрашув туркий халқларнинг бой тарихий мероси, миллий қадриятлари ва маданий анъаналарини ўрганиш, асраб-авайлаш ҳамда келажак авлодларга етказиш йўлидаги муҳим илмий-маданий мулоқот майдони вазифасини ўтади.

Айни пайтда дастур доирасидаги анжуманлар давом этмоқда.

Andijan.uz|Facebook|Instagram|Youtube|X