تم تحديث شام كاش الى اخر اصدار بدون اي مشاكل في ظهور الكيبورد ✅

اللي ظهرتلو المشكلة يطفي الهاتف ويشغلو

#كروب_تكنولوجيا_المعلومات
أ. ياسر قاسم

اللي مو محتفظ برمز الامان يعمل توليد لرمز جديد من جوا التطبيق بخيار اعدادات الامان
وبحتفظ فيه
هاد الرمز مهم جدا.. رح تحتاجو اذا صار مشكلة بحسابك او جهازك

#كروب_تكنولوجيا_المعلومات
أ. ياسر قاسم

في ارقام فرنسية عم تتصل بالداخل السوري وتطرح هي الاسالة ع الناس
ممكن تكون استطلاع رأي او بحث ميداني، او جمع معلومات لجهة سياسية او اعلامية، او محاولة تصيد واستدراج
بجميع الحالات ننتبه ومانفتح خط لاي رقم خارجي مجهول

#كروب_تكنولوجيا_المعلومات
أ. ياسر قاسم

روبوت "الكونغ فو"👊
الحارس الشخصي الصيني الجديد 🥷

#كروب_تكنولوجيا_المعلومات
أ. ياسر قاسم

تطبيق Muse هو البداية في صفة وكيل الذكاء الاصطناعي وسنشهد قريبا تطبيقات اخرى منافسة
واخطر مافي هذه التطبيقات هو التحكم الكامل في الهاتف والاذونات والصلاحيات التي تحصل عليها

التطبيق متوفر حصرا لكندا وامريكا
يمكنكم تحميله من متاجر اخرى مثل apkpure او uptodown
ويتطلب vpn

#كروب_تكنولوجيا_المعلومات
أ. ياسر قاسم

هاد النوع من التطبيقات ( الوكيل)
يقوم بمهام عديدة عنك

مثل ربط منبه الهاتف
الرد على المحادثات
البحث في الصور
الرد على الرسائل
التصفح
البحث عن افضل العروض
الحجز
الشراء
كل هي الامور هو بيعملها بمجرد اعطاء الامر له

بالمقابل الفاتورة هي اعطاء اذونات لمحتوى هاتفك بالكامل

#كروب_تكنولوجيا_المعلومات
أ. ياسر قاسم

🚨 تحذير لمستخدمي ستارلينك في سوريا 🇸🇾
بدأ العديد من المستخدمين في سوريا يواجهون قيوداً على حسابات ستارلينك المسجلة خارج البلاد، حتى بعد إتمام توثيق الهوية وجواز السفر!

📌 وفق السياسة الجديدة، أصبح استخدام باقة Roam Unlimited خارج بلد تسجيل الحساب محدوداً بـ30 يوماً متواصلة، والتوثيق لا يضمن استثناء الحساب من هذه القيود.



لذلك سوف يواجه معظم المشتركين بتقيد حساباتهم

ولا حل حتى الآن…

#كروب_تكنولوجيا_المعلومات

أ . عيد الحسين

الايفون
تطبيق ClipKeep للآيفون: لتحميل الفيدوهات من كافة المنصات.
🌐 يدعم كل المنصات: إنستغرام، تيك توك، فيسبوك، X، وThreads.
📁 حفظ مباشر للفيديوهات بالاستديو
التطبيق مدفوع وعليه عرض مجاني حاليا

🔗 رابط التحميل
https://apps.apple.com/app/id6809337026

#كروب_تكنولوجيا_المعلومات
أ. عيد الحسين

هونر تستعد لاطلاق سلسلة هواتف Honor700
بسعة بطارية 9000 مللي امبير ⚡ 😯

#كروب_تكنولوجيا_المعلومات
أ. ياسر قاسم

أي صفحة عامة أو بروفايل مشغل الوضع الاحترافي، إلو حق يحط رابط خارجي (يوتيوب، موقع، متجر...) بمنشورين أو تعليقين بس بالشهر ببلاش.. أكتر من هيك الرابط بيصير نص عادي بدون معاينة ( يعني مافيك تضغط عليه)

وهاد الكلام مو من عندي.. موجود بمركز مساعدة فيسبوك بصفحة اسمها:
About links in organic Facebook Page posts and comments
وترجمتها: حول الروابط في المنشورات والتعليقات العضوية لصفحات فيسبوك
رح تشوفو نص القرار باول تعليق

*مين بينطبق عليه القانون ومين لأ؟*
اللي بينطبق عليه:
- الصفحات العامة تبع الشغل والمشاريع
- البروفايلات الشخصية اللي مشغلة الوضع الاحترافي

اللي ما بينطبق عليه:
- البروفايل الشخصي العادي (اللي مو مشغل احترافي) بيعلق روابط قد ما بدو
- الروابط تبع فيسبوك وانستا وواتساب ما بتنحسب
- الإعلانات الممولة ما بتنحسب

فيني أضحك عالسيستم وأرجع صفحتي عادية؟

(شاهد المنشور كاملاً)
https://www.facebook.com/share/p/1FN7k58zwK/

#كروب_تكنولوجيا_المعلومات
أ. ياسر قاسم

بعد ما ابتـ.ـزها لايام.. ضحّت برفيقتها وعطتو صورها ورقمها ليحل عنها.. ومازال مسلسل الابتـ.ـزاز مستمر بكل الطرق
الرفيق الغـ.،ـبي بيوقع وبيوقعك معو..

وسجل ياتاريخ.. هالجيل الصاعد لازمو نفضة مرتبة و تأهيل كبير وتوعية اكبر بمخاطر استخدام الانترنت
وهي مسؤوليتنا كلنا حكومة ومجتمعات وافراد

#كروب_تكنولوجيا_المعلومات
أ. ياسر قاسم

إنستغرام عم يختبر ميزة جديدة اسمها "Features"، بتخلّي صنّاع المحتوى ينشرو فيديوهات طويلة بالعرض، مدتها توصل لـ90 دقيقة، متل فيديوهات يوتيوب، يعني بودكاست ومقابلات.

والميزة بتسمح تربط مقاطع الريلز القصيرة بالفيديو الكامل، حتى المشاهد يكمّل متابعة الفيديو بدون ما يطلع من إنستغرام، وكمان بيقدر يشاهد هالفيديوهات على التلفاز

بلّشوا الاختبار مع مجموعة محدودة من صنّاع المحتوى بالبرازيل وأميركا، ورح تتوسّع تدريجياً بالفترة الجاية

#كروب_تكنولوجيا_المعلومات
أ. ياسر قاسم

لم اجد عنوان مناسب للبوست اكثر عظمة من هذه الآية

﴿حَتَّىٰ إِذَا أَخَذَتِ الْأَرْضُ زُخْرُفَهَا وَازَّيَّنَتْ وَظَنَّ أَهْلُهَا أَنَّهُمْ قَادِرُونَ عَلَيْهَا أَتَاهَا أَمْرُنَا لَيْلًا أَوْ نَهَارًا فَجَعَلْنَاهَا حَصِيدًا كَأَن لَّمْ تَغْنَ بِالْأَمْسِ ۚ كَذَٰلِكَ نُفَصِّلُ الْآيَاتِ لِقَوْمٍ يَتَفَكَّرُونَ﴾
صدق الله العظيم

#كروب_تكنولوجيا_المعلومات
أ. ياسر قاسم

لما الذكاء الاصطناعي يشتغل بائع سيارات… ويبيع سيارة بدولار واحد!🤣💸

قررت وكالة سيارات «شيفروليه» بولاية كاليفورنيا 🇺🇸 تواكب التطور، فحطّت روبوت دردشة (Chatbot) مدعوم بالذكاء الاصطناعي على موقعها، مشان يرد على استفسارات الزباين ويساعدهن بشراء السيارات. 🚗💻

بس الظاهر ما كانوا عاملين حساب إنو في ناس عندها موهبة بتحويل التكنولوجيا لكارثة اقتصادية! 😂

القصة بدأت، لما شخص اسمه Chris Bakke قرر يجرّب يضحك على الروبوت بطريقة ذكية جداً، ومن دون أي اختراق أو برمجة!

👨🏻‍💻 كيف قدر يخدع الروبوت؟

(شاهد المنشور كاملاً)
https://www.facebook.com/share/p/1J8eRWf9XD/

#كروب_تكنولوجيا_المعلومات
أ. عيد الحسين

تخيل تدفع مصاري لحدا مشان يتخانق بدالك 🤺💸

خدمة غريبة انتشرت على منصة «تاوباو» الصينية , بتسمح لأي شخص يستأجر حدا يتولى الخناقات والمجادلة نيابةً عنو , سواء عن طريق إرسال رسائل📱أو إجراء مكالمات متكررة ومزعجة📞 وكل هاد مقابل مبلغ مادي بيختلف حسب نوع الخدمة 💵

الفكرة أثارت جدل واسع بالصين , بين يلي شافوها طريقة ذكية للتخلص من المواجهات , و يلي حذروا من تبعاتها القانونية والأخلاقية ⚖️

لو هالخدمة وصلت لبلدك , مين أول شخص رح تستأجروا يتخانق بالنيابة عنك ؟!..

#كروب_تكنولوجيا_المعلومات

#واتساب

بعد كثرة الاختراقات في تطبيق واتساب
التطبيق يقوم بأضافة ميزة الأجهزة الموثوق بها

‏#كروب_تكنولوجيا_المعلومات
أ. لؤي كنعان

#نصيحة لكل صبية { أخت , بنت , أم , رفيقة , زوجة , .... } وخدي الكلام على محمل الجد #شيلي_صورك_الشخصية_على_حساباتك

في أشخاص وصفحات وقنوات عم تسحب صور البنات من حساباتهم وتعيد نشرها وتداولها لأغراض وغايات مختلفة من دون أي إذن أو احترام للخصوصية

والصورة يلي بتنزل اليوم بمكان , ممكن تنتشر بكرى بأماكن ما بتخطر على بال صاحبتها وممكن تُستخدم أو يُساء استغلالها بطريقة ما بتقبلها أي بنت على حالها

ولا تفكروا انو الصور بأمان لمجرد انو الملفات مقفلة
حتى الملفات الخاصة والمقفلة ممكن تنسحب منها الصور بطرق مختلفة وما في ضمان للحماية الكاملة

صحيح انو الصورة الك بس بمجرد ما تنشريها على العام , ممكن أي شخص يحفظها أو يسحبها ويعيد نشرها وتفقدي السيطرة على وين توصل وكيف تُستخدم

والكلام موجّه كمان لكل شخص أو قناة عم تجمع صور البنات وتنشرها أو تتداولها من دون موافقتهن
خصوصية الناس مو لعبة وصورهم مو ملككم أو مادة للتسلية والاستغلال وعدم موافقة صاحبة الصورة مو تفصيل صغير بل انتهاك لخصوصيتها وقد تترتب عليه عواقب قانونية بحسب الحالة والقانون المعمول به ..

#خصوصيتك_ملكك_وحدك 💙

#كروب_تكولوجيا_المعلومات

#اذا_تعرضنا_للخداع_الالكتروني_على_اي_تطبيق_شو_منعمل ؟
⬇️⬇️⬇️⬇️

📌 الأوراق المطلوبة للشكاوى:

* تقديم استدعاء موجه إلى النيابة العامة، وإرفاق صورة عن هوية الشاكي مع مصنف قضائي.
* تجهيز استمارة العنوان الإلكتروني (الخاصة بالتبليغ الإلكتروني) للشاكي والمشكو منهم.
* في الدعاوى الخاصة بالنيابة المعلوماتية، يجب طباعة المحادثات المهمة المتعلقة بالادعاء، أو إرفاق التسجيلات الصوتية ضمن قرص مدمج (CD).
* عند تقديم شكاوى تتعلق بتطبيق "شام كاش" للنيابة المعلوماتية، يُشترط طباعة جميع صور الحوالات المتعلقة بالشكوى.
* يجب استكمال الطوابع القانونية اللازمة بناءً على عدد الأوراق المرفقة في الملف.

احفظوا هذا المنشور للرجوع إليه عند الحاجة، وشاركوه مع أصدقائكم لتسهيل الإجراءات القانونية وتوفير وقتهم!

#كروب_تكنولوجيا_المعلومات
أ. حسان سحلول

🇯🇵✈️ فرصة رائعة للمبرمجين للسفر إلى اليابان بدعم مالي! 💻🔥

تعلن شركة HENNGE اليابانية عن برنامج تدريب دولي في هندسة البرمجيات بالعاصمة طوكيو، مع مزايا مميزة للمقبولين!

🎁 مميزات البرنامج:

✅ تذاكر طيران ذهاباً وإياباً ✈️

✅ دعم مالي شهري للسكن والمعيشة 💰

✅ تأمين صحي وهاتف مع إنترنت 📱

✅ المساعدة في إجراءات التأشيرة

✅ فرصة للحصول على وظيفة دائمة للمتميزين

🎓 شروط التقديم:

* طلاب السنة الجامعية الثالثة فما فوق أو الخريجون الجدد.
* تخصص علوم الكمبيوتر أو مجال ذي صلة، أو خبرة تقنية معادلة.
* إجادة الإنجليزية ومهارات البرمجة.
* اللغة اليابانية غير مطلوبة! ✅

⏳ مدة التدريب: 4–6 أسابيع.

📌 التدريب غير مدفوع الأجر، مع توفير دعم مالي ومزايا للمقبولين.

🔗 رابط التقديم الرسمي

https://recruit.hennge.com/en/gip/

#كروب_تكنولوجيا_المعلومات
أ. عيد الحسين

🚨 جامعة هارفارد تقدم دورة مجانية في الأمن السيبراني! 🎓🔐

فرصة لتعلم أساسيات الأمن السيبراني من الصفر عبر دورة CS50 المقدمة من جامعة هارفارد.
✅ مناسبة للمبتدئين دون خبرة سابقة
✅ الدراسة مجانية بالكامل
✅ إمكانية الحصول على شهادة CS50 مجانية بعد النجاح
🌐 لغة الدورة: الإنجليزية

📌 رابط التسجيل الرسمي

https://cs50.harvard.edu/cybersecurity/

#كروب_تكولوجيا_المعلومات
أ. عيد الحسين