🇺🇿 QUYI CHIRCHIQDA YOSHLAR MUAMMOLARIGA YECHIM TOPILDI

Bugun Quyi Chirchiq tumanida yoshlar bilan ochiq muloqot tashkil etildi. Unda Toshkent viloyati hokimining birinchi o‘rinbosari O. Tursunov, viloyat hokimi o‘rinbosari O. Sultonbekov, Quyi Chirchiq tumani hokimi Akmal Xolmurodov hamda Toshkent viloyati Soliq boshqarmasi boshlig‘ining birinchi o‘rinbosari R. Tursunboyev ishtirok etdi.

200 nafardan ortiq yosh qatnashgan uchrashuvda ularning bandligi, imtiyozli kredit olish va boshqa dolzarb masalalari muhokama qilindi.

Muloqot davomida ko‘plab murojaatlar joyida hal etildi. Jumladan, uzoq vaqtdan buyon ish izlayotgan yoshlar bandligi ta’minlandi, imtiyozli kredit olishda muammolarga duch kelgan yoshlarning masalalariga yechim topildi.

Bunday ochiq muloqotlar yoshlarning muammolarini o‘rganish, ularni o‘z vaqtida hal etish hamda tashabbuslarini qo‘llab-quvvatlashga xizmat qiladi.

🕊Telegram 🌐Facebook 📱Instagram 📺YouTube