من العايدين وكل عام وغلاك يزود
‏عسى الله يعوده وانت عادك على خبري

‏ليال الغلا اللي ،، كنها نفحة الكنبود
‏اوقف على تذكارها وقفت العبري

‏على شوفكم تومي بـ قلبي هبوب النود
‏ولا اقفيت منكم كني احدا على قبري

‏هذا شطرٍ استشهدتبه والعباد شهود
‏لو اني مع اهل الشعر ماينقصر شبري

‏طقوس الغرام الماضيه ياغضيض العود
‏هي اسباب كسر فالحياه وسبب جبري

‏دخيل العيون الحور والخمري المرجود
‏والمتهايق الملقوف ، والناحل المبري

‏ترفق علي وارفق على قلبي المضهود
‏قبل لا تغارب نهجي وينتهي صبري

‏انا ادرى مشاريه الرياجيل والمنقود
‏ولا ودي ، ارخص كبر قدري ، وذا كبري )؛

يابحر جيتك على غير ميعاد
‏ شفتك وزال الهم بـ اطراف موجك..

‏من كثر ماتعبني شعور انك تروح
‏ ماعاد يسعدني شعور انك تجي .

حبيت يوم الحب في أحلى لياليه
‏وقفيت يوم الحب قفّى زمانه

‏ماعاد لذّات أوله ،،، مثل تاليه
‏اما انتهى بفراق ،،، ولا خيانه .

بديت آشوف التفاصيل بشكل سلبي ،
‏الى متى واغلب اوجاعي من اطباعي !
‏/
‏محتاج ... اراجع حساباتي مع قلبي ،
‏أشياء وااجد بـ قلبي ... ما لها داعي !

هنا اخر لقاء وأول محطات الاستنزاف
‏مكانٍ كراسيه تسولف عن اشواقي

‏عطيته سنين وقلب و ابيات ما تنعاف
‏ورجّع لي ابياتي ولا رجّع الباقي

‏انا بأخر ايامه سمعت الكلام الجاف
‏وكذّبت سمعي لو تشهد له احداقي

‏وبعد ما نطق في تالي الليلة إسمي حاف
‏عرفت أنه العربون في ليلة فراقي

‏حاولت ألبي رغبتك قدر الإمكان
‏وأسدل ستار آخر فصل في قصصنا

‏وبديت احب اللي تحبه على شان
‏اصير اعاف اللي تعاف وخلصنا

ماني بمجبور أعيش بوجهين
وجهي وحيد وجايز لي ،مصبه

اللي مايملا العين ما يسكن العين
واللي أحبه يدري.. اني أحبه.

‏مبارك بن وافي ، وصف تغيّر حال المحبوب
‏وقال:
‏«اثر المواصل لا غدى من غير روح
‏ مثل المصافح من عقب حب الخشم»