Shunda boshqa integratsiya qilingan tizimlarda foydalanuvchilar ishonib topshirgan ma'lumotlar to'planib qayta ishlanyaptimi?

Televideniyada bemalol datamining va dataleaklar haqida aytilyaptimi?

https://youtu.be/SXbhPEFLqDY?t=712

Tabriklation bro. Aslida bundan ortig'ini ham qila olasan. Another lvl certlarni kutib qolamiz xudo xoxlasa. Yosh avlod aslida shunaqa narsalar bilan qadrlanishi kerak. Insta uchun video taxlab emas haqiqiy ilmni qadri boshqa bo'ladi. Omad bro🔥🔥🔥

NASA VDP (Vulnerability Disclosure Program) — NASA tizimlarida aniqlangan xavfsizlik zaifliklarini qonuniy tarzda xabar qilish imkonini beruvchi dastur.

O‘g‘lim, davlat ishidan ham oylikli nimadir topib qo‘y, deydiganlar uchun: bu kabi dasturlarda qancha va qanday to‘lov qilinishi har doim ham oshkor etilmaydi. Ko‘pincha mukofot berish yoki bermaslik tashkilotning ichki siyosatiga bog‘liq bo‘ladi.

Lekin o‘qib nima bo‘larding? deydiganlar uchun bu yaxshi javoblardan biri. So‘nggi yillarda jismoniy mehnatdan ko‘ra bilim va aqliy mehnat orqali daromad topayotganlar soni mamlakatimizda ham ortib bormoqda. Xalqaro bozorda ham vatandoshlarimizning natijalari tobora ko‘proq e'tirof etilmoqda.

Bir olimning gapi yodimda qolgandi: Bilimning iqtisodiy kuchi jamiyatda to‘liq namoyon bo‘lishi uchun odatda 50-150 yil vaqt kerak bo‘ladi. Bu tez kechadigan jarayon emas. Ammo bilimga muntazam sarmoya qilgan jamiyat oxir-oqibat buning samarasini albatta ko‘radi.

Bugun bitta muvaffaqiyat kichikdek tuyulishi mumkin. Ammo ana shunday yutuqlar ertaga boshqalarga ham ilhom bo‘ladi va bizdan ham chiqarkan degan ishonchni kuchaytiradi. Ajab emas, shunday yutuqlarni ko'rgan ota-onalar farzandlariga avvalgidek: tengdoshlaringga o'xshab Rossiyaga borib ishlab kel, tezroq mashina ol, uy-joy qil demasdan, aksincha sabr bilan o'qi, o'zing ustingda ishlagin, kurashgin natijang bundan ham yaxshiroq bo'ladi deb qolishsa.

Oxirgi ikki haftada motivatsiya olaman deb, Hemingueyning Chol va dengizini qaytadan o‘qib chiqdim.

Kitobdagi "Но человек создан не для поражения" degan joyi yoqsa ham, kapitalizm o‘lgurda balansni tekshirgandan keyin bu gapga biroz shubhalar paydo bo‘lyapti)

O'zbekistonda sudlar qanday ishlaydi va sudyalarning savodi haqida qiziqib ko'rganmisiz hech?

Bundan avvalroq sud portalini titkilab yurganimni ko'pchilik bilardi. Bir ish yuzasidan yanayam chuqurroq titkilab ko'rganimda sudyaning protses va qarorda umumiy hisoblaganda 21 dona unikal moddalarni buzganini ko'rish mumkin bo'larkan.

- Karl tasavvur qilyapsanmi?

Volfgang Gyote aytganidek: Jazolashga qodir bo‘lmagan hakam oxir-oqibatda jinoyatga sherik bo‘ladi.

Men uchun qiziq savol esa bunday jinoyatchi hakamlar soni tizimda qancha ekan?

Xullas bir ishda qiziq holat chiqib qoldi. Dastur kunduzi va kechasi avtomatik ranglarini moslashi kerak. Odatda ko‘pchilik bu holatda belgilangan aniq vaqtga moslab qo‘yishi mumkin. Lekin tabiat hodisalari doim ham bu bilan kelisha olmaydi. Ya’ni qishgi va yozgi vaqt rejimlari quyosh chiqishi farq qiladi. Ho‘sh bu uchun alohida api kerakmi? Aslida shart emas. Chunki Quyosh va osmon jismlarining harakatini matematik hisoblash prinsiplari ancha oldin shakllangan. Mirzo Ulug‘bekning mural kavdrantiga o'xshash faxriy sekstanti ham mantiqan shu kabi astronomik kuzatuv va trigonometrik prinsiplarga tayanadi.

Bizning vazifamiz esa buning yonida ancha sodda. Quyosh chiqishi va botishini hisoblash uchun sana, foydalanuvchining geografik kengligi, geografik uzunligi va vaqt zonasini bilish kifoya.

Avval sananing yilning nechanchi kuni ekanini topamiz. Masalan: 19-avgust yilning 231-kuni. Shu qiymat orqali Yerning Quyosh atrofidagi yillik siklning qaysi nuqtasida ekanini taxminiy burchakka aylantiramiz. Undan esa Quyoshning o‘sha kundagi og‘ish burchagi (solar declination) hisoblanadi. Aynan shu og‘ish yozda kunlar uzunroq, qishda esa qisqaroq bo‘lishining asosiy sabablaridan biri.

Shu bilan birga, Quyoshning osmondagi haqiqiy harakati bilan biz foydalanadigan soat orasidagi vaqt farqi ham hisobga olinadi. Yer Quyosh atrofida ideal aylana bo‘ylab harakatlanmaydi uning aylanish o‘qi ham qiya. Shu sababli Quyosh har kuni aynan soat 12:00 da osmonning eng yuqori nuqtasiga kelmaydi yil davomida bu vaqt bir necha minut oldinga yoki orqaga siljib turadi. Hisoblashda ana shu farq ham inobatga olinadi.

Yana bir qiziq jihati Quyosh chiqishi va botishini hisoblashda ufq chegarasi aynan 90° deb olinmaydi. Nazariy jihatdan ufq 90° hisoblanadi. Ammo Quyosh chiqishini uning markazi emas diskining yuqori cheti ufqda ko‘rina boshlagan payt deb hisoblaymiz. Quyosh diskining radiusi osmonda taxminan 0.266° ni egallaydi. Bunga atmosfera yorug‘likni sindirib Quyoshni haqiqiy joyidan biroz balandroq ko‘rsatadigan taxminan 0.567° refraksiya ham qo‘shiladi. Shu ikki ta’sirni ham ufqning nazariy 90° chegarasiga qo‘shsak, hisoblash uchun 90.833° kelib chiqadi. Ya’ni bu qiymat shunchaki tanlangan son emas uning taxminan 0.266° qismi Quyosh diskining radiusi 0.567° qismi esa atmosferadagi yorug‘lik sinishi hisobidan paydo bo‘ladi.

Keyingi qadamda geografik kenglik Quyoshning og‘ish burchagi va mana shu ufq chegarasini trigonometrik formulaga qo‘yib, Quyosh chiqishi yoki botishi uchun Yer yana qancha burchakka aylanishi kerakligini hisoblaymiz. Topilgan burchak esa keyingi bosqichda vaqtga aylantiriladi.

Burchakni vaqtga aylantirish juda oson. Yer 24 soatda o‘z o‘qi atrofida 360° aylanadi. Demak bir soatda 15°, har bir gradus uchun esa taxminan 4 daqiqa vaqt ketadi.

Shundan keyin geografik uzunlik, vaqt zonasi va yuqorida hisoblangan Quyosh bilan oddiy soat orasidagi vaqt farqini hisobga olib, Quyoshning o‘sha hududdagi pik vaqtini. Ya’ni kun davomida osmondagi eng yuqori nuqtaga keladigan vaqtini topamiz.

Oldingi qadamda topilgan burchakni 4 ga ko‘paytirib, uni daqiqaga aylantiramiz. Bu bizga Quyoshning pik vaqtidan ufqqacha qancha vaqt borligini beradi. Shu vaqtni pik vaqtdan ayirsak Quyosh chiqishi, qo‘shsak esa Quyosh botishi vaqtini olamiz.

Masalan: Toshkentda ma’lum bir kunda Quyoshning pik vaqti 12:27, pik nuqtadan ufqqacha bo‘lgan vaqt esa taxminan 6 soat 51 minut chiqsa:

12:27 − 6:51 = Quyosh chiqishi: 05:36
12:27 + 6:51 = Quyosh botishi: 19:18

Albatta, bu observatoriya darajasida sekundigacha mutlaq aniqlik beradigan hisob emas. Atmosferada yorug‘likning sinishi, joyning dengiz sathidan balandligi va ufqning haqiqiy ko‘rinishi kabi omillar natijani biroz o‘zgartirishi mumkin. Lekin interfeysni kunduzgi va tungi rejimga avtomatik o‘tkazish uchun bunday aniqlik bemalol yetadi.

Mindey o‘ylab qarasak ba’zida oddiy ko‘ringan UI muammosining ortidan bizni sohadan uzoqdek ko'ringan astronomiya chiqib keladi.

Kod: https://gist.github.com/yetimdasturchi/8973a67dd7df53870b748b125e01932b

@yetimdasturchi

Yaqinda davlat rahbari tomonidan sudlarga ishonch yo'qligi mavzusi gapirilgan edi. Shu gap aytilishidan bir necha kun oldin bir sudya tomonidan 25 ta qonun moddasi talablariga rioya qilmagan sud xulosasini o'qib ensam qotgandi. Bir hafta o'tib esa sud tizimidagi boshqa kamchilikga yana hayron bo'lyapman.

Agarda siz ishni adolat portali orqali berayotgan bo'lsangiz formalarni to'ldirish oxirida sizga tayyor kvitansiyalar generatsiya qilinadi va to'lov qilsangizgina ishni jarayonga yubora olasiz. Ya'ni portalni o'zi ma'lum darajada to'lovlarsiz murojaat ketishi oldini oladi.

Lekin sizda shu kvitansiya generatsiya bo'lmasa yoki portalni o'zi ehtiyoj yo'qdek ma'lumot bersa, ish yuborilib keyin sudya tomonidan qabul qilingach "Davlat boji to‘g‘risidagi qonunning 8-moddasiga asosan ozod etilgan" deb tursachi? Mendagi holatku o'zi bu moddaga tushmas edi, o'zim ham boshidan hayron bo'lgandim, yoki sudya qilgan xatosiga qarab himmat qilib ozod qilvordimi deb kulgandim. Oxirida qarasam to'lamagan deb rad qilishipti, baribir bu zotlar odam bo'lmaskan deb qo'yaqoldim.

Bu holatlarni kuzatib yaxshi g'oya kelgandi, sud.uz ning biror sub domainida sudyalarni oddiy fuqarolar tomonidan baholash tizimi qilinsa qanday bo'larkin? Albatta bu tinderdagi kabi yurakcha bosib o'tiradigan tizim bo'lmaydi. Google reviewkabi sabablar bilan baholash mexanizmi bo'lishi kerak (block chain asosida) va yomon review olgan sudyalar har doim xalq oldida sharmandalarcha turishi kerak. Menimcha ana shundagina ularni ishini xalq bilan baholab bo'ladi.

O'sha kungi selektorda to'g'ri aytilgan edi aslida, haqiqatdan ham O'zbekiston aholisini sud tizimiga absolut ishonchi mavjud emas, sud binosida o'tirgan judayam ko'p xodimlar qonunlardan va protseslarni yuritishdan xabardor emas. Sud eshigini oldida pulini bermasang ishingni hal qilishmaydi degan gapni esa eshitish normal holat bo'lib qolgan. Oliy sudni bunday shikoyatlarni qayta ishlaydigan mexanizmidagilar esa choy damlaydigan jinga o'xshaydi.

Konistitutsiya bo'yicha: Oʻzbekiston Respublikasida sud hokimiyati qonun chiqaruvchi va ijro etuvchi hokimiyatdan, siyosiy partiyalardan, fuqarolik jamiyatining boshqa institutlaridan mustaqil holda ish yuritadi.

Sud majlisida meni ensamni qotirgan narsa nima bo'ldi bilasizmi? Sudyaning xotin qizlar qo'mitasiga nima deb javob beramiz degan gapi. Bu gapdan kelib chiqsak sudlar ertaga mahalla va tuman hokimligi oldida statistika uchun hisobot berib o'tiriptimi? Sudya ishning mohiyati bilan emas, boshqa tashkilotning gapi bilan ish tutishi kerakmi? Agarda boshqa vaj desak ham buyam sud majlisida FPK 211ni buzadi.

Menku ertaga shunday vaziyatda sudyaga ham gap tegmasin deb FPK 193-modda bo'yicha arizaga alohida iltimosnoma kiritib qo'ygandim. Lekin shundayam qovun tushirishgan, sababi arizadagi iltimosnoma bajarilgani haqida sudya FPK 233 va 277 bo'yicha bayonnoma berishi kerak.

Undanam dahshatlisi sud vaqtida ilova qilingan muhim hujjatning yo'qligi va sudyaning u bilan tanishib chiqmagani, pechat qilib olamiz deb sud ishiga 1 soatlik tanaffus bergani. Adolat portalini ozgina debugger bilan titkilab chiqsangiz read_at=null degan yozuvni ham ko'rib iye rostdanam sudya o'qimaptiku degan xulosaga yana bir bora ishonch hosil qilasiz.

Mayli bazan inson faktorini tushunsa bo'lar. Ammo sudya qarorda ham bu hujjatlarni absolut ko'rmaganini isbotlovchi harakatlarni amalga oshirib qo'ygan bo'lsa, uje miyyangizga plakat ko'tarib stadiondagi gapni aytishdan boshqasi kelmay qolarkan.

Meni nazarimda faqat O'zbekiston mustaqil bo'lganiga 35 yil bo'lgan. Sud hokimiyati emas. Yoki ular mustaqilmiz deb hech narsaga bo'y sunmay qo'yishgan, qonunlarga ham.