🇺🇿🥳 Og‘ir atletikachimiz Munisa Odilova yoshlar o‘rtasida O‘zbekiston rekordini yangiladi

Poytaxtimizdagi Respublika olimpiya va paralimpiya sport turlariga tayyorlash markazidagi zamonaviy og‘ir atletika zalida o‘tkazilayotgan kattalar va yoshlar (U-20) o‘rtasidagi O‘zbekiston kubogi bahslarining dastlabki kuni nafaqat shiddatli bahslar, balki rekord natija bilan ham yodda qoldi.

✨ -49 kg vazn toifasida ishtirok etgan Qarshi OPSTTM tarbiyalanuvchisi Munisa Odilova siltab ko‘tarish bahsida 92 kg natija qayd etib, yoshlar o‘rtasida O‘zbekiston rekordini yangiladi. Iste’dodli sportchi ikki kurash yakuniga ko‘ra 165 kg natija qayd etib, umumiy natijada ham yoshlar o‘rtasidagi O‘zbekiston rekordini yangilashga muvaffaq bo‘ldi.

Ijtimoiy tarmoqlarni kuzatib boring:
🕊Telegram 📱Instagram
📱Facebook 🌐Sayt

⚡️O‘quv markazlari uchun katta imkoniyat!

Yoshlarning zamonaviy kasblar, IT, xorijiy tillar, ilm-fan, sport, san’at va madaniyat yo‘nalishlarida ta’lim olishi bilan bog‘liq xarajatlar “Yoshlar daftari” jamg‘armasi mablag‘lari hisobidan qoplab beriladi.

🟡 “Kelajak kasblari” loyihasi:
Yoshlarning IT, zamonaviy kasblar va xorijiy tillar bo‘yicha o‘quv kurslari xarajatlari 6 oygacha, har oy BHMning 4 baravarigacha miqdorda subsidiya asosida qoplanadi.

🟡 Ilm-fan, sport, san’at va madaniyat yo‘nalishi:
Ijtimoiy reyestrdagi 14–30 yoshli iqtidorli yoshlar uchun o‘quv kurslari xarajatlari 6 oygacha, har oy BHMning 1 baravarigacha miqdorda qoplab beriladi.

Ariza topshirish uchun havola:
https://yoshlar.gov.uz/auth/e-imzo

Ijtimoiy tarmoqlarni kuzatib boring:
🕊Telegram 📱Instagram
📱Facebook 🌐Sayt

💸 Dunyoning 5-raqamli oliygohi – Stenford universitetida magistratura va PhD bosqichi uchun 100 tagacha toʻliq grant

Knight-Hennessy Scholars granti Stenford universitetining (AQSH) magistrlik yoki PhD dasturlarida toʻliq grant asosida oʻqish imkonini beradi.

💰 Iqtisodiy imtiyozlar:
– Kontrakt puli toʻliq qoplanadi;
– Turar-joy, oziq-ovqat va boshqa xarajatlarga yetarli oylik stipendiya beriladi;
– AQSHga borish va kelish chiptasi olib beriladi;
– Akademik rivojlanish uchun ham mablagʻ ajratiladi;
– Suhbat bosqichiga oʻtganlarning suhbat uchun AQSHga borish-kelish va yashash xarajatlari qoplanadi.

✍️ Grant 100 tagacha talabaga ajratiladi. Arizalar qabuli 2026-yil 6-oktabrgacha qabul qilinadi.

Batafsil:

Ijtimoiy tarmoqlarni kuzatib boring:
🕊Telegram 📱Instagram
📱Facebook 🌐Sayt

🖋 Buxoroda restavratsiya oliy maktabini ochish rejalashtirilmoqda

10-sentabr kuni prezident Shavkat Mirziyoyev madaniy merosni asrab-avaylash, muzey ishini rivojlantirish va Oʻzbekiston madaniyatini xalqaro maydonda targʻib qilish boʻyicha rejalashtirilgan chora-tadbirlar taqdimoti bilan tanishdi.

➡️ Taqdimotda kadrlar tayyorlash yoʻnalishida Buxoroda ixtisoslashtirilgan restavratsiya oliy maktabini ochish, Arxeologiya institutining hududiy filiallarini rivojlantirish va restavratorlarni litsenziyalash rejalashtirilgani qayd etildi.

➡️ Yakunda 2027–2035-yillarga moʻljallangan Madaniy merosni rivojlantirish strategiyasi boʻyicha takliflar taqdim etildi. Prezident ularni takomillashtirish va amaliy ijrosini taʼminlash boʻyicha topshiriqlar berdi.

Ijtimoiy tarmoqlarni kuzatib boring:
🕊Telegram 📱Instagram
📱Facebook 🌐Sayt

🎓 Chevening: Britaniya universitetlarida magistraturani oʻqish uchun toʻliq grant!

Bu dasturga bakalavrlik diplomi va bakalavriatdan keyin kamida 2 yillik ish tajribasiga ega nomzodlar ariza topshirishi mumkin.

⏺Dastur imkoniyatlari:
– Kontrakt summasi qoplanadi
– Oylik stipendiya
– Borish-kelish uchun aviachipta
– Joylashib olish uchun mablagʻ
– Joʻnab ketish uchun mablagʻ
– Viza xarajatlari qoplanadi

💬 Arizalar 2026-yil 6-oktabrgacha qabul qilinadi.

⏺Dastur haqida manbalar:

👉 Chevening dasturi haqida batafsil maʼlumot
👉 Chevening gʻolibi boʻlgan hamyurtimiz bilan suhbat
👉 Chevening gʻoliblarining hujjatlari

Ijtimoiy tarmoqlarni kuzatib boring:
🕊Telegram 📱Instagram
📱Facebook 🌐Sayt

🇺🇿Seul markazida O‘zbekiston bayrog‘i namoyish etildi

O‘zbekiston Respublikasi Prezidentining Koreya Respublikasiga davlat tashrifi arafasida Seulning mashhur Kvanxvamun maydonida «O‘zbekiston bayrog‘i» vatanparvarlik aksiyasi o‘tkazildi. Tadbirda Janubiy Koreyada istiqomat qilayotgan vatandoshlar, O‘zbekiston yoshlar umumjahon assotsiatsiyasining Koreya Respublikasidagi vakolatxonasi — WAYU Korea faollari hamda O‘zbekistonning koreyalik yosh do‘stlari ishtirok etdi. Aksiyada 100 ga yaqin kishi jam bo‘ldi.

🤩 Aksiyaning eng yorqin lahzasi — 6×12 metr o‘lchamdagi O‘zbekiston Davlat bayrog‘ining tantanali ravishda yoyilishi bo‘ldi.

🇺🇿🇰🇷O‘zbekiston va Janubiy Koreya bayroqlarining birgalikda namoyish etilishi ikki xalq o‘rtasidagi do‘stlik, hurmat va hamkorlikning yorqin ramziga aylandi.

Ma’lumot uchun, Kvanxvamun maydoni — Seul markazidagi eng mashhur va ramziy jamoat maskanlaridan biri.

Ijtimoiy tarmoqlarni kuzatib boring:
🕊Telegram 📱Instagram
📱Facebook 🌐Sayt

📝 Tibbiyot va farmatsevtika xodimlari farzandlari uchun kontrakt toʻlovining bir qismi qoplab beriladi
 
Vazirlar Mahkamasining 2026-yil 12-iyundagi 310-son qarori bilan davlat tibbiyot muassasalarida kamida 15 yil ish stajiga ega boʻlgan tibbiyot va farmatsevtika xodimlari uchun muhim imkoniyat yaratildi.

Ijtimoiy tarmoqlarni kuzatib boring:
🕊Telegram 📱Instagram
📱Facebook 🌐Sayt

🇺🇿✏️Prezident Shavkat Mirziyoyevning "O‘zbekiston va Koreya Respublikasi: o‘zgarishlar davrida kelajak sari intilayotgan hamkorlik" maqolasi e’lon qilindi

Koreya Respublikasining yetakchi nashrlaridan biri — "The Chosun Daily"da Prezident Shavkat Mirziyoyevning "O‘zbekiston va Koreya Respublikasi: o‘zgarishlar davrida kelajak sari intilayotgan hamkorlik" sarlavhali maqolasi e’lon qilindi. Maqolada O‘zbekiston va Koreya o‘rtasidagi tarixiy rishtalar, bugungi alohida strategik sheriklik, savdo-investisiya aloqalari hamda munosabatlarni yangi texnologik bosqichga olib chiqish istiqbollariga alohida e’tibor qaratilgan.

❗Maqolada qayd etilganidek:

🔵so‘nggi yillarda O‘zbekiston va Koreya o‘rtasidagi ikki tomonlama savdo hajmi 5 barobarga oshgan;
🔵Koreyaning O‘zbekiston iqtisodiyotiga kiritgan investisiyalari hajmi 8 milliard dollardan oshgan;
🔵Ayni paytda mamlakatimizda Koreya kapitali ishtirokida 700 dan ziyod qo‘shma korxona va loyihalar amalga oshirilmoqda;
🔵KOICA, Koreya Eksimbanki va EDCF bilan hamkorlikdagi loyihalarning umumiy portfeli 3,5 milliard dollardan ortiq;
🔵2025 yilda Markaziy Osiyo davlatlarining umumiy yalpi ichki mahsuloti 500 milliard dollardan oshgan.

Prezident ikki mamlakat iqtisodiyotining o‘zaro to‘ldiruvchanligi yangi o‘sish drayverlarini yaratish uchun katta imkoniyat ekanini ta’kidlab, hamkorlikni umumiy ishlab chiqarish tizimlari, texnologik platformalar va yangi bozorlarni shakllantirish darajasiga olib chiqish muhimligini ta’kidladi.

📰Ishonchim komilki, aynan shu asosda hamkorligimizning yangi sahifasini ochishimiz — alohida sohalardagi muvaffaqiyatli hamkorlikdan umumiy ishlab chiqarish tizimlari, texnologik platformalar va yangi bozorlarni shakllantirishga o‘tishimiz mumkin. Bu esa mamlakatlarimiz barqaror va uzoq muddatli farovonligining yanada mustahkam poydevorini barpo etadi".

Maqolada sun’iy intellekt, yarim o‘tkazgichlar, robototexnika, elektr transport vositalari, biofarmasevtika, aqlli qishloq xo‘jaligi va “aqlli shaharlar” istiqbolli hamkorlik yo‘nalishlari sifatida belgilangan. Shuningdek, ta’lim va inson kapitaliga investisiya kiritish, akademik almashinuv va qo‘shma ilmiy tadqiqotlarni kengaytirish muhimligi e’tirof etgan. Prezident, shuningdek, Markaziy Osiyo-Koreya Respublikasi sammiti O‘zbekiston va Koreya munosabatlari bilan bir qatorda, butun mintaqa bilan hamkorlikni yangi bosqichga olib chiqish uchun muhim maydon ekaniligiga alohida urg‘u berdi.

📰...O‘zbekiston siyosiy muloqotni chuqurlashtirish, amaliy hamkorlikni kengaytirish va sheriklikning yangi, samarali mexanizmlarini shakllantirishga qaratilgan qator dolzarb tashabbuslarni ilgari surish niyatida. Bu tashabbuslar “Markaziy Osiyo — Koreya Respublikasi” formatini sifat jihatidan yangi bosqichga olib chiqish, uni yanada tizimli, dinamik va uzoq muddatli mintaqaviy ustuvor vazifalarga yo‘naltirilgan mexanizmga aylantirishga qaratilgan".

Prezident maqolasida qayd etilganidek, O‘zbekiston va Koreya Respublikasi o‘rtasidagi strategik sheriklik nafaqat ikki tomonlama munosabatlarni, balki Markaziy Osiyoda tinchlik, barqarorlik, innovatsiya va umumiy taraqqiyot uchun yangi imkoniyatlarni shakllantirishga xizmat qilmoqda.

📰Markaziy Osiyo va Koreya Respublikasi tinchlik, innovatsiyalar, o‘zaro ishonch va umumiy farovonlikka asoslangan hamkorlikning yangi makonini shakllantira olishiga chin dildan ishonaman"- deydi Davlatimiz Rahbari maqolada.

🔥 Ma’lumot o‘rnida: The Chosun Daily — 1920 yilda tashkil etilgan «Chosun Ilbo» mediaguruhi tarkibidagi nashr bo‘lib, Koreya Respublikasidagi yirik axborot platformalaridan biri hisoblanadi. Nashr siyosat, iqtisodiyot, jamiyat va xalqaro munosabatlarga oid dolzarb voqealarni keng yoritib boradi. Unda O‘zbekiston Prezidentining maqolasi e’lon qilinishi ikki mamlakat o‘rtasidagi strategik sheriklikka bo‘lgan yuksak e’tiborning yana bir ifodasidir.

Ijtimoiy tarmoqlarni kuzatib boring:
🕊Telegram 📱Instagram
📱Facebook 🌐Sayt

⚡️Xorijda tahsil olayotgan yoshlar uchun imkoniyat

Xorijda tahsil olayotgan va o‘z bilim hamda tajribasini O‘zbekiston rivojiga yo‘naltirmoqchi bo‘lgan yoshlar uchun “Vatandosh stipendiyasi” tanlovi o‘tkaziladi. Tanlov iqtidorli yoshlarning innovatsion g‘oyalarini qo‘llab-quvvatlash va mamlakatimiz uchun amaliy ahamiyatga ega loyihalarni rivojlantirishga qaratilgan.

🟡 Tanlov 8 ta ustuvor yo‘nalish bo‘yicha o‘tkaziladi: axborot texnologiyalari va raqamli innovatsiyalar, ekologiya va atrof-muhit, tibbiyot va sog‘liqni saqlash, muhandislik, sanoat va energetika, qishloq xo‘jaligi va biotexnologiya, moliya, iqtisodiyot va biznes boshqaruvi, davlat boshqaruvi, huquq va xalqaro munosabatlar, ta’lim, ijtimoiy-gumanitar va madaniyat.

✍️ Arizalar 30-sentabrgacha, shu kuni ham qabul qilinadi.

📖 Tanlov nizomi
➡️Ariza topshirish

Ijtimoiy tarmoqlarni kuzatib boring:
🕊Telegram 📱Instagram
📱Facebook 🌐Sayt