Narpayda yoshlar bandligiga e’tibor

Samarqand viloyati soliq boshqarmasi tomonidan yoshlar bandligini ta’minlash, ularni kasb-hunarga yo‘naltirish va tadbirkorlik tashabbuslarini qo‘llab-quvvatlash borasida tizimli ishlar olib borilmoqda.

Shu maqsadda Narpay tumanida viloyat soliq boshqarmasi boshlig‘i F. Babayev ishtirokida yoshlar bilan uchrashuv tashkil etildi. Tuman hokimligi hamkorligida o‘tkazilgan tadbirda yirik korxona va tashkilotlar vakillari bo‘sh ish o‘rinlari bilan qatnashdi.

Muloqot davomida yoshlarni ish bilan ta’minlash, kasb-hunarga yo‘naltirish va tadbirkorlik faoliyatini boshlashi uchun imkoniyatlar yaratish masalalari muhokama qilindi.

Tadbir yakunida ish beruvchilar tomonidan tanlangan nomzodlar bilan joyida mehnat shartnomalari tuzildi.

Bunday uchrashuvlar yoshlar bandligini oshirish va ularning tashabbuslarini ro‘yobga chiqarishga xizmat qiladi.

145 ta medal! Osiyoda kuchli uchlikdamiz!

Yaponiyadagi Para Osiyo o‘yinlarida sportchilarimiz yana bir tarix yozdi. 45 ta oltin, 49 ta kumush, 51 ta bronza! Jami 145 ta medal bilan O‘zbekiston 45 ta davlat va hudud delegatsiyasi qatnashgan musobaqada 3-o‘rinni egalladi.

Para Osiyo o‘yinlari tarixida ilk bor kuchli uchlikka kirdik. Bungacha eng yuqori natijamiz 2014-yilda qayd etilgan 5-o‘rin edi. Bu safar sportchilarimiz medallar soni va sifati bo‘yicha ham yangi rekord o‘rnatdi.

Barcha sportchilarimizni, murabbiylar va delegatsiya a’zolarini tarixiy natija bilan chin dildan tabriklaymiz. Sizlar barchamizga katta quvonch ulashdingiz.

Barakalla, chempionlar!

@alisher_sadullaev