Не үшін телеграм каналды қолға алдым? Осыны бір түсіндіруім керек сияқты? Әйтпесе, бұл каналымның ашылғанына 1-2 жыл болды. Неге қазір?

Жақында Дуровтың сұхбатын көрдім. Телеграм туралы біраз айтты. Сол әңгімеден осыған дейін соқыр адам іспетті, байқаған дүниені байқамағандай жүргенімді көрдім.

1. Телеграмда “Жаңылақтар” бөлімі, немесе сіздің назарыңызды ұстап қалу үшін “Рекомендация” бөлімі жоқ.
Яғни, Инстаграм, Тикток дегендерге бір кірсек, олар бізден уақытты ұрлайды. Бір видеодан екінші видео… қалай бір сағат өтіп кеткенін білмей қаласың. Өзің таңдамаған адамдардың да видеолары шығады.

Телеграм өзгеше. Бұл жерде сіз өіңіз таңдаған арнаға жазыласыз. Тек қана өзіңіз таңдаған адамдардың посттарын оқисыз. Біткенде, шығып, өз ісіңізбен айналыса аласыз. Сіз таңдамаған адамның, ұйымның сізге контентін ұсынбайды.

2. Телеграмда таргеттелген жарнама жоқ. Тек қана контекстті. Бұл жердегі жарнаманы тек өзіңіз оқитын арнанын ішінен, сол арнаның тақырыбына қатысты болса ғана көресіз. Ол арна жазылушыларына ортақ көрінеді. Яғни, меніңше, жарнаманы өте салауатты қолданады.

Тикток, ютьюб, инстаграм біздің не ішіп, не жеп, не айтып, не көріп жүргенімізді толық бақылағысы келеді. Солай, олар бізге жеке жарнамалар жібереді. Бізге ұнайтындай, ақшамызды жұмсататындай форматта жібереді. Меніңше, бұл жол қате

3. Осы жерде сіздермен жақынырақ араласа аламын деген ниеттемін ✊