⚡️ Talabalar uchun startaplar bo‘yicha “Eng yaxshi kreativ g‘oya” respublika tanlovi e’lon qilindi

Kimlar qatnashadi: Oliy ta’lim muassasalarining bakalavr va magistratura bosqichi talabalari.

Bosqichlar:
Saralash. Har bir OTMda o‘tkaziladi va eng yaxshi 3 ta g‘oya keyingi bosqichga chiqadi.
Respublika bosqichi. Bu bosqichda g‘oliblar aniqlanadi.

Grantlar (jami 300 mln so‘m):
1-o‘rin (1 ta) — 100 mln so‘m;
2-o‘rin (2 ta) — 50 mln so‘mdan;
3-o‘rin (4 ta) — 25 mln so‘mdan.

✅ Shartlar:

▶️ Arizalarni e’londan keyin bir oy ichida o‘zingiz tahsil oladigan OTM saralash komissiyasiga topshirasiz.
▶️ Bir talaba muallif sifatida faqat 1 ta loyiha bilan, jamoa a’zosi sifatida esa ko‘pi bilan 2 ta loyihada qatnashishi mumkin.

Loyihalar komissiya oldida taqdimot shaklida himoya qilinadi.
G‘oliblar yanvar oyining oxirgi 10 kunligida taqdirlanadi. Ular venchur fondlar, investorlar va akseleratorlar bilan tanishtiriladi.

✅Tanlov nizomi

Ijtimoiy tarmoqlarni kuzatib boring:
🕊Telegram 📱Instagram
📱Facebook 🌐Sayt

Xivada Lyaoning pedagogika universiteti filiali tashkil etildi

🇺🇿🇨🇳 O‘zbekiston va Xitoy hamkorligida Xiva shahrida Lyaoning pedagogika universiteti filiali tashkil etildi. Umumiy maydoni 4,57 gektar bo‘lgan zamonaviy ta’lim majmuasini barpo etish uchun 140 milliard so‘m mablag‘ yo‘naltirildi.

Majmuada zamonaviy o‘quv binolari, kutubxona, sport zali va talabalar turar joylari mavjud. 2026/2027-o‘quv yilida xalqaro xitoy tili ta’limi, turizm boshqaruvi, xalqaro biznes hamda sun’iy intellekt yo‘nalishlari bo‘yicha talabalar qabuli yo‘lga qo‘yildi.

Ta’lim jarayoniga xitoylik professor-o‘qituvchilar jalb etilib, darslarni xitoy, o‘zbek va ingliz tillarida tashkil etish ko‘zda tutilgan.

Filial 2026/2027-o‘quv yili uchun talabalarni qabul qilmoqda.

📚Ta’lim yo‘nalishlari:
• Xalqaro xitoy tili ta’limi
• Turizm boshqaruvi
• Xalqaro biznes
• Sun’iy intellekt (AI)

Ijtimoiy tarmoqlarni kuzatib boring:
🕊Telegram 📱Instagram
📱Facebook 🌐Sayt

⚡️🏆 O‘zbekiston Respublikasi Prezidentining “Robototexnika bo‘yicha xalqaro musobaqa g‘oliblari va ularning murabbiylarini mukofotlash to‘g‘risida”gi Farmoni

Ijtimoiy tarmoqlarni kuzatib boring:
🕊Telegram 📱Instagram
📱Facebook 🌐Sayt

⚡️ Yoshlar ishtirokidagi tadbirkorlik subyektlari soni ortib bormoqda

2026-yil 1-oktabr holatiga ko‘ra, respublikamizdagi 559,9 mingta tadbirkorlik subyektining 114,5 mingtasi yoshlar ishtirokidagi tadbirkorlik subyektlaridir. Bu jami tadbirkorlik subyektlarining qariyb 20,5 foizini tashkil etadi.

🟡 2025-yilning mos davriga nisbatan bunday subyektlar soni 11 163 taga yoki 10,8 foizga oshgan.

🟡 Yoshlarning tadbirkorlikni tashkil etish va boshqarishdagi ishtiroki ham salmoqli. Jumladan, 93 731 ta korxonada yoshlar rahbar, 101 167 ta korxonada esa ta’sischi hisoblanadi.

⏺Tovar aylanmasi va soliq tushumlari o‘smoqda

🟡 Agar 2021-yilda mazkur subyektlarning tovar aylanmasi 56 trln so‘mni tashkil etgan bo‘lsa, 2025-yilda bu ko‘rsatkich 241,7 trln so‘mga yetdi. Bu qariyb 4,3 barobar o‘sishni anglatadi.

🟡 2026-yilning dastlabki 8 oyida esa yoshlar ishtirokidagi tadbirkorlik subyektlarining tovar aylanmasi 217,7 trln so‘mni tashkil etdi. 026-yilning dastlabki 9 oyida esa ushbu subyektlar tomonidan 9,6 trln so‘m soliq to‘landi. Bu o‘tgan yilning mos davriga nisbatan 2,6 trln so‘mga yoki 37,1 foizga ko‘pdir.

🟡 Bundan tashqari, faoliyat ko‘rsatayotgan qariyb 385 ming YTTlarning 88 ming nafardan ortig‘i (23%), 5 mlnga yaqin o‘zini o‘zi band qilgan shaxslarning 1,7 mln nafari (32,9%) hamda 330 ming nafarga yaqin dehqon xo‘jaliklarining qariyb 130 ming nafarini (39,1%) yoshlar tashkil qiladi.

Ijtimoiy tarmoqlarni kuzatib boring:
🕊Telegram 📱Instagram
📱Facebook 🌐Sayt

#raqamlashtirish #tadbirkorlik

📱 Tadbirkorlar uchun 5 ta yangi tahliliy xizmat!

Endi new.soliqservis.uz orqali elektron hujjatlardagi tafovutlarni aniqlash, tovarlar harakati va qoldiqlarini tahlil qilish hamda hisob-kitoblarni solishtirish yanada qulay.

📊 Xizmatlar tadbirkorlarga ma’lumotlarni tizimlashtirish va ehtimoliy nomuvofiqliklarni aniqlashda yordam beradi.

🌐 Foydalanish uchun new.soliqservis.uz saytining “Qo‘shimcha xizmatlar” bo‘limiga kiring.

Ijtimoiy tarmoqlarni kuzatib boring:
🕊Telegram 📱Instagram
📱Facebook 🌐Sayt

💸 Yaponiyada bakalavriat, magistratura va doktoranturada oʻqish uchun 875 dollargacha oylik stipendiya!

Rotary Yoneyama stipendiya dasturi Yaponiyada oʻqimoqchi boʻlgan talabalarni 2 yil davomida iqtisodiy jihatdan qoʻllab-quvvatlaydi.

💬 Stipendiya istalgan soha boʻyicha yapon tilida oʻqish uchun ajratiladi. Har yili taxminan 10 nafar talabaga stipendiya ajratiladi.

⏺ Dastur imkoniyatlari:
💬 2 yil davomida 875 dollargacha oylik stipendiya.
💬 Yaponiyaga borish xarajatlari uchun 1564 dollargacha yordam puli.

✍️ Arizalar 2026-yil 31-oktabrgacha qabul qilinadi.

Batafsil:

Ijtimoiy tarmoqlarni kuzatib boring:
🕊Telegram 📱Instagram
📱Facebook 🌐Sayt

🔴 Bolalarni zo‘ravonlikdan himoya qilishga oid qonun imzolandi

O‘zbekiston Respublikasi Prezidenti Administratsiyasi rahbari Saida Mirziyoyeva bolalarga nisbatan zo‘ravonlik uchun javobgarlikni kuchaytirishga qaratilgan qonun imzolanganini ta’kidlab, shunday dedi:

“Yosh bolaga nisbatan zo‘ravonlikka aslo toqat qilib bo‘lmaydi, jazo esa muqarrar va murosasiz bo‘lishi shart”.

❗️Qonun bilan 5 ta kodeks va 6 ta qonunga o‘zgartirishlar kiritilmoqda. Unga ko‘ra, 14 yoshga to‘lmagan bolalarga nisbatan jinsiy zo‘ravonlik sodir etgan shaxslarga 25 yilgacha ozodlikdan mahrum qilish yoki umrbod qamoq jazosi tayinlanishi mumkin. Bunday jinoyatlar bo‘yicha javobgarlikka tortish muddatiga cheklov qo‘yilmaydi.

Shuningdek, bolaga jismoniy yoki ruhiy azob yetkazgan shaxslar, ularning kimligidan qat’i nazar, qonun oldida javob beradi. Bolaning o‘limiga sabab bo‘lgan jinoyatlar uchun jazoni yengillashtirishga yo‘l qo‘yilmaydi.

Ijtimoiy tarmoqlarni kuzatib boring:
🕊Telegram 📱Instagram
📱Facebook 🌐Sayt

⚡️Pedagoglar farzandlari uchun 30% kontrakt chegirmasiga ariza qabuli boshlandi

Ota yoki onangiz pedagogmi? Unda kontraktning 30 foizi qoplab berilishi mumkin.

🔹 Imtiyoz davlat OTMlarida bakalavriat kunduzgi ta’limida o‘qiyotgan pedagoglar farzandlariga beriladi.
🔹 Ariza kontrakt.edu.uz platformasi orqali yuboriladi va 2 ish kunida ko‘rib chiqiladi.
🔹 Bir nechta farzand o‘qisa, chegirma har biriga alohida qo‘llanadi.
🔹 Imtiyoz har o‘quv yili uchun bir marta beriladi.

Kimlarga berilmaydi: nodavlat va xorijiy OTMlar, ularning filiallari, harbiy OTMlar, qo‘shimcha va tabaqalashtirilgan kontrakt hamda qo‘shma dasturlarda o‘qiyotganlarga.

👉 Eng ko'p berilgan savollarga javob

Ijtimoiy tarmoqlarni kuzatib boring:
🕊Telegram 📱Instagram
📱Facebook 🌐Sayt

#iqtisodiytanaffus #87son

🔎 Nega bir xil mahsulotning narxi turli do‘konlarda har xil?..

✂️ Loyihamizning bu soni ayni shu haqida.

Ijtimoiy tarmoqlarni kuzatib boring:
🕊Telegram 📱Instagram
📱Facebook 🌐Sayt

🏆“Eng innovatsion g‘oya” respublika tanlovini o‘tkazish tartibi belgilandi

Hukumatning 2026-yil 4-sentyabrdagi 463-son qarori bilan “Eng innovatsion g‘oya” respublika tanlovini o‘tkazish tartibi to‘g‘risida”gi nizom tasdiqlandi. Ushbu Nizom davlat oliy ta’lim tashkilotlarining iqtidorli talabalari o‘rtasida “Eng innovatsion g‘oya” respublika tanlovini o‘tkazish, ularning startap loyihaga aylantirish imkoniyati yuqori bo‘lgan g‘oyalarini saralash va moliyalashtirish tartibini belgilaydi. Nizomga ko‘ra, tanlov har yili sentyabr – dekabr oylarida o‘tkaziladi. Tanlov 2 bosqichda tashkil qilinib, 1-bosqich barcha davlat oliy ta’lim tashkilotlarida o‘zlarining talabalari uchun o‘tkaziladi.

✅ Respublika bosqichi Innovatsion rivojlanish agentligi tomonidan 10 ta yo‘nalish bo‘yicha o‘tkaziladi. Ta’lim tashkilotlari har yili 10-sentyabrda tanlovning 1-bosqichiga arizalar qabuli boshlanganligi to‘g‘risida e’lon beradi. Tanlovda talabgorlar har yili 10-oktyabrga qadar saralash komissiyasi nomiga ariza berish orqali faqatgina bitta innovatsion g‘oya bilan ishtirok etadi.

⭐ Tanlovda innovatsion g‘oyalar saralash va tanlov komissiyasi a’zolari tomonidan quyidagi 100 ballik mezonlar asosida baholanadi:

➖ innovatsion g‘oyaning ilmiy va innovatsion yangiligi – 20 ballgacha;
➖ innovatsion g‘oyaning dolzarbligi – 20 ballgacha;
➖ mavjud analoglardan farqi – 20 ballgacha;
➖ xarajatlar smetasining asoslanganligi – 20 ballgacha;
➖ innovatsion g‘oyani amalga oshirishdan kutilayotgan natijalar – 20 ballgacha.

💸 Tanlovning 1-bosqichida g‘oliblar quyidagi miqdorda grant mablag‘lari bilan taqdirlanadi:

▪️ 1-o‘rin uchun – 50 mln so‘m;
▪️ 2-o‘rin uchun – 30 mln so‘m;
▪️ 3-o‘rin uchun – 20 mln so‘m.

✉️ Tanlovning respublika bosqichida g‘olib deb topilgan innovatsion g‘oyalar Agentlik, talabgor va tashkilot o‘rtasida tuziladigan shartnomaga muvofiq quyidagi miqdorda moliyalashtiriladi:

▫️ 1-o‘rin uchun – 500 mln so‘m;
▫️ 2-o‘rin uchun – 300 mln so‘m;
▫️ 3-o‘rin uchun – 200 mln so‘m.

Ijtimoiy tarmoqlarni kuzatib boring:
🕊Telegram 📱Instagram
📱Facebook 🌐Sayt

🇺🇿 Davlatimiz rahbari Osiyoda hamkorlik va ishonch choralari bo‘yicha kengash sammitida nutq so‘zladi.

Davlatimiz rahbarining nutqidan asosiy fikrlar:

📌Bugungi kunda dunyo chuqur geosiyosiy o‘zgarishlarni boshidan kechirmoqda, yangi tahdid va xatarlar paydo bo‘lmoqda. Bu vaziyat yanada yaqin hamkorlik va birgalikda qarorlar qabul qilishni talab etadi;

📌Har qanday nizo va kelishmovchiliklar faqat tinch yo‘l bilan, siyosiy-diplomatik vositalar orqali, xalqaro huquq va barcha tomonlar manfaatlarini inobatga olgan holda hal etilishi zarur;

📌“Biz Yaqin Sharqdagi qarama-qarshilik va G‘azodagi gumanitar vaziyatni katta tashvish bilan kuzatib boryapmiz. Ushbu mintaqada tezroq tinchlik va barqarorlik o‘rnatilishi tarafdorimiz”;

📌OHIChKning asosiy maqsadi Osiyoda o‘zaro hamkorlikning yaxlit infratuzilmasini shakllantirish, o‘zaro uyg‘un va oldindan taxmin qilish mumkin bo‘lgan harakatlar, majburiyatlarni bajarish asosidagi munosabatlarning barqaror tizimini yaratish bo‘lishi kerak;

📌Osiyoda ishonch infratuzilmasini shakllantirish konsepsiyasini ishlab chiqish, unda Kengashni uzoq muddatli rivojlantirishning asosiy yo‘nalishlari, davlatlar o‘rtasida o‘zaro bog‘liqlik va hamkorlikni kengaytirish bo‘yicha aniq chora-tadbirlarni belgilash taklif etildi;

📌Texnologik ishonch va sun’iy intellektdan mas’uliyat bilan foydalanish bo‘yicha Osiyo tashabbusi ilgari surildi;

📌Iqlim barqarorligi sohasida sheriklik qilish bo‘yicha tashabbus taklif qilindi. Bu suvni tejaydigan texnologiyalarni birgalikda joriy etish, “yashil” energetikani rivojlantirish va atrof-muhit holatini doimiy kuzatib borish imkonini beradi;

📌O‘zbekiston Kengashning Inson mezoni bo‘yicha koordinatori sifatida ta’lim, madaniyat va gumanitar sohalardagi aloqalarni rivojlantirishga katta e’tibor qaratmoqda va kelgusi yili Inson salohiyatini rivojlantirish bo‘yicha forumni o‘tkazishga tayyor;

📌O‘zbekiston OHIChKning tashkiliy asoslarini yanada mustahkamlash va uning nizomini takomillashtirish borasidagi ishlarni qo‘llab-quvvatlaydi. Ilgari surilayotgan tashabbuslar o‘zining amaliy ijrosini topishi muhim.

Ijtimoiy tarmoqlarni kuzatib boring:
🕊Telegram 📱Instagram
📱Facebook 🌐Sayt

❗️Kontrakt toʻlovlarini amalga oshirish muddati 1-noyabrgacha uzaytirildi

2026/2027-oʻquv yili uchun oliy taʼlim tashkilotlarida kontrakt toʻlovlarini amalga oshirish va talabalar safiga qabul qilishni rasmiylashtirish muddati 1-noyabrga qadar (shu kuni ham) uzaytirildi.

Bu muddat:

➖bakalavriat va magistraturaga oʻqishga tavsiya etilgan abituriyentlar;
➖oʻqishi koʻchirilgan yoki koʻchirib tiklangan talabalar;
➖oʻqishga qayta tiklangan talabalarga taalluqli.

1-noyabrga qadar bazaviy toʻlov-kontrakt boʻyicha yillik qiymatning kamida 25 foizi, tabaqalashtirilgan toʻlov-kontrakt boʻyicha esa kamida 50 foizi toʻlanishi lozim.

Ijtimoiy tarmoqlarni kuzatib boring:
🕊Telegram 📱Instagram
📱Facebook 🌐Sayt